الحب الأول

[mogly]

صباح الخير

النهارده كنت باتصفح بعض الموضوعات القديمة فى صفحتكم و لفت نظرى سؤال للأخت بدرية مكاوى هل مازال فيه حب؟

السؤال خبطنى فى راسى ياترى لسه فيه حب و ألا ايه؟

ياترى الشباب لسه بيحبوا زينا زمان ، مش زمان قوى يعنى انا بعد فحت القنال بشوية ، نقول من 20 سنة مثلا كنا لسه

بنحب الحب الخالص البرئ المجرد من الشهوات و كان لسه ممكن الشاب يقعد يبص للبنت بالشهور و يبقى متعته الكبرى فى النظر

اليها و هى كمان عندها نفس المشاعر و يمكن ما يصارحوش بعض إلا بعد فترة طويلة و يمكن تنتهى الحكاية من غير ما يصارحوا

بعض خالص لكن المؤكد ان الأتنين بيكونوا عاشوا مشاعر انسانية بتبقى معاهم لخر عمرهم و مش ممكن ابدا ينسوها

فاكرين زمان كان فيه تعبير شائع اسمه بنت الجيران و ده معناه اول حب للإنسان

ياترى لسه فيه بنت جيران دلوقتى؟ و الا الجيران أصلا مايعرفوش بعض و لو عرفو بيبقوا مش طايقين يبصوا لبعض

ايه رأيكم يا شباب لسه الأحاسيس دى موجودة و ألا بقت موضة قديمة خلاص

أخوكم موجلى

[amrhoras]

صباح الخير يا ا/موجلى

كيفك وكيف اخبارك؟ صباح الفل والنرجس

الست قالت <حب ايه اللى انت جاى تقول عليه >

الحب اصبح حاجه زى مانت قولت موضه وانتهت حب بابا حب ماما حب الناس كلها انما الحب بمعنى الحب والمشاعر الجياشه والكلام ده قليـــــــل جدا صدقنى اصبح اصعب من العيشه اللى احنا عيشنها

ان كنت بتسأل هل ياترى فى الحب النقى اللى تقعد سنين وسنين من غير حتى مايصارحوا بعض نظرات بس هقولك واعطيك امل واقولك فى موجود لسه لكنه ليس مع كل البشر لان معظم قصص الحب دى تنتهى نهايه بائسه يائسه ولكنه يظل دائما داخلنا لان الحب الاول ( اعتقد ان الحب بالمنظر ده يكون الحب الاول) لايموت حتى ولو مر 100 سنه

داخلنا مشاعر صافيه بس الظروف بدأت تهزم المشاعر دى يارب اكون وضحت رأيي الشخصى عن كل ده واسف على مطلع الاغنيه ارجو انك مش تعتبرها دعابه او انى بسخر من الموضوع

اخوك عمرو وفرصه سعيده جدا

[miramar]

احنا جيرانا فليبينيين ...... wst::