ما هي أفضل المدارس في الرياض؟

[المهندسه]

اشكر الجميع على المعلومات المفيدة و اخص الاستاذ سى السيد فى سؤال لانه ذو خبرة طويله فى السعوديه , اريد مدرسة لابنتى تكون لغه اولى فرنسية انا اعلم انها قليله الوجود ولكن اتمنى الافادة من اصحاب الخبرة عن المدارس الفرنسية الموجوده فى الرياض واذا توفرت لديكم ايضا معلومات عن المناهج.

[doha]

طيب سؤال مهم جدا لو حد يقدر يفيدني فيه بعد اذنكم ..

هل لو قدمت لبنتي في المدرسة بعد ثلاث اربع شهور من الآن يقبلوها ولا لازم من دلوقت التقديم ..

ببساطة انا وهي حاليا زيارة مش اقامه وبالتالي ملهاش دخول مدارس هنا حاليا وقدامنا كام شهر على مانعدل اوضاعنا ..

فسؤال للي عنده خبرة هل المدارس الخاصه بتقبل الطلبة في تمهيدي في اي وقت ولا لازم من دلوقت ؟ ؟

[pink rose]

اشكر الجميع على المعلومات المفيدة و اخص الاستاذ سى السيد فى سؤال لانه ذو خبرة طويله فى السعوديه , اريد مدرسة لابنتى تكون لغه اولى فرنسية انا اعلم انها قليله الوجود ولكن اتمنى الافادة من اصحاب الخبرة عن المدارس الفرنسية الموجوده فى الرياض واذا توفرت لديكم ايضا معلومات عن المناهج.

الاخت المهندسة دا رابط لنفس الموضوع هنا في المحاورات و رد الاستاذ سي السيد و الاخ زهيري على نفس السؤال تقريبا

موضوع : اريد مساعدتكم بمعلومات عن المدارس الفرنسية بالرياض

طيب سؤال مهم جدا لو حد يقدر يفيدني فيه بعد اذنكم ..

هل لو قدمت لبنتي في المدرسة بعد ثلاث اربع شهور من الآن يقبلوها ولا لازم من دلوقت التقديم ..

ببساطة انا وهي حاليا زيارة مش اقامه وبالتالي ملهاش دخول مدارس هنا حاليا وقدامنا كام شهر على مانعدل اوضاعنا ..

فسؤال للي عنده خبرة هل المدارس الخاصه بتقبل الطلبة في تمهيدي في اي وقت ولا لازم من دلوقت ؟ ؟

الاخت العزيزة doha

كنت في مدرسة الملك خالد النهاردة و سالتلك على موضوع الفيزا دا

قالتلي ما فيش مشاكل للتقديم بس لازم تكتبي تعهد انك هاتقدمي الاوراق المطلوبة في بداية الدراسة

يعني تقدمي دلوقتي عادي بس لازم تعهد باستكمال الاوراق بداية الدراسة

[المهندسه]

شكرا جدا يا remo على المساعدة و لرد جزاك الله خيرا

[pink rose]

اليومين دول انا عمالة الف على المدارس عشان اشوف مدرسة كويسة لمريم هانم بما ان التقديم للسنة الجديدة بدأ فعلا

رحت مدرسة الرمال العالمية و فعلا زي ما الاخت ديم قالت الناس هنا ودودين جدا و اغلبهم اردنيات و فلسطينيات

و كمان قالتلي انهم ما عندهمش نظام تلخيص المنهج في ورقتين و هو دا اللي هايجي في الامتحان يا حبايبي احفظوا كويس

و اظن الاخت ديم وضحت مميزات المدرسة من واقع تجربتها الشخصية فيها

المدرسة عبارة عن فيلا و فصول الكي جي فيها صغيرة و بصراحة مش مبهجة كده يعني للاطفال الصغيرين دا من وجهة نظري الشخصية يمكن لاني باقارن دايما بمصر المدارس في مصر ليها نظام مباني معين متأسسة عشان تكون مدرسة فاهمين قصدي

و مش عارفة فيها انشطة و لا لأ لاني شايفة الفيلا مش كبيرة

يا ريت الاخت ديم تقولنا المدرسة في انشطة رياضية او فنية للطلاب و لا ايه النظام

عموما الاوراق المطلوبة للتقديم فيها هي كالاتي:

صورة من شهادة الميلاد

صورة من شهادة التطعيم

صورة من جواز سفر الطالب

صورة من اقامة الاب و تعريف من الكفيل

2 صورة شخصية للطالب

المصروفات

pre-school ----> 6000 sr

KG1_KG3 ----> 7000 sr

Gr1_Gr4 ----> 8000 sr

Gr5_Gr7 ----> 9000 sr

مصاريف ثابتة في كل المراحل:

اليونيفورم 140 ريال

الكتب من 800 الي 900 ريال

مصاريف اضافية للطالب داخل المدرسة 400 ريال

موقع المدرسة في التحلية و رقم التليفون 4645582

**********************************

بالنسبة لمدرسة الملك خالد العالمية مدرسة كبيرة و اظنها مؤسسة لتكون مدرسة

لما دخلت المدرسة لقيت ملعب كرة سلة مغطى

بس ما نفعش ادخل الفصول ممنوع عندهم بس و انا ماشية كده لقيت الفصول مفتوحة بتاعت الجرادات و لقيتها كويسة يعني مساحتها معقولة و منظمة و في اهتمام بالنظافة

و في فصل من الفصول لفت انتباهي لانهم كانوا مشغلين موسيقى و المُدرسة بتدربهم ايروبيك اظن

المدرسة بتدرس المنهج الامريكي (CITA)

المدرسات اغلبهم لبنانيات منهج العربي هو المنهج اللبناني بس للاسف ما شوفتش الكتب لاني رحت متأخرة لما اروح تاني ان شاء الله هاشوف الكتب و اقولكم ايه النظام

بالنسبة للاوراق المطلوبة :

1- صورة جواز سفر الاب و صورة من الاقامة و تكون صالحة لمدة سنة على الاقل و خطاب تعريف من الكفيل

2-صورة جواز الام و صورة جواز الطالب

3-صورة شهادة الميلاد

4- صورة شهادة التطعيم

5- خطاب من ولي الامر يشرح فيه الاسباب الداعية لالتحاق ابنه بمدرسة عالمية (غريبة اوي دي)

6- اصل الشهادات للاعوام السابقة و تكون عدد الشهادات (2 اي قبل عامين) و تكون مصدقة من خارجية البلد القادم منها و من السفارة السعودية في نفس البلد

7- صورة شخصية للطالب (خاص بالملف فقط)

المصاريف

500 ريال التسجيل لجميع المراحل

KG1_KG3 -----> 11000 SR

Gr1_Gr5 ----> 11000 sr

Gr6_Gr9 ----> 12000 sr

Gr10_Gr12 ---->16000 sr

الباص 3000 ريال ذهاب و عودة او 2500 لو طريق واحد بس

رقم التليفون 4939197 موقع المدرسة في النهضة

ريمو

مراسلتكم من داخل المدارس العالمية بمدينة الرياض ;) :lol: wst::

تم تعديل 9 مايو 2009 بواسطة remo

[pink rose]

شكرا جدا يا remo على المساعدة و لرد جزاك الله خيرا

العفو يا اختي

جزانا الله و اياكم الخير ان شاء الله

احنا هنا في غربة و اللي يقدر يساعد بحاجه يعملها حتى لو كانت بسيطة

[doha]

الف شكر لك يااختي ريمو على السؤال حليتي لي مشكلة .. على كده يبقى لازم اروح اقدم من دلوقت وربنا يسهل ..

المدارس الي قلتي باين عليها كويسه بس لا اخفي عليك المصاريف غاليه جدا ..

ياريت لو حد يعرف مدرسة كويسه تكون بتأسس كويس او على الاقل مستوى الطلبة الي فيها كويس يعني مفيهمش حد ( متشرد ) او ( قطاع طريق ) زي بعض المدارس الحكومية او الي بنسمع عنها .. وطبعا تكون المصاريف في حدود من 4 - 6 الاف ريال بالكتير ..

ياريت لو حد عنده خبرة يفيدنا بعناوين واسماء بعض من المدارس دي ..

[amy]

بسم الله الرحمن الرحيم من فضلكم انا شايفه المشاركات الى بتتكلم عن اسعار المدارس من سنه 2007 او 2008 ممكن تفيدونى عن سعر مدرسه الرمال الحالى ومستواها وكمان عايزه اعرف سعر مدرسه الملك خالد للغات ومكانها ومستواها ولكم جزيل الشكر وهل هم بعيد عن حى النسيم بالرياض وما هى اسعار الايجارات فى حى السليمانيه هل موجود سعر 18000 ريال فى شقه تكون كويسه وممكن تفيدونى لو ممكن زوجى يوثق قسيمه الزواج من القنصليه السعوديه من السعوديه لانى ارسلتها اليه بدون توثيق القنصليه السعوديه مع الشكر

[mama nona]

اهلا بأعضاء المنتدى الموقرين

انا جديدة فموضوع المدارس ده وكنت مقررة ادخل بنتى مدارس الملك خالد العالمية بس لقيتالاسعار تبدأ من 11000 وال كنت اعرف انها من 9000

لما قريت حوارتكم عن المدارس الاخرى لقيتكم بتفضلو مدارس الرمال او الايديوكيشن والاقبال بعد تغيير ادارتها

هل فيه حد عنده معلومات تفصيلية عن مدارس الاقبال ؟

وبالنسبة لكيفية حساب سن الطفل هل بالهجرى ولا بالميلادى ؟

بنتى عمرها ف شهر 10 ميلادى هتم 4 سنوات فهل اذا التحقت ب kg2 مش هيفرق معاها انها مأخدتش kg1

علما بأنى علمتها الحروف عربى وانجليزى والارقام عربى وانجليزى

وهل كل المدارس العالمية بتهتم بالقرآن ولا انا ال احفظها فالبيت ؟

وشكرا

[ديم]

السلام عليكم ورحمةالله وبركاته الأخت ريمو سألتيني عن الأنشطة بالنسبه لابني في G3 كان عندهم انشطة مختلفه تعليميه وترفيهية ورحلات ومسابقات مثلا رحلة ركوب الخيل وده كان في حي السفارات والسباحة في نادي خارج المدرسه لأنه زي ما حضرتك قلتي المدرسه صغيره مع انه ممكن انك زرته مبنى البنات مش البنين وعلى العموم هم بعتينلنا ورقه انهم حياخدوا مبنى تاني على السنه الجديده نرجع لموضوعنا بالنسبه للأنشطة كان في تدري كاراتيه وتايكوندو بالنسبه للبنات ماعرفش انا عندي ولدين

غير مسابقات حفظ القرآن ومسابقات التعبير وغيره ..

[pink rose]

الف شكر لك يااختي ريمو على السؤال حليتي لي مشكلة .. على كده يبقى لازم اروح اقدم من دلوقت وربنا يسهل ..

المدارس الي قلتي باين عليها كويسه بس لا اخفي عليك المصاريف غاليه جدا ..

ياريت لو حد يعرف مدرسة كويسه تكون بتأسس كويس او على الاقل مستوى الطلبة الي فيها كويس يعني مفيهمش حد ( متشرد ) او ( قطاع طريق ) زي بعض المدارس الحكومية او الي بنسمع عنها .. وطبعا تكون المصاريف في حدود من 4 - 6 الاف ريال بالكتير ..

ياريت لو حد عنده خبرة يفيدنا بعناوين واسماء بعض من المدارس دي ..

العفو يا ضحى

ايوة روحي قدمي من دلوقتي و ربنا معاكي

انا قدمت لمريومي خلاص الحمدلله

اهلا بأعضاء المنتدى الموقرين

انا جديدة فموضوع المدارس ده وكنت مقررة ادخل بنتى مدارس الملك خالد العالمية بس لقيتالاسعار تبدأ من 11000 وال كنت اعرف انها من 9000

لما قريت حوارتكم عن المدارس الاخرى لقيتكم بتفضلو مدارس الرمال او الايديوكيشن والاقبال بعد تغيير ادارتها

هل فيه حد عنده معلومات تفصيلية عن مدارس الاقبال ؟

وبالنسبة لكيفية حساب سن الطفل هل بالهجرى ولا بالميلادى ؟

بنتى عمرها ف شهر 10 ميلادى هتم 4 سنوات فهل اذا التحقت ب kg2 مش هيفرق معاها انها مأخدتش kg1

علما بأنى علمتها الحروف عربى وانجليزى والارقام عربى وانجليزى

وهل كل المدارس العالمية بتهتم بالقرآن ولا انا ال احفظها فالبيت ؟

وشكرا

اهلا ماما نونا منورة المنتدى

بصي مريم بنتي شهر 11 ان شاء الله تتم 4 سنين و لما قدمتلها في المدرسة دخلوها على kg2 على طول

و سالت نفس سؤالك قالتلي لا مش هايأثر عليها اوي انها ما دخلتش kg1 لكن ممكن تكون محتاجة تركيز و دفعة من البيت لو اجتاجت حاجه لكن الاطفال بيلقطوا بسرعه جدا في السن الصغير دا

فا انتي ما تقلقيش و مدام عندها خلفية عن الحروف و الارقام ان شاء الله ما تلاقيش صعوبة معاها

بس هنا في المدارس العالمية ممنوع الكلام بالعربي مع الطفل فا انتي من دلوقت لحد معاد المدرسة شوفي ايه الحاجات المهمة ليكي و حاولي تقوليهالها بالانجليزي عشان لما تدخل ما تنصدمش لان هايكون في اطفال معاها دخلوا قبل كده من سن 3 سنين و هايكون عندهم خلفية عن حاجات معينة فاهمه قصدي

اما بالنسبة للدين ما اعرفش كل المدارس بتهتم بالقرآن و لا ايه

مدرسة الملك خالد الدين من grade 1 فا قولت انا احفظها السنتين دول و لما انزل مصر في الاجازة ان شاء الله اوديها مسجد تحفظ فيه

شكرا ليكي يا اخت ديم

و الله المدرسة عجبني فيها الناس بس هي النقطة الوحيدة اللي ما خلتنيش اقدم لمريم فيها موضوع انها صغيرة جدا بلنسبة لقسم البنات و ما حدش جابلي سيرة اي انشطة بيعملوها ليهم بصراحة و برضه ما حدش قالي على موضوع نقل المقر بتاعهم دا وهو دا اللي اثر على قراري في اني ادخلها الملك خالد

[doudy]

ياه يااخت ديم حمستيني اوي للمدرسه دي باين عليكي بتحبيها اوي يعني ماشاء الله من سنه مشتركه وملكيش مشاركات غير بس عشان تمدحي فيها ..

ان شاء الله لما بنتي تدخل السنة الجايه احتمال اوديها عندكم بس ربنايستر متتطلعش المدرسة وحشه هيبقى ذنبنا في رقبتك ..

ازيك يا ضحى

لو سمعتى عن العروبة ناس كتيير بيقولوا كويسة و مصاريفها معقولة

بابانا راح النهاردة يسال ع التقديم قالوله لسة يوم 15/6 بداية التقديم

و تجيلنا الاحد الجاى نديك ورقة بالمصاريف المطلوبة و الكتب موجودة بمكتبة المريخ فى العليا

و سالهم ع الباصات قالوله بتروح كل المناطق

عشان يعنى احنا شقتنا فى شمال الرياض بعيدة عن المدرسة

ة انا زى ما و ضحت قبل كدة لسة فى اسكندرية

فاماشوفتش المدرسة بس بيقول شكلها من برة نضيف و كويسة

لو عرفت حاجة جديدة هكتبها باذن الله

و ربنا يوفقك

تم تعديل 17 مايو 2009 بواسطة doudy

[yono]

انا بردو بدور لابني علي مدرسة ومحتارة جدا هو لسه 3سنين و3 شهور يعني علي ما الدراسة تبدا 3سنين و8 شهور وعايزة ادخلة kg2

انا زرت مدرستين بس واحدة منهم مدرسة الأقبال وصراحة من اول مدخلت حسيت بعدم النضافة والأهمال

ومدرسة تانية اسمها النهضة في الروضة ودية معقولة وقريبة من السكن بتعنا ومصاريفا معقولة 7500 بس الي مخليني مترددة ان المدارس هنا شكلها مختلف عن مصر يعني المدارس في مصر اكبر واوسع و المدارس هنا عملة زي الحضانات الكويسة في مصر

ومن جهة تانية حاسة انها تجربة صعبة علي الولد انه هيبعد عني ويتعامل مع جنسيات كتير في السن دة

[doha]

جزاك الله كل خير اختي دودي على نصيحتك

بس مدرسة العروبة دي فين بالظبط ومصاريفها تقريبا كام ؟

[doudy]

جزاك الله كل خير اختي دودي على نصيحتك

بس مدرسة العروبة دي فين بالظبط ومصاريفها تقريبا كام ؟

مفيش حاجة احنا اخوات و اللى يقدر يساعد ما يتاخرش طبعا

بصى يا ستى مصاريف الابتدائى 6000 ريال و الباص 2000

و مش عارفة لسة الكتب بكام و اللبس ممكن يكون 300 ريال

بس الكى جى اعتقد اقل يعنى احتمال 5 الاف و شوية

انا مش عارفة بالضبط لان ولادى ابتدائى

بس هى فى السليمانية هبعتلك الوصف بالضبط

[doha]

جزاك الله كل خير . . المصاريف معقوله جدا لكن سؤال بالنسبة للباص .. هل في امكانية لتخفيض مبلغ التوصيل ده .. يعني مثلا لو لقيت حد يوديها ويجيبها هيبقى بكام تقريبا للي عنده فكره ..

وسؤال تاني بعد اذنكم .. هل هي مدرسة كبيرة ولا حضانة متنكرة ؟

واخيرا ياريت حد يديني فكرة عن مستوى التدريس فيها يعني الي ابنائهم فيها فعلا من كام سنة ياريت يفيدوني في طريقة التعامل وهل المدرسة دي بتعلم كويس وتراعي نفسية الطفل ولا بتجور على جزء لحساب جزء وهل هي انترناشونال يعني التدريس فيها انجليزي ولا عاديه ؟ شكلها عاديه بس معليش برضه مفيش مانع من السؤال ..

وشكرا مقدما ..

[doudy]

جزاك الله كل خير . . المصاريف معقوله جدا لكن سؤال بالنسبة للباص .. هل في امكانية لتخفيض مبلغ التوصيل ده .. يعني مثلا لو لقيت حد يوديها ويجيبها هيبقى بكام تقريبا للي عنده فكره ..

وسؤال تاني بعد اذنكم .. هل هي مدرسة كبيرة ولا حضانة متنكرة ؟

واخيرا ياريت حد يديني فكرة عن مستوى التدريس فيها يعني الي ابنائهم فيها فعلا من كام سنة ياريت يفيدوني في طريقة التعامل وهل المدرسة دي بتعلم كويس وتراعي نفسية الطفل ولا بتجور على جزء لحساب جزء وهل هي انترناشونال يعني التدريس فيها انجليزي ولا عاديه ؟ شكلها عاديه بس معليش برضه مفيش مانع من السؤال ..

وشكرا مقدما ..

يا ضحى معلش نسيت اقولك انها منهج امريكى

بس بالنسبة للباص ممكن باباها يوديها و يجيبها عادى

او سواق او اى حد

بس احنا لسة هنقدم فيها مش عارفة ايه شكلها زوجى هوة اللى راح

[المهندسه]

انا كمان يا اختyono اسكن بجانب مدرسه النهضه ال فى الروضه بس ماتعرفيش مدارس تانيه قريبه برده علشان الاختيار يكون اوسع لانى لاحظت ان كل المدارس مركزة فى السليمانيه او العليا ياريت ال عنده معلومات يبلغنى عن المدارس سواء انجليزى او فرنساوى ش هتفرق

[yono]

الأخت المهندسة هو فية مدرسة الأقبال (روحتها مستريحتالهاش) والملك خالد(مصاريفا اغلي) في طريق النهضة (حي الربوة)هما ابعد بالنسبة لي

انا شايفة ان المدرسة تبقة قريبة عشان الولاد لسة صغيرين ميتعبوش من المشوار والباص ميلفش كتير

ولو وصلتي لحاجة تاني ياريت تبلغيني انا محتارة جدا و هتجنن من موضوع المدرسة دة

[se_ Elsyed]

بس مدرسة العروبة دي فين بالظبط ومصاريفها تقريبا كام

مفيش حاجة احنا اخوات و اللى يقدر يساعد ما يتاخرش طبعا

بصى يا ستى مصاريف الابتدائى 6000 ريال و الباص 2000

و مش عارفة لسة الكتب بكام و اللبس ممكن يكون 300 ريال

بس الكى جى اعتقد اقل يعنى احتمال 5 الاف و شوية

انا مش عارفة بالضبط لان ولادى ابتدائى

بس هى فى السليمانية هبعتلك الوصف بالضبط

ده كان زممممممممممممممممممممممممان يا دودي هانم حضرتك بتتكلمي عن الأسعار من 37 سنة فاتو أيام ما كنا بنروح العروبة بالشورت والفالنه ... وساعات المدرسين كانوا بييجوا معاهم الشاندوتشات ويجيولنا البيت يدرسوا لنا .. والدنيا كان فيها خير ... والناس كانت بتحب بعضيها ..

سعادتك في بداية العام الدراسي الحالي هبدونا حوالي 15 % زيادة مصاريف .. قلنا مش إشكال السجاير غليت واللحمه كمان غليت ...

وبما إنهم بقى لهم سنيتن شغالين لنا في الأزرق ...

بمعنى إن التسجيل للعام القادم يبدا من شهر خمسة ولازم حضرتك تروحي تسجلي للولد في السنة الجديدة وتدفعي رُبع المصاريف In advance وإلا الولد يركب الطفطف وما يلاقيش مكان ..

فوجئنا يا فندم إنهم زودوا المصريف باكو مقفول كمان لمصاريف العام القادم 2009/2010....

والباص بدل ما كان 2500 في السنة .. بقى 3 بواكي

ولو رديتي وأعترضتي يقولوا لك بكل أدب جم وجليطه

take it >>>>>> or leave it

والعيال عندي عاملين ثورة العبيد ومش راضيين بالتغيير - فقريين زي اللي بينتخبوا مبارك وكونوا جماعه سموها " معاً من اجل عدم التغيير " وكل يوم يعتصموا على سلم العمارة ويحدفوني بالطوب ويهتفوا .... العروبة يا بلاش .. مدرسها غيرها ما تنفعناش ....

آه نسيت أقول لك .. السنة دي غلوا اليونيفورم وكان تقريباً 300 أو 350 بس كان يستاهل لانه كان يشتمل على الينيفورم اليومي .. وجاكت شتوي .. وملابس الرياضة البدنية أو كام يُطلق عليها الفرنجه PE

برضوا دول دخلوا التنظيم هما والكتُب المدرسية وهايغلوا ...

قلنا بس نلفت نظر السادة العرب المتمسكين بالعروبة ...