مشكلة جمع القمامة ... تتحدى المحافظين

[شينكاوي]

السلام عليكم

الي متي يظل الفساد جاثم علي صدورنا .... الي متي يظل الفساد عائق لنا عن التقدم والرقي

لا اعلم الي متي يظل المفسدين والحرامية من المسؤلين الكبار في الدولة يحرمون بلدنا من التقدم للأمام

الي متي تظل السرقة هي ابرز ملامح وانجازات الحكم المحلي في مصر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الموضوع بأختصار اللي ساكن في محافظة الجيزة هل رأي الشوارع .. هل رأي القمامة المنتشرة في كل مكان

ما كنت لأكتب ولا لأعترض لولا ان قيادات المحافظة قد فرضوا اتاوة شهرية علي المواطن توضع علي فاتورة الكهرباء

بداعي تجميل المحافظة نحن نريد كشف حساب بتلك الأموال كم واين تصرف؟؟؟؟

من رأي طرق محافظة الجيزة والقمامة الموجودة في كل شارع--الا الأحياء التي يسكنها السادة-- لتحسر علي مصر

طبعا لما كنت في مصر وشفت فاتورة الكهرباء لقيت عليها زيادة مكتوب عليها تجميل او تنظيف مش فاكر ... المهم بصيت

من البلكونة علي الشارع شفت ايه قمامة في كل مكان مع انها منطقة ابراج... طريق فيصل -الملكة والذي ينتهي عند

المدرسة الاعدادية بكفرطهرمس هل مر عليه احد اعتقد لو مر عليه مشي محتاج يبدل رجلين كل اسبوع

فالله يكون في عون عجل العربيات اقل ما يقال عن هذا الطريق انه غير ادمي للسيارات طبعا.

ممكن اسأل سؤال هو محافظ الجيزة بيشتغل في الجيزة ولا عنده عقد اعارة في الامارات؟؟؟؟

عارفين علشان مصر ممكن ندفع زيادة بس يصلحوا الطرق

[amrhoras]

صباح الخير أ/شينكاوى

كان نفسي يراجل اصبح عليك فى فى موضوع مفيهوش فساد انما معلش بقى

اليوم يتم صرف 5000000 جنيه كمبلغ افتراضى فقط لتجميل كورنيش النيل بمقاعد من الرخام وبلاط جديد للارصفه

نيجي اليوم برده تلاقى العمال كسروا الارصفه وكسروا سور الكورنيش من اجل تجميل المنظر

فات شهر شهرين الحمد لله خلصنا الكورنيش واعطيناه وش ورنيش حلو والحبيبه ابدوا اعجابهم بالمقاعد الرخام الجديده

بعدها بشهر واحد تم صرف نفس المبلغ مضاعف لتجميل الكورنيش مره اخرى

بعدها باربع شهور تم تكسيره مره ثالثه لتجميله بنفس الشكل والمواصفات

الناس بدأت تلاحظ ايه البزخ اللى احنا فيه ده وكتب موضوع عن هذا الموضوع بجريدة الاهرام العام المنصرم

محافظة الشرقيه ينقصها رصف الطرق بعد تكسيرها بس انابيب الغاز والمشروعات الجديده وتغييير شبكة الصرف الصحى للمحافظه واللى عانينا منها اكثر من اربع سنوات

كما عانينا من بناء عدد اتنين كوبرى اكثر من خمس سنوات والذى ادى الى تقسيم المحافظه الى جزئين من اجل انجاح فكره الكوبرى وتم تسيير السيارات عليهم اجباريا مع العلم انه مرتفع جدا مما يؤدى الى استهلاك كبير لمكائن السيارات تخيل بقى كى تستطيع السياره الصعود يجب أن تأخذ سرعه كبيره بما فيهم التريللات الثقيله وللاسف مطلع الكوبرى تخيل في حى مكتظ بالسكان وشاهدت حوادث كثيره بسبب السرعه المفرطه لكن مين غلطان سائق يريد أن يسلك طريق الكوبرى المرتفع بزاويه تكاد تقترب من ال50 درجه ام الطلبه والموظفين والباعه وسط ازدحام وكل واحد عاوز يلحق شغله - وهنا كارثه

ومع ذلك الطرق تحتاج الى صيانه فى حين يتم تجميل الكورنيش اين العقول المفكره؟

وتقدم الناس بشكاوى لكن لا حياة لمن تنادى السيد المحافظ عامل عمره للمكتب ومن فكاهاته قام بشراء عدد اتنين كرسي ممكتب فاخر (محافظ بقى) الكرسي تكلفته 5000 جنيه ودى حقيقه ونشرت برده كرسي للاستعمال والاخر كبديل فى حالة ان الكرسي اتعطل او عجله نامت يعنى 10000 للكراسي بس مابالك تشطيب المكتب سوبر لوكس اتكلف كام ؟

اموال طائله تم صرفها بطرق غير صائبه والكل اصبح بيتكلم وصدقنى الريحه فاحت جدا وعلامات الاستفهام كتيرت

ونيجي بقى لمهذلة المعهد الديني الحادثه اللى مات فيها 3 بنات هذا ماقيل للصحافه اما العدد الحقيقى كام؟ الالاف البنات تدافعوا على سلم انهار بهن ليه كل ده علشان نبان حلوين ونعظم صورة محافظنا ومدير الامن ويلعن ابو صحة المواطن على ابو راحته على ابو مصالحه اعتذر عن هذا التعبير بس حاجات كتييير اوى تفور الدم وتخليه يغلى داخل العروق

فساد X فساد

[شينكاوي]

السلام عليكم

صباح الورد يا عمور ... هنعمل ايه يا عم عمر ما احنا مهما بعدنا عن مصر لكن هي في قلوبنا

المهم انت عارف الامثلة اللي انت ذكرتها دي دليل علي يا اما فساد فساد يا اما فساد مع غباء

وفساد فساد تفسيرها انه مش هامه حد يعمل اللي هو عاوزه ويسرق ومش هامه حد .

انا حينما تكلمت عن الجيزة لانه تعتبر عاصمة مصر العاصمة يا ناس العاصمة تبقي زباله حاجة تجن.

ومع احترامي للشرقية فهي محافظة بعيدة شوية عن الضوء بمعنيXXXXXXXXX اللي منصبه

رئيس الجمهورية ما بيعديش عليها الا في زياراته اللي كل كام سنة اما الجيزة والقاهرة فدي العاصمة يا ناس :blink: :blush2:

ولو هنتكلم عن المحافظات النائية فمش هنخلص انا لو اكتب عن بلاوي محافظة سوهاج بوصفي سنويا بزور الاهل هناك

هكتب لعشرين سنة جاية ومش هخلص انا عاوز اعرف المحافظين دول بيشتغلوا في محافظاتهم ولا مقضينها بس سرقة

عارف لو من كل الف جنيه بيسرق 500 انا ممكن اظن انه بيشتغل وشريف لكن يسرق الالف كلها :blink: دا حرامي قليل ادب

يا اخي دا سيدنا عمر بن الخطاب بيقول وهو في المدينة لو عثرت بغلة في العراق لسأل الله عنها عمر لما لم تصلح لها الطريق

يا عمر رضي الله عنك يا ابا حفص يا امير المؤمنين.

ما علينا XXXXXXXXXXX ما بيمشيش في مصر ولا مقضيها شرم علي طول لك الله يا مصر . :blink:

تم حذف بعض التعبيرات لمخالفتها المادة رقم 12 من قواعد المحاورات..

تم تعديل 14 فبراير 2008 بواسطة Scorpion

[amrhoras]

ما علينا XXXXXXX ما بيمشيش في مصر ولا مقضيها شرم علي طول لك الله يا مصر . :blush2:

XXXXXXXXXXXXXXXXXXXXXXX

تحياتى لك ومتنساش شتاء شرم صيف اسكندريه احفظ الجدول كويس اومال الخريف والربيع وين اعتقد انى عارف ياترى انت كمان عرفت (بتشموا النسيم فين ) :blink: اعتقد سهله

عمرو

تم حذف ما هو تعقيبآ علي تعبيرات محذوفة سابقآ

تم تعديل 14 فبراير 2008 بواسطة Scorpion

[شينكاوي]

السلام عليكم

ْْْْْXXXXXXXXXXXXXXXXXX

XXXXXXXXXXXXXXXXXX

انت مش عارف ان من اهم انجازات مبارك - والي هو القضاء علي القطن المصري m8: وجعله يمكن بقه رقم 1000 علي

العالم والحمد لله سمعنا ان القطن الامريكي والاسرائيلي عليهم طلبيات زي النار يا معلم :blink:

المهم نرجع لموضوعنا يعني ايه هو بس مقضيها طيران وهيفضل يكدب علينا بالضربة بتاعته دي لأمتي؟؟؟

يعني ما بيمشيش -بسياراته- علي الأرض ويشوف القاهرة الكبري اللي بقت مزبلة في عصر حضرته ولا ايه؟

ممكن نسأله ان كان بيعرف يقرأ ويفك الخط ما هي معاييره في اختيار المحافظين؟؟ وما اعتقدش منهم معيار النزاهة

هنضل لأمتي ندفع فلوس نظافة علي فاتورة الكهرباء والماء والتليفون وخلفة العيال lo:: وما فيش نظافة مع ان رئيس

الحكومة اسمه نظيف :blush2: هأو بلا نظيف المهم وزارة الحكم المحلي دورها ايه في الموضوع ده وفلوس الأتاوة

بتدخل ميزانية الدولة ولا جيوبهم هما تحت اي بند؟

يا راجل اقسم بالله مع ان شارع كفرطهرمس ده فيه شوية ابراج ولا برجي التجارة العالمي اللي نسفهم عمنا الشيخ

بن لادن الا انك تقرف تعدي في الشارع الرئيسي مع ان سعر الشقة نار نار نار نار يا ابو حورس يا اخوي :P

امتي القاهرة تبقي زي قنا زي قنا يا راجل..... :blink: :blink: العاصمة يا ناس

XXXXXXXXXXXXXXXXXXXX في تاريخ الشعب المصري حسبنا الله ونعم الوكيل

تم حذف بعض التشبيهات لنفس لسبب المذكور عاليه ...

تم تعديل 14 فبراير 2008 بواسطة Scorpion

[amrhoras]

حديشيل الراجل ده من هنا قبل مايمسكوه

والله انت اسلوبك جميل اوى وظريف جدا هههههههههه

احم احم

أ/شينكاوى العزيز

المشكله ليست فى العاصمه او غيرها المشكله فى السرقه اللى اصبحت على العلن ودلوقتى الشرفاء بيستخبوا خوفا من بطش الحاقودين والسارقين

لعنة الله على كل يد سارقه وكل فاسد

حفظك الله يامصرنا ومنتظر وصابر على الجار السو ياما يرحل يا اما .........

الله يرحمك يا سعد باشا مش هقولها لانكم عارفينها من غير ميقولها

شكرا

عمرو

تم تعديل 11 ديسمبر 2007 بواسطة amrhoras

[شينكاوي]

السلام عليكم

اولا شكرا يا ابو حورس علي المجاملة المقبولة ومش ملاحظ احنا بس اللي بنعلق ع الموضوع وكاننا في شات :P

والناس مش هاممها الفساد اللي في البلد وخصوصا اللي في الحكم المحلي او ان الناس ملت يا معلم من الفساد

وكبروا الجمجمة وقالوا بلا وجع دماغ :blink: فساد ايه اللي بيتكلموا عليه.

رد اليوم, 05:36 PM

حديشيل الراجل ده من هنا قبل مايمسكوه

ولا يهمك يا معلم يمسكوا مين :blink: ولا حد يقدر احنا ما بنخافش يا معلم .... مش دق صدر لا انا بره مصر يا معلم lo::

وعاوز اسألك سؤال ايه حكاية شم النسيم دي هو الراجل مناخيره اشتغلت وبيشم يا راجل لأ الراجل ده لو بيشم اي حاجة

كان شم ريحة الفساد اللي مالية البلد ... كان شم ان الشعب مش طايق XXXXXXXXXXXXXXXX

انت عارف انا من مواليد العام سئ الصيت عام 1981 ونفسي نفسي قبل ما اموت اشوف لي رئيس غير اXXXXXX مش

معقول دي واحدة من اهم امنياتي تخيل اني اشوف رئيس غيره ... بس لأ ما يكونش جيمي يا باشا اي حد ونفسي

اشوف مصر نظيفة وطرقها جميلة وكل واحد بيزور مصر يقول الله انا كنت في مصر مسخت صح الامنيات كترة قوي :blink:

يا رب يا رب الشوارع تترصف وتاني يوم ما تتكسرش يا رب اقلع من مصر جذور الفساد يا رب مقولة سعد ما تبقاش

هي مرجعنا يا رب طبعا سعد قال .....................مافيش فايدة :blush2:

تم الحذف لنفس اسباب ما سبق ..

تم تعديل 14 فبراير 2008 بواسطة Scorpion

[عماد سيف النصر]

ألاسناذ الفاضل /شنكتاوى

الاسناذ الفاضل / عمـــــــر

تحيه أعزازى وتقدير

أسمحوا لى لقد بعدتم كل البعد عن الحل السليم والواقعى

أخوانى فليستعير كل منا على القائمين على نظافة منطقه الميرغنى المحيطه بفيلا الرئيس وشارع سر الختم .

فقط الحل أن نستعير القائمين على نظافه هذه المنطقه مره واحده كل أسبوع لشارع من الشوارع المتضرره وأكيد سنشعر بالفرق .

خالص تحياتى

عماد سيف النصر

[إيزيس]

الغريبة أن الفساد يرفض الحلول وعندي قصة واقعية مريرة جارتي في الزقازيق سيدة محترمة جدا أنعم الله عليها بسعة في الرزق فبدأت في إنشاء جمعية خيرية هدفها العالم الغلابة اللي مش لاقيين حكومة تنقذهم واشتركت معاها والدتي الحبيبة الجميلة الطيوبة لأنها خرجت معاش وأصبح لديها فراغ وكانوا قبل إشهار الجمعية يذهبون للناس الغلابة في بيوتهم بسيارة جارتي جزاها الله ألف خير وكانوا في انتظار الأمن ليوافق على الجمعية ليكون النشاط أكثر تنظيماً ويكون للجمعية مقر تعرفه الناس وهو موجود واشترته جارتي بأموال طائلة جزاها الله خيراً لكن المقلب يا إخواني لم يوافق الأمن على أي عضو من الأعضاء ........ وأقسم بالله أن أمي سيدة محترمة لا تعمل مع بن لادن ولا تعرف الظواهري وتؤثر السلامة والهدوء في كل تصرفاتها ومعظم إخواتها وأقاربها في الجيش ووظائف أخرى محترمة وجارتي نفس الشيء من عائلة محترمة بشهادة الجميع والاثنين أرامل ليس لهم هشة ولانشة وثالثهم رجل فاضل كان ظابطاً في الجيش المصري أي والله المصري وليس الأفغاني وهو قدوة للحي الذي نعيش فيه بأخلاقه وحسن تربيته لأولاده.

السؤال : لماذا ترفض الدولة أن يكون المواطنين عوناً لبعضهم البعض ويعالجوا قصوراً تسببه الدولة بتخليها عن أكبر شريحة من المواطنبن الفقراء؟

هل أصبح العمل الخيري خطر على البلد؟

إذا كانت الدولة ترفض أطهر النماذج فإلى جانب أيهم تقف؟

[شموع]

السلام عليكم ورحمة الله وبركاته

شكرا على الموضوع الجميل ده واللي فعلا نلمسه كل يوم وكل لحظه نتعامل فيها مع الناس خاصة لو يعمل في جهات عامه او نمشي حتى في شوارع مصر الحبيبة .

بس على فكره انا اعرف ناس في الدقهلية من اهل زوجي اتعاونوا كلهم على محاربة الفقر في بلدهم واتفقوا مع الناس المرتاحه ماديا ان ياخدوا منهم فلوس الزكاه طوروا بيها بلدهم وعملوا بطاقات لتوزيع اعانات للاسر الفقيرة وبعد ان كان فيها ناس متسوليين تم القضاء على التسول فيها نهائيا ويراعون اليتامى ويكملون لهم تعليمهم ويراعون ايضا الارامل ومن لا يكون له مصدر رزق حتى المستشفى العام عندهم اشتروا لها الاجهزة الناقصة ووحدات لغسيل الكلى يعني الاجهزة اللي الحكومة متقدرش توفرها عشان ظروفهم الصعبة فالناس بتتطوع وتجيبها .

[الأفوكاتو]

السلام عليكم ورحمة الله وبركاته

شكرا على الموضوع الجميل ده واللي فعلا نلمسه كل يوم وكل لحظه نتعامل فيها مع الناس خاصة لو يعمل في جهات عامه او نمشي حتى في شوارع مصر الحبيبة .

بس على فكره انا اعرف ناس في الدقهلية من اهل زوجي اتعاونوا كلهم على محاربة الفقر في بلدهم واتفقوا مع الناس المرتاحه ماديا ان ياخدوا منهم فلوس الزكاه طوروا بيها بلدهم وعملوا بطاقات لتوزيع اعانات للاسر الفقيرة وبعد ان كان فيها ناس متسوليين تم القضاء على التسول فيها نهائيا ويراعون اليتامى ويكملون لهم تعليمهم ويراعون ايضا الارامل ومن لا يكون له مصدر رزق حتى المستشفى العام عندهم اشتروا لها الاجهزة الناقصة ووحدات لغسيل الكلى يعني الاجهزة اللي الحكومة متقدرش توفرها عشان ظروفهم الصعبة فالناس بتتطوع وتجيبها .

السيدة الفاضلة شموع,

ما ذكرتيه سيادتكم هو الوضع السائد كما لاحظته فى إنجلترا , و فى أستراليا خلال إقامتى المؤقتة بها.

فجميع أعمال البر تتم بمعرفة جمعيات خيرية, تطعم الفقراء, و تاوى من ليس لديهم مأوى, و تعلم غير القادر, كما يرسلون متطوعين لمساعدة المسجونين الذين ليس لديهم أسر تزورهم.ـ

و عندما يحترق منزل, أو يتصدع, تقوم هذه الجمعيات بحملة لمساعدة الأسرة المنكوبة, و تنهال عليهم التبرعات المالية و العينية, بدون انتظار لتدخل من الحكومة التى تتدخل على كل حال..

كانت مصر تتمتع فى الماضى بكثير من هذه الجمعيات, و كانت عائلات كثيرة فقبرة تتمتع بحماية و مساعدة هذه الجمعيات, و لكنها اختفت,

و أصبح القادر مقترا على الفقير, و منفرجا على نفسه و أسرته ببذخ شيطانى.

نحمد الله أن بعض المصريين مازالوا يتمتعون بقلوب رحيمة حنينة على اخوانهم المصريين.

تقبلى أسمى التحيات.

تم تعديل 11 فبراير 2008 بواسطة الأفوكاتو

[حازم كمال]

في الثلث الاخير من الليل كنت في طريق عودتي من المطار للمنزل بعد توديع احد الاقارب لسفره خارج البلاد....رأيت عجبا...انا من سكان مصر الجديدة والتي لم يبقى الا اسمها....وفي شارع النزهة

وتريومف وميدان الحجاز لم اكن اتخيل ان ارى هذا الكم الهائل من القمامة اختفت حركة المرور من الشوارع وبقي مرور اخر عجيب قطعان الكلاب والقطط تجوب الشوارع بكميات هائلة ومحتويات صناديق القمامة تغطي الشارع لدرجة ان الاسفلت يرى بصعوبة...هذا في مصر الجديدة...سألت في اليوم التالي عن اضراب لعمال النظافة عن العمل فقيل لا...هل حادثة الامس عارضة ؟؟ يمكن...فدفعني الفضول للتحرك لمعاينة الامر مرة اخرى وفي نفس الساعة...المنظر هو هو ويمكن بزيادة عدد الكلاب كلب او كلبين لان قطيع الكلاب يزداد بازدياد معدل المواليد....فوقفت حائرا ومتسائلا لمصلحة من تبقى الشوارع بهذا المنظر الحقير والمؤسف ...ومع آذان الفجر بدأت دوريات النظافة تجوب المكان وتزيل آثار القمامة فعلمت ان السبب يرجع لامرين اما قلة عدد افراد جهاز نظافة مصر الجديدة او سوء توزيع صناديق القمامة وقلتها...فحمت الله ان الامر يرجع الى فساد اداري صغير ينبغي علاجه قبل ان يستفحل...

[شموع]

على فكره بخصوص المستشفى هي بالجهود الذاتيه بعيد عن المستشفى الحكومي يعني تبرع احد الاشخاص بفدان من الارض تم بناء المستشفى عليه وهي كامله في وحدتين لغسيل الكلي ومفيش جمعيه ولا حاجه هما مجموعه من الاهالي تبنوا الموضوع وفعلا التغيير واضح في البلد انا شفته .

يعني اللي عاوزه اقوله ان التغيير ممكن بس ننوي ونتفق

تعرفوا اكتر حاجه تزعجني في مصر ايه ؟

المواصلات والتبول في الشوارع يعني لو حبيت اجني على نفسي واتمشى شويه اشم ريحة البول حتى تزكم انفي

لا ادري كيف الحل الى هذه المشكله

اعتقد لو عملوا حمامات عامه برده الناس هتبول في الشارع والله المستعان

[سيزيف]

الاخوة الاعزاء

يؤلمنى للغاية ان منحنى الفساد فى تصاعد مستمر

لقد نخر السوس كل العظام التى تشكل هيكل هذا الوطن

طن الحديد يقترب من الخمسة الاف جنيه و ستجاوزها

فمن سيحاسب احمد عز ؟

حقوق الانسان تنتهك كل دقيقة و فى كل مكان

فمن سينصر المظلومين ؟

الحياة اصبحت شبه مستحيلة للبسطاء و محدودى الدخل بعد الغلاء الرهيب فى اسعار السلع - لأ و ايه الحكومة بتفكر فى الغاء الدعم -

فمن للفقراء ؟

الرشوة و المحسوبية عمت كل القطاعات الحكومية

فمن للشرفاء ؟

الاحكام القضائية لا تنفذ و القانون يداس عمدا من الاقوياء

فمن للضعفاء ؟

الرحمة من عندك يا رب

[الأفوكاتو]

عزيزى الأستاذ سيزيف,

هذه هى علامات بداية النهاية لهذا الحكم الديكتاتورى المقنع بقناع الديمقراطية الكاذب.

لا أدرى كيف يستمر نظام مثل هذا النظام بدون أن تتحداه كل القوى الوطنية الموجودة على الساحة, إذا وجدت؟

إذا كان هذا هو ما يريده الشعب و يستكين له, فأنا من هذا براء.

تقبل تحياتى.

تم تعديل 14 فبراير 2008 بواسطة الأفوكاتو

[سيزيف]

عزيزى الأستاذ سيزيف,

هذه هى علامات بداية النهاية لهذا الحكم الديكتاتورى المقنع بقناع الديمقراطية الكاذب.

لا أدرى كيف يستمر نظام مثل هذا النظام بدون أن تتحداه كل القوى الوطنية الموجودة على الساحة, إذا وجدت؟

إذا كان هذا هو ما يريده الشعب و يستكين له, فأنا من هذا براء.

تقبل تحياتى.

استاذى العزيز

لا تبدو هناك علامات لبداية النهاية

بعض الناس تصرخ فى الصحف

و نحن هنا على الانترنت

و لكن لا شىء يتغير

و اغلب الناس فقدوا القدرة على المقاومة او حتى الاعتراض

و ادى الله و ادى حكمته

و بعضهم

[تيجر تيجر]

يظهر ان بلادنا مش لينا خيراتها واثارها وشواطئها مش لينا احنا علينا نلف فى الساقية وده انت لاقيت اصلا ساقية تلف فيها وتاخد 400جنيه وتشتغل 12 ساعة بعد تعليم اكل نصف شبابك وبعد ده كله لا مواصلات .... لا مستشفيات معقوله تقدر تتعالج فيها ..... لاوظائف ...... لا زواج ..... لا شقق بس مش عارف كلمه ( لا ) هتفضل مسيطرة على احوالنا لحد امتى تعبنا .... تعبنا والله العظيم تعبنا