ما هي أفضل المدارس في الرياض؟

[msayed]

الإخوة الأعضاء الأفاضل

السلام عليكم ورحمة الله

ياترى حد يعرف المدارس تفاصيل عن المدارس دى (إيه وضع العربى فيها، الدين بالعربى ولا الإنجليزى، فيها مصريين ولا لأ، فيها باصات) وأى معلومات ممكن تكون مفيدة

1- النصر العالمية

2- المؤمن العالمية

ياريت حد يفيدنى إيه رأيه فيهم ولو تليفوناتهم وعنوانهم يبقى جميل جداً.

أنا إبنى ها يوصل إن شاء الله يوم 26 أغسطس فهل ممكن أقدم له من دلوقت ولا لازم لما يوصل وهل هناك فرصة ولا التقديم ها يكون قفل.

هو إن شاء الله ها يبدأ فى كى جى ون.

وشكراً لكل واحد بيقتطع من وقته الثمين علشان يساعد الناس. ربنا يجزيه عنا خير ويارب يقدرنا يكون عندنا كلنا ما نستطيع مساعدة غيرنا به.

[sayed metwally]

يا جماعه في كمان مدرسه جديدة في الربوة اسمها الاقبال وهى كانت باكستانية وجالها ادارة مصريه من الفيوتشر

وانا زورتها اكتر من مرة وهيا ممتازة من حيث الشكل والادارة وكمان فيها مصريين كتير واسعارها حلوة وعلى قدنا

[ابو حودة]

ماذا عن مدارس الدمام

[الرويناء]

انا دخلت ابنى الفارس وشايفه انها كويسه بس غاليه شويه منهج امريكى هاركورت ابنى كان kg1

بس لما نزلت مصر دخل مدرسهmseaمصر الحديثه 2000 اكتشفت حاجه غريبه انهم كانوا بيردولوا منهج kg 2 (الفارس)

واكتشفت ان المدارس نظام البريطانى الاولاد بيدخلوا اصغر سنه

[Lembic]

هو وجود المصريين فيها يعتبر ميزة ولا عيب؟

[أسد]

توضيح

اسمه نظام استرالي ..

مش منهج استرالي

والنظام الاسترالي يتم تدريس المنهج الأمريكي فيه من الصف الأول وحتى السادس

ثم يقلب بعد كده إلى منهج بريطاني ..

وفي النهاية يختار الطالب أن يحصل على الـ IGCSE البريطاني أو السات الأمريكي

ابني في مدرسة الملك سعود .. بيدرس بالنظام ده

[سكر]

اليومين دول مقديهم شحططة على امدارس عشان ادخل ابنى

واليوم شفنا انا والمدام قصدى المدام بس لانه ممنوع الرجال للدخول فى kg

مدرسة نافذة المستقبل العالمية

ومدرسة الدلتا العالمية

المستقبل عجبت المدام بس اعارها نار تقريبا 10500 و800 تسجيل و600 كتب غير اللبس يعنى تقريبا 12000 ريال

الدلتا سعرها 6300 و500 تسجيل والكتب فرى

انا شايف الدلتا مش بطاله بس لو حد عندة خبرة تعامل معها ياريت يقول راية

بالمتاسبة جارى البحث عن الرمال والايدوكيشن مفيش مكان

اما العروبة مش عجبنى انها هتنقل وهتبقى بعيد عن البيت

[الرويناء]

لا انصح بنافذه المستقبل غير كى جى فقط

بعد كده مهمه المدرسه تلخيص المنهج واعاده تلخيص لغايه متبقى مذكره ورقه او بالكتير 2 وخد ذاكر دول

ولا مايكون برشام وقبل الامتحانات بيدلولهم مثلا15 سؤال باجابتهم يحفظوهم وهو ده الامتحان

ده شكاوى ناس كتير من ابنائهم فى المدرسه

بالنسبه للدلتا ناس اصحابنا بيشكروا فيها

[ابومنى]

احب اوضح شىء بالنسبة لمدرسة العروبة العالمية فهي مدرسة معتمدة من السات الامريكي وهي ممتازة جدا وتقوم بتدريس المنهج الامريكي ومراحلها من النرسري الى G12 الى الجامعة مباشرة ومصروفاتها ممتازة بالنسبة للمدارس التي في مستواها التعليمي وممكن تقسط ايضا 4 اقساط وتليفوناتها 2918500 - 2916302 - 2915596 والفاكس 2916535 وهي في شارع الاميرسلطان قبل دوار المطار بجوار مدرسة الملك عبد العزيز وانا عني 4 اولاد فيها.

[pink rose]

مافيش احلي من مدرسه ( الإيديوكيشن ) كله بيقول علي مدارس ولاده...إدارة ممتازة ..وأهم حاجه صادقه....وياويله اللي يغيب...ممنوع منعا باتا....

السلام عليكم اخت nash

فين مدرسة الايدوكيشين دي؟ في اي موقع في الرياض

و ممكن سؤال في عندهم تلاتة kg و لا اتنين بس?

اصل بنتي على السنة الجديدة هاتكمل 4 سنين ان شاء الله مش عارفه المدرسة دي تقبلها على kg2 و لا هايقولوا لا لازم kg1 الاول؟

تم تعديل 4 مارس 2009 بواسطة remo

[doudy]

معلوماتك قديمه يا سي السيد...سوري يعني...

النسب أتعكست في السات يعني ال60% بقت علي الإمتحانات وال40% علي أعمال السنه...

مافيش احلي من مدرسه ( الإيديوكيشن ) كله بيقول علي مدارس ولاده...إدارة ممتازة ..وأهم حاجه صادقه....وياويله اللي يغيب...ممنوع منعا باتا....

جربت الفيوتشر .... بلاش أتكلم... الطيب احسن....

ربنا معانا

السلام عليكم

ازيك انا دعاء عضوة فى الحوارات

و عايزة اسالك عن مدرسة الايديوكيشن دى منهجها ايه و

مصاريفها اد ايه

انا ولادى grade 2, grade 5

و احنا قدامنا شهرين و نيجى الرياض و بسال عن المدارس عشان اشوف مدرسة كويسة

و ياريت تقوليلى اسما ء الكتب لو عندك ولاد فىالابتدائى

و اشكرك جدا

[doudy]

احب اوضح شىء بالنسبة لمدرسة العروبة العالمية فهي مدرسة معتمدة من السات الامريكي وهي ممتازة جدا وتقوم بتدريس المنهج الامريكي ومراحلها من النرسري الى G12 الى الجامعة مباشرة ومصروفاتها ممتازة بالنسبة للمدارس التي في مستواها التعليمي وممكن تقسط ايضا 4 اقساط وتليفوناتها 2918500 - 2916302 - 2915596 والفاكس 2916535 وهي في شارع الاميرسلطان قبل دوار المطار بجوار مدرسة الملك عبد العزيز وانا عني 4 اولاد فيها.

السلام عليكم

ممكن لو سمحت اعرف اسماء الكتب حتى تبعتهم على الخاص

انا عاوزة اعرف اسمائهم

و انا ابنى سنة خامسة و بنتى تانيةو هما هنا فى مصر كانوا مستوى رفيع هل صعب يمشوا فى الانترناشيونال

مع العلم انى هذاكر لهم فى الصيف عشان يحصلوا المدرسة

[falastini]

الأخ الفاضل ...

شكرا على المعلومات المفيده جدا

هل من هذه المدارس قريبه لمستشفى الملك فيصل التخصصي؟

[ديم]

سلام ياجماعه بالنسبه لكلام الأخ انو مش منهج استرالي بل نظام استرالي ده كلام صحيح ولادي مستفيدين جدا المعلومات الي في الكتب جميله وثريه وبتعتمد على تشغيل الطالب لعقله وتفكيره واللغه عندهم قويه وبيهتموا جدا بالphonics من ال KG1 وده بيعلمهم القراءة بطريقه صحيحة الصراحة انا مبسوطة جدا من لغة ولادي حتى المعلمات ممتازات يعني عندي في مرحلة KG'S & Grades وكلهم ممتازات والادارة متعاونه جدا والعربي والدين الصراحه مش مقصرين بحاجه وبالنسبه لأقساطهم مناسبه جدا وانا بصراحه متفقه معاهم على التقسيط الشهري (مدرسه تربويه مش تجاريه) ده رأي الشخصي . المهم مكانها في السليمانيه ورقمهم 0555306360 أو 4645582

[doha]

ياه يااخت ديم حمستيني اوي للمدرسه دي باين عليكي بتحبيها اوي يعني ماشاء الله من سنه مشتركه وملكيش مشاركات غير بس عشان تمدحي فيها ..

ان شاء الله لما بنتي تدخل السنة الجايه احتمال اوديها عندكم بس ربنايستر متتطلعش المدرسة وحشه هيبقى ذنبنا في رقبتك ..

[ديم]

السلام عليكم ورحمة الله وبركاته والله ياأختي انا ما بعملش دعايه لحد بس أنا شغلي الوحيد عيالي ادور في النت وابحث عن أفضل حاجه ليهم علشان كده شاركت في موضوع المدارس ده ولما حد بيشوف حد محتاس بيحب يساعده بجد ولأني مقتنعه جدا بالمدرسه وشيفاها كويسه حبيت اقول رأي الشخصي وشكرا .

[pink rose]

صباح الخير عليكم

النهادرة اتصلت بمدرسة الملك خالد العالمية عشان اسال التقديم للسنة الجديدة بدأ و لا لسا المهم قالولي انه فعلا بدأ

بس لما سالتهم على منهج اللغة العربية اي منهج لقيتها بتقولي منهج لبناني حد عنده خلفية عن المنهج اللبناني دا يفيدني كويس و لا ايه النظام؟ انا خايفة يكون باللهجة اللبنانية زي ما بنشوفهم بيكتبوا كده في بعض البرامج

[أسد]

صباح الخير عليكم

النهادرة اتصلت بمدرسة الملك خالد العالمية عشان اسال التقديم للسنة الجديدة بدأ و لا لسا المهم قالولي انه فعلا بدأ

بس لما سالتهم على منهج اللغة العربية اي منهج لقيتها بتقولي منهج لبناني حد عنده خلفية عن المنهج اللبناني دا يفيدني كويس و لا ايه النظام؟ انا خايفة يكون باللهجة اللبنانية زي ما بنشوفهم بيكتبوا كده في بعض البرامج

إبني في مدرسة الملك سعود

بيدرس العربي منهج لبناني ومنهج سعودي

في نفس الوقت

الحقيقة المنهج البناني منهج قوي ومحترم جداً..

[زقلط]

الاخوة الكرام

ابني حتى هذا اليوم عمره 3.5

ما هو سن دخول المدرسة؟ وهل يسمح هذا السن بالتقديم ولا عليه الانتظار

السؤال خاص بالمدارس السعودية

تم تعديل 2 مايو 2009 بواسطة زقلط

[pink rose]

صباح الخير عليكم

النهادرة اتصلت بمدرسة الملك خالد العالمية عشان اسال التقديم للسنة الجديدة بدأ و لا لسا المهم قالولي انه فعلا بدأ

بس لما سالتهم على منهج اللغة العربية اي منهج لقيتها بتقولي منهج لبناني حد عنده خلفية عن المنهج اللبناني دا يفيدني كويس و لا ايه النظام؟ انا خايفة يكون باللهجة اللبنانية زي ما بنشوفهم بيكتبوا كده في بعض البرامج

إبني في مدرسة الملك سعود

بيدرس العربي منهج لبناني ومنهج سعودي

في نفس الوقت

الحقيقة المنهج البناني منهج قوي ومحترم جداً..

بجد و الله يا استاذ اسد حضرتك كده طمنتني

كانت واحدة صاحبتي بتقولي ان المنهج اللبناني ضعيف جدا و بيكتبوا زي ما بيتكلموا يعني اللغة العربية الفصحى ضايعة عندهم

طيب معلش سؤال لحضرتك ممكن نشوف الكتب بتاعت المدارس دي في اي مكتبات و لا دي بتبقى تبع المدرسة فقط يعني ممكن الاقي الكتب بتاعتهم في جرير او العبيكان ؟

الاخوة الكرام

ابني حتى هذا اليوم عمره 3.5

ما هو سن دخول المدرسة؟ وهل يسمح هذا السن بالتقديم ولا عليه الانتظار

السؤال خاص بالمدارس السعودية

انا كمان مريم بنتي عندها دلوقتي 3 سنين و نص و على معاد الدراسة ان شاء الله هايكون عندها 4 سنين الا شهر

لما سالت النهاردة في مدرسة الملك خالد قالولي انها كده تدخل على kg 2 على طول لان kg 1 من سن 3 سنين لكن سالت قبل كده في مدرسة الايديوكيشين و قالولي لا اربع سنين الا شهر تدخل kg 1 الاول و طبعا كده كتير لانها كده هاتدخل grade 1 عندها 7 سنين طبعا ما ينفعش فا حضرتك اسال في المدارس اللي ناوي تدخل ابنك فيها و اتاكد منهم يقبلوا يدخلوه على kg 2 على طول و لا ايه

بس الافضل يكون عنده خلفية عن الحروف و الارقام و الالوان كده يعني

و بالنسبة للتقديم بدأ من دلوقتي فعلا

اتمنى اكون افدت حضرتك

تم تعديل 2 مايو 2009 بواسطة remo