كليو جت يا جدعان

[se_ Elsyed]

بحلول شهر ذو الحجة مباركة

هلت علينا الزميلة المتميزة المتألقة " كليو "

واللي ما يعرفش كليو يبقى ما بياكلش كرانشي

كليو دي يا جدعان حاجه كده

يعني اقدر اقول انها

اقول ايه بس

انا لو معايا وسام دلوقت كنت منحته لها مع معاش شهري 15 ج

ما تغيبيش تاني يا وحشه .... بس هييييه

[Ahmad Farahat]

مش بعادة يعني يا س.س تخش باب الإجتماعيات تعمل موضوع

أو ترد رد حتى :roseop:

بس فعلا كليو تستاهل

شفت ردود كتير ليها وواضح انها عقلية شديدة فعلا

ألف مبروك عودتها

ونتمنى لها الإستمرار

[الأفوكاتو]

أين أنت يا كليو؟

حفيدى آدم مضرب عن الطعام لحين عودنك

عودى رحمة به.

[se_ Elsyed]

أين أنت يا كليو؟

حفيدى آدم مضرب عن الطعام لحين عودنك

عودى رحمة به.

ما شاء الله .. ربنا يحفظه يا عم محمود

عاجبك كده يا كليو .. آهو أدم إمتنع عن اكل الشيبسي أهو لحد ما ترجعي .

[shahd]

الغالية كليو .. الف حمدلله على السلامة منورة

[se_ Elsyed]

مش بعادة يعني يا س.س تخش باب الإجتماعيات تعمل موضوع

معليش يا أرسين يابني

القلب وما يريد بقى

أصل كليو ... وفيروز

لهم معزة خاصة عندي

معزة مش دي

.. أنا أقصد دي

وأنا شخصياً بأعتبرهم زي أولادي بالظبط وهما عارفين كده

[MZohairy]

مضناك جفاه مرقده....و بكاه و رحم عوده

حيران القلب معذبه...مقروح الجفن مسهده

[MZohairy]

بحلول شهر ذو الحجة مباركة

هلت علينا الزميلة المتميزة المتألقة " كليو "

معلش انت عارف معزتك (بفتح الميم و تشديد الزال) عندي يا سيسو

ممكن نعرف دليلك على انها جت؟ :blush2:

[se_ Elsyed]

بحلول شهر ذو الحجة مباركة

هلت علينا الزميلة المتميزة المتألقة " كليو "

معلش انت عارف معزتك (بفتح الميم و تشديد الزال) عندي يا سيسو

ممكن نعرف دليلك على انها جت؟ :blush2:

من حقك يا زهيري

ما تبقاش زهيري لو كنت فوتت المناسبة دي وما قطعتنيش

هات يا سيدي سنارة واصطاد

ولا هات شبكة من بتاعت صيد أسامك التونة ذات الزعنفتين

والله العظيم يا عم أنا كنت داخل المنتدى إمبارح بالليل أطمئن على أولادنا الأعضاء وهما نايمين ، بحيث اللي مش متغطي اغطية ، واللي متغطي اخد من عليه الغطى وأغطي أخوه اللي مش متغطي

فلقيت كليو بتتسحب وداخله المنتدى .. فضلت انادي عليها وأقولها : يا كليو .. يا كُله .. انا سين سين بتاع السبعتلاف فاكراني ؟ ... دو يو ريممبر مي ؟ ... ولا عبرتني ... قولتلها طب أنا سين سين اللي كنت باحب أقرالك مداخلاتك بتاعت التاريخ والجغرافيا بأمارة جامع السلطان حسن " ولا كإنها تعرفني يا زُهيري بس الغريبة إن لون وشها كان مخطوف وزي ما تكون كانت فاقدة الميموري بتاعتها ...

شكل بقى وحش يا رجالة وهاخد تريقه للصبح ... أظهري يا كُله وقوليي إن شالله " هاي " وإمشي ... إظهري عشان نغيظ زُهيري وبعديها سافري تاني ...

[عصام]

...

شكل بقى وحش يا رجالة وهاخد تريقه للصبح ... أظهري يا كُله وقوليي إن شالله " هاي " وإمشي ... إظهري عشان نغيظ زُهيري وبعديها سافري تاني ...

هـــــــــــــــــاى إيفرى بادى ... :blink:

أنا كــُـــلة ... وماشية :blush2:

:blink:

:blink:

يللا يا عم أهو شكلك ما بقاش وحش خالص ..

خد بقى البطاطين اللى لميتها ونام فى البلكونة النهارده

[kokowawa1979]

كليو ؟؟؟

هي فين ياسي السيد ؟

أرجو ك تدلني على مكانها لإن وحشنا أسلوب السهل الممتنع والقلم الرشيق الذي تتمتع به أختنا الفاضلة كليو .

[Ahmad Farahat]

يا اخوانا أنا قلت مش بعادة س.س يخش باب الإجتماعيات

وقلت أكيد فيه حاجة غلط

صحيح لا خلاف على شخصية وأهمية الفاضلة كليو

بس واضح ان الموضوع مكانش أكتر من حلم

عموما أنا سعيد جدا إنك افتكرت تخش باب الإجتماعيات وتعمل موضوع يا بتاع التسعتلاف

يلا كمل العشرتلاف من هنا

وكليو هتظهر أكيد

بعدين يا عمو زهيري زعلتني

نقول كليو تقول مضناك

قول اللي هاقوله ده

ورايا يا شباب المحاورات

كيلوباترا.....أي حلم من لياليك الحسان

طاف بالموج فغنى وتغنى الشاطآن

وهفا كل فؤاد وشدا كل لسان

هذه فاتنة الدنيا وحسناء الزمان

بعثت في زورق مستلهم من كل فني

مرح المجداف يختال بحوراء تغني

يا حبيبي هذه ليلة حبي آه لو شاركتني أفراح قلبي

بقلكم ايه

ما نسمع هوبا أحسن

أيه

بادلع عبد الوهاب

غني يا عُبد (بضم الميم)

كيلوباترا

تم تعديل 6 يناير 2008 بواسطة Ahmad Farahat