العالم دي بترغي ليه؟

[Sherief AbdelWahab]

هل أصبحت قاعدة أن كل مسئول سواء أكان رئيس جامعة أو رئيس حزب أو رئيس نادي أو رئيس تحرير أو وزير في بلادنا رغاي ولا رغاية أحمد الحداد في ساعة لقلبك زمان؟

ألا يمكن لهؤلاء اختصار عباراتهم قليلاً بدلاً من هذا الصداع السخيف؟

ألا يمكن أن تسبب كثرة الكلام بالنسبة لهؤلاء مواقف محرجة جداً أمام النظام وأمام الشارع؟

خلص الكلام

[شينكاوي]

السلام عليكم

Sherief AbdelWahab رد اليوم,

ألا يمكن أن تسبب كثرة الكلام بالنسبة لهؤلاء مواقف محرجة جداً أمام النظام وأمام الشارع؟

بالعكس يا استاذ شريف دا الرغي عندهم سياسة عارف حضرتك ليه لانه لو اختصر هتعرف حضرتك والناس كلها هو

بيتكلم عن ايه ودا اللي ممكن يحرجه لكن لما يتكلم كتيير يضيعك في التفاصيل ويطلعك من انجاز يدخلك في انجاز

فما تعرفشي تحاسبه علي حاجة دول عالم لا مؤاخذة صايعين حياة.

انت ما بتسمعشي خطابات الرئيس يا راجل ولا ايه من خمس سنين ايه خطط مصر التنمويه غير بيع مصر للاجانب

لو تعرف قولي لو سمحت او حد يفهمنا ايه مشاريع مصر غير البيع ؟

[deemuck]

الرغي سمة عندنا في كل المجالات. تروح تشتري حاجات من السوق يقفلك البائع ومايبطلش كلام عشان تشتري من عنده. داخل المساجد في خطبة الجمعة تلاقي الخطيب يعيد الكلام خمس ست مرات على الاقل كتر تكرار وفي برامج تلفزيون وغيرها لازم التفاصيل والرغي.

حتى كمان في المشاركات والمواضيع تلاقي الموضوع ممكن ينكتب في سطرين او تلاتة بس برضوا لازم التطويل.

[Sherief AbdelWahab]

1-قد يكون الرغي محاولة للإيحاء للناس بأن الرغاي يفهم ، وهذا موروث قديم.. خاصةً عندما يأتي ممن هو سلطة..

2-وقد يكون محاولة لاستعراض الثقافة .. وهذه ملاحظة أكثر لدى التكنوقراط..

3-وقد يكون محاولة لتسول رضا القيادة السياسية ، فالبيه بيتكلم في وشنا وعينه ع "اللي فوق".. ودي بقت سمة عامة..

وما يمنعش الحال في كل ما سبق من ترصيع الكلام بعينة من المصطلحات الحنجورية من عينة "أعلى مستوى".. "المشاركة المجتمعية" .. "اللامركزية" ..وختمها بـ"نسب الفضل إلى أهله" .. أظن كلامي واضح! wst::

خلص الكلام

[Nina Hussien]

طيب يبطلوا كلام و يعملوا ايه ؟

اذا كان اصلا البلد كلها كلام في الهجايص و تسجيد للناس

عايزهم يبطلوا كلام و يصيروا عواطلية