إستشارة بخصوص بناء شقة

[فيصل رافت]

قال الرسول صلى الله عليه وسلم ما خاب من استشار صدق الحبيب المصطفى ومن هنا احب اجمع تصويت اعضاء وزوار المنتدى الرائع فى بناء عماره على شقتين مساحة كل واحده 85 متر او على شقه واحده 166 متر

امل تصويتكم وشكرا

[vipwithyou]

الموضوع دة صعب والقرار فيه حضرتك اللى لازم تحددة على حسب ظروف حياتك المستقبلية

عايز مجرد 8 شقق تنفع أولادك وخلاص بس مش هتكون واسعة

ولا عايز 4 شقق بس فى البيت لكن هيكونوا واسعين وأولادك يدعولك على اللى عملتهولهم

معذرة القرار دة قرارك انت لوحدك

لكن بينى وبينك انا لو مكانك هاعمل الشقق 160 متر شقة واحدة وتبقى ملعب كورة لاولادى

بجد دة رأيي الشخصى ومن حق أى شخص أن يختلف معى فى هذا الرأى لأنها فقط حرية شخصية

شكرا

أخوك

تامر السيد

تم تعديل 4 ديسمبر 2007 بواسطة vipwithyou

[amrhoras]

ربنا اعطاك مساحه ليه تخنقها

85 متر احتسب منهم عمدان ومنور وسلم شيل حوالى 15 او عشرين متر + البلكونات

توكل على الله ووسعها على نفسك ياباشا ومبروك مقدما وربنا يرزق ويوسعها عليك من وسع

وابقوا افتكرونا بشقه

تحياتى وتمنياتى لك بالتوفيق

عمرو

[vipwithyou]

خلاص بقى يا أستاذ فيصل 2 قالوا لك اعملها شقه واحدة يبقى توكل على الله

[vipwithyou]

وحاول لما تعمل حاجة تحسب لها كويس وتكون متأكد انك مش هتندم على اللى عملته بعد كدة وتكوف فعلا راضى عن قرارك

وصلى استخارة

[فيصل رافت]

نشكر كل من قام بابداء رايه ولكن انا مش هاسكن فيهم كلهم طبعا هاسكن فى دور واحد وهابيع الباقى انا شايف ان المساحه الصغيره فى البع احسن وارخص خاصة ان كان شباب لسه فى بدايه حياتهم هايعملوا ايه بالمساحه الكبيره دة من وجهه نظرى واتمنى المزيد من الاراء ونشكركم مره اخرى

[عادل أبوزيد]

قال الرسول صلى الله عليه وسلم ما خاب من استشار صدق الحبيب المصطفى ومن هنا احب اجمع تصويت اعضاء وزوار المنتدى الرائع فى بناء عماره على شقتين مساحة كل واحده 85 متر او على شقه واحده 166 متر

امل تصويتكم وشكرا

أختلف مع معظم الآراء و دعنى أسرد عليك وجهة نظرى ...

مساحة شقة 85 متر ليست صغيرة عادى جدا السائد فى مصر حتى ما قبل شيع النماذج الخليجية فى البناء شقة أسرة زوجتى و هى أسرة فوق المتوسطة تربت زوجتى و أربعة إخوة و أخوات فى شقة 90 متر ( فى نفس العمارة كان يسكن أنور السادات فى أوائل الثورة) و لا أذكر أنى رأيت شقة مقسمة إلى جناحين (جناح نوم و جناح معيشة) إلا فيما ندر و رأيتها فى شقة عبد الحليم حافظ فى لندن.

طبعا يمكنك الرد بأنك بعد الغربة الطويلة من حقك أن تستمتع بالإتساع ... قطعا لك كل الحق فى ذلك.

فى المقابل فإن خطط التعمير و الإسكان الحديثة أتصور أنها ترمى إلى إحياء كامل للمدن الجديدة مع ربطها بوسائل نقل جماعية و عليه فإن تلك المدن الجديدة ستكون مزدحمة و سيعود نشاط تأجير المساكن مرة أخرى فتعدد عدد الشقق فى بيتك يمثل قيمة إستثمارية جيدة.

فى النهاية هى مسألة تفضيل شخصى و إقتصادى.

[عادل أبوزيد]

بالنسبة لتشطيب شقة فعن تجربتى الشخصية - من عشرين سنة تقريبا - أن مفردات التشطيب عددها كبير و لا توجد مفردة واحدة تمثل وزنا كبيرا مؤثرا فى التكلفة الكلية و على ذلك فعليك الموازنة فى إختيار مفردات التشطيب التى ستستعملها.

ليتك تنسى أنك تعيش فى الخليج أو قل لا تتصور أن إمكانياتك - أيا كانت - ستتيح لك إختيار أغلى و أحسن مفردات التشطيب.

و كذا ليس بالضرورة أغلى مفردات التشطيب ستؤدى إلى نتيجة أحسن ... مثال على ذلك عند تشطيب بيتى إخترت منتجات grohe لأدوات الحمام و كانت غالية الثمن و النتيجة أن منتجات grohe تتلف بسرعة بدخول عدة ذرات من الرمل و تغيير القلب يتكلف على ما أذكر مائتى جنيه و كانت النتيجة بعد مدة أنى بدلت عدد من الخلاطات بخلاطات صينية الصنع ثمن الواحد تقريبا مائة جنيه !!

تذكر دائما أنك تقوم بتشطيب شقة سكنية و ليس مبنى لشركة جنرال موتورز ... قابلت إستشاريين يقومون بعمل مقايسة كما لو كانوا يريدون بناء مبنى ل جنرال موتورز ..... أعرف أصدقاء كانوا يأتون بمواسير صلب غير قابل للصدأ معهم من دول الخليج لأنها أحسن.