مظاهرة امام مجلس الشعب ,,, والحكومة معندهاش لاقلب ولا نخوة !!!

[badroora]

اليوم كنت فى وزارة الصحة لتخليص بعض الاوراق ماعلينا المهم وجد مظاهرة امام مجلس الشعب روحت اتفرج فرصة اول مرة اشوف مظاهرة من بعد ايام الجامعة الله يرحمها ايام .

المهم روحت تطقست وسالت لاقيت اللفتات مكتوبة من العاملين بالشرقية وبنى سويف وطنطا واماكن تانية طبعا مقدرتش اصورها عشان انكسف بصراحة قولت يعنى الناس فى ايه وانا فى ايه بصراحة الشعارات بتاعتهم عجبتنى اوى صحت فيا حماسي ايام الجامعة والقضية الفليسيطنية

المهم فى عدة اشياء عجبتنى اوى فى المظاهرة دى

الاول انهم كاتبين كلام حلو اوى فى اللافتات وغير الشعارات بتاعتهم كانت مؤثرة جدا انا البي وجعنى والله ومش عارفة هما بقالهم 7 ايام على حسب ماسالت والحكومة البها ماحنش خالص ليهم :sad: صحيح حكومة معندهاش قلب .

طبعا فضولى قتلنى ونسيت انا كنت رايحة اعمل ايه وسالت واحد منهم كان رايح يجب حاجة قالى ان بتوع الضرائب العقارية بيخدو مرتبتات اكتر من بتوع الضرائب العامة طبعا انا مش فاهمة ايه الفرق بين الاتنين وليه دا موظف ودا موظف بيقوم بنفس الشغل ودا ياخد 4000 جنية والتانى ياخد 400 جنية .

وطبعا هما بيندهوا فى مالطة ولا حد سال فيهم شكلهم مش عارفين انا نزاهة حكومتنا متجيش بلوي الدراع .

وبقالهم 7 ايام فى الشارع على حد قول متظاهر منهم والحكومة لن تستجيب لمطالبهم .

الجانب الايجابي بصراحة هو الامن المركزى لاقيت عربيات كتير وامن كتير واقفين لحمايتهم والله حاجة تفرح

وغير عربة اسعاف لاسعاف اللى يطلع روحة منهم من المجهود اللى بيبذلوا ولا احد بيستجيب .

وعربية زبالة جاية مخصوص بتلم الزبالة الناتجة من استعمالالتهم الشخصية وعربية غامضة كدا بتلاجة معرفش دى كانت هناك ليه :lol: قولت بلاش سوء ظن تلاقيه ايس كريم للرجالة يطري على قلبهم :lol:

الموقفين المتناقضين دول فكرونى بوضع اميريكا بتدى سلاح لاسرائيل ضد الفلسيطنين وفى اليد الاخرى بتمد الفلسطينين بمعونة اغذية ؟!!!!

بصراحة هل دى سياسة وزارة غير الوزارة الاخرى الله اعلم ؟!!!

هل المسئولين دول بتوع مجلس الشعب معندهوش اخوات بنات ولا صبيان لما سيدات وبنات ورجال زى الفل فارشين ونايمين فى الشارع فى عز البرد بقالهم كذا يوم ولسه قلبهم مش حس.

ولا حتى استجابوا لمطالبهم .

بجد حكومة معندهاش قلب ولا نخوة .

وانا سعدت جدا بموقف المتظاهرين الاقوياء اللى صرخوا فى وجه الظلم ولا همهوش تركوا بيتوهم ومصالحهم لمجرد الوقوف فى وش الظلم

حتى لو حكومتنا مش استجابت لهم ؟

حتى لو رجعوا بخفي حنين ؟

حتى لو محدش حس بيهم و بموعانتهم ؟

يكفيهم شرف المحاولة وعدم المواقفة او الرضا بالظلم .

ادعوا الله ان ينصرهم وان يحقق مطالبهم ويرجعوا بيتهم بقي عشان الجو برد اوى عليهم

ويحنن قلب الحكومة المبجلة على الشعب واخيرا

الله يهدي الحكومة اللى لوى الدراع مش بيجيب نتيجة معاها .

تم تعديل 12 ديسمبر 2007 بواسطة Badria Mekkawy

[amrhoras]

والله يابدريه على اد ما هو مفيش حاجه حصلت

على اد مانا مبسوط ان الناس بدأت تتحرك وكل يوم مظاهرات بيقولوا احنا هنا مش اموات

يسقط الاستعمار الاستقلال التام او الموت الزوئام

شكرا

[ahmedarab]

اسمحيلى عزيزتى بدرية اقتبص من مداخلتك الجمل دى :

حتى لو حكومتنا مش استجابت لهم ؟

حتى لو رجعوا بخفي حنين ؟

حتى لو محدش حس بيهم و بموعانتهم ؟

يكفيهم شرف المحاولة وعدم المواقفة او الرضا بالظلم .

ادعوا الله ان ينصرهم وان يحقق مطالبهم ويرجعوا بيتهم بقي عشان الجو برد اوى عليهم

ويحنن قلب الحكومة المبجلة على الشعب واخيرا

الله يهدي الحكومة اللى لوى الدراع مش بيجيب نتيجة معاها .

فى راىي هو دة المهم

الناس بتتحرك وبتقول لا وبصوت عالى وفى وش اى حد

صدقونى فية امل

الكلام دة مكناش ممكن نشوفة من 3 او 4 سنين خالص

يا رب انصرنا وانصرهم وخالى مصر تبقى احسن بلد فى الدنيا

[ahmedarab]

اضافة اخيرة يا عزيزتى

صدقينى لوى الدراع بيجيب نتيجة ..بس احنا اللى مش بنشوف

لوى الدراع مرة واتنين وثلاثة ...لازم هيجيب تنيجة

لانة ببساطة (وانتى ست العرفين بالطب) لو الدراع اتلوى 3 او 4 مرات جامد من غير ما يلين ......يتكســــــــــــــــــــــــــــر

[شينكاوي]

السلام عليكم

احلام الشعب المصري ما لهاش حدود ............. فاكرين المظاهرات ممكن تجبر الحكومة انها تستجيب

لمطالب الشعب لأ لأ لأ لأ لأ عارفين ليه لأن اهم مطلب للشعب هو تغيير النظام بالكامل تفتكروا ده ممكن يجي

بمظاهرة فيها الف ولا الفين ولا مليون لأ ده ييجي بأيه الله واعلم ..... انا مش متشائم بس انا عارف ان مصر

مش هينصلح حالها الا لما ينصلح حال الشعب ........................... وبعدين يا نجفة الضب-الاسم ده عاجبني-

الموضوع مش بس مظاهرة اللي هتخلي الظلم يرفع عن مصر .... مش بس اعتصام

يا مس ضب صحيح الناس زهقت بس برده لسه الناس خايفة تتكلم واللي شفته في انتخابات الرئاسة

الفشنك بيؤكد كلامي .

لك الله يا مصر.....................................................................محمد شينكاوي

[amrhoras]

اخى العزيز محمد شينكاوى

ثورة الشعوب قنبله اضخم من اى قنبله نوويه لا يمكن تفاديها

وكل شيء يبدأ بخطوه

الانسان يبدأ بخطوه

تحقيق الحلم يبدا بفكره

الغضب يبدأ بذره مشاعر

الف او الفين اليوم يكره عشره ومائه بعده مليون واتنين الى ان يفوق الغضب كل الحدود وتجد الطفل نفسه يقول لا

اهم حاجه الانتظام وعدم العشوائيه ليست خناقه اوى كرسي فى الكلوب واللى يحب النبي يضرب

لازم تنظيم وحسن اختيار وخطوات للتنفيذ

كل شيىء الغضب والنفس الثائره لكن لا يوجد تنظيم ولا يوجد حسن اختيار

شكرا

عمرو

[شينكاوي]

السلام عليكم

amrhoras رد اليوم, 11:40 AM

اخى العزيز محمد شينكاوى

محمد ده اسمي يا ابو حورس اما شينكاوي دا النك نايم يعني مش والدي شينكاوي ما علينا .

ثورة الشعوب قنبله اضخم من اى قنبله نوويه لا يمكن تفاديها

وكل شيء يبدأ بخطوه

الانسان يبدأ بخطوه

تحقيق الحلم يبدا بفكره

الغضب يبدأ بذره مشاعر

الف او الفين اليوم يكره عشره ومائه بعده مليون واتنين الى ان يفوق الغضب كل الحدود وتجد الطفل نفسه يقول لا

يا ابو حورس الكلام ده محتاج ناس فاهمه حقوقها الدستورية كويس وعندها الاصرار والرغبة في التغيير لكن اللي بنسمعه

من معظم الناس ..........هو احسن من غيره علي الاقل هو شبع اما اللي هيجي لسه هيسرق لما يشبع وده معناه مزيد

من الفقر ........... بالله عليك ما سمعتش الكلام ده قبل كده

وبعدين انا خايف ان المظاهرات تأخد منحي تاني ويندس فيها عناصر الامن ويكسروا ويخربوا البلد وما تنساش حريق القاهرة

الشهير................. انا خايف علي الناس البسطاء يا عزيزي فاذا كانت النخبة ليس لديها برنامج سياسي فكيف بالعوام

انا اتحداك يا ابو حورس تفتح موضوع عنوانه : من هم العشر شخصيات الابرز لحكم مصر ............ وحد يجاوبك من اهل المحاورات

شفت المشكلة يا ابو حورس المشكلة مش في المظاهرات المشكلة انه تم القضاء علي الكوادر المؤهلة لتحمل المسؤوليه

في اي قطاع في مصر ..............................................................لك الله يا مصر

[ahmedarab]

انا لو منك يا عموور افتح موضوع عنوانة من هم العشر شخصيات الابرز لحكم مصر

وصدقنى يا شينكاوى هتلاقى كتير قوى بيجاوب وممكن كمان يكون فية كتيررر اجابتهم قريبة جدا من بعض

صدقنى التغيير لازم يجى مننا احنا

وبعدين اسمحلى اوجهلك سؤال ..لو زى ما بتقول مش دة الاسلوب او الحل الصحيح ..طب تقدر تقولى لية فى ناس عملت مظاهرات وخدت اللى هى عايزة

تفتكر لو المظاهرات دى مش بتجيب اى نتيجة ..لية الحكومة استجابت مثلا لمطالب العاملين فى شركة غزل المحلة ..وغيرة صدقنى فية امثلة مختلفة ولو كانت بسيطة لكنها بداية احسن من لا شىء

[amrhoras]

حبيبي ا/ محمد من غير شينكاوى انا كتب محمد شينكاوى لان ربنا يكتر اسم محمد وبما انى معرفش الاسم كامل كتبت اللى عرفته يعنى انا داداى اسمه حروس برده يراجل هههههه

================

باالنسبه لحكاية اندساس افراد الامن وعمل زوبعه وتفرقه ده شيىء وارد لو حضرتك ركزت فى كلامى اكتر لازم النظام والنظام كلمه عامه وضع خطط محكمه كل فرد يعرف مسؤلياته

هى فى مشكله كبيره جدا

ان كل اللى حكم مصر اغلبهم كلمات جميله تداعب عواطف الناس ينجرون خلفه بكل قوه واليك مثال

قررت التنحي عن الحكم وطبعا ابان قدام الناس انى البطل الشهيد كل الشعب خرج فى مظاهره

اولادنا بتوع الاخوان قالو الاسلام هو الحل قدرو يكسبوا ناس برده كتييير لان النزعه الدينيه فينا مؤثره ولا معاهم ولا ضدهم

ايمن نور قال كلمتين من بتوع الثقافه والصالونات الثقافيه واتكلم عن الديمقراطيه الناس هاجت وماجت وقالو هو ده حامى الحمى انا لا معاه ولا ضده

الحل داخلنا نمحى كل عاطفه جوانا ونقرر بعقولنا بتنظيم وفكر اكيد نوصل للشخص المناسب وبالعكس نساعده على اد مانقدر

بس فى ثوره عارمه داخلنا وبدأت تظهر وبشده الايام الاخيره لكن للاسف غير موظفه التوظيف الصحيح عشوائيه لرفع الظلم عن فئه معينه لذلك لا اعتبرها مظاهره وانما برده بارقه امل اننا بدأنا نشيل القيود شويه ونتكلم مش مهم نتيجه بس المهم بدأنا نعمل وهنوصل برده انشا الله

تحياتى

عمرو