في بيتنا فأر

[ترنيم]

جزاكم الله خيرا أختى فلانة على ردك المفيد

وربنا يبعد عنا وعنك وعن المسلمين أجمعين كل الهوام آآآآآآمين

[mitcey]

انا حاسسة ان الموضوع اتقلب لازاي نطلع الفيران النونو دول من بيوتنا ومش في حد قال كلمة حلوة في حق الفيران دول غير واحد بس بتاع الديزاين ده يعني الوحيد اللي لعب معاه مش ضربه

انا بقي حكايتي حكاية وعمرها ماحصلت مع مخلوق لان المكان مش ممكن يكون في صرصار اصلا مش فار لا وايه دول كانوا جيش يا عيني

انا قاعدة في امانة الله اودام جامعة باترسون في امريكا جامعة مقرفة زى اصحابها المهم لاقيت حاجة سودة بتجري اودامي ومش عارفة ايه هيا واستخبت بسرعة البرق ورا الحجر اللي محطوط فيه سطل الزبالة ده

قمت بكل شجاعة ابص علشان في ناس قاعدة وانا حسيت انه تعبان وفجاة الاقي ورا الزبالة فارين زى القمر عمالين بياكلوا بعض يعني روحت حدفالهم حتة ايس كريم وكلوه بس مش عارفة تقريبا سكروا لانهم طلعوا بره ومش همهم حد المهم فجاة من السطل الي اوصاده لاقيت الفارين بتوعي بيسوطوا وطلعلي فارين تانين من السطل التاني ده قول حلو اتجمعوا وانا اصلا بعشق الفران دى لانهم كانوا بيض فمش عارفة ايه رماهم في الشارع المهم

قعد العب بيهم شوية واجري وراهم ويستخبوا ولما اقعد يطلعوا اودامي ويجروا حوالين بعض علشان اناغشهم وقعدت اعمل كده اودام باب الجامعة لحد ما فجاة لاقيت الهبل بعد ما سكروا بيجروا نحو باب الجامعة

دخلوا الهبل جوة وهما دخلوا من هنا الا والاقي الانذار بتاع الجامعة اشتغل والواد السيكيورتي بيجري ورايا وبيشتمني ويقوللي هقول للمدير انتي اللي دخلتيهم وفجاة الاقي كل اللي في الجامعة بقوا في الشارع والعيال يا عيني بتجري علي اساس ان في قنبلة في المبني والمسلمين اللي فيه هيفجروه وانا بقي واقفة مزبهلة مع السيكيورتي فالكل قال ان انا اللي حطيت القنبلة والاقي العرب كلهم يقولوا في ايه يابنتي انتي عملتي ايه وانا ولا انا هنا

وفجاة نلاقي بت مجنونة عربية صابحتي للاسف طالعة من المكتبة بعد صرخة اهتزت لها جدران الجامعة مشعلقة الفار بالملقاط الحمد لله من رقبته وهوة بيصرخ ويسوط ويفلفس منها ومش عارف وهيا مسكاه بكل قسوة وطلعت للعيال بره وتقولهم انا قاعدة علي الكمبيوتر لاقيت ده واقف اودامي علي الطربيزة بتاعة الكمبيوتر وبيبص عليا فاكرني فيلم بيحكي عن ميمي وهوة ميكي ونازل حب فيا

وانا بقي مش الم نفسي بعد اللي حصل بسببي ده وان الجامعة كلها وقفت بسبب اربع فيران لا انا بقي اعمل فيها مندوبة منظمة الرفق بالحيوان ويصعب عليا اللي بيحصل في الفار لان الملقاط بجد جرحه والكل مش عايز يلمسه

عملت ايه بقي يا حلوين؟؟؟؟؟؟؟؟؟؟؟؟؟؟؟؟؟؟

روحت مصرخة وبقولها بالعربي بقي حاسبي الفار التاني علي ظهرك وبجري عليها بالكتاب علشان اضرب الفار اللي علي ظهرها طبعا هيا اترعبت من انه علي ظهرها راحت ايدها اتهزت والفار عرف يهرب من الملقاط وانا بقي اروح اقول هييييييييه واسقف علي فرحتي وخيبتي ووكستي الكبري

ست ساعات الجامعة قافلة ومش في جوة غير ظباط الامن والبوليس وكام شركة كده مكافحة الحيوانات الضارة وهبل ما بعده هبل وهما بيتتبعوا اثار الفار المجروح ومش لاقين له اثر

بكل بساطة الفار كان قاعد بره بيبص عليهم من ورا سطل الزبالة بتاعه وانا قاعدة علي الرصيف ببص عليه وصعبان عليا الدم اللي بينزل منه بس خوفت اقرب منه علشان مش يقتلوه

وهوة يعيني كان شكله بيعيط

المهم عدي الوقت وطلعوا جستين بس واتبقي واحد او اتنين زى ما هما متخيلين واللي باقي ده كمل المشوار لبرة وطلع لحبيبه واول ما شوفته قولتلهم افتحوا الجامعة التاني خرج فقالوا لسة في واحد قلتلهم لا الاتنين مشيوا

وهما بقي مش عارفين ان انا السبب واحد بس اللي كان عارف وكان بيدعي عليا

احسن حاجة بقي في الموضوع ان اليوم الدراسي كله راح وانا قاعدة في الشارع انا وشلتي كان اجمل يوم مع الفيران والله واحشني اوى القمور المتعور ده