مقهى حنان ترك: ممنوع دخول المسيحيات وغير المحجبات

[nash]

أعتقد فكرة إنشاء مكان خاص للمرأة لإحتساء القهوة فكرة جميله جدا...لإنها ستأخذ راحتها مع صديقاتها وستقضي وقت لطيف بعيدا عن أعين الفضوليين...

ولكن بالنسبه للخبر المذكور أعتقد أنه عار من الصحه ...فهي ليست من الغباء حتي تثير فتنه طائفيه ...كما وأنها كان من الأسهل عليها ان تقول المقهي للمحجبات..وبالتالي سيفهم علي الفور أنه للمسلمات فقط...بدون إثارة قلاقل أو غيرة من الأمور الغير محموده العواقب....

أيضا بالمناسبه أود الإشارة إلي أن المرأة كائن حي يتنفس ويشعر مثله مثل أي كائن حي أخر..ومن حقها الخروج والترفيه عن نفسها في أي وقت تريده أو تشاء طالما إلتزمت بأداب الإسلام وتعاليمه ونواهيه...

[miramar]

هو مش في شواطئ شرم الشيخ يمنع دخول المصطافين الا بالمايوه؟؟؟؟؟

وهي برضه ملكية تم الترخيص لها من الدولة لكى تتعامل مع جميع المصريين , طبقا للدستور, و قوانين الممارسة التحارية التى تمنع التفرقة على أساس الدين, أو اللون, أو الجنسية

هتفرق ايه عن مقهى حنان ترك الي برضه يمنع دخول فئة معينة من المصريين

ده رايي

مرمر

[nash]

الأخ الكريم أبو صابر...

أهلا ومرحبا بك معنا...سواء كنت مسلما أم مسيحيا..هنا كلنا أخوة....

يجمعنا حب الوطن والهموم المشتركه لإغلبنا كمواطنين... ستجدهناك من يحاول أن يثير الفتنه الطائفيه..وهؤلاء لا يلتفت احد لهم...وهناك من يحاول أستعراض لغوياته وأيضا هذا لا يلتفت إليه...

وجود نادي للمسيحين فقط أو للمسلمين فقط ..شيء عادي..ما المشكله أن يفعل كل واحد ما يحلو له...؟؟

أما أن نأتي لننظر علي خلق الله فهنا تكون الطامه الكبري.

هناك في الدول التي سبقتنا بعشرات الآلاف من الكيلوات الضوئيه هناك نوادي تضم أي مجموعه لها نفس الإهتمام المشترك...أو نفس المذهب الديني...

لإن للفرد هناك كرامه ولا يتدخل في شؤون غيرة..تقدموا واصبحوا شيئا له قيمه..وليس كغثاء السيل...فقط كلام وإنتقاد وتنظير علي خلق الله

[kokomen]

للنساء خصوصية فلماذا نحرمهم من هذه الخصوصية دون تطفل البعض من الرجال

وكلنا يعرف طريقة التطفل ... وما المانع في وجود هذه الخصوصية للنساء فهي متوفرة

لهم في وسائل الموصلات مثل المترو والترام ولا يعترض أحد على ذلك وهو شئ مستحب

يحفظ للمرأة خصوصيتها ويمنع التحرش بها كما نسمع هذه الأيام من ندوات تقام ضد التحرش

بالنساء ... فإن كان هذا المقهى يخدم نفس الفكرة فهو مستحسن .. ولكن منع المسيحيات

فهو أمر غير مقبول ... ولكن الدخول بملابس محتشمة شئ جميل ومستحب للجميع

قد تكون الفرقعة الإعلامية هي التي أعطت للموضوع بعد ديني خصوصا مع فنانة تحجبت

والله الهادي الي سواء السبيل

[om marawan]

الحقيقة انا عاوز اعقب على نقطتين باستغرب الحديث عنهم شوية

مش فاهم ليه لما نقول حاجة للمحجبات او حتى للمسلمين تطلع لنا كلمة غريبة اسمها عنصرية !!!!!!!!!!!!!!!!!!!!!!!!!!!!

ايه دخل العنصرية فى اختلاف الدين

وبعدين انا اعتقد انه وجود عنصر عدم وجود غير المسلمات هو علشان بالعربى السيدات اللى فى المقهى لو عاوزين يقعدوا على راحتهم من غير حجاب مايكونش فيه حرج من وجود غير المسلمات لا عنصرية ولا غيره يعنى الاخوة اللى تفضلوا وهاجموا الفكرة دون التاكد من صحة الخبر حتى وطلعوا بالكلمة الغريبة اللى مالهاش وجود فى الموضوع اللى اسمها عنصرية انا فعلا مستغرب رأيهم جدا

الاخ العزيز عم صابر أهلا بيك فى اى مكان وحتى داخل بيوتنا وانت مصرى وتعلم ان اهل مصر ليسوا عنصريين من اى نوع فأرجو الا تاخذ انت او اى حد هذه الكلمة الغربية المصدر بمحمل الجد ..وانا احيى فيك رأيك الجميل واقتبس قولك ورأى مرمر :

اذا كان حقا هناك اماكن تشترط السفور الذى لا يرضاه الكثيرين مسلمين او مسيحين شرطا للدخول ولا نطلق على هذه الأماكن انها عنصرية فلماذا نهاجم من يشترطون الحشمة فى الدخول فى مكان اخر

النقطة التانية اللى محيرانى واعذرينى ياسيدتى الفاضلة الاخت سلوى

لماذا الهجوم على الفنانات او من كانوا يعملون فى الفن

انا معاكى ان فيه نماذج مش حلوة ابدا ولا يصح اننا ناخذهم قدوة

واحنا مش واخدين ان كل حاجة كويسة من الفنانات ولا حاجة ولكن من الطبيعى ان تهتم بعض الصحف او المجلات التى تهتم بالفرقعة باخبار بعضهن وده مش ذنبنا ولا ذنبهم سواء أخطأوا ولا أصابوا

وطبعا نفس الصحف مش هتهتم بنشر اخبار السيدات المحترمات زى ماقلتى مش لنهم انتهوا لكن لأن مش وراهم فرقعة اعلامية ولا غيره

انا طبعا مقدر جدا جدا غيرتك الجميلة وفقدانك لأعصابك فى ظل التناقضات العجيبة اللى بتحصل حوالينا وسامحينى فى رأيى لأنى بس مش مع اننا نسمى الناس بماضيهم هدانا الله واياكم واياهم سواء السبيل

تم تعديل 17 ديسمبر 2007 بواسطة marawan

[Folana]

السلام عليكم ورحمة الله ....

الزهيرى كتب نقلا عن روز اليوسف :

افتتحت الفنانة المصرية حنان ترك، التي ارتدت الحجاب الاسلامي اخيرا، مقهى في القاهرة تنص تعليماته على منع دخول غير المحجبات والمسيحيات

لا أعلم لماذا تجاهلنا هذه الكلمة..وانصب اهتمامنا فقط على كلمة المسيحيات؟...

قد يكون الخبر صحيحا..ولكنه يحمل معنى أخر ...

ممكن جدا لو الخبر صحيح يكون السبب وراءه انها مش عايزة تساعد على التبرج والزينة ..وده على السواء للمسلمة الغير محجبة وللمسيحية....

وربنا سبحانه وتعال ما حرمش الزينة والتجمل على السيدات...ولكن لازواجهن فقط..مش للمارة...وارد جدا تكون دى وجهة نظرها...

انا مش مع او ضد...لكن هى وجهة نظر اخرى من خلال متابعتى للموضوع....

[MZohairy]

السلام عليكم ورحمة الله ....

الزهيرى كتب نقلا عن روز اليوسف :

افتتحت الفنانة المصرية حنان ترك، التي ارتدت الحجاب الاسلامي اخيرا، مقهى في القاهرة تنص تعليماته على منع دخول غير المحجبات والمسيحيات

لا أعلم لماذا تجاهلنا هذه الكلمة..وانصب اهتمامنا فقط على كلمة المسيحيات؟...

قد يكون الخبر صحيحا..ولكنه يحمل معنى أخر ...

ممكن جدا لو الخبر صحيح يكون السبب وراءه انها مش عايزة تساعد على التبرج والزينة ..وده على السواء للمسلمة الغير محجبة وللمسيحية....

وربنا سبحانه وتعال ما حرمش الزينة والتجمل على السيدات...ولكن لازواجهن فقط..مش للمارة...وارد جدا تكون دى وجهة نظرها...

انا مش مع او ضد...لكن هى وجهة نظر اخرى من خلال متابعتى للموضوع....

نرجع لأول الموضوع للتلخيص و برجاء النظر بطريقه اكثر شموليه و هدفها الصالح العام

في حالة صحة الخبر... يترتب عليه فتح باب ضخم صعب اغلاقه لتبرير الحق لإخواننا المسيحيين و المسيحيات لإفتتاح مقاهي و مراكز و مدارس و محلات غير مسموح فيها للمسلمين بالدخول داخل مصر

و طبعا المسلمين مش حيسكتوا و هكذا....

هل هذا هو المطلوب؟

[KimoOoOo]

السلام عليكم

أولاً أشكر صاحب الموضوع

بس تعليقي بالمختصر ماذا لو تحجبت ترك وماذا لو خلعت الحجاب في البداية قمة التقوى وتحكي وكأنها علاّمة والمرأة المسلمة لازم ولازم ولازم وبعدين في لحظة تشوف حاجة غريبه اوي في وسائل الاعلام فنانة كانت من متحجبة وبعدين بتقول ان الحجاب ده حرية شخصية ومش مفروض ربنا يستر علينا وعلى الشعب كفاية كده بكد نلهي الشعب بمواضيع تافهه حنان لبست لبست لنفسها خلعت برده لنفسها وعلى فكرة اظن الكل يعرف ان الكم خمس سنة اللي فاتو واللي ان شاء الله هيفوتو على المصريين مش هيرجعو الا بعد 27 سنة ياريتها كتبت على مبارك ماتدخلش غير اللي بتحب البقرة الضاحكة.

[Folana]

نرجع لأول الموضوع للتلخيص و برجاء النظر بطريقه اكثر شموليه و هدفها الصالح العام

في حالة صحة الخبر... يترتب عليه فتح باب ضخم صعب اغلاقه لتبرير الحق لإخواننا المسيحيين و المسيحيات لإفتتاح مقاهي و مراكز و مدارس و محلات غير مسموح فيها للمسلمين بالدخول داخل مصر

و طبعا المسلمين مش حيسكتوا و هكذا....

هل هذا هو المطلوب؟

السلام عليكم ورحمة الله...

اخى الفاضل زهيرى...نظرة اكثر شمولية بمعنى ايه؟؟...العنوان بيقول ممنوع الدخول لغير المحجبات والمسيحيات باعتبار انهم مش محجبات ايضا...فقلت وجهة نظرى فيما يخص هذه الجزئية...بعيدا عن جلد حنان ترك وتعيين نفسى قيَمة عليها واكثر منها دينا وورعا...

اما عن الفكرة المطروحة بمناقشة جواز تخصيص اماكن للمسلمين فقط وما سوف يتبعه من ردود عملية بتخصيص اماكن للمسحيين فقط..فاعتقد ده شىء مرفوض ومستحيل ايضا...لان الاماكن دى بالبلدى كده مفتوحة للحصول على الرزق واكل العيش....يعنى مش من مصلحتهم انهم يوقفوا رزقهم على ديانة معينة والارزاق على الله....

واجابة على سؤالك...لا طبعا مش مطلوب ...ومش مطلوب اننا نفتح ابواب للفتنة والعنصرية....واذا كانت تقصد انها تمنع المسحييات لهذا الغرض العنصرى فقط...تبقى اقدمت على فعل لا تقدر عواقبه....ولكن ده مايديناش الحق برضه اننا نجلدها ونتقول عليها بالالفاظ واللى اصبحت خلاص عادة اننا نتقول على الغير بما ليس لنا به علم....

احنا نناقش القضية بعيدا عن الخوض فى تقييم ايمانها ولا هى كانت ايه ولا بتعمل ايه....

وصباحكم جميل ..........

[MZohairy]

اخى الفاضل زهيرى...نظرة اكثر شمولية بمعنى ايه؟؟...العنوان بيقول ممنوع الدخول لغير المحجبات والمسيحيات باعتبار انهم مش محجبات ايضا...فقلت وجهة نظرى فيما يخص هذه الجزئية...بعيدا عن جلد حنان ترك وتعيين نفسى قيَمة عليها واكثر منها دينا وورعا...

اما عن الفكرة المطروحة بمناقشة جواز تخصيص اماكن للمسلمين فقط وما سوف يتبعه من ردود عملية بتخصيص اماكن للمسحيين فقط..فاعتقد ده شىء مرفوض ومستحيل ايضا...لان الاماكن دى بالبلدى كده مفتوحة للحصول على الرزق واكل العيش....يعنى مش من مصلحتهم انهم يوقفوا رزقهم على ديانة معينة والارزاق على الله....

واجابة على سؤالك...لا طبعا مش مطلوب ...ومش مطلوب اننا نفتح ابواب للفتنة والعنصرية....واذا كانت تقصد انها تمنع المسحييات لهذا الغرض العنصرى فقط...تبقى اقدمت على فعل لا تقدر عواقبه....ولكن ده مايديناش الحق برضه اننا نجلدها ونتقول عليها بالالفاظ واللى اصبحت خلاص عادة اننا نتقول على الغير بما ليس لنا به علم....

احنا نناقش القضية بعيدا عن الخوض فى تقييم ايمانها ولا هى كانت ايه ولا بتعمل ايه....

وصباحكم جميل ..........

والله يا فولانه باشا ماأقصد حضرتك

انا بتكلم بشكل عام ان الموضوع عواقبه خطيره و مش مسألة تجمع نسائي في مكان و خلاص

صباحك اجمل :lol:

[Salwa]

السيد/ مروان ..

انا لست ضد الفن والفنانات ................(( خصوصا لو كان الفن...فن بصحيح .)).

مسألة انى ضد الراقصات ....!!!.............(( لنترك هذه النقطة بالذات جانبا حتى لانخرج عن الموضوع )).

التاريخ الفنى للراقصات موثق ...وتستطيع مطالعته باكثر من لغة (( على النت )) ...وخصوصا لو ...كان وكأنه مجرد تاريخ للفن عندنا ..!!!..والا ايه ؟؟

انا فقط ضد من لاترى نفسها ولا ترى افعالها وتصرفاتها .....ومع ذلك ...تضع نفسها او تقف بقدم راسخة فوق منصة الوعظ والارشاد ...والتوجيه الى سواء السبيل ....!!

انا ضد ..من يتيهون فخرا ...بالماضى العريق ..!!...للراقصات ...ولهذا نجد مجموعة افلام ( مريعة )...تحكى تاريخ الراقصات وكفاحهم الثورى ودورهم فى تقدم البلاد وتغيير العباد ..و..و..و.......مثلا..

هيا نرى آخر المسلسلات التى تم عرضها فى الثلاثة شهور الماضية فقط ....

مسلسل يحكى دور الصحفية التى نجحت فى كشف عصابة سرقة الآثار وتهريبها ....(( البطلة راقصة سابقة ))

ومسلسل مشابه تماما له يحكى نفس القصة و...ايضا البطلة ...(( ممثلة اغراء سابقة عفا عليها الزمن ...ولولا مساحيق التجميل وعمليات شد الوجه وغيره ما استطاعت ان تقف على قدميها ))...

تأمل تصرفاتها ولبسها ( الراقصة ) وهى تقوم بدور صحفية ...

الله ؟؟

مهزلة المهازل ...فى يوم ختام مهرجان السينما ....و...الفنانة الاولى ...(( ترزح تحت سنواتها العديدة ....تترنح...وكأنها ( تتدلع ) لكنها كانت تترنح...وتفتح عينيها بكل صعوبة ....ومع ذلك ؟؟

مع ذلك ؟؟

يتحدثن عن .......الحكمة....و..(( ضرورة القيام بالعمرة ...والحج...و السير على الطريق القويم .)).

انا لااكفر احد ...ولم يسبق لى ان تعرضت لاى مخلوق من ناحية الدين ..

لست ممن يمسك بالسوط ويجلد الآخرين ...

بالعكس....

انا ارى ان اى انسان حر فى اختيار طريقة حياته ..وعمله ...وطريقة بحثه عن السعادة ...

لكن ؟؟ من الصعب ان تتقبل النصيحة ...من صاحب الخطيئة ...خصوصا لو كان ماضيه ( بالصوت والضوء ) ...!!

من الصعب ان ارى من تترنح والكأس فى يديها ....بالامس......مرفوعة على الاعناق ..اليوم ..و...كل المجموعة تهلل لها ..

وعموما ...

لست ضد الفن ....

اثنان من اولادى يعملون فى مجال الاعلام ...

مجال الاعلام....مجال الفن الراقى ...

فيه فن.....وفن ...

ارجو ان يكون الرأى واضحا هذه المرة ....

[Folana]

والله يا فولانه باشا ماأقصد حضرتك

انا بتكلم بشكل عام ان الموضوع عواقبه خطيره و مش مسألة تجمع نسائي في مكان و خلاص

صباحك اجمل :lol:

السلام عليكم ورحمة الله...

والله يامون بيه عارفة طبعا. :lol: ..انا حبيت اوضح وجهة نظرى بس لانى شعرت انى كنت مختصرة جدا فى اول رد....

صباح الفل.....

[zizetta]

السلام عليكم ورحمة الله وبركاته ...

الحقيقة انا مش عارفة الموضوع ده تم طرحه ليه .. اكيد مش مجرد نقل خبر .. يعني هو مطروح هنا للمناقشة .. وكل واحد حر يقول رأيه زي ما هو عايز .. ولكل منا معتقداته وأسلوب حياته .. لكن إحنا كمسلمين لنا شريعة يجب أن نتبعها .. علشان بس ما نخلطش الأمور .. موضوع الحجاب ده سواء للفنانات أو الملتزمات أو أي فتاة أو سيدة مسلمة هو أمر من الله سبحانه وتعالى .. كده خلصت الجزئية دي في الموضوع من غير أي مناقشات>

بالنسبة بقي للهجوم أو السخرية من الفنانات التائبات أو العائدات إلى الله عز وجل، أو الطعن في صدق توبتهم ورجوعهم إلى الله سبحانه فهذا له رد عندي .. أنا مش بدافع عن الفنانات ولكن الساكت عن الحق شيطان أخرس .. الفنانات التائبات أو اللاتي تحجبن سواء تركن الفن أم لا هم ينفذوا أمر الله في هذه الجزئية .. أما بقى عن التصرفات والسلوك فهذا يعلمه الله وحده .. نحن لا ندخل في نوايا الناس .. ولكن لأنهم تحت الأضواء فالكلام كتير عليهم.

إن الله تعالى، يفرح بتوبة العبد، والله يحب التوابين ويحب المتطهرين..

وأريد أن أنوه ان السخرية من اللذين تابوا وعادوا إلي الله سبب في دخول النار ... فقد قال الله سبحانه وتعالى في كتابه العزيز..

فعندما ينادي أهل النار قائلين: "رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ" [المؤمنون107] يقول الله جواباً عن طلبهم:"قَالَ اخْسَؤُوا فِيهَا وَلَا تُكَلِّمُونِ * إِنَّهُ كَانَ فَرِيقٌ مِّنْ عِبَادِي يَقُولُونَ رَبَّنَا آمَنَّا فَاغْفِرْ لَنَا وَارْحَمْنَا وَأَنتَ خَيْرُ الرَّاحِمِينَ * فَاتَّخَذْتُمُوهُمْ سِخْرِيّاً حَتَّى أَنسَوْكُمْ ذِكْرِي وَكُنتُم مِّنْهُمْ تَضْحَكُونَ" [المؤمنون 108-110]

وأخيراً أقول "من كان منكم بلا خطيئة فليرمها بحجر"...

فكلنا أذنب وأخطأ وإن إدعينا الفضيلة في بعض المواقف ... وكل إبن آدم خطاء وخير الخطائين التوابين ..

بالنسبة بقى للمسيحيات .. فأنا أرى أن المتدينات منهم يقمن أيضاً بوضع غطاء علي الرأس .. مثل الراهبات وكبار السن .. وهذا رأيته بنفسي فقد دخلت الكنيسة عدة مرات سواء للعزاء أو لحضور أفراح وأجد أن السيدات كبار السن يغطين رأسهن .. بل ذات مرة وجدت في صفحة الوفيات في جريدة الأهرام نعي لسيدة محجبة بصورة كبيرة شكلها شدني من جمالها وروحانيتها وشعرت كأن نورا ًفي وجهها وقرأت النعي وإذا بي أجدها مسيحية وكانت سيدة بارة ولها مكانتها الدينية .. علماً بأنها كانت ترتدي الحجاب كما ترتدية المسلمات ...

الحقيقة للآن لا أعرف تفسيراً لهذا الزي عند المسيحيات الا أنه الحياء والتقوي .. إن لم يكن مكتوباً في شريعتهم .

أريد أيضاً توضيح موضوع الكافيه هذا فقد علمت أن الأصل في المكان هو الكوافير حيث أن مها الصغير زوجة أحمد السقا هي إبنه الكوافيرالشهير محمد الصغير .. وقد تم إضافة كافيه وبوتيك صغير للمكان كنوع من مكان الإنتظار ..

وأن المنع في الأصل لغير المحجبات والمسيحيات ليس من دخول الكافيه ولكن من الكوافير .. وذلك حتى لا تؤزر صاحبة الكوافير علي أنها تقوم بتزيين المرأة التي تكشف شعرها وتبدي زينتها لغير محارمها ..

هذا هو الموضوع ..

أحترم آراء الجميع .. فلكل شريعته ومنهاجه ...

تحياتي

زيزيتا

[MZohairy]

متهيألي في لسه سوء فهم عند بعض الأخوه

خلينا نوضح تاني باختصار

هل من المقبول ان يفتح المسلمون المصريون أماكن اجتماعيه اقتصاديه او خلافه و يتم منع المسيحيين من دخولها؟

وهل من المقبول ان يفتح المسيحيون المصريون أماكن اجتماعيه اقتصاديه او خلافه و يتم منع المسلمين من دخولها؟

شكرا

[om marawan]

السيد/ مروان ..

انا لست ضد الفن والفنانات ................(( خصوصا لو كان الفن...فن بصحيح .)).

مسألة انى ضد الراقصات ....!!!.............(( لنترك هذه النقطة بالذات جانبا حتى لانخرج عن الموضوع )).

انا ضد ..من يتيهون فخرا ...بالماضى العريق ..!!...للراقصات ...

لكن ؟؟ من الصعب ان تتقبل النصيحة ...من صاحب الخطيئة ...خصوصا لو كان ماضيه ( بالصوت والضوء

ارجو ان يكون الرأى واضحا هذه المرة ....

رأيك واضح جدا ياسيدتى الفاضلة وانا لم اقصد اننى ضد الهجوم على الراقصات او الفنانات او التعليق على هذه النماذج المخجلة ولا حول ولاقوة الا بالله

ولكننى أعلق فقط على الهجوم على ماضى اى شخص تاب عنه حتى لو كان بالصوت والضوء ودى مجرد وجهة نظر لا تؤثر على صحة رأيك

واخيرا تحياتى لكى و لأولادك واكثر الله من امثالهم علهم يغيرون وجه الفن والاعلام

السلام عليكم ورحمة الله وبركاته ...

الحقيقة انا مش عارفة الموضوع ده تم طرحه ليه .. اكيد مش مجرد نقل خبر .. يعني هو مطروح هنا للمناقشة .. وكل واحد حر يقول رأيه زي ما هو عايز .. ولكل منا معتقداته وأسلوب حياته .. لكن إحنا كمسلمين لنا شريعة يجب أن نتبعها .. علشان بس ما نخلطش الأمور .. موضوع الحجاب ده سواء للفنانات أو الملتزمات أو أي فتاة أو سيدة مسلمة هو أمر من الله سبحانه وتعالى .. كده خلصت الجزئية دي في الموضوع من غير أي مناقشات>

بالنسبة بقي للهجوم أو السخرية من الفنانات التائبات أو العائدات إلى الله عز وجل، أو الطعن في صدق توبتهم ورجوعهم إلى الله سبحانه فهذا له رد عندي .. أنا مش بدافع عن الفنانات ولكن الساكت عن الحق شيطان أخرس .. الفنانات التائبات أو اللاتي تحجبن سواء تركن الفن أم لا هم ينفذوا أمر الله في هذه الجزئية .. أما بقى عن التصرفات والسلوك فهذا يعلمه الله وحده .. نحن لا ندخل في نوايا الناس .. ولكن لأنهم تحت الأضواء فالكلام كتير عليهم.

إن الله تعالى، يفرح بتوبة العبد، والله يحب التوابين ويحب المتطهرين..

وأريد أن أنوه ان السخرية من اللذين تابوا وعادوا إلي الله سبب في دخول النار ... فقد قال الله سبحانه وتعالى في كتابه العزيز..

فعندما ينادي أهل النار قائلين: "رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ" [المؤمنون107] يقول الله جواباً عن طلبهم:"قَالَ اخْسَؤُوا فِيهَا وَلَا تُكَلِّمُونِ * إِنَّهُ كَانَ فَرِيقٌ مِّنْ عِبَادِي يَقُولُونَ رَبَّنَا آمَنَّا فَاغْفِرْ لَنَا وَارْحَمْنَا وَأَنتَ خَيْرُ الرَّاحِمِينَ * فَاتَّخَذْتُمُوهُمْ سِخْرِيّاً حَتَّى أَنسَوْكُمْ ذِكْرِي وَكُنتُم مِّنْهُمْ تَضْحَكُونَ" [المؤمنون 108-110]

وأخيراً أقول "من كان منكم بلا خطيئة فليرمها بحجر"...

فكلنا أذنب وأخطأ وإن إدعينا الفضيلة في بعض المواقف ... وكل إبن آدم خطاء وخير الخطائين التوابين .. .

أريد أيضاً توضيح موضوع الكافيه هذا فقد علمت أن الأصل في المكان هو الكوافير حيث أن مها الصغير زوجة أحمد السقا هي إبنه الكوافيرالشهير محمد الصغير .. وقد تم إضافة كافيه وبوتيك صغير للمكان كنوع من مكان الإنتظار ..

وأن المنع في الأصل لغير المحجبات والمسيحيات ليس من دخول الكافيه ولكن من الكوافير .. وذلك حتى لا تؤزر صاحبة الكوافير علي أنها تقوم بتزيين المرأة التي تكشف شعرها وتبدي زينتها لغير محارمها ..

هذا هو الموضوع ..

أحترم آراء الجميع .. فلكل شريعته ومنهاجه ...

تحياتي

زيزيتا

الزميلة الفاضلة زيزيتا ... اوافقك الراى ولقد عبرتى عما كان فى خاطرى بشكل أفضل بكثير من محاولاتى لتوضيح نقطة الهجوم على التائبين أيا كان عظم ذنبه غفر الله لنا ولهم وللمسلمين والمسلمات

وأشكرك على توضيح النقطة الخاصة بالكافيه وفك الالتباس فى الفهم الذى اصابنى عن سبب عدم دخول غير المحجبات وده رأى كان مفروض توضحه المجلة فى الخبر

لكن نقول ايه بقى فى روزاليوسف !!!!!!!!!!!!!!!!!!!!!!!

متهيألي في لسه سوء فهم عند بعض الأخوه

خلينا نوضح تاني باختصار

هل من المقبول ان يفتح المسلمون المصريون أماكن اجتماعيه اقتصاديه او خلافه و يتم منع المسيحيين من دخولها؟

وهل من المقبول ان يفتح المسيحيون المصريون أماكن اجتماعيه اقتصاديه او خلافه و يتم منع المسلمين من دخولها؟

شكرا

الاخ العزيز زهيرى بالنسبة لسؤالك فرأيى اه ايه المشكلة فى كده اذا كان ليها سبب ومرجعية خاصة بالدين

بس انا عندى سؤال هو مين اللى هيمنع الدخول اعتقد موضوع الكوافير مش موضوع منع من الدخول زى ما الاخت زيزيتا وضحت الموضوع هو ان صاحبة المشروع مش عاوزة تتربح من المعاونة على مالايرضاه الله

يعنى زى كده واحد فاتح بقالة ومش عاوز يبيع سجاير

[Salwa]

لم اقترب من قريب او بعيد .........للتائبات....العائدات الى الله..

ولا اشكك فى حسن نواياهم ....((( لم اقترب فى حديثى ...لواحدة منهن ...!!!)))

((( كنت )))........اتحدث عن رفع شأن الفنانات ....((( اللاتى يتحدثن عن الفضيلة ...وينادين بمكارم الاخلاق )))

وكل واحدة فيهم تقوم بدور ....خضرة الشريفة ...

فيفى عبده فى مسلسلها الاخير ...(( تقوم بدور صحفية ))

نادية الجندى .....فى مسلسل مشابه ..(( ايضا تقوم بدور صحفية ))..

نبيلة عبيد ....صاحبة الجائزة ...

وغيرها وغيرها ....

واما ان..

يقال....

ويتم الرد ...صح تمام ....

والمعنى بين السطور ...

...الساكت عن الحق شيطان اخرس...و....من كان منكم بلا خطيئة ليرجمها بحجر ...؟؟

و... (( لست ادرى من اين اتيتم بأنى اهاجم التائبات ؟؟ ....او قلتم ما معناه ذلك ؟؟ ))...

و...كأنكم .....تقولون كلمة حق...........لى ......لراى جائر ؟؟

رأى تخيله احد ....( لم اقله ) ....؟؟؟؟؟

و...عموما ....انا لا ارجم احدااااااااااا............(( مع انى بلا خطيئة )) ...

اى خطيئة ....

وخصوصا الخطيئة التى قصدها .....(( سيدنا ونبينا عيسى عليه افضل الصلاة والسلام ))..

ارجو تقبل اعتذارى ان كنت ( جنحت فى الرأى )...وتخيلت اننا نناقش موضوع المقهى الذى يحدد نوع رواده..

سلام...

[عصام أبوالفتح]

روزاليوسف = إفلاس

وبتوع الدعاية بيعرفوا فعلا يخلوا الناس تتكلم عن الموضوع المطلوب الدعاية له .. طبعا بقى اشهر مقهى نسائى

[om marawan]

سيدت الفاضلة سلوى

ايه لازمة الزعل

احنا كنا بنتكلم على حنان ترك والكلام كله عن فنانات معتزلات او متحجبات زى حنان

ورأيك منطقى وبديهى بالنسبة للفنانات اللى ذكرتيهم وغيرهم وانا قلت انها نماذج مخجلة

لكن زى ماقلت الكلام كان عن المتحجبات والحقيقة اننا فعلا بنشوف هجوم شرس جدا عليهم فى مواقع كتيرة

وناس تقول هى دى اللى جاية عاملة فيها متدينة وهى نسيت كانت ايه وكلام كتير بالشكل ده

وردى كان عليهم

وانا باعتذر انى تخيلت غلط انك قصدتى بكلامك كل الفنانات متحجبات و متبرجات لكن عذرى ان ده كان سياق الحديث فى المنتدى

واحنا كلنا هنا زملاء و ده باب لتجاذب الاراء والحوار مش اكتر

[بحبك يامصر]

السلام عليكــم ورحمـة الله وبركاتــة ،،

ان صح هذا الكلام فحقا لنا ان نبقى اخر الامم

أغاية الدين حف الشوارب يا امه ضحكت من جهلها الامم

أغاية الدين لبس الحجاب يا أمه زهقت من جهلها الامم

فكره وهابيه بعيده عن مصريتنا خالص من امتى بنعمل اماكن تفصل ما بين المسلم والمسيحى من امتى بنعمل اماكن يقعد فيها الناس الاكتر تدينا بقى معانا ترمومتر لقياس درجه الاسلام والا خلاص بقى الدين بالظاهر بس

قلتُ: فليكن الحبُ في الأرض، لكنه لم يكن!

قلتُ: فليذهب النهرُ في البحرُ، والبحر في السحبِ،

والسحب في الجدبِ، والجدبُ في الخصبِ، ينبت

خبزاً ليسندَ قلب الجياع، وعشباً لماشية

الأرض، ظلا لمن يتغربُ في صحراء الشجنْ.

ورأيتُ ابن آدم - ينصب أسواره حول مزرعة

الله، يبتاع من حوله حرسا، ويبيع لإخوته

الخبز والماء، يحتلبُ البقراتِ العجاف لتعطى اللبن

امل دنقل

[~Heba~]

السلام عليكم

فكرة انشاء صالون نسائي سواء كان للمسلمات او غيرهن فكرة قبيحة من الاصل

فالأصل في المراة وهو القرار في البيت وعدم الخروج من المنزل الا لضرورة والضرورات معروفة

فالمرأة لا يجب أن تكون خراجة ولاجة بمعني تطلع من المكان ده علشان تدخل مكان تاني

يعني يا ريت توفر حنان ترك مجهودها للاستغفار والدعوة بين الفنانات وان كانت دعوتها الي الله بين العوام

شئ طيب ومحمود وان شاء الله تؤجر عليه لكن تعملي قهوة والحريم هات يا نميمة بدعوي ان الست

دي مش متدينة ودي متدينة فده مرفووووووووووووووووووووووووووووووض .

اما منع النصرانيات من دخول اي مكان غير المسجد فده غير مقبول بالمرة بل يجب ان يسمع كلام الله

امال هي بتعمل دعوة لمين ما كل المسلمين الا جزء منهم عارفين الحلال والحرام بس متساهلين فيه

والنصرانيات هن الأولي بالدعوة من غيرهن .

ده الأصل ومناقشة اي تفاصيل غير كده هو الشئ الغير منطقي واقرأ كلام رسول الله مخاطبا النساء

فقد أخرج البزّار من حديث أبي الأحوص عن عبد اللّه بن مسعود رضي الله عنه أنّ النّبيّ صلى الله عليه وسلم قال : « المرأة عورة فإذا خرجت استشرفها الشّيطان ، وأقرب ما تكون بروحة ربّها وهي في قعر بيتها » .

كما أخرج من حديث أنس رضي الله عنه أنّه قال : « جئن النّساء إلى رسول اللّه صلى الله عليه وسلم فقلن : يا رسول اللّه : ذهب الرّجال بالفضل والجهاد في سبيل اللّه تعالى فما لنا عمل ندرك به عمل المجاهدين في سبيل اللّه ؟ فقال رسول اللّه صلى الله عليه وسلم : من قعدت - أو كلمةً نحوها - منكنّ في بيتها ، فإنّها تدرك عمل المجاهدين في سبيل اللّه » . وعند الحاجة كزيارة الآباء ، والأمّهات ، وذوي المحارم ، وشهود موت من ذكر ، وحضور عرسه وقضاء حاجة لا غناء للمرأة عنها ولا تجد من يقوم بها يجوز لها الخروج

طيب عارف ان الناس هتقول ده مش موضوع ديني بتحشروا الدين في كل حاجة ليه نرد نقول مناقشة اي موضوع

لازم نناقش فيه الأصل يبقي مش المهم حنان تدخل مين المهم ان القهاوي دي غلط ومش ناقص الا بكرة اسأل زوجتي

حضرتك كنت فين ولا جاية واسمعها تقولي اصلي كنت في درس في قهوة حنان .......... بلاش اقول رد فعلي ايه

يا استاذ شينكاوى انت ابتديت تتكلم زى الشيوخ المتطرفين اللى عايزين المرأة تتحبس فى البيت و خلاص البيت مهما كان سجن و امهات المؤمنين فقط هن من فرض عليهن القرار فى البيت و المرأة ليست عورة اذا كانت ملتزمة بحجابها الشرعى و المرأة تحتاج اكيد للخروج للتنفيس عن نفسها مع صديقاتها او قريباتها و اشمعنا الرجالة الواحد فيهم تحلى له فرجة متشات الكورة على القهاوى لكن فى البيت لأ

و بشكل عام شئ جيد اننا نخصص ركن للنساء فى الاماكن العامة و اقول ركن زى ركن للعائلات و كدة يعنى اما عن مقهى بحاله و يمنع دخول غير المحجبات و المسيحيات فأقول ان صح الخبر و الله عيب يبقى اللى بيحصل ده التصرف ده كفيل بإنه ينفر البنات الغير محجبات بالالتزام و يصدهن عن مجرد التفكير حتى فى ارتداءه اما عن المسيحيات فأقول يمكن حنان سمعت فتوى بان البنت الغير مسلمة لا يجوز الكشف امامها زيها زى الرجل و هى فتوى صحيحة سمعتها عن بعض الشيوخ فى قناة اقرأ و البعض يقول يجوز لانها كتابية

و انا اتمنى لو كان الموضوع صحيح ان ترجع حنان ترك فى قرارها و ممكن تعمل ركن للمحجبات يستطيعوا فيه نزع الحجاب براحتهم و ده يبقى شئ جميل جدا

و على فكرة انا رأيت حتى بعض مقاهى الانترنت تعمل اماكن مخصصة للفتيات...ياريت تعمم الفكرة

اما عن الكوافير فأنا فيه حاجة مش فاهماها طيب دلوقتى واحدة عملت شعرها ترجع تحط عليها الطرحة او الخمار تانى ازاى و هى لازم ترجع تلفه و حيتبهدل تانى؟؟؟؟؟؟ممكن حد يوضحلى