دعوة للمشاركة فى أعباء الإشراف فى محاورات المصريين

[amrhoras]

اولا بشكر حسام على اختياره ليا بس للاسف طلعت اوت ياباشا لانى مفكرتش فى الحكايه دى خالص خصوصا انى غير مستعد نفسيا لذلك هيكون اكيد فى تقصير منى كمان انا جديد على المنتديات

======

بس بما انى عضو من ابناء المحاورات ليا طلب وده شخصى بلاش نقول هنرشح مين اعملو قائمة بالاسماء ونعمل تصويت وياريت يقوم باعدادها اما الاداره بما انهم اقدم اعضاء هنا

او اعضاء قدام برده

اما حكاية ان كل واحد يرشح حد مش هنوصل الى اى قرار بالطبع كل الاشخاص المرشحين اخوه افاضل جدا واعتز بيهم اوى وبأرائهم بس برده مش هنوصل الى اى حل

شكرا

عمرو

[الأفوكاتو]

الأستاذ الفاضل محمود الشاعر او الأخ الفاضل احمد فرحات .. لأسلوبهما الراقي في الكتابة .. والقدرة العالية على النقد البناء (لباب الأدب والشعر)

الأخ الفاضل مهيب لأمكانياته الأدبية العالية واسلوبه الراقي في طرح فكرته في شتى المجالات( للأشراف العام)

استاذنا الفاضل الأفكاتو لرجاحة عقله وثقافته وخبرته الكبيرة....( للأشراف العام)

تحياتي وتمنياتي للجميع بالتوفيق :lol: :sad:

شكرا يا سيدتى الفاضلة شهد على مديح لا أستحفه, و قد تركت هذه الساحة منذ عدة سنوات لكى تحل وحوه شابة محل العواجيز, ليأخذوا دورهم فى أدارة بيوتهم.

تقبلى أسمى تحياتى.

[Ahmad Farahat]

ا

وأرشح المثقف أحمدفرحات للفن أو الثقافة(بس ياريت مش الرياضة)

أشكر ترشيحك لي يا صديقي كما أشكر ترشيح الأخت والصديقة شهد لي

ولكن ماذا تتوقع مني لو توليت باب الرياضة؟

وهل تنصح بعدم تولي باب الرياضة لأنني لا أفهم فيها ولا ايه بالضبط؟

عموما انا أكيد بافهم في الشعر والأدب أكتر من أي شيء آخر

ولكن حتى في حال تولي باب الرياضة فلا يمكن أن أستخدم عصا الإشراف ضد رأيك فأنت حر فيه

وأنا لست ساعيا للإمارة من ألأساس

فأنا أطبق الإشراف في موضوعاتي الشخصية كما ترى وتتابع

وأعمل دائما في مواضيعي على الحفاظ عليها من اللهجة العصبية إن وجدت

وهذا ما ينبغي أن يفعل أي عضو في المحاورات

أو في أي منتدى

أن يكون مشرفا على موضوعاته

هكذا يتحقق النجاح يا صديقي

[amrhoras]

أ/ احمد احنا هنا فى نقاش عن ترشيحات

د.حسام انا اعرفه كويس لا يقصد اى اهانه لك او غيرك

اعتقد ملهاش اى داعى المحاضره عن الاداره اعتقد اننا جميعنا هنا من اجل غرضا معين وليس استعراض لكيفيه الاداره

شكرا

عمرو

تم تعديل 12 ديسمبر 2007 بواسطة amrhoras

[miramar]

اولا احب اقول اني احترم اي قرار من الادارة بالنسبة للشخص الذي سيتم اختياره

ثانيا اعتقد ان اي اختيار يجب ان يكون بعيدا عن الأهواء الشخصية

ثالثا ارشح الأستاذ احمد فرحات لباب الادب والشعر والقراءات

وأرشح بدرية لباب الاستشارات الطبية والنفسية

والاستاذ كوكومن لباب الاجتماعيات

والاستاذ موديست للفنون أو لعالم الكومبيوتر والنت

والاستاذ تيتو لمعرض الصور

مرمر

تم تعديل 12 ديسمبر 2007 بواسطة miramar

[Ahmad Farahat]

أ/ احمد احنا هنا فى نقاش عن ترشيحات

د.حسام انا اعرفه كويس لا يقصد اى اهانه لك او غيرك

اعتقد ملهاش اى داعى المحاضره عن الاداره اعتقد اننا جميعنا هنا من اجل غرضا معين وليس استعراض لكيفيه الاداره

شكرا

عمرو

أولا يا عزيزي عمرو لقد خاطبت الأستاذ الدكتور حسام بصديقي عدة مرات

ثم إنه لم يهني وأنا أفهم هذا

فقط أنا أعرف أن لدى الأستاذ حسام فكرة عني أنني متعصب للأهلي وهذه الفكرة قد تكون سببا في تلك الجملة والتي ناقشتها في إطارها ولا أكثر

بالمناسبة

إنني أعتبر الأستاذ حسام صديقا لي

كما أن ردي ليس فيه أي هجوم أو محاضرة

فقط هو رأي شخصي نقلته للجميع سبقه شكر ودود للأستاذ حسام وهو شكر واجب له وللأخت العزيزة شهد

ولا أفهم هذا الغضب الي تحدثت به إطلاقا خاصة وأنني لم أقصد إعطاء أي محاضرة

لأي أحد

على الإطلاق.........

لقد قلت رأيي بهدووووووووووء شديد

وكما ترى هو تعليق عادي للغاية على جملة قالها الأستاذ حسام

شكرته على جزء منها وأوضحت شيئا في الجزء الاخر

صدقني لست أفهم على الإطلاق ردك العصبي هذا

خاصة وأن الحديث لم يكن موجها لك بالأساس

عموما

دمت بكل الخير

أخوك

أحمد فرحات

[amrhoras]

ليس تعصبا على الاطلاق

وانما حذر من حدوث اى سوء فهم بينكما

ولامست بعض الهجوم من سيادتكم

لذلك تدخلت وان لم يكن يعنيني كما تفضلت فكلاكما اخوة لى

ثانك يو

[Ahmad Farahat]

ليس تعصبا على الاطلاق

وانما حذر من حدوث اى سوء فهم بينكما

ولامست بعض الهجوم من سيادتكم

لذلك تدخلت وان لم يكن يعنيني كما تفضلت فكلاكما اخوة لى

ثانك يو

أشكر روحك الودودة يا أخي

فغيرتك على علاقتنا تستحق الإعجاب بحق

ولكن لا تخش شيئا

بإمكاني يا صديقي إذابة أي سوء تفاهم بيني وبين أي عضو بالهدوء

فقط بالهدووووووووووووء

خاصة وأن الدكتور حسام من المشهود لهم هنا بالعقل وسداد الفكر وصواب الرأي

دمت لي بكل الخير

أحمد

[se_ Elsyed]

ميكونش ليك اصحاب عشان مش تخصرهم :blink:

إنتي كده خسرتيهم بالفعل

لإن يخسر بالسين مش بالصاد

أما تخصرهم بالصاد يعني تحزمهم .. جايه من الخصر

دي قفشه كده عالسريع .

[zizetta]

تعرفوا يا جماعة في الموضوع ده أنا حاسة بإيه ؟... خليني أحكي لكم الأول الحكاية دي اللي بيتهيألي ناس كتير عارفينها:

مرة واحد ماشي في الشارع لقى مبني كبير أوي وفخم ومرايات وزجاج وشياكة .. وبعدين لقي ناس واقفين قدام المبني وأفراد الأمن بينظموهم .. كبار السن في طابور والشباب في طابور .,, النساء في طابور والصبايا في طابور .. فسأل هو فيه ايه هنا .. قالوا له ده مبني بيتباع فيه فراخ علي أعلي مستوى ...

وقف في الطابور ودخل .. إستقبله موظف الأمن بإبتسامة ووصله للمصعد فصعد أول دور .. لقي موظف آخر آخر شياكة قاعد علي المكتب فالراجل قاله لو سمحت أنا عايز فرخة ..

الموظف : عايزة فرخة بيضة والا حمرا والا بلدي

الراجل: لا عايز فرخة بلدي

الموظف: لا والله الفراخ البلدي في الدور الفوقاني

الراجل صعد المصعد للدور الفوقاني وقابل موظف آخر أشيك من التاني فسأله :

الراجل : من فضلك أنا عايز فرخة بلدي

الموظف : مستوية والا نية

الراجل : لا مستوية

الموظف: لا والله الفراخ المستوية في الدور الفوقاني

الراجل طلع برضة وسأل الموظف هناك

الراجل : لو سوحت أنا عايز فرخة بلدي وتكون مستوية

الموظف : عايزها مسلوقة والا محمرة والا مشوية

الراجل : لا عايزها محمرة

الموظف : والله الفراخ المحمرة في الدور الفوقاني

الراجل يصعد للدور الفوقاني ويسأل :

الراجل : من فضلك عايز فرخة تكون بلدي ومستوية ومحمرة

الموظف : عايزها محمرة في الزيت والا في السمنة

الراجل : عايزها محمرة في السمنة

الموظف : لا والله الفراخ المحمرة بالسمنة في الدور الفوقاني

ويصعد مرة أخري الرجل للدور الفوقاني

الراجل للموظف: من فضلك أنا عايز فرخة تكون بلدي وتكون مستوية وتكون محمرة في السمنة

الموظف : طيب انت عايزها محمرة في سمنة بلدي والا سمنة نباتي

الراجل : أنا عايزها محمرة في سمنة بلدي

الموظف : طيب اطلع الدور الفوقاني هناك الفراخ المحمرة في سمنة بلدي

الراجل يصعد للدور الفوقاني وقد إشتاط غضباً

الراجل للموظف : لو سمحت انا عايز فرخة تكون بلدي وتكون مستوية وتكون محمرة في السمنة اللي تكون بلدي

الموظف : يا بني إحنا لا عندنا فراخ ولا ديوك ... بس إيه رأيك في النظام ؟؟؟

تفتكروا بقى حيعينوا في الإشراف فراخ والا ديوك ... يوووه قصدي مشرفات والا مشرفين ...

علي فكرة اوعوا حد يفتكر اني بسأل علشان عايزة أكون مشرفة .. أنا صحيح بيضة .. ومريشة حبتين .. لكن لا بعرف أهش ولا أنش ومكسورة الجناح .. وقلت لكم قبل كده ان انا مش متفرخة أوي ..

يا ريت بقى الطوابير تنفض قبل ما يحصل شغب وطبعا حيتدخل الأمن المركزي ..

صباح الإبتسام

تحياتي

زيزيتا

[امانى]

بسم الله الرحمن الرحيم

صباح الخير والسعادة لكل المحاورين والمحاورات

اولا قبل ما ابدا اختيارى احب اتوجه بكل شكر وتقدير وحب الى الاخت الفاضلة ناش لما قالته فى حقى ويعلم الله انى ابادلها

نفس الاحساس والتقدير والاحترام والله يا اختى العزيزة انا داخلة الباب وفى نيتى ترشيحك مع الاخت بدرية والاخت زيزيتا

والاخت شهد ولكن سبقنى الى هذا الشرف الاخت والام الفاضلة مدام سلوى وطبعا بعد كلامها مفيش كلام انت فعلا تستهلى

كل ما قالته عنكى ويكون لنا الشرف ان تحتلى هذا الاشراف

طبعا بعد كلام الاخت بدرية والاخت زيزيتا وانا اضم لهم صوتى بان الاشراف مسؤلية ويحتاج الى تفرغ ويكفينا ان نكون اعضاء بهذا

الصرح الراقى والمحترم 0 بضم صوتى ايضا الى صوت عمرو فى ان يقوم المشرفين الموجودين حاليا على اختيار الاعضاء التى يتم

ترشيحها للاشراف حيث انهم اجدر مننا على الاختيار لانهم ملمين بجميع الاعضاء

طبعا انا فى حيرة بخصوص الاختيار الجميع ممتاذين وعلى مستوى المسؤلية وان كنت سأختار فليس هذا معناه ان الباقى

لا يصلح ولكن طبعا مش هنكون كلنا مشرفين

اختارالاخوة الاستاذ اسد والاستاذ مهيب للاشراف العام والاخ ابو احمد كوكومن لباب الاجتماعيات والاخ احمد فرحات لباب

ادب وشعر وقراءات

اختار الاخوات طبعا الاخت ناش اشراف عام والاخت شهد لباب ادب وشعر وقراءات

واتمنى للجميع التوفيق 0

امانى

[badroora]

لإن يخسر بالسين مش بالصاد :wub:

والله كنت شاكة :blink:

عموما شكرا ليك وانتوا خلاص بقي المفروض اتعودتوا منى على كدا

شكرا

[badroora]

تفتكروا بقى حيعينوا في الإشراف فراخ والا ديوك ... يوووه قصدي مشرفات والا مشرفين ...

علي فكرة اوعوا حد يفتكر اني بسأل علشان عايزة أكون مشرفة .. أنا صحيح بيضة .. ومريشة حبتين .. لكن لا بعرف أهش ولا أنش ومكسورة الجناح .. وقلت لكم قبل كده ان انا مش متفرخة أوي ..

يا ريت بقى الطوابير تنفض قبل ما يحصل شغب وطبعا حيتدخل الأمن المركزي ..

صباح الإبتسام

تحياتي

زيزيتا

والله يا ابلة زيزي على الحكم دى تستاهلى تبقي مدير عام ولا اقولك عمة المشرفين :blink:

وانتى بيضة ومريشه لو منفعتيش مشرفه ناخدك وجهه

وهتبقي احلى واجهه والله

تم تعديل 13 ديسمبر 2007 بواسطة Badria Mekkawy

[zizetta]

والله باين عليها حترسي عليكي إنتي يا بدارة .. دلوقتي نسمع صياح إخواننا المعارضين .. ولكني ما زلت متمسكة برأي في ترشيح الكتاكيت الصغيرين .. قصدي يعني شباب المنتدي .. :D

مساء الإبتسام

تحياتي

زيزيتا

[Ahmad Farahat]

شكر آخر وواجب مني للأختين العزيزتين والفاضلتين أماني وميرامار على ترشيحهم لي لهذا الباب الغالي على قلبي

واشكر لهما تلك الثقة الغالية

كما سبق وشكرت الأختي الفاضلة شهد مرشحتي الشخصية لهذا الباب

والدكتور حسام

أحمد

[حسام يوسف]

السلام عليكم يا عم أحمد فرحات

انا بقالى شوية مادخلتش المنتدى

انت ليه مصمم على تتش بيننا

والله انا لما قلت بلاش الرياضة كنت بهزر معاك

وكنت بس بنكشك

ولوهزارى ضايقك

يبقى انا مدين لك باعتذار امام الاعضاء كما قلت كلامى امامهم

ياعم انت بتقفش ليه؟

انت صعيدى؟

ده انا من اسوان ومقفشتش كدة

والله العظيم بهزر معاك

والف شكر يا عمرو يا حورس لأنك فاهمنى

ورديت غيبتى

يا جماعة نفسى نتعامل كأخوة مع بعض

وانا مقصدتش ازعل حد

وكما بدأنا بالسلام نختم به

السلام عليكم

[Ahmad Farahat]

السلام عليكم يا عم أحمد فرحات

انا بقالى شوية مادخلتش المنتدى

انت ليه مصمم على تتش بيننا

والله انا لما قلت بلاش الرياضة كنت بهزر معاك

وكنت بس بنكشك

ولوهزارى ضايقك

يبقى انا مدين لك باعتذار امام الاعضاء كما قلت كلامى امامهم

ياعم انت بتقفش ليه؟

انت صعيدى؟

ده انا من اسوان ومقفشتش كدة

والله العظيم بهزر معاك

طيب منا برضه أوضحت أنا ليه قلت كده

وقلت اني وضحت وجهة نظري ومقفشتش

صدقني أنا كتبت ردي ده وأنا في منتهى الهدوء والصفاء

صحيح انا صعيدي من المنيا

بس مزعلتش

انا بس حبيت أقلك اني مش متعصب واني لو ....لو مسكت أي كرسي في أي حتة مش هاستقصد أي حد لمجرد إني مسئول

حبيت أتكلم عن قاعدة عامة لابد وأن يتبعها أي مسئول في أي منصب في أي مكان

بمعنى أن الشيء بالشيء يذكر

قلي انت بقى

أقدر أقول الكلام ده امتى لو مقلتوش تعقيبا عليك

يا صديقي العزيز

هناك ما يسمى بالعصف الذهني

وذلك يحدث عندما يتجمع مجموعة في مكان ما ويبدأون في النقاش حول أمر ما

تتلاقى الأفكار وتظهر في وضوح

ثم تتناثر في المكان

تتناثر

وتتناثر

حتى تملأ المكان

جملتك هذه أعطتني فكرة ما عبر حديث ما تقوله من منطلق ما

وأنا أعترف أمامك أنني لا أصلح لباب الرياضة وإنني لو كنت مختارا لنفسي أي أشراف هنا فإنه سيكون لباب الأدب ولا شيء آخر

أي أن اختيارك كان صائبا بالفعل

لكنها كانت فرصة لقول شيء آخر ولا تنكر يا صديقي أنها كانت فرصة ذهبية

وأنا لا أصر لفعل أي تتش معاك بالعكس

لو كنت تظن هذا فثق أنك مخطيء إلى حدود غير منظورة

كل ما هنالكأنني أحب توضيح موقفي من ناحية

وموقف لابد وأن يتحلى به المشرف في أي مكان آخر

وأنا لم أتضايق من مزاحك

فقط كما قلت كانت مناسبة

لقول

شيء

هاااااااااااااااااااام

دمت بكل الخير يا صديقي العزيز :D :rolleyes: wst:: :D

[DARWEEN]

كلمة إلى الأخوات والأخوة الأفاضل جميعا ...

باديء ذي بدء فإن هذا الموضوع هو بمثابة إستطلاع رأي تقوم به الإدارة لمعرفة أراء الأفاضل أهل المحاورات في تفضيلاتهم من الأعضاء الذين يرشحونهم لتولي جزء من أعباء ومسئوليات الأشراف ... ولذا فإن هذا الموضوع ليس من قبيل الإنتخابات أو ما شابه

كما وأن أية نتائج سيفضي إليها هذا الموضوع لا تعد ملزمه لأي من الأطراف بأي شكل من أشكال الإلزام

ثانيا .. كنا ومازلنا نأمل أن تكون أختيارات الجميع مبنية على أسس منطقية وليس على أساس المعرفة أو الصداقة الشخصية .. فأكاد أجزم أن جميع الأعضاء على درجة عالية من الوعي .. ولكن مسئولية الأشراف تحتاج لمعايير مختلفة قليلا عن مجرد الإستلطاف والمعرفة ودرجة القرب من العضو

ثالثا .. كنت ومازلت آمل ألا يحول البعض الموضوع لتخليص ثارات شخصية مبنية على إنتماءات أو تيارات ... فالموضوع لا يتعدى كونه أختيارات لتفضيلات من بين الأعضاء جميعا

للجميع التحية والتقدير

[الأفوكاتو]

الأعضاء الأعزاء,

أعتقد أن نصيحة صديقنا و عزيزنا داروين, المتمرس فى الإشراف هى نصيحة موفقة, و يجب أن نضعها فى الإعتبار عند اختيار أعضاء الإدارة فى المستقبل .

و لا يعنى هذا أنى أعترض على أى من الذين ترجحت فرص فوز هم فى الإنتخابات, فأنا عضو يرحب بتكافؤ الفرص, و الفوز لمن يستحق الفوز, علما بأن الفوز ليس دائما مكسب, بل قد يصبح مصدرا لصداع دائم.

المنافسة الشريفة الحرة تفرز قيادات صالحة, و تسمح للجميع إختبار القدرات, و تحسينها فى حالة عدم الفوز.

تحياتى لكم جميعا, و أنا سعيد يتواجد كفاءات ممتازة سوف تقود المحاورات إلى مستقبل أفضل.

تقبلوا تحياتى. :D

[حسام يوسف]

السلام عليكم

حصل خير

والسلام عليكم ورحمة الله وبركاته