أستفسار عن تعليم هندسة الإلكترونيات في مصر

[حسن سليم]

سؤال ارجوا مساعدتي

حسن سليم مواليد 10-2-1979 حاصل علي ثانويه عامه كنت ادرس بكليه التجاره وفصلت من الفرقه الثانيه لتجاوز عدد مرات الرسوب لظروف خاصه (ابويا حلف ميت يمين لازم اتجوز علشان ينصلح حالي )

كانت هي دي بدايه المشكله لفصلي من الكليه لاني كان ايميها دخلي بسيط طيب هروح الكليه ولا اصرف علي بيتي الصغير

كان لازم طبعا اكون في ورشتي الصغيره علي الاقل 12 ساعه علشان اخلص حاجات الناس بصفتي فني الكترونيات اهيه مهنه

حبيتها وهي حبتني والحمد لله

نرجع بقا لسؤالي

دلوقتي انا عايز اكمل تعليمي ونفسي مووت اتعلم في اي تعليم يهتم بهندسه الالكترونيا ت حتي لو بفلوس

دخلت معهد لاسلكي خاص بس مش نافع دول ناس بيهرجوا دا مش تعليم دا نصب علي الناس علشات الفلوس

الماده التعليميه ماده تعبانه وناقصه كتير

ارجو ان تساعدوني بالاجابه الصحيحه مع العلم انني مصري الجنسيه مش غريب يعني

[se_ Elsyed]

طب ما تجرب الدوارات التعليمية في المراز الخاصة او حتى الحكومية اللي بتنظم دورات وخصوصاً في الصيف .. لإني أعتقد إن الشهادة الرسمية لن تفيدك كثيراً وبالتالي ركز على الممارسة مع الجانب النظري من خلال التعليم الحر .

وأسمح لي اغير عنوان الموضوع لكي يكون معبراً كثر عن محتواه

[حسن سليم]

اشكرك علي سرعه الرد مشرفنا الغالي

ولكن انا والحمد لله اخذت دورات كثيره في الكمبيوتر والالكترونيات

ولكن ينقصني شهاده البكاليريوس لكي ارضي بها نفسي

مع العلم ان ورشه الصيانه التي كنت اعمل بها زمان

الان اصبحت مركز صيانه معتمد لدي كثير من الشركات والحمد لله

ولكن هذه دراسه اعشقها واريدها لنفسي لا للعمل

واشكرك علي سرعه الرد

[abdulmuttaleb]

أخي حسن سليم

أسأل الله أن يوفقك وعليك بالاستشارة والاستخارة

يمكنك الاستفسار في كليات الهندسة الالكترونية في منوف أو كلية الهندسة والتكنولوجيا بالأكاديمية العربية أو أقسام الهندسة الالكترونية في كليات هندسة مصر

كذلك لديك مركز تحديث الصناعة

ابحث في الانترنت أو من 140دليل عن أرقام الهواتف وبادر بالاتصال بهم للاستفسار ولا مانع من ذهابك بنفسك لأي كلية أو قسم الكترونيات ومقابلة الأساتذة وثق بأنّهم سيسعدون بمساعدتك

وعموما أسوأ احتمال انت في الآخر ممكن حضرتك تحضر المحاضرات كمستمع وكأنك طالب.

وفقك الله مرة أخرى