راح فين خير بلدنا يا بطريق ؟؟؟

[achnaton]

"""أحدث صفقة تجارية مصرية تم تصديرها لإسرائيل مؤخرا كانت عبارة عن 65 طن طن ارز مصرى وصلت لميناء أشدود وقد رصدت هيئة الرقابة على الصادرات والواردات بالأسكندرية فى تقريرها هذه الصفقة وبذلك يصبح ماتم تصديره الى اسرائيل من الأرز المصرى هذا الموسم 595 طنا .. """

هذا الخبر قرأته فى جريدة " صوت الأمة " فى 3 فبراير صفحة 15 .. وياريت الخواجة يوسف البطريق يزيد لنا التوضيح لماذا ارتفع سعر الكيلو من الارز المصرى الى 160 قرشا هذا الموسم ؟؟ بعد ان بدء ب 120 قرش وهل ارتفاع السعر له علاقة بارتفاع سعر الدولار اللى بندفع به للفلاح فى قرى مصر .. ؟؟ وحنعلق ونقول غيه .. غير حسبنا الله ونعم الوكيل ..

أخناتون المنيا الحزين المرضان

[ragab2]

لازم

نشبعهم ونعلفهم عشان ندبحهم ع. العيد

[mnman]

ragab2 Posted: Mon Feb 10, 2003 3:15 pm    Post subject: 

 

لازم 

نشبعهم ونعلفهم عشان ندبحهم ع. العيد

دول خنازير يا دكتور غير صالحين للأكل....

[achnaton]

مش بعيد والله يا دكتور رجب تصدر التوجيهات لمفتى الديار أو لسيد الشطار بإباحة التضحية بالخنزير وأكل لحمهم بعد أن أكلنا لحم الحمير والكلاب .. وآدى أحنا من يومها قاعدين نهبهب عشان نهش غراب الخراب رئيس وزارة الكساد ولا فايده ولا حد بيسمعنا .. وطبعا أصوات الحمير رغم انها عاليه لكن ما متخوفش الغربان .. فاضل نجرب اصوات الخنازير .. !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! ولا حول ولا قوة الا بالله

اخناتون المنيا الحزين المرضان .. اللى ما بيكولش لحمه من زمان :) :) :D :D :D

[mnman]

الاستاذ أخناتون.... خير بلدنا في جيب شوية حرامية و زي مقال بيرم التونسي...

أربع عساكر عتاولة يفتحوا برلين

ساحبين بتاعة حلاوة جاية من شهرين

شايلة على كتفها عيل عينيه وارمين

والصاج على مخها يرقص شمال ويمين

إيه الحكاية يابيه؟ قال: خالفت القوانين

إشمعنى مليون حرامي في البلد سارحين

يمزعوا في الجيوب ويكسروا الدكاكين

أسأل وزير الشئون ولا أكلم مين :? :? :?

[ragab2]

عساكر سعرانة بتاكل بنى آدمين

تنقى الغلابة ... وتختار المساكين

تيجى ع. الفقير وتخاف م. التخين

يابلد تشجع اللص وتحارب الأمين

تعاقب الشريف وتكرم الفاسدين

[الطفشان]

كلامك حكم يا رجب و كالعادة في الصميم

امن مركزي و امن دولة شرهم بقى عميم

و الحرامية و الداخلية ودن من طين و ودن من عجين

و الشرفا بقوا في البلد اقلية، ببس يا عيني تقول لمين

[ragab2]

شكرا

ياعمنا الطفشان هذا من بعض ماعندكم

جازاك الله خيرا

تحياتى