حاجه تجننننننن

[Horus]

حققت قناة السويس اعلى ايراد شهرى فى تاريخها فى يناير الماضى حيث بلغ 8ر190 مليون دولار فى حين تعتبر الحمولات التى عبرت القناة 5ر141 مليون طن وبلغ عدد السفن التى عبرت القناة العام الماضى ثلاثة عشرالفا واربعمائة وسبع واربعون سفينة جملة حمولاتها اربعمائة واربعة مليونا و 786 الف طن 

صرح بذلك الفريق احمد فاضل رئيس هيئة قناة السويس وقال ان عائدات القناة العام الماضى بلغت 1963 مليون دولار بزيادة قدرها نحو ثلاثة وخمسين مليون ولار عن العام الذى سبقه 2001 مما يعتبر ثانى اعلى دخل فى تاريخ القناة بالعملة الاجنبية واعلى دخل بالعملة المحلية حيث بلغت قيمة الرسوم بالجنيه ثمانية مليارات وثمانمائة مليون جنيه 

الحمد لله .... خير

كمان بنسمع كل يوم و التانى عن كميات مهوووله - الارقام بالتريليون و الله - يتم اكتشافها من الغاز الطبيعى بالذات فى منطقه الساحل الشمالى و بناء عليه تمت اتفاقيه الغاز بين مصر و لبنان و تركيا مش عارف و بدأ فعلا إنشاء خط عملاق لنقل الغاز من الاسكندريه لدمياط و بعد كده ينزل فى البحر الى طرابلس فى لبنان و منها الى تركيا.

الله اكبر .. يا جدعان يعنى ربنا بيبعت الخير اهه عشان خاطر الناس الغلابه .. فين بقى تاثير ده . موش بيظهر منه و لا حتى الفتات ليه؟؟

هل و صلت حاله الجوع و الطفاسه عند اخواننا البعدا الى هذا الحد.

حد يقوللى ازاى الخير ده كله و الحاله بتتجه من سئ الى انيل ؟؟

[الأروبة]

يا حورس يا ابني ما تتجننش، الفلوس رايحة لمبني الجامعة الامريكية علشان يا حرام ما عندهمش فلوس!!! :!:

[اللمبى]

يل أروبه يا بنتى الجامعه الامريكيه هاتتبنى بالتبرعات مش هاتحمل الدوله حاجه الى عايز يتبرع اهلا بيه

مش موضوع معاهم والا لا لان النظام ده هو المتبع فى امريكا نفسها الجامعات والمدارس قايمه على التبرعات والرعايه والهبات .

السلام عليكم

[mnman]

يا حورس يا خويا الفلوس دي ملاليم يادوبك الدمغة و شوية نثريات و الباقي الشئ لزوم الشئ يعني جردل علشان شرب الخروف و حبل علشان ربط الخروف و علف 5 مرات اكل الخروف و كدة يبقي الباقي ملاليم....

[Horus]

حد يقولهم .. ان اللى بياكل لوحده بيزور - و شوف بقى لما 65 مليون إلا 100 بيبصولهم فى اللقمه .. :)

ياللا عشان يزوروا و يتكلوا على الله و يريحونا.... :)

حقيقى انا عاوز رد من الناس اللى متابعين الامور الاقتصاديه ..

فلوس مصر ... بتيجى منين ...

و السؤال الاهم ..

..... بتروووح فييييييييييين ... :mad: :mad: :mad:

[الفارس]

بطلوا حقد بقه .. يعني مش عارفين الفلوس بتروح فين ؟؟؟

أنا الرد عندي جاهز حتى لو كنوز الدنيا اتفتحت في مصر ..

إنتو عارفين الرد طبعا .. الزيادة السكانية والعيال اللي بتتولد كل يوم .. يا عين أمهم عمالين نأكلهم لحد ما خلصوا كل الدولارات اللي في البلد ..

المصيبة إن فيه ناس بتصدق اللي بيقول كده !!! عجبي