بالبساطة دي بيضحكوا علينا

[Simba]

تصبح الصبح تلاقي عندك في الميل بتاعك

ييجي ربعميت خمسميت ستميت ميل

شكلهم بيكون زي بعضه

(ربعمائة و خمسمائة و ستمائة بس باللغة الدارجة )

FW:

بداية مملة لموضوع ممل

تدخل الميل يقولك أي بقين حلوين و إعلان لموقع

مع ان الموقع لو بعت إعلانات ح يكون شكلها شيك جداً

.. تخيل ان المنظمات الصهيونية استفادت من الموضوع دا ؟

ازاي ؟

قالوا نبوظ في الإسلام و نعك المعلومات و نبعتها للناس

و نقول " اللي بيحب النبي يبعت " و مين فينا مش بيحب النبي

الكل بيبعت معلومات و بيستقبل معلومات

و هم بيألفوا معلومات و بيستهبلوا معلومات

و اللذيذ بقي غير موضوع المعلومات الغلط تعالي للحاجات البسيطة اللي مالهاش لزمة

ييجي يقولك في بلاد الواق واق ح يمنعوا القرآن إدخل صوت لنصرة دين الله

و حضرتك بتدخل زي أي مسلم دمه حامي تصوت

إلهي ما يصوت عليهم حد دول بيستفادوا من دخولك الموقع عندهم فقط لا غير

و سياسة دولة مش ح تعتمد صوت معاليك الكريم

و بالنسبالهم صوتك وحش

أقولك ع اللي ح يحصل كمان كام يوم

ح يبعتولك رسالة للتصويت لأفضل لاعب في أفريقيا و ادخل صوت لأبو تريكة

و زي أي مصري دمه حامي الناس برضه ح تدخل

علماً إن النتيجة بتتقال و بعدين السايت بيزود الأصوات علشان يظهر ان الموقع علي حق

لكن في الواقع الأصوات مش بتكون أصوات الناس

دي أصوات لجنة التحكيم

النظام الثالث رسايل الياهو اللي تنرفز و تجيب الضغط

لازم لما تدخل تمسحلك علي الأقل أربع خمس رسايل

ملللللللللللللللللللللللللل

و يقولك أبوس ايدك ارسلها لغيرك

و ح تدخل النار لو ما بعتهاش

و المصيبة الكبيرة لما يقولك ح يجيلك السعد لو بعتها

و حضرتك زي أي مواطن نفسه يجيله السعد بتبعتها

لو فضلنا كده ابقوا قابلوني

الصفحة دي بقي ما تبعتوهاش لحد

أصل حتي لو قلتلكم ابعتوها

مش ح تبعتوها

سبحان الله

كلمة الحق مش بتوصل للناس

كمان اخر حاجة شفتها تصويت لغلق otv

قال يعني هيهتموا ههههههههههههه

[miramar]

والله معاك حق بس انا عن نفسي في رسالة واحدة بس صدقتها وبعتها وطلعت مقلب

بتاعة ان الماسنجر هيبقى بفلوس دي

بس الباقي اذا كان في حاجة متاكدة منها بابعتها اذا حاجة مشكوك فيها مببعتهاش

مرمر

[Nina Hussien]

المتاجرة بالدين اصبحت موضة العصر

رسائل على المحمول

او ايميل يحملك ذنوب الدنيا و هموم الآخرة لو لم ترسله لعشرة اشخاص

طيب الايميل مجاني

ذنبي انا ايه رصيدي يخلص في امانة لا اريد حملها :D

ثم تأتي المعلومات المغلوطة و هوجة الافتاءات التي تزيد الطين بلة

فمرة الكعب العالي حرام

و مرة الجلوس على الكرسي حرام

و شوية و هايقولوا لو غسلت وشك حرام md2: