ما رأيك فى خطبة الجمعة فى مصر؟

[حسام يوسف]

السلام عليكم

يوم الجمعة هو عيدنا كمسلمين

وخطبة الجمعة هامة جدا ولها دور هام فى التوعية والوعظ والتأكيد على رسالة الاسلام

وليست كل المساجد أو كل خطيب كالاخر

هناك من مستواه جيد وهناك من هو دون المستوى

فى رأيك لو استطعت ان تعطى رأيا عن مستوى خطبائنا فى المجمل

بم تصوت؟

اكتب رأيك فى الخطباء وكيف ترى سبل تحسين مستواهم

[The Professor]

خطبة عادية جدا ... غالبا ما تتعلق بالعبادات .. افعل ولا تفعل ... كلام مكرر وليس فيه جديد خطباء عاديون مجرد موظف يؤدي وظيفة وينصرف إلى حال سبيله.. لو نظرت حولك اثناء الخطبة تجد الناس في حالة من التململ ... فالخطيب لم يستطع ان يشدهم او يجذبهم إليه لا بموضوع خطبته ولا بمهارته كخطيب للأسف

[yasovinas]

المه هو اختيار الخطيب او اختيار المسجد الذي نذهب اليه اكيد في كثير من الخطباء موظفين او مؤديين او قراء نشرة الاخبار لكن هناك ايضا خطباء وعلماء اجلاء قد تكون خطبتهم مفيدة الى اقصى حد وهذا من واجبات المسلمين فهو امر يندرج تحت البحث عن العلم وطالب العلم له ثوابه واجرة العظيم ، عموما اياً كانت الخطبه في مصر فهي اكيد ارحم من خطبة الجمعه في 95% منمساجد ابو ظبي التي اصبحت عبارة عن شخص يقرأ كلمات لا يفهمها بل ولم يقرؤها من قبل وايضا نعود لنفس الموضوع هناك 3 او 4 مساجد معروفه وخطبائها معروفين ويجب على المسلم ان يبحث عنهم ويستمع لهم

[المصـــــــرى]

المساجد فى مصر ماشاء الله لا تعد ولا تحصى، أنا فى المنطقة اللى كنت أعيش فيها، كان بيبقى حسب ظروفى، فيه خطيب جنب الجامعة يدوبك الأذان وخطبة خمس دقائق وإقامة الصلاة، فده كنت أروحله لو ورايا مشوار أو مش فاضى، وفيه خطيب بيتكلم على طول فى الإجتماعيات، من آداب وعبادات فده كنت أروحله لما أعوز أروق أعصابى، وفيه خطيب حماسى يدعو للتغيير ولرفض الواقع الأليم الذى نعيشه، وده أيضا كنت أروحله لما أحس بخمول وتسليم للأمر الواقع الذى نعيشه. وهذا فقط فى منطقة صغيرة فى مدينة الأسكندرية، أكيد الخطبه مختلفة فى المناطق الأخرى والأقاليم الأخرى، لذلك أرى أن السؤال محل الإستفتاء غير واقعى بالمرة.

[amrhoras]

صباح الخير يادكتور حســام

انت قصدك على خطبة الجمعه فى مصر اصل لو مصر بس هقولك

ان فى ماهو جيد وفى ماهو فعلا دون المستوى لكنه كلهم يلقوا فى وعاء واحد الا وهو خليك جنب الحيط ملكش دعوه بالامور الدنيويه خليك فى عهد الرسول واخر الخطبه الدعاء للراعى والرعيه بالتوفيق والصحه وماعلينا سوي ان نردد امين امين امين

يعنى ممنوع تتكلم فى السياسه

ممنوع تناقش اى قضايا مهمه

ممنوع متذكرش الراعى فى خطبتك

الدعاء بكل ما اوتيت من قوه للقائد ومن حوله

اعرف كام خطيب قالوا خطب جميله جدا لكن المفاجأه انهم يقولوا خطبه واحده فقط اكيد هتقولى صدفه هقولك اه صدفه امنيه دوليه wst:: يعنى بمعنى اصح الخطب داخلها قرارات سياسيه

صباحك ورد :)

[nash]

واضح أن الموضوع عام وليس حكرا علي المحروسه..موضوع الخطبه التي لاتمت بصله للواقع ...

حتي هنا ...من ضمن الخطب ..كانت خطبه من أولها لإخرها عن موضوع المجلات والتي لا يجب أن يحضرها الرجل إلي البيت للزوجه لإنها تفتنها..مأخذ الخطيب يذكر مجله سيدتي وزهرة الخليج...

تخيلوا خطبه تدور عن هذا الموضوع فقط ...في الوقت الذي ضرب فيه مركز الأمن العام بمتفجرات أهتزت لها الرياض كلها...

أما المفاجأة فإن الخطيب يبلغ من العمر 17 سنه..ثم أنه في أثناء خطبته عرج علي خروج النساء من البيت وكذا وكذا وكذا...حتي أن جارتي وهي سيده أمريكيه مسلمه أتصلت بي لتستفسر عن الدين الذي يحرم المرأة من الخروج حتي لترفه عن نفسها....

صدقوني شيء عادي جدا ألا ترتبط الخطبه بالواقع الذي نعيشه...

مع أن المفروض العكس

[م.سامح المصرى]

استاذي د. حسام

فى خطب بجد بتبقي قمه الروعه

يعني في واحد في المنطقة عندنا ما شاء الله عليه بجد حاجة قمه الروعه

خطبه متجددة وبيساندها باشعار من نفس الموضوع اسلوبه مثل اسلوب الشيخ محمد حسان

وكذا واحد عندنا خطبهم جميلة ببقي مش عاوزها تنتهي

يعنى ممنوع تتكلم فى السياسه

ممنوع تناقش اى قضايا مهمه

ممنوع متذكرش الراعى فى خطبتك

الدعاء بكل ما اوتيت من قوه للقائد ومن حوله

اعرف كام خطيب قالوا خطب جميله جدا لكن المفاجأه انهم يقولوا خطبه واحده فقط اكيد هتقولى صدفه هقولك اه صدفه امنيه دوليه wst:: يعنى بمعنى اصح الخطب داخلها قرارات سياسيه

صباحك ورد :)

عمور في وفي علي فكرة

يعني في ناس زي ما انتا بتقول كدة

وفي ناس بتبقي البها جامد وبتتكلم علي سوء الحكم يعني الشيخ الي انا اتكلمت عنه دا بيتكلم عن سود الحكم عادى جدا

ودا الي عاجبني فيه اوي

بس بقي الله واعلم بيحصل فيه اية

بس كل يوم جمعه خير اللهم اجعله خير بيوقفو بوكس جنب الجامع بالزبط بس بوكس صغير كدة

[amrhoras]

بس كل يوم جمعه خير اللهم اجعله خير بيوقفو بوكس جنب الجامع بالزبط بس بوكس صغير كدة

اكيد اليباشا العسكرى بيصلى الجمعه وانت اللى مش واخد بالك منه دونت وورى انت متراقب وكل كلمه بتتسجل عليك

بس انا اعرف فعلا شيوخ كانت الشهامه واخداهم ولم اقابلهم ثانية حتى بطلوا يصلو الجمعه من اللى حصل فيهم كنت بسأل مره خطيب جامع كنت احب اروح احضر فيه علشان خطيب تانى

سألته ياشيخ هو فين الشيخ فولان ؟

قالى جزاك الله كل خير بس هو حصلتله ظروف طارئه ومش هيقدر يجي تانى

فسألته يارب يكون خير؟

قالى اخوانا البعدا كانوا متربصين له واخدوه حجزوه اسبوع فى امن الدوله الله لا يك......

خلى انت بالك من نفسك بس وامشي جنب الحيط مصر عوزاك ياسولى

[حسام يوسف]

السلام عليكم

انا عارف ان فيه مساجد كتير

وخطباء كتير

منهم الممتاز ومنهم المتوسط

ومنهم من يجعلك تنتظر نهاية الخطبة بفارغ الصبر

أرد بالتصويت ان اعرف اراءكم حول الخطباء

فى المجمل

عموما يعنى

وشكرا

وسأنتظرباقى الاراء

وشكرا لعمور

وشكرا لسولى

ومدام ناش وملاحظتها ع الخطباء الذين يسيؤن للاسلام بتشددهم

والمصرى

وياسوفيناس

والبروفيسور

وكل من شارك حتى الان

[essamalshaaer]

السلام عليكم

بداية كل عام وانتم بألف خير

بمناسبة عيد الأضحى المبارك

لجميع أخواننا النغتربين داخل وخارج مصر ... أيوا في مغتربين داخل مصر

مش أحنا بس غلي مغتربين بره

الله المستعان

من واقع تجربة حدثت أمامي

خطبة الجمعة اصبحت لا تمت لحياة المسلم بأي شيء

لدرجةحدث أمامي أن منع أقامة صلاة الجمعة لأن الإمام المعين من الوزارة غير

موجود أيوا والله غير موجود ..... لدرجة ان خادم المسجد هدد والله العظيم قلها

إلي هيطلع يخطب .... هو المسئول عن نفسه ...... لما طلب الحضور يطلع حد يخطب .... فهمين معناها اه ...... لكي الله يا مصر

حتى هنا في الرياض ممكن تحضر الخطبة تخرج منها ..... مفيش أي حاجة ...ليه لأن الشيخ بيقرأ من ورقة وما أدراك بالأخطاء الأملائية

وغيره ..... حدث ولا حرج ......مع ان المطلوب يتم التركيز هنا أكثر ...... الله المستعان

وسلام مؤقت

أخوكم/ أبوعلي الرياض

[Mohamed Fayek]

عزيزى د / حسام

العيب ليس فى الخطيب ولا المسجد العيب فينا لأننا مابنعرفش نسمع يعن الشعب كله محتاج نظافة ودانه .. ياربى ده احنا على كده محتاجين كام مليون دكتور وبرده مش حيكون فيه تحسن .. ولا ايه يادكتور

[عصام أبوالفتح]

الشيخ الشعراوى قبل ما يموت وبعد نجاة مبارك من الموت تأسف على سلبية شعب مصر

الشعراوي بعد نجاة حسنى مبارك من محاولة الاغتيال

هل اتوقع استفتاء على الصلاة لاننا غير خاشعون فيها كمجمل !!!!!!!!!!!!!!!!!!

ماينحرق كل خطباء المساجد الفشلة .. زى الاطباء والمهندسين الفشلة .. ينحرقوا جميعا

لا تتعامل معهم .. ولكن لا تهاجموا الخطبة .. او الطب والهندسة .. بسبب ممارسات الفاشلين

.. اذهبوا لرجل تستفيدون منه واسمعوا خطبة جيدة .. بدلا من مهاجمة الخطبة كأصل دينى

ولكنه كسل العقول !!!!!!!!!!!!