اسوأ وزير خارجيه مصرى

[linux]

انا لاأذكر اى وزير خارجيه مصرى اسوأ من احمد ماهر! مين فى رأيك اسوأ منه؟

الأخ لينوكس

لعلك تتفق معى أنه لا يجوز فتح موضوع بسطر واحد أو كلمتين اثنين والا ستتكدس آلاف المواضيع التى فتحت بكلمة وكلمتين ويتحول المنتدى الى شاتا للمحادثة وليس منبرا للفكر والتفكير والمقالات المفيدة

وعلى الأقل لو لك رأيا كان يجب ابرازه مع حيثياته وأسبابه التى جعلتك تتبنى هذا الرأى حتى نستفيد وتفيد لا أن تكتفى بكلمتين وتجعله موضوعا كاملا وقابلا للمناقشة وكان أولى بك كتابتهم فى رد من الردود .. لا أن تفتح بهم موضوعا أصغر من حجم العنوان

برجاء مراعاة ذلك مستقبلا

وشكرا

رجب

[Proud Muslim]

اظن أنه لا يوجد أسوأ من أحمد ماهر .. إلا أحمد ماهر نفسه .

الله يمسيك بالخير يا عمرو موسى .. صحيح أنا أختلف معهم كلهم , و لكن نصف العمى و لا العمى كله .

[linux]

انا لاأذكر اى وزير خارجيه مصرى اسوأ من احمد ماهر! مين فى رأيك اسوأ منه؟

الأخ لينوكس

لعلك تتفق معى أنه لا يجوز فتح موضوع بسطر واحد أو كلمتين اثنين والا ستتكدس آلاف المواضيع التى فتحت بكلمة وكلمتين ويتحول المنتدى الى شاتا للمحادثة وليس منبرا للفكر والتفكير والمقالات المفيدة

وعلى الأقل لو لك رأيا كان يجب ابرازه مع حيثياته وأسبابه التى جعلتك تتبنى هذا الرأى حتى نستفيد وتفيد لا أن تكتفى بكلمتين وتجعله موضوعا كاملا وقابلا للمناقشة وكان أولى بك كتابتهم فى رد من الردود .. لا أن تفتح بهم موضوعا أصغر من حجم العنوان

برجاء مراعاة ذلك مستقبلا

وشكرا

رجب

الاخ العزيز رجب

معذره ... لم اكن أعرف ان هناك مشكله بالنسبه لعدد الحروف الخاصه باى موضوع! بس بكل صراحه، انا مش شايف ان ده سبب وجيه.

ايضا انا واحد من الناس الذين لايملكون لوحه مفاتيح عربى ... لذلك انا بكتب الرسائل عن طريق النقر على لوحه مفاتيح من لينك على الأنترنت. ده طبعا بيأخد وقت (وصبر) كبير. لذلك بحاول انى اكتب ما قل و دل.

لو كان ده مش مرغوب فيه فى هذا المنتدى ... ارجو انك توجهنى مشكورا لقراءه ذلك البند.

بس برضه للحق ... انا مش مقتنع بالمره.

اشكرك

[1_Nadim]

الاستاذ لينوكس

ايه رأيك لو نعمل جمعيه وتقبضها الاول وتشتري لوحة مفاتيح عربي حتي تمتعنا بكتابات اطول

اما الاجابة علي سؤالك بسؤال اخر هل تعتقد ان عصمت بيه ولا كمال علي حسن باسا كانوا احسن

بس السبب من وجهة نظري ان الحكومة السعيدة لاتختار هؤلاء الناس علشان هي وحشه ولكن خايفه تختار حد احسن لحسن نتحسد ولان الدولار بيعلا ومش قادرين يشتروا خرز ازرق لقيوا احسن حاجه يعملوها هي يصدروا الناس دي كواجهة لمصر فتخزي العين عننا وربنا يلطف بينا

[Excellence]

linux كتب:

انا لاأذكر اى وزير خارجيه مصرى اسوأ من احمد ماهر! مين فى رأيك اسوأ منه؟

بالنسبة لمين ؟

حدد من فضلك

[mooh2005]

الموضوع جميل جدا

وعلى فكرة احمد ماهر بيفكرنى بشخصية البطريق اللى كان بيطلع مع بات مان فى فلمه

فاكرينه شبه الخلق الناطق

وربنا يستر ميكنش زيه فى الاخلاق والطباع

[Proud Muslim]

يا راجل حرام عليك .. دي خلقة ربنا برده .

:wink:

[mooh2005]

والله ما اعترض على خلقته لكن هذا التشابه

بيخلينى كل ما اشوفه افتكر هذه الشخصية الشريرة مش عارف ليه

لان الشكل كان غريب فى الفيلم

[Proud Muslim]

أنا معاك إن فيه شبه .. بس يعني هنعمل ايه !!

:wink: :?

[linux]

احمد ماهر فى رائى عنده مشكلتين:

اولا - مشكله فى مضمون الكلام و السياسات اللى بيطرحها. دى مشكله لأى وزير خارجيه مصرى وده كمان لأى وزير خارجيه امريكى كمثال. يعنى اولبريت او كولن باول مهما قالوا وحاولوا اقناعنا بمصداقيه السياسات الأمريكيه لن ينجحوا علشان ببساطه سياستهم غلط.

ثانيا - مشكله فى الشخصيه و طريقه العرض. ودى مشكلتى مع احمد ماهر. نرجع لكولن باول ... بالرغم من "اولا" الا انه له طريقه جيده فى طرح وجهة نظره (سياسات بلده) واقناع الطرف الأخر بلاباقه. احمد ماهر غير لبق بالمره وليس لديه من العوامل التى تجعله شخصيه مقبوله.

احساسى ان على الرغم من ان سياسات مصـر لم تتغير كثيرا فى الربع قرن الماضى (من حيث التبعيه الكامله للامريكا) الا ان وزراء الخارجيه السابقين كان لهم تأثير اكبر سواء فى الداخل او الخارج.

[ragab2]

أعتقد

أن الوزير أحمد ماهر هو ابن رئيس الوزراء السابق على ماهر

والله أعلم

[الطفشان]

عمرو موسى قبل ان تطلع عليه الاغاني كان يعطي انطباع انه "أليط" و متعالي و غير لبق في كلامه

و لكن لاننا شعب عاطفي، نأخذ جانب من وقع عليه ظلم، فلما شعبولا طلع عليه اغنية، و اتقلش الى جامعة الدول العربية، تعاطفنا معه

و السؤال يجب ان يكون:

- من يضع سياسة مصر الخارجية في العقدين الماضيين؟

- على ماذا تقوم هذه السياسة؟

- هل وزير الخارجية يضع السياسة ام فقط ينفذ تعليمات ؟

[linux]

عمرو موسى قبل ان تطلع عليه الاغاني كان يعطي انطباع انه "أليط" و متعالي و غير لبق في كلامه

و لكن لاننا شعب عاطفي، نأخذ جانب من وقع عليه ظلم، فلما شعبولا طلع عليه اغنية، و اتقلش الى جامعة الدول العربية، تعاطفنا معه

و السؤال يجب ان يكون:

- من يضع سياسة مصر الخارجية في العقدين الماضيين؟

- على ماذا تقوم هذه السياسة؟

- هل وزير الخارجية يضع السياسة ام فقط ينفذ تعليمات ؟

انا أعتقد ان سياسة مصر الخارجية -- مثلها مثل معظم سياسات الدوله -- فى يد رئيس الجمهوريه. لكن فيه أختلاف هو:

اولا مستشارى الرئيس و فى حالتنا لاأسمع الا أسم اسامه الباز

و ثانيا عده معاهد استراتيجيه --- على منوال ال Think Tanks ومن دول برضه أسم مركز الأهرام للدراسات الأستراتيجيه دايما اسمه بيتذكر.

هذا المركز -- فى رائيي المتواضع -- اسوأ ما فى تلك الحلقه لصنع القرار. مرات عديده شاهدت ناس من المركز ده على قناه الجزيره وعلى برنامج رئيس التحرير وكل مره كانوا بيخوفونى لأن ارائهم علمانيه جدا و انهزاميه لاقصى درجه ...

من امثله اننا لازم دائما نسمع كلام امريكا ونضغط على العراق و الفلسطنين و عدم جدوى اتخاذ اى قرار فى الوقت الراهن وخد بالك ان دائما مافيش وقت مناسب و ان شارون مافيش حل معاه غير اننا نحط ايدنا على خدنا ونبكى واحنا بنتفرج على جنازات الفلسطنين كل يوم.

اما بالنسبه لسؤالك عن على ماذا تقوم هذه السياسة؟ ارجوك اخبرنى لو وجدت الأجابه.

اخيرا انا لاأظن ان وزير الخارجية يضع السياسة اظن انه بيوافق على اى حاجه تيجى من فوق ... اخر مره سمعت عن وزير خارجية استقال كان اسماعيل فهمى.

فهو بالطبع بينفذ تعليمات و توجيهات زى بقيه الوزراء لكن انا مش مقتنع ان احمد ماهر هو افضل من يمثل مصر خارجيا

[الطفشان]

شوف يا اخ

الموضوع على بلاطة كدة ان سياسة مصر الخارجية من اكثر من عشرين سنة مبنية على السلبية و رد الفعل

يعني وطى للريح لغاية ما العاصفة تعدي

و دة راجع الى شخصية صانع القرار و اعتمادها على السلبية و رد الفعل، و ليس على التخطيط و الاقدام و الفاعلية

يعني المركب ماشية بالقصور الذاتي كدة، و لا دفة و لا موتور شغال، هي الزقة اللي من عشرين سنة و السلام

"حنفكر و نتعب نفسنا حندخل في الغميق و السياسة الدولية دي صعبة، و خلي الامور على ما هي عليه"

مش باقول يعلن الحرب على اسرائيل بكرة، و لا حاقول كرامة و عزة و كلام عاطفي نظري

الحاصل ان مصر مابقالهاش و لا تأثير في المنطقة و لا حتى حساب!

شفت بقى؟

[Khiber]

"حنفكر و نتعب نفسنا حندخل في الغميق و السياسة الدولية دي صعبة، و خلي الامور على ما هي عليه"

الحاصل ان مصر مابقالهاش و لا تأثير في المنطقة و لا حتى حساب!

شفت بقى؟

رحمك الله ياسادات

:( :( :( :(

[mooh2005]

اعتقد ان احمد ماهر

ليس له دور ولا تاريخ حتى الان لنحكم عليه

ولكن من يعرف تاريخه عندما كان سفير مصر فى امريكا

هل فعل شئ

وانا اعترض على ان عمرو موسى كان تعاطفنا معه بسبب شعبان عبد الرحيم لان ذكر شعبان له نظرا لنمو تعاطف من الشعب المصرى تجاهه

ففى عهده كانت تصريحاته ومواقفه جميله ولذلك تعلق به الشعب المصرى حتى اننا سمعنا ان اسرائيل كانت تريد ان توقع خلاف بينه وبين حسنى مبارك لان كانت ليه اراء تتعارض مع الرئيس حسنى مبارك فى كيفية التعامل مع القضية الفلسطينية

[Mohammad Abouzied]

في اغلب دول الشرق الاوسط وزير الخارجية هو مجرد سكرتير لرئيس الدولة او رئيس وزرائها وطبعا دا راجع للمشاكل العميقه المتأصلة في المنطقة وسواء زيد ولا عبيد فالقرار مش قراره ابدا ولو زودها عليه ان يختار ان يستقيل بكرامته او يقال ودي مش عاوزه تفسير لانها واضحه ليه وعلشان ايه

اما عن عمر موسى او غيره مهما اشادو بهم وطبلوا لهم فهم ليس الا منفذين فقط لسياسة الدولة والممليه عليهم من رئيس الجمهورية ودا يمكن يعطينا فكرة ليه حسني مبارك في احد تصريحاته اشار انه بيقضي تسع اعشار وقته في مناقشة القضية الفلسطينية والعشر الباقي لمصر وهذا معناه ان السياسة الخارجية هي الاهتمام الرئيسي لرئيس الجمهورية

[kokowawa1979]

هي يعني جت على أحمد ماهر

ماحنا عندنا أسوأ وزير زراعة ,اسوأ وزير إعلام وأسوأ وزير ثقافة وأسوأ وزير تعليم وأسوا .....

وأجدع وزير داخلية علشان ماتروحوش في داهية !!!!

[الطفشان]

الاخ كوكو واوا

عندك حق

احمد ماهر لسه جاي

الاشكال على من تحولوا الى مومياءات في مناصبهم بالرغم من اداءهم الغير مشرف على مدى عقدين

في اغلب دول الشرق الاوسط وزير الخارجية هو مجرد سكرتير لرئيس الدولة

صدقت

هو دة الكلام اللي اقصده

[ragab2]

أقرأ

دائما صفحتين اعلانات مدفوعة الثمن فى أخبار اليوم كل اسبوع

تحت عنوان أرض الخير عن انجازات كبيرة تمت فى وزارة الزراعة

على يد الحاج يوسف وأن وزارة زراعة مصر هى الثانية بعد زراعة أمريكا

وقد قامت بادخال زراعة الكانتالوب الى القمح الذى اكتفينا ذاتيا منه ونصدر الباقى

هل هذا الكلام صحيح أم أنها مجرد احلام اليقظة