في بيتنا فأر

[Folana]

الاخت الغاليه فولانه .

مشكله الابراص ابسط مما تتخيلى .

وهانقولها فى الحلقه القادمه ان شاء الله

كان معكم

د. أحمد محمود

دكتوراه مقاومه النمل المقارن

جامعه ميتشجان بروض الفرج

السلام عليكم ورحمة الله....

أستاذنا الغالى أحمد محمود....

ميعاد الحلقة الجاية فات من نصف ساعة ولا حس ولا خبر عن حل لمشكلة الابراص....

تفتكر فيه أمل يادكتور انى اتخلص من طقطقة كبير البرايصة ؟؟......من غير ما اتعرف عليه وجها لوجه؟

وشكورم موئدمن... :happy:

[miramar]

هو انا صحيح محصلش اني اتحطيت في مواجهة مع فار بس انا باخاف من حاجة تانية خالص

انا اخاف من الصراصير

اموت رعبا لما الاقي صرصار من دول واقف قدامي بيلعب شنباته

والمشكلة ان المفعوصين كأنهم عارفين اني خايفة منهم

يعدوا بقى يرقصوا حوليا تانجو وسامبا وكمان بلدي وانا متثبتة وخايفة ومرعوبة

المشكلة اني مرة اتحبست مع 3 صراصير في الحمام

واشد الباب مش عايز يفتح وهاتك يا صويت بقى

المهم قعدت ارش عليهم مية يمكن يموتوا

مفيش فايدة قعدوا يحوموا حوليا برضه

المهم ان الحكاية انتهت بان الباب انكسر وماما قتلتهم

بس بعد ما انا مت من الرعب

المهم يا سين سين ربنا يكون في عونك ويخلصك من الفيران دي

مرمر

[شينكاوي]

السلام عليكم

ههه ههه هههه bv:- :lol: :lol:

كل ده علشان فار لا لا لا لا لا لا انا اتغشيت في المنتدي ولا ايه يا جماعة

بصوا انا ايام كنت في في الجامعة كنا ساكنين في شقة اصلا شكلها شقة فيران مش بني ادمين وعاتي يعني ما كنتش فارقة

انا قريت الموضوع للاخر وضحكت وانبسطت بس برده ده علشان فار لا لا لا لا وعم احمد محمود لابس صعيدي وانا خايف منه وف الاخر

تجري ورا فار زعلت منك قوي يا عمو احمد بجد يا كبير دا انا اسمع ان في الصاعقة بياكلوا فيران :lol: :lol: :lol:

المهم يا سين سين انت عندك فوبيا الفيران وده مس حلو علسانك يا امور :lol: :lol: يا راجل بلا فار دا الواحد في الصعيد لو شاف

فار بيستحقر انه يقوله حتي امشي ليه لانه عاتي خالص يعني ما بيعضش ؟

طبعا يا عم سين سين انت وعمو احمد محمود انا بهزر لا حد يفهمني غلط

بس برده فار فار :lol: :lol:

[walidsm]

استاذي العزيز سين سين

حضرتك احلى كاتب ساخر قريتلو في حياتي. انت فعلا قادر تغير مود القارئ مهما كان. انا نفسي اكتبلك الكلام ده من زمان بس فعلا حكاية الفار دي كانت حتموتني بمعنى تموتني بجد من الضحك. حفظك الله من فأر اقصد شر. :lol:

[nancy]

انا بكرهه حتى سيرة الفأر

بحس انى لو جبت سيرتة حيطلعلى

عندى تجربتين مع الفران

الاولى كان عندنا فار صغير اوى فى بيت العائلة

ومكناش عرفين نضربة

وماما كانت تعتمد على وضع السم فى اماكن تواجدة انما حد يضربة مستحيل

ممنوع الضرب عندنا

المهم سبناه يومين لحد ما ناخدة على خوانة وياكل الطعم

اليوم التالت دة قبل ما يتوفى بساعات

انا لاحظت انه بيعدى جرى من السفرة عبر الصالة للمطبخ

الساعة 9 بالظبط

انا قبلها بعشر دقايق ارفع رجلى وتولع الدنيا مليش دعوة

المهم كان عندنا عريس جاى لاختى

وانا بصيت فى الساعة

ودقت التاسعة

قلت حنتفضح ولازم اخد الموضوع ببساطة

راح معدى وهو اكبر من الصرصار بشوية

وام العريس تقول لاخت العريس امل يامل فار فار

الاخت مردتش انا بكل طبعية قلتلها

مهو دة معادة يا طنط

بس احنا حطين لة سم وحيموت ان شاء الله

ومات فعلا وكانى كنت اكتب شهادة وفاتة

القصة التانية

كنا بنوضب شقتنا والعمال الدهانات شغلين والنجارين وانا واقفة مع العمال

وطبعا الشقة بيتركب لها الشبابيك لان كانت من غير شبابيك محكمة

وجة عامل الغاز مع البواب

ولسة بيشيل وش البوتجاز والاقى 4 فران كبيرة وسودة معششة وعايشة فية

مش عوزة اقول اية الى حصل

انا فى خلال 10 دقايق لاقيت الشقة دى فاضية

العمال لبسوا ومشوا وقالوا جاين بكرة

وبتاع الغاز قال مش مركب حاجة لما تحلوا مشكلتكم دى بلغوا الشركة

مفضلش معايا غير البواب ومراتة

وانا واقفة فوق علبة من دواليب المطبخ الخشب

وحمدة ربنا ان مطلعش الفران دى اليوم الى قبلها عليا وانا وحدى فى الشقة ومستنية الى حيجيب الغسالة يركبها وجايبه سندويتشات من مؤمن

كانوا كلونى انا و مؤمن

قلت للبواب موتهم لى النهاردة قالى طيب حاجيب سمك مشوى

قلتلة عاوز كام قالى 30 جنية

ولهى انا كنت مستعدة ادفع الف بس مشفهمش تانى

وسبتلة الشقة مفتوحة

وموتهم ونظف الدنيا بالديتول والكلور

بس من يومها وانا عندى عقدة لدرجة انى لو شفت صورة فار اخاف

[se_ Elsyed]

قلت للبواب موتهم لى النهاردة قالى طيب حاجيب سمك مشوى

قلتلة عاوز كام قالى 30 جنية

والهى انا كنت مستعدة ادفع الف بس مشفهمش تانى

سمك مشوي .. و 30 ج ؟!!!!!! ( ده إيه الناس دي )

والنبي يا ستو هانم ما فيش وظيفة فار فاضية عندوكو اليومين دلو .. وأهو الواحد يشتغل بأكله .. سمك مشوي وبابا غنوم وحلو ... واهي تُرزق ..

وبعدين دلوقت طلعتي بتخافي من الفرافير ؟ ، مش إنتي يا اختي اللي قلتي قبل كده إنك أشتريتي لبنتك " هامستر " وساعتها قلت لك إيه الهامستر ده .. دي غير البوكيمون والبيكاتشو ؟ إنتي ولا مش إنتي ؟

--------------

أحب اشكر جميع الاخوة اللي تفاعلوا مع القصة الدرامية الحقيقية دي ... وفعلاً يا ولاد ده كان سر نجاح حسن الأمام رائد السنيما الواقعية فيما عدا فيلم بداية ونهاية اللي كل ما اتفرج عليه أعيط عشان نفيسه الغلبانة بتاعت البلح المأمع ....

[MZohairy]

هو يا جماعه البرص خطر ؟

[مصري أصيل]

والله العظيم أنا هلكت من الضحك علي اسلوبك يا س س بصراحة مواضيع المنتدي كلها جميلة بس الموضوع ده بجد ما حصلش . أنا ليه واقعتين مع الفيران وهاحكي الاخيره الاول.

كنت جاي الكويت جديد واول اسبوع ليا في الشركة لقيت واحد بيقول انه شاف فار في المعرض . بعدها لقيت سكرتير الشركة بيقوله ولا يهمك دلوقتي نتصل علي هيئة مكافحة القوارض . فأنا قلت بأستغراب أيه ؟؟؟؟ فقالوا دول هيئة لما تتصل بيهم يبعتولك حد يحل مشكلتك فقلت لهم هتتصلوا بالهيئة عشان فار ؟؟ قالو ايوه . قلت وهيجوا ؟؟ قالوا دلوقتي تشوف . المهم ما عداش نص ساعة الا والاقي سيارة جيب انيقه ونازل منها 3 رجالة بشنبات طول بعرض واول ما دخلوا الشركة قالوا ( فين الفار اللي عندكم ) فشاورلهم السكرتير علي مكان المعرض ودخلوا ومافيش دقايق الا وطلعوا بالفار. تخيلوا 3 رجالة طول بعرض وجايين عشان فار.

المرة التانية أيام الجيش . كنا مترحلين من مركز التدريب وطبعاً لازم نترحل علي قيادة الفرقة وطبعاً يفضلوا يمرمطوا فينا أسبوع وبعدها يحولونا علي قيادة اللواء وطبعا يمرمطوا فينا أسبوع تاني لغاية ما يحولونا علي الكتيبة . وطبعاً خلال الأسبوع الأول أو الثاني لا لينا تعيين أكل يعني ولا نقدر نجيب أكل ملكي ولا حاجه وطبعا مالناش حتي مكان نتاوي وننام فيه وكل واحد المفروض يفرد بطاطينة علي أي أرض يحبها في الخلا وينام. وأنا كنت مترحل يوم 31 ديسمبر يعني في عز البرد . المهم وانا ماشي انا وواحد زميلي قابلنا واحد من عندهم في البلد طبعا سلمنا عليه وصمم الأخ ده أننا نروح عنده المبيت عشان ما ننامش في البرد. المهم طبعاً أحنا ما صدقنا ورحنا وشيلنا المخالي بتاعنا ورحنا معاه . وأنا كنت دايماً بأخد معايا لبس ملكي عشان ما أنزلش الأجازة بلبس ميري. والمره دي كنت قبل ما أروح مركز التدريب معدي علي جوز اختي و هوه عنده محل ملابس رجالي . المهم نقيت من عنده أحلي بلوفر صوف وأخدته معايا وطبعاً حطيته في المخلا. المهم لما نمنا في المبيت سمعت صوت زي صوت قروضه و عرفت ان ده صوت فار وحسيت كمان انه جوه المخلا بتاعي . وفضلت لحظات رهيبه أقوم ولا لا وطبعا الدنيا برد موت . فقلت في نفسي المخلا مافيهاش حاجة تستاهل غير البلوفر هوه يعني هيسيب كل حاجه ويقروض فيه . والله ما انا قايم من تحت البطاطين. و أول الصبح بفتح المخلا وعينك ما تشوف الا النور ساب كل حاجه وأشتغل في البلوفر ولقيت البلوفر أصبح عباره عن أشلاء وتقريبا أكل اللياقه بالكامل وأجزاء من الأساور وبقية البلوفر تحول الي خيوط . طبعا منظر يشيب واكيد متخيلينه معايا وأنا من يومها بسأل نفسي أنا نايم في المبيت وحصلي كده أمال اللي ناموا علي الأسفلت حصلهم أيه.

تم تعديل 4 ديسمبر 2007 بواسطة مصري أصيل

[kokowawa1979]

الموضوع على الرغم من إنه من نوع الكوميديا السوداء أو ذات اللون الفيراني إلا أنه يبدو أن الفئران أصبحت كما يبدو ظاهرة في مصر - وللأسف لايوجد برنامج قومي لمكافحة الفئران على الرغم من خطورتها الشديدة على الصحة العامة وهذه حقيقة يجب أن توضع في الاعتبار علاوة على أنها تقوم بقرض أية أشياء تقابلها من انتريهات أو كراتين أو أوراق هامة - لكن فعلا لايوجد برنامج معين وهو يبدأ بالنظافة العامة لأننا للأسف الشديد أسوأ ماعندنا هو عدم النظافة - فعلى الرغم من وجود مكان معين لإلقاء المهملات إلا أنك تجد أن إلقاء القمامة بجوار صناديقها شيء عادي جدا في مصر على الرغم من إن الدرام قد يكون خاليا - وهنا تجد الفئران مرتعها - وفي النهاية تصعد إلى أسطح المباني وخاصة في المناطق الشعبية - وبنظرة واحدة من جوجل على أي حي سكني في مصر تجد العجب فوق أسطح المنازل من أثاث قديم إلى مراتب إلى إطارات سيارات وطبعا دي بيئة مثالية جدا لتكاثر الفئران ولتكوين أوكارها !!!!

لهذا فافتقادنا للنظافة العامة للأسف الشديد جعل الفئران تشاركنا المنازل !!!

مشكلتي الحقيقية في الأولاد وخوفهم ورعبهم من الصراصير - وده جاء من أثناء قضاء أجازة في مصر وفجأة جاء صرصور طائر وخبط في الواد أحمد أوسط الأبناء وكان في الصف الأول الإعدادي وكانت أول مرة يعرف أن هناك صراصير تطير وكأن عقربا لدغته قام بالصراخ والجري فأفزع باقي إخوته وبالطبع حرمنا المصون ( أنا مش عارف ليه الحريم كلهم بيخافوا من الصراصير - يمكن فيه جين معين في السيدات ) وظل أبو الشباب لاينام ليلا حتى انتهاء الأجازة والعودة للإمارات - حيث توجد صراصير تأتي مع الكراتين الخاصة بالخضروات التي تستورد من الخارج . ولكنها لاتطير مثل صراصير مثل وليست بحجم الجامبو مثل الصرصور المصري :hi:

للأخوات الفاضلات نقول :

لاتخشين الصرصور - فأجزاء فم الصرصور ليست من النوع القارض الذي يصيب أو يجرح - وإذا حدث ولاقدر الله وفوجئت بصرصور ولم يكن حولك شيء حاولي قلب الصرصور على ظهره وتلذذي بموته على مهل - لأنه بمجرد قلب الصرصور على ظهره يبدأ في الفرفرة - لأن فتحاته التنفسيه موجودة على بطنه وبمجرد إنقلاب الصرصور على ظهره تغلق هذه الفتحات التنفسيه أوتاماتيكيا - فيبدأ الصرصور في فقد توازنه لعدم وصول الأكسجين إلى الدماغ - وهذه أسهل طريقة لقتل الصرصور بدلا من فعصه :D وتلويث المكان . طبعا بالإضافة إلى أنواع الجل الغير مضروبة .

أستاذنا الفاضل زهيري :

يقال فقط وهذه ليست حقيقة علمية أن البرص يتسبب في مرض البرص وهذه ليس لها أي قواعد أو أسس علمية حتى لايزداد رعب الأخوات الفاضلات من البرص - لكن مشكلة البرص إن سحنة أهله كلها مشاكل وتحسسك إنك قدام دراكولا مصاص الدماء :lol:

واضح إن الكل بيعاني :lol:

تم تعديل 4 ديسمبر 2007 بواسطة kokowawa1979

[se_ Elsyed]

يا عم كوكو ظاهرة في مصر إيه ؟!!!

بأقول لحضرتك الفرافير دي كانت هنا في السعودية

وكذا واحد من أصدقائي حصل لهم مواقف زبالة هنا خصوصاً لما بيسافروا أجازة والكل يهتم بتقفيل البيت وتظبيطة وييجي على الحمام الثاني اللي بيكون في معظم الشقق وبيكون تواليت بلدي .. أرضي يعني .. وممكن يتركه مكشوف ... ولإن الفار من أذكى المخلوقات القارضة ... فلو مالقاش حركة في المكان ده ولا مياه جاريه في المواسير بيقوم متسحب وطالع من قاعدة التواليت ويعيث فساداً في الشقة ...

بالمناسبة بقى خدوا المعلومة دي :

- مش بتلاحظوا إن في فيران كتيرة بتقرقض الخشب والبلاستيك وبعد المواد المعدنية ؟ فهل هي كده بتتغذى عليها ؟

أبداً يا أطفالي الحلوين ... الفيران بنت الذين لما تلاقي مكان مستباح زي ده يعني ناس في أجازة والشقة مفولة ومافيش حد بيظعجهم فبتعيش مع نفسها وتاكل في كل حاجه تقابلها .. وبعد فترة قصيرة من العمل الشاق والمُضني أسنانها بتتطرم يعني بتبرد .. فبتيجي على أي خشب أو معدن أو بلاستيك وتبتدي تاكل فيه عشان تسن أسنانها مره أخرى ..... سبب أخر وهو إن أنياب الفار بتنمو بسرعة ولو ما كانش عنده شغل فالأسنان دي بتطول وتصطدم بالشفة العليا له وبتضايقه وبالتالي لازم من وقت لاخر يعضعض في مواد صلبة عشان يوقف نمو الأسنان دي .

أي خدمة إجتماعية يا رجالة

أخوكو س س اللي هايغير إسمه إلى ق ق ( يعني قاهر القوارض )

[امانى]

يا خبر ابيض يا سين سين انت موتنى من الضحك سردك للاحداث بطريقة ساخرة رائع حول الموضوع الى كوميديا

لزيزة وكمان الاخت فولانه رائعة ودمها زى الشربات 0 اوعى تفكر انى موت من الضحك يعنى مبخافش منهم يجعل

كلامنا عليهم خفيف 0 انا فعلا مبخفش منهم انا بترعب بس من خيالهم يعنى لو واحد كدة رسم فار على ورقة

وعمل لها خيال على الارض وشفتها اطب ساكته جبانه اوى بخصوصهم

وبمناسبة بقى الفيران كنا عند اهل زوجى وحبيت بقى اعمل شملولة قلت لهم انا اللى ححضرلكم العشا النهاردة

ودخلت المطبخ ويا دوبك نورت النور وبفتح تقفيلة المطبخ اجيب ملح لقيت صاحبنا راح ناطط على كتفى لما صرخت

ومنها للرخامة ثم للارض طبعا لكم ان تتخيلو الاحداث الكل جرى على صراخى فكروا حاجة ولعت فيا ولا وقع عليا حلة

طبيخ ساخنة ولا ولا والكل يسالنى فى ايه اقول نط على كتفى مين هو اقول نط على كتفى واصرح عايزة حد يقلعنى

هدومى مطرح الفار ودى كانت اخر مسرحياتى مع فرقة الفيران الدولية بمطبخ ماما الحاجة والدة زوجى ومن يومها

لو دخلت المطبخ عندهم بالنهار لازم اعمل مزيكا وهيصة فى المطبخ قبل ما ادخل علشان لو فى حاجة جوة تتصرف

وتمشى اما فى شقتى فأنا عاملة حصار كامل لاركان جميع الغرف والمطبخ والصالة بالفليت وان فتحت باب الشقة

وصادفنى برة الشقة صرصار صغير مش كبير علشان متفكروش يعنى انى شجاعة لا صرصار صغير امسك لا مؤاخذة

الشبشب واضربه واسيب الشبشب عليه لحد ما حد يجى يشيل الجثة يرميها ويغسل الشبشب

ضحكتوتنا بجد كلكم رائعين ياريت يا سين سين يكون عندنا هنا كمان ابو كمال علشان الواحد يبقى مطمن لو اتزنق

امانى

[ليالي الغربة]

بصراحة اسلوبك بسرد القصة جميل جدا ودمه خفيف بالنسبة ليه انا بموت من الخوف من الفئران بصراحة وخوفي لهم له سبب وجيه وهو طفولتي لان امي تموت رعبا من الفئران وكانت لما تشوف فار كانها شافت عفريت صراخ ونحيب وكأن الدنيا حصل فيها زلزال وانا طفلة انطبعت صورة خوف امي وصراخها وورثته عنها بقيت اربط بين الفأر والرعب اذكر مرة كنت في غرفة الجلوس وحدث معاية والله شئ عمري ما هنساه صرخت امي صرخة من غرفة النوم وكأن حصل كارثة عندها. انا ساعتها مت رعب بصراحة قلت امي لا سمح الله دخلها حرامي او في كارثة عندها ووالله من كتر خوفي جمدت دقيقتين تقريبا حصلي شبه شلل كنت مش قادرة اتحرك وبعدين تمالكت نفسي ورحت ارد على استغاثاتها ولما دخلت لاقيتها بتستنجد بيه انا بنتها علشان في فار على الشباك وخايفة يدخل جوا الغرفة لان درفة الشباك مفتوحة لما وصلت طبعا كان هو راح وهرب من صوتها الي يرعب .وانا بصراحة بكره الفئران جدا وبخاف منها يمكن مش ينفس مستوى والدتي لكن بدعي وبقول ربنا يبعدهم عن بيوتنا . :unsure:

[Mohamed Fayek]

يا عم كوكو ظاهرة في مصر إيه ؟!!!

بأقول لحضرتك الفرافير دي كانت هنا في السعودية

وكذا واحد من أصدقائي حصل لهم مواقف زبالة هنا خصوصاً لما بيسافروا أجازة والكل يهتم بتقفيل البيت وتظبيطة وييجي على الحمام الثاني اللي بيكون في معظم الشقق وبيكون تواليت بلدي .. أرضي يعني .. وممكن يتركه مكشوف ... ولإن الفار من أذكى المخلوقات القارضة ... فلو مالقاش حركة في المكان ده ولا مياه جاريه في المواسير بيقوم متسحب وطالع من قاعدة التواليت ويعيث فساداً في الشقة ...

بالمناسبة بقى خدوا المعلومة دي :

- مش بتلاحظوا إن في فيران كتيرة بتقرقض الخشب والبلاستيك وبعد المواد المعدنية ؟ فهل هي كده بتتغذى عليها ؟

أبداً يا أطفالي الحلوين ... الفيران بنت الذين لما تلاقي مكان مستباح زي ده يعني ناس في أجازة والشقة مفولة ومافيش حد بيظعجهم فبتعيش مع نفسها وتاكل في كل حاجه تقابلها .. وبعد فترة قصيرة من العمل الشاق والمُضني أسنانها بتتطرم يعني بتبرد .. فبتيجي على أي خشب أو معدن أو بلاستيك وتبتدي تاكل فيه عشان تسن أسنانها مره أخرى ..... سبب أخر وهو إن أنياب الفار بتنمو بسرعة ولو ما كانش عنده شغل فالأسنان دي بتطول وتصطدم بالشفة العليا له وبتضايقه وبالتالي لازم من وقت لاخر يعضعض في مواد صلبة عشان يوقف نمو الأسنان دي .

أي خدمة إجتماعية يا رجالة

أخوكو س س اللي هايغير إسمه إلى ق ق ( يعني قاهر القوارض )

ياعم س س قصدى ق ق انا ساكن بحى العليا بالرياض وعمرى ماشفت فيران خالص إنت متأكد انه فيه فيران فى الرياض .. طب وحيات ابوك تقولنا اماكن تواجدهم فين علشان الواحد ياخد باله ويعمل احتياطاته الأمنية

Mohamed Fayek

[إيزيس]

أنا الحل عندي واحد مفيش غيره أي حشرة أو حيوان يدخل البيت أعرف مكانه وأقفل عليه هو وزوجي وعنده حل من إتثنين يا يخلص عليه يا يخلص عليه

[Hadeel]

بجد انا مش قادرة أمسك نفسي من كتر الضحك .. اما موضوع الفيران ده .. انا رأيي انه مقرف أكتر منه بيخوف :closedeyes:

[م.سامح المصرى]

إاااااااااااااااااااااااااااااااااااااااايهيهيهيهيهيهيهيهيييييي يا سى السيد

ده أنا كنت مغشوش فيك قوي يازعيم - تستدعى قوات الطوارئ الدولية والحكومية علشان فأر - أهلوية صحيح :lol:

وانا الى كنت واخدك مثلى الاعلى فى القلب الشجاع (مش بتاع ميل جيبسون)

طب دا انا حصل معايا موقف مع فرفور صغنن والله كان يوم كوميدى بطريقة

صلى على النبى

اول يوم يا سيدى اروح فيه دار طباعة

ولسة بدرب دربة موس وبقول يا هادى وبسم الله هانديزن اهوة

واعدت شوية مندمج كدا فى الشغل لقيت فار عسول اوى اوى اوى

صغير وشكله لوحدة عسل اوى كان يعتبر شغل اليوم بتاعى :lol:

لقيته جيلى وفى مكتب علية 2 كمبيوتر ومقفول تعتبر ترابيزة كبيرة

انا اعد فى جنب والجنب التانى فاضى هوا بقى جية اترزع فى الجنب الفاضى

ويطلعلى من تحت من تحت دولاب الملفات الى فى الركن واشوفة وافرح اوى اجى علشان اروح اناغشة كدا

الاقية طلع عبيط ويجرى لا واية بقي يقوم ناطت ويوريني بقي رشاقتة ويجر تحت دولاب الملفات

كل شوية على كدة وانا ادلعه واقولة اخرج يا عسول واقولة كلام رومانسى (تحسباً يعنى لحس يكون فاراية مش فار)

المهم يعنى اعد على الحال دا حوالى من نص ساعه لساعه وانا انغش فية وكل ما يطلع من تحت دولاب الملفات

اروح مخبط برجلى يقوم ينط ويجرى تحت الدولاب تانى

اخر ما زهقت بقي قلت كفاية عليه كدا (اصلى حسيت انه تعب وكان بينهج يا عيني ) فقلت حرام بقي اسيبة يروح

واكمل شغلى بقي شوية دا اول يوم يعنى ليا

وياريتنى ما سيبته

اللى عملته فيه بيطلعو عليا الحي وان دا ألاقى حاجة بتخبط فى رجلى ابص الاقية هوا ويجرى ابل ما افعصة

كل شوية على كدا والله لغاية ما قلتلة كخة يا بابا كخة يا حبيبى (بس حمدت ربنا انى كنت فى المكتب لوحدى

لحسن كانوا قالو كلام تانى خااااااااااااااالص :happy:

المهم يا سيدي ما اطولش عليك

سيبته قلت يعمل الى هوا عايزة بقي يخبط فى رجلى عادى انا لابس جزمة بوت هايتزحلق لو حب يطلع

على رجلى

المهم يا سيدي اعد يخنق قلت عادى دا حي وان صغنن

المهم يا سيدى اعد بديزن لقيت حاجة بتجرى جنب الكمبيوتر الى انا اعد عليه اول مرة ما صدقتش انه هوا اساسا

والله قلت اكيد تهيأت اية الى يطلع المفعوص الصغير دا هنا

تانى مرة لقيته واقف بيبصلى وهوا تحت الشاشة وواقف ما بيتحركش (شوف البجاحة)

قلت فى بالى هوا الحيوان دا طالع رحلة ولا اية ولا جى يقضى وقت ظريف عليا والله ان ما مشيت من هنا لاقوم

ضربك بالزنوبة يا حى وان انتا ولسة بقوملة قام جرى منى ونزل تانى تحت الدولاب

الحكاية دى اعدت على الحال دا حوالى من تلت ساعات الى اربعه

كان هوا سغلانتى اليوم دا

بس بجد كان يوم جميل ومستفز حسيت ان الحى وان دا فاضى وجى يقضى وقت ظريف معايا

وحمدت ربنا على لى عملته فيه والى عمله فيا ان ما كنش فى حد فى المكتب موجود

[ترنيم]

السلام عليكم

والله يا جماعة كلكم ماشاء الله عليكم

بس فعلا دى مشكلة كبيرة

زوجى لسه جايله عمل فى جدة من فترة قصيرة وعمل لى أنا والولاد زيارة علشان نروحله وفعلا روحنا وفوجئنا بقى بالواقع المرير :sad: :blink: :wub:

الأبراص ذات الأحجام الكبيرة ولا الديناصور يا إخوانى ماشى على الحيطة واقول لكم ايه؟جوزى شجيع السيمة بيهرب أول ما يسمع صوت الطرقعة :wub:

ودى كانت مفاجأة تانية لى انى اعرف ان الابراص دى لها صوت

وبتكون النهاية اننا بنقفل الغرفة الى شوهد فيها الوحش ونسد تحت بابها بالجرايد ونعملها منطقة حجر ونفضى على بابها علبة مبيد جشرى وبعد يومين تلاتة فى وقت الظهر ممكن نحاول التسلل لاستعادة أرضنا من العدو. الغريبة أنا مش عارفة هم بيدخلوا منين؟

الشبابيك ألوميتال وتقريبا مش بنفتجها نهائى ؟؟ ولا بيدخلوا من التكييف ؟؟!!!!!!!!

فبالله عليكم الى يعرف حل للأبراص دى يقول لى علشان احنا دلوقتى فى مصر ويمكن نروح لجوزى قريب وقرأت فى الوسيط عن جهاز بيعمل موجات لطرد كل الحشرات والفئران والأبراص فهل حد منكم جربه ؟؟؟؟؟؟!!!!!!!!

ياريت أهل الخيرة يفيدونا

[مصري جدا]

الأخت أم هاجر

أعتقد حل المشكله بسيط جدا.....عارفه رباط الثوم لما يتعمل حزمه كبيره بالعروش بتاعتها .....علقيها علي الشبابيك من بره مفيش حاجه حتدخلك .....دي وصفه مجربه

...جربيها وقولي لنا

[ترنيم]

جزاكم الله خيرا

ان شاء الله أجربها واوافيكم بالأخبار

[Folana]

السلام عليكم ورحمة الله...

وقرأت فى الوسيط عن جهاز بيعمل موجات لطرد كل الحشرات والفئران والأبراص فهل حد منكم جربه ؟؟؟؟؟؟!!!!!!!!

أختى الكريمة أم هاجر....بخصوص جهاز طرد الفئران والابراص......لا فائدة ترجى من ورائه...

أنا اشتريته من فترة بعد أن غزا الفأر بيتى....لكن غالبا الفأر اعتبره نوع من انواع الموسيقى التصويرية التى تصاحب زيارته..ولم يغادر المنزل الا جثة هامدة على يد فرقة كوماندوز....

المضحك فى الموضوع انى كنت اجهل فكرة عمل الجهاز..وبعد توصيل الفيشة بالكهرباء..لم اسمع اى ذبذبات ولا غيره...وبالضغط على زرار فى الجهاز صدرت صفارة مزعجة جدا....وفضلت دايسة على الزر اعتقادا منى ان دى طريقة التشغيل...وقلت فى نفسى ايه ياخويا الجنان ده.....وانا حافضل طول الليل دايسة كده على الزرار لحد ما اصاب بصمم.....وطلعت الحكاية مختلفة تماما والمفروض ان الفأر بس هو اللى يسمع الصفارة دى ... :blink:

المهم يعنى ان الجهاز لم يأتى بالنتائج المرجوة.....والحقيقة اول مرة اسمع عن موضوع تعليق الثوم لطرد الابراص...لكنها فكرة جديرة بالتنفيذ...باشكر عليها اخى الفاضل مصرى جدا...

وياريت فعلا نعرف النتيجة....

وربنا يبعد عننا كل ماهو طائر او زاحف او قارض...