ما هي أفضل المدارس في الرياض؟

[Scorpion]

j

تحذيــــــر من مدارس العروبة العالمــــــية بالرياض

ياجماعة أحذركم ثم أحذركم من هذه المدرسة و التي كانت كويسة حتى سنتين فاتوا فقط و لكن قالوا لنا نحن أولياء الأمور أنهم سينتقلون إلي مدرسة أكبر سيقومون ببنائها و لذلك قبلو أعداد مهولة من الطلاب المحولين من المدارس الأخرى و غلب ظني أن معظمهم تم رفدهم لسوء أخلاقهم أو هبوط مستواهم العلمي و الأخلاقي ، حتى أصبح الأولاد في القصول لا يستطيعون التنفس من الإزدحام و خربت الأخلاق تماماً أولاد و بنات يتواعدوا عند البقالة القريبة منهم ، أولاد إتخانقوا بالمطاوي قريبا و تم إستدعاء البوليس !

أنظر إلي وقت خروج الأولاد و كيف إنطلاقهم بالشارع وسط السيارات بدون رقيب ! فوضى تماماً

و المضحك و المهزلة أنهم قاموا برفع المصاريف 1000 ريال إضافية للسنة الجديدة2010

أنا مش عارف فين الرقابة التربوية و التعلمية ؟ فين السات التي تم الطلب من نصف المدرسة عدم الحضور يوم زيارة وفد السات الأمريكي ليأخذوا الرخصة حتى لا يروا تكديس الطلبة بالفصول

إخواني عداكم عن التغيير السريع في المعلمين و المعلمات و الذي يتقاضوا رواتب قليلة جداً و معظمهم يعمل بها حتى يجد فرصة أفضل و لعدم قبوله من قبل مدارس كويسة

إخواني أحذركم ثم أحذركم من هذه المدرسة الفوضوية و اللا أخلاقية ، أولادنا هو إستثمارنا الحقيقي و لابد من أن نعلمهم في مكان أمن تربوياً قبل أن يكون تعلمياً ،، أللهم قد بلغت ،، أللهم أشهد

تلك كانت مداخلة للفاضلة Hend ... تم اضافتها بطريق الخطأ كتقرير لفريق المشرفين و ليس باستخدام خاصية اضافة الرد ...

[doudy]

j

تحذيــــــر من مدارس العروبة العالمــــــية بالرياض

ياجماعة أحذركم ثم أحذركم من هذه المدرسة و التي كانت كويسة حتى سنتين فاتوا فقط و لكن قالوا لنا نحن أولياء الأمور أنهم سينتقلون إلي مدرسة أكبر سيقومون ببنائها و لذلك قبلو أعداد مهولة من الطلاب المحولين من المدارس الأخرى و غلب ظني أن معظمهم تم رفدهم لسوء أخلاقهم أو هبوط مستواهم العلمي و الأخلاقي ، حتى أصبح الأولاد في القصول لا يستطيعون التنفس من الإزدحام و خربت الأخلاق تماماً أولاد و بنات يتواعدوا عند البقالة القريبة منهم ، أولاد إتخانقوا بالمطاوي قريبا و تم إستدعاء البوليس !

أنظر إلي وقت خروج الأولاد و كيف إنطلاقهم بالشارع وسط السيارات بدون رقيب ! فوضى تماماً

و المضحك و المهزلة أنهم قاموا برفع المصاريف 1000 ريال إضافية للسنة الجديدة2010

أنا مش عارف فين الرقابة التربوية و التعلمية ؟ فين السات التي تم الطلب من نصف المدرسة عدم الحضور يوم زيارة وفد السات الأمريكي ليأخذوا الرخصة حتى لا يروا تكديس الطلبة بالفصول

إخواني عداكم عن التغيير السريع في المعلمين و المعلمات و الذي يتقاضوا رواتب قليلة جداً و معظمهم يعمل بها حتى يجد فرصة أفضل و لعدم قبوله من قبل مدارس كويسة

إخواني أحذركم ثم أحذركم من هذه المدرسة الفوضوية و اللا أخلاقية ، أولادنا هو إستثمارنا الحقيقي و لابد من أن نعلمهم في مكان أمن تربوياً قبل أن يكون تعلمياً ،، أللهم قد بلغت ،، أللهم أشهد

تلك كانت مداخلة للفاضلة Hend ... تم اضافتها بطريق الخطأ كتقرير لفريق المشرفين و ليس باستخدام خاصية اضافة الرد ...

اشكرك يا سكوربيون على امانتك فى عرض مداخلة الاخت هند

و اهتمامك بالمصلحة العامة :ninja:

[bodi]

السلام عليكم اشكركم على الموضوع ده ولو ممكن لو حد يعرف مكان مدرسة education هى فين فى حى السليمانية يفيدنى فى الموضوع ده وجزاكم الله خيرا

[president]

السلام عليكم . حد يعرف اى معلومات عن مدرسه learning carvan هى مدرسة بتدرس المنهج البريطانى

تم تعديل 8 يونيو 2009 بواسطة president

[أسد]

الحديث عن مدارس الإنترناشيونال .. حديث ذو شجن وشجون ..

سواء في السعودية .. أو حتى في مصر .. وأعتقد في أي من الدول العربية ..

مدارس الإنترناشيونال تدرس مناهج عالمية .. أغلبها تدرس المنهج البريطاني أو الأمريكي .. وإذا تحدثنا عن السعودية .. فبعضها يدرس المنهج الهندي .. أو مناهج موضوعة بمعرفة بعض المتخصصين ومعتمدة من وزارة التعليم في السعودية . ولكنها لا أمريكية ولا بريطانية .. ولا هي عربية .. بعضها هندي .. أو باكستاني .. الخ.

بدأت المدارس العالمية في السعودية على شكل مدارس تابعة لسفارات بعض الدول الأجنبية والتي لن يتمكن أبناؤها من الإلتحاق بالمدارس السعودية سواء حكومية أو خاصة .. لاختلاف اللغة والمناهج ... الخ.. حتى أن هناك بعض الدول التي لها جاليات قليلة جداً مثل سفارة غانا كان لها مدرسة من أشهر وأهم المدارس في الرياض في مطلع التسعينيات .. وكانت تقبل طلاب من جنسيات مختلفة .. وهناك المدرسة الهندية والمدرسة البنجلاديشية ... الخ.

ثم بعد ذلك بدأ التوسع في إنشاء و إنتشار تلك المدارس في التسعينيات في السعودية .. مما منح أبناء المقيمين فرصة للتعليم الجيد .. وفرصة لتعلم اللغات بشكل جيد ..

وبالطبع تركزت تلك المدارس في المدن الرئيسية .. الرياض وجده .. والدمام ..

ولما كان هناك طلب عالي على تلك النوعية من المدارس .. بدأ التوسع في إنشاء مثل تلك المدارس .. وهي بالطبع قطاع خاص .. ينشأها مستثمر يهدف من وراءها للربح ..

من العرب كان اللبنانيون أو لنقل المدرسات اللبنانيات هم أكفأ من قام بتأسيس أو الإشراف على تلك المدارس .. ومن الآسيويون .. كان الهنود والباكستانيين .. في المقابل .. وحاول المصريون إنشاء مدارس لتدريس المناهج المصرية . ولكن كان هذا ممنوع .. لأن القانون هنا لا يسمح بإنشاء اي مدارس لجالية عربية .. كما يقال أنه حسب نظام جامعة الدول العربية .. أن العرب يدرسون المناهج العربية في أي دولة عربية أخرى طالما أنه مقيم فيها بشكل نظامي وشرعي.

ونظراً لوجود عدد كبير من الأجانب (أقصد الأوروبيين والأمريكان) يعملون في السعودية في الشركات الكبرى والبنوك .. فكان هناك وفرة من السيدات الائي لايعملن .. وبالتالي تقدمن للعمل كمدرسات في تلك المدارس العالمية .. وكانت مرتباتهم ليس ضخمة لأنهم موجودون في السعودية .. وبدلاً من الفراغ القال والرهيب والإنغلاق الذي يعيشون فيه فسيعملون ويتقابلون مع بعضهم .. ويشغلون أوقات فراغهم .. ويحصولون على قدر من المال صافي بدون ضرائب ..

فوجدت تلك المدارس إقبالاً كبيراً من السيدات الأجنبيات للعمل كمدرسات ..

وبدأت تسطع أسماء بعض المدارس بجودة مدرسيها .. وإعتماد المناهج البريطانية أو الأمريكية ..وظهرت مدارس تعتمد النظام الإسترالي .. وهو يعتمد على مزج بين المنهج الأمريكي في المراحل الدراسية الأولى .. ثم ينتقل من الصف الخامس أو السادس إلى المنهج البريطاني .. ويكون الطالب مهيأ لأن يحصل على لاثانوية الأمريكية أو البريطانية حسب مقدرته واختياره ورغبته ..

وكانت المدارس تختلف في مستواها وتتباين حسب جودة مبانيها .. وجودة مدرسيها .. ومستواها .. وحزم وانضباط الإدارة ..

في تلك الأثناء بدأ بعض المصريين في المساهمة أو المشاركة في إنشاء مدارس عالمية تغلب عليها الهوية المصرية .. بمعنى ..الإعتماد على المدرسين المصريين .. واستقطاب التلاميذ المصريين .. الخ ..

ولكن للأسف الشديد .. حتى يومنا هذا .. تحمل تلك المدارس معها سلبيات النظام المصري .. ويندر الناجح منها .. ولكن بعض تلك المدارس كان ناجح لاعتماده على مدرسين من جنسيات مختلفة .. ويهتمون بالجودة ..

إختلف الوضع بعد أحداث سبتمبر .. وبعد حوادث الإعتداء على الأجانب في السعودية .. بدأ كثير من الأجانب في الرحيل من السعودية .. وبد نقل القواعد الأمريكية من السعودية إلى قطر .. قل عدد الأمريكيات اللائي كانوا يعملن كمدرسات بشكل رهيب .. ولم تتمكن إدارات المدارس العالمية من تعويضه إلا بمدرسات لبنانيات .. لأنهن كانوا يجتزن إختبار اللغات .. لأن كثير منهم كانوا يعيشون في الخارج أو يحمل جنسيات مزدوجة كالأسترالية والكندية أو اللبنانية حتى .. ولكن مستواهم في اللغة الإنجليزية مرتفع .. ولديهن مؤهلات جامعية .. فكانوا قادرات على إستيعاب المناهج وتدريسها .. حتى ولو بمستوى متواضع .. إلا أن بعضهن كانوا مدرسات في الأصل .. وبالتالي كانت رواتبهن مرتفعة بشكل ملحوظ ..

وبدأ شكل المجتمع يتغير في السعودية .. زاد عدد اللبنانيين جداً في البلد .. وبالتالي زاد عدد الطلاب في تلك المدارس بشكل كبير .. وبدأت بعض المدارس المتميزة في رفع رسومها الدراسية غلى أضعاف ماكانت عليه نظراً للإقبال الكبير عليها ..

وإنقسمت المدارس إلى عدة فئات ..

أتحدث عن الرياض ..

فئات غالية جداً .. مثل المدرسة الأمريكية والبريطانية والفرنسية .. وتلك مدارس تابعة للسفارات .. وأسعارها تفوق 50000 ريال في السنة

وفئة تليها .. مثل مدرسة الملك سعود .. والمالتي ناشيونال .. وتلك المدارس رسومها تتراوح مابين 23000 إلى 33000 ريال حسب المرحلةالدراسية ..

وفئة تليها مثل مدارس المنارات ونافذة المستقبل والملك خالد والشرق الأوسط وغيرها .. ورسومها في المتوسط 15000 ريال ..

وفئة تليها متوسط الرسوم الدراسية 8000 إلى 12000 ريال ..

ثم تأتي المدارس الهندية والباكستانية مثل جواهرالرياض والصقر والمؤمن ... وغيرها ورسومهم في المتوسط 4000 إلى 6000 ريال حسب المدرسة والصف الدراسي ..

وكما نرى فهناك تباين كبير في أسعار المدارس ..

وهذا التباين يعكس ..

- مستوى المباني

- الموقع

- مستوى الطلبة الإقتصادي والإجتماعي

- مستوى المدرسين

- جنسيات المدرسين

- عدد المدرسين

- جودة الإدارة وفلسفتها

ثم منذ سنوات قليلة سنتين أو ثلاثة .. حدثت مشكلة كبيرة جداً .. أتت على المستوى والجودة التعليمية في أغلب تلك المدارس .. وكانت هي الطامة الكبرى والكارثة الحقيقية ..

كان قرار فصل التلاميذ منذ الصف الأول .. وفي بعض المدارس من الصف الثالث إلى فصول للبنين وفصول للبنات ..

إلى هنا لا مشكلة ..

ولكن القرار الغبي بأن يدرس مدرسون رجال للبنين .. ومدرسات نساء للبنات .. ومنع وجود مدرسات في فصول البنين حتى ولو كانوا في مستويات مبكرة وأعمار صغيرة .. فكانت تلك الطامة الكبرى ..

فمهما كان على إدارات المدارس العالمية من صعوبات في إيجاد مدرسين .. فقد كان الحصول على مدرسات جيدات أسهل بكثير من الحصول على مدرسين رجال .. متخصصون في تدريس المناهج العالمية .. ويجيدون اللغات أمر كمن يبحث عن إبرة في كوم قش .. في دولة لايدخلها إلا من يحصل على تأشيرة للعمل .. ولا يمكنه نقل عمله باختياره وإرادته ..

أضف إلى ذلك التعقيدات الكبيرة والتي تجعل من الأمر شبه مستحيل في حصول المدارس على تأشيرات لاستقدام مدرسين متخصصون في المناهج العالمية ..

وهنا بدأ الإنهيار في أغلب المدارس العالمية .. بدأت المدارس في تعيين عدد كبير من المدرسين الرجال دون التدقيق على جودتهم .. وبالتالي بدأت المشكلة في إنهيار مستوى التعليم في تلك المدارس ..

وبالطبع فإن المدرسين لابد أن يكونوا معتمدين من وزارة التعليم .. إلا أن المدارس تعتمد عدد من المدرسين المؤهلين في حين أن العاملين بها أكثر بكثير وأغلبهم غير متخصصين أو معتمدين من الأساس ..

هنا بدأت مشكلة ..

أن المدارس مرتفعة السعر أصبحت تضمن جودة أفضل من المدارس الأخرى .. بفرق واضح .. وأصبح من يريد أن يحظى إبنه بمسوى جيد من التعليم .. لابد أن يدفع مبالغ كبيرة كرسوم للتعليم وهو مالا طاقة للغالبية به . أضف إلى ذلك إحتياج الكثيرون منهم إلى دروس خصوصية .. لأن المناهج أصعب من أن يساعد معظم الآباء والأمهات أبنائهم فيها ..

إضافة غلى أن البنات كن أكثر حظاً من البنين في الحصول على تعليم أفضل .. نظراً لوفرة المدرسات النساء عن المدرسين الرجال .. وأن فرصة التعليم على يد مدرسة أفضل بكثير من التعليم على يد مدرس رجل .. خصوصاً في المراحل الأولى من التعليم ..

آسف للإطالة ولكن شعرت أنه من الواجب علي أن أكتب كل هذا الكلام لتوضيح الأمر أكثر .. وحتى تتضح الصورة للجميع ..

تحت أمركم في الإجابة على أي إستفسار في حدود علمي ومعلوماتي ..

[president]

استاذ أسد . نشكرك على المعلومات القيمه التى ذكرتها . بس انا كان عندى شوية استفسارات .

للأسف انا معرفتش ان التقديم للمدارس بيبتدى بدرى وابتديت للأسف من اسبوعين انى ادور على مدارس لبنتى فى kg1

رحت لسعود بس للأسف waiting list وكانت اسعارها 15000 ل kg1 دا (دا سعر السنه الدراسيه مش شامل التسجيل ولا الكتب)

رحت لعبدالعزيز برده للأسف waiting list وكانت اسعارها 16000 ل kg1 (دا سعر السنه الدراسيه مش شامل التسجيل ولا الكتب)

رحت لمدرسة مالتى ناشيونال وللأسف ماكنش فى مكان ولا حتى waiting list وبالمناسبه اسعارها 23550(دا سعر السنه الدراسيه مش شامل التسجيل ولا أى مصاريف تانيه)

وبعد تدوير سمعت عن مدرسة learning carvan لقيت ناس بتشكر فيها - مع ان ولادهم مش فيها - بس بيشكروا فيها من السمع وان المستوى الأكاديمى قريب من سعود ومالتى ناشيونال وهى منهج بريطانى بس مالقتشى حد بيتكلم عنها كتير المهم كلمتهم وفوجئت ان اسعارهم 12600 (دا سعر السنه الدراسيه مش شامل التسجيل ولا الكتب) بالرغم كان الناس بتقول انها ب 18 و20 الف .

فهل حضرتك سمعت عنها او لو اخدنا بنظرية الأسعار تعتقد فعلا ان مستواها هيكون زى سعود أو مالتى او عبدالعزيز . وشكرا

تحياتى

[أسد]

مدرسة learning caravan يمكن تكون في الحضانة مستواها كويس .. لكن في المراحل اللي بعد كده حيكون فيه فرق ..

أعتقد أنها ستكون مناسبة لك السنة دي .. وبعد كده حاول إنك تبدأ بدري حاول تسجل في الملك سعود .. والملك سعود مصرفاتهم في الصف الأول الإبتدائي بيكون 23000 ريال غير الملابس والكتب .. وممكن تلاقي فرصة فيها في تلك المرحلة ..

الحقيقة أن الحضانة في الملك سعود سعرها مناسب مقارنة بالمستوى فيها .. ولكن عليهم ضغط كبير جداً ..

نسيت أقول حاجة بخصوص مدرسة الملك عبد العزيز ..

هي نفسها مدارس الشويفات .. اللي موجود منها في مصر والإمارات .. وأصلها في لبنان ..

الحقيقة مناهجهم مختلفة شوية .. هي أمريكية . ولكن لهم مناهج خاصة بهم .. أرى أنها أقل من المناهج الأمريكية المعتادة والبريطانية .. وفي حال خروج الطالب منها وانتقاله إلى مدرسة أخرى أمريكي أو بريطاني .. بيجد صعوبة في التوائم معها ..

[doudy]

استاذ اسد لو سمحت

عند حضرتك معلومات عن مدرسة الاقبال العالمية

او مدرسة نافذة المستقبل او مدرسة الدلتا

من حيث جودة المنهج و المدرسين و المصروفات

اكون شاكرة لحضرتك جدا

[أسد]

استاذ اسد لو سمحت

عند حضرتك معلومات عن مدرسة الاقبال العالمية

او مدرسة نافذة المستقبل او مدرسة الدلتا

من حيث جودة المنهج و المدرسين و المصروفات

اكون شاكرة لحضرتك جدا

مدرسة نافذة المستقبل .. كان المشرف عليها مصري إسمه د. رأفت .. وكان وقتها أمور المدرسة جيدة جداً .. ولكن إنطبق عليها ما انطبق على باقي المدارس في الفترة الأخيرة .. وبالتالي تدور مستواها على حسب علمي ..

نفس هذا الشخص أصبح مسئولاً عن مدرسة الإقبال العالمية ..

وحسب علمي هو شخص متخصص وحاصل على الدكتوراة من أمريكا .. تقابلت معه مرة واحدة من قبل في مقابلة مع أحد رجال الأعمال السعوديين ..

أعتقد أنه لايمكن الحكم هلى مدارس الإقبال الآن لأنها بدأت السنة العام الحالي ..

قبل ذلك كانت باكستاني ..

ولكن نافذة المستقبل مستواها انخفض كثيراً عن ذي قبل ..

البعض يقول أنهم بدأوا في التطوير ولكن لا شئ أكيد ..

المدرسين في المدرستين .. كثير منهم مصريين ..

للأسف الأسعار الحالية غير متأكد منها ..

ولكن في حدود 10000 تقريباً في الإقبال .. ونافذة المستقبل أكثر من ذلك

[bodi]

السلام عليكمورحمة الله

شكرا على الموضوع الحلو ده انا داخله باسم زوجى وقرات الموضوع بالنسبة للاخت دودى ده اول سنه ليا فى الرياض ودخلت ابنتى مدرسة دلتا وبصراحه كانت مصروفاتها مناسبة ليا جدا كانت الترمين 6600 والكتب 1600 واليونيفورم 200 ورسوم التسجيل 500وكان ابنى فى مدرسة لغات فى مصر وبصراحه حاسة مستواه ضايع جيت لقيت المدرسة المبانى حلوه ولقيت المدرسين هنود ولقيت الترم الاول ابنى تحسن مستواه جدا واهتمام بيه لدرجة انه فى يوم قالى ان الميس اعدته عندها بتذاكرله لوحده فكلمتها قالتلاى انه ضعيف شويه فى ماده وهما بيعملو كده مع اى واحد حاسيين انه ضعيف فى اى ماده واعجبت جدا جدا بيها ولكن لقيت انهم بيغيرو مدرسيين كتير وابنى قالى انهم غيرو المدرسة بتعته اللى بيحبها وبعدين جيه الترم التانى حاسيين بفوضى شويه مش زى الترم الاول وابنى مستواه قل شويه الساينس ابتديت اذاكره معاه وبعدين ابتدى الاهمالاتخانق ولد فى الكلاس مع ابنى وخبط دماغه فى الارض وكلموا والده والحمد لله ربنا ستر والولد اعتزر وعدت بعدها باسبوعين لقيت عينهورمه والدم محبوس وحاجه فظيعه والله وبرضوا كلموا والد وراح بيه المستشفى واعد فى الموضوع ده اسبوعين والحمد لله بعدها قررت انى انقل ابنى ومش عارفه بصراحه اوديه فين الواحد دخل دوامة زى موضوع مدارس مصر بالظبط معلش انا طولت عليكوا

[doudy]

السلام عليكمورحمة الله

شكرا على الموضوع الحلو ده انا داخله باسم زوجى وقرات الموضوع بالنسبة للاخت دودى ده اول سنه ليا فى الرياض ودخلت ابنتى مدرسة دلتا وبصراحه كانت مصروفاتها مناسبة ليا جدا كانت الترمين 6600 والكتب 1600 واليونيفورم 200 ورسوم التسجيل 500وكان ابنى فى مدرسة لغات فى مصر وبصراحه حاسة مستواه ضايع جيت لقيت المدرسة المبانى حلوه ولقيت المدرسين هنود ولقيت الترم الاول ابنى تحسن مستواه جدا واهتمام بيه لدرجة انه فى يوم قالى ان الميس اعدته عندها بتذاكرله لوحده فكلمتها قالتلاى انه ضعيف شويه فى ماده وهما بيعملو كده مع اى واحد حاسيين انه ضعيف فى اى ماده واعجبت جدا جدا بيها ولكن لقيت انهم بيغيرو مدرسيين كتير وابنى قالى انهم غيرو المدرسة بتعته اللى بيحبها وبعدين جيه الترم التانى حاسيين بفوضى شويه مش زى الترم الاول وابنى مستواه قل شويه الساينس ابتديت اذاكره معاه وبعدين ابتدى الاهمالاتخانق ولد فى الكلاس مع ابنى وخبط دماغه فى الارض وكلموا والده والحمد لله ربنا ستر والولد اعتزر وعدت بعدها باسبوعين لقيت عينهورمه والدم محبوس وحاجه فظيعه والله وبرضوا كلموا والد وراح بيه المستشفى واعد فى الموضوع ده اسبوعين والحمد لله بعدها قررت انى انقل ابنى ومش عارفه بصراحه اوديه فين الواحد دخل دوامة زى موضوع مدارس مصر بالظبط معلش انا طولت عليكوا

متشكرة ليكى جدا يا اختى الفاضلة

و فعلا افدتينى كتيير

بدل ما كنت هعد اسال عن مدرسة دلتا

و اهه الحمد لله باقى مدرسة الاقبال هخلى زوجى يتصل او يروح يشوفها و ربنا يسهل

تحياتى ليكى :lol:

[doudy]

استاذ اسد لو سمحت

عند حضرتك معلومات عن مدرسة الاقبال العالمية

او مدرسة نافذة المستقبل او مدرسة الدلتا

من حيث جودة المنهج و المدرسين و المصروفات

اكون شاكرة لحضرتك جدا

مدرسة نافذة المستقبل .. كان المشرف عليها مصري إسمه د. رأفت .. وكان وقتها أمور المدرسة جيدة جداً .. ولكن إنطبق عليها ما انطبق على باقي المدارس في الفترة الأخيرة .. وبالتالي تدور مستواها على حسب علمي ..

نفس هذا الشخص أصبح مسئولاً عن مدرسة الإقبال العالمية ..

وحسب علمي هو شخص متخصص وحاصل على الدكتوراة من أمريكا .. تقابلت معه مرة واحدة من قبل في مقابلة مع أحد رجال الأعمال السعوديين ..

أعتقد أنه لايمكن الحكم هلى مدارس الإقبال الآن لأنها بدأت السنة العام الحالي ..

قبل ذلك كانت باكستاني ..

ولكن نافذة المستقبل مستواها انخفض كثيراً عن ذي قبل ..

البعض يقول أنهم بدأوا في التطوير ولكن لا شئ أكيد ..

المدرسين في المدرستين .. كثير منهم مصريين ..

للأسف الأسعار الحالية غير متأكد منها ..

ولكن في حدود 10000 تقريباً في الإقبال .. ونافذة المستقبل أكثر من ذلك

متشكرة جدا يا استاذ اسد

معلوماتك فعلا مفيدة

معلش حكاية الرياض دى ملغبطانى شويتين

كنا فى مكة مدرسة مصرى و امتحان سفارة

و كله تمام الرياض بقى لخبطت الدنيا خالص

[جديدة بالرياض]

عفوا اخواني انا زي اسمي جديدة بالرياض والسنه القادمه سوف يكون ابني بالصف الثاني الابتدائي بعد ما يمتحن ان شاء الله في مصر في شهر 7 بمدرسته اللغات مع العلم اني بقالي ترم اذاكر له بالبيت مما ادى اللى تاخر مستواه بالرغم انه كان جيد بالانجليزي

وبعد قرأتي لمواضيعكم عن المدارس اتعقدت من اسعارها ومستواها فلو دخلت ابني تلك المدارس التي اسعارها فوق 11000 ريال سوف يكون رجوعي مصر افضل لان الحكايه كده مش هاتجيب همها

فسمعت عن مدارس المؤمن والصقر ولا اعلم مدى جودتها؟

او يكون من الافضل لي تعليمه بمدرسة حكومية واعطاؤه دروس انجليزي بالبيت من قبل واحده هندية بسعر 1000 ريال بالترم او مصرية 300 ريال بالشهر تعطي المنهج الامريكي ؟

لا اعلم دلوووني ارجوكم بخبرتكم

تم تعديل 10 يونيو 2009 بواسطة جديدة بالرياض

[doha]

الحمد والشكر لله هم وانزاح . . اخيرا قدمت لبنتي في المدرسة .. واليكم التفاصيل ..

طبعا قلت لكم قبل كده على المشكلة الي بعاني منها في مسالة اختيار المدرسة المناسبة لها في ظل خيارات كتير كانت متاحه لكل منها مزايا وسلبيات .. والي زاد من صعوبه الامر ان والدها ترك لي مسؤولية اختيار المدرسة المطلوبه على اساس انه جديد هنا وميعرفش ايه الكويس من الوحش .. وبقيت في وش المدفع ..

المهم كنت قد قررت اني ادخلها العروبه على اساس الكل مدح فيها بس لا اخفي عليكم كنت مستكثرة مبلغها على ان البنت لسه في حضانة واحنا مش عارفين لسه هنكمل في البلد دي ولا نرجع مكان ماكنا احسن .. وفي نفس الوقت خايفه ادخلها مدرسة ( اي كلام ) واندم بعد كده ودي بنتي الوحيده ومهما حوشت ولا عملت فمصلحتها هي اكيد فوق اي مصلحة تانيه ..

المهم استخرت وخلاص نويت على العروبه وسبحان الله في نفس اليوم الاقي رد من الاخ سيد الي كان من اكبر مؤيدي العروبه بيقول فيها انها معادتش زي الاول وان وان ..

معرفش رجعت فكرت تاني وقلت يمكن الصح اني ادخلها مدرسة تانيه اقل شويه مش مشكلة وادينا بنجرب وان طلعت كويسه كملنا فيها وان طلعت وحشه اهو ننقلها اي مدرسة كويسه على السنه الجايه مش هنخسر كتير ..

امبارح بقلب في جريده الوسيلة كده لقيت اعلان عن مدرسة لسه فاتحه جديد اتصلت بيهم وعرفت التفاصيل ومكدبتش خبر .. رحت انا ووالدها شفنا المدرسة ولقيناها معقوله وتوكلنا على الله واشتركنا لها فيها ..

التفاصيل بقى للي عاوز يعرف هي كالتالي :

المدرسة اسمها اللالسن ودي مكانها في تقاطع الملك فهد مع الوشم .. قبل الجوازات هتلاقي في بنزينه ندخل بعدها على طول يمين نلاقي المدرسة على الشمال جنبها على طول مدرسه اسمها الفيصلية على مااذكر ..

الادارة مصرية وطاقم التدريس بيقال انه جنسيات مختلفة بس انا متوقعه من الآن انه مصريين ..

المنهج امريكي ( هاركورت )

اكتر حاجه كنت بدور عليها هي حوش المدرسة لقيته الحمد لله كبير وواسع بس الفصول الحق يقال ضيقة ( حبتين ) الادارة بتؤكد ان مش هيكون في اكتر من عشرين طالب في الفصل الواحد بس عادي انا مش قلقانه لان المدرسة لسه فاتحه وخايفه ان اصلا ميلاقوش عدد كافي من الطلبة في الفصل ولو اني حاسه كده ان عليهم اقبال.

كان في هناك اثنين بيقدموا لابنائهم واحد منهم على كلامه عنده ولد وبنتين في العروبه .. بيقول ان مستوى التدريس للبنات ف العروبه ممتاز ومفيهوش مشاكل اما للاولاد سيئ جدا وعشان كده هو هينقل لهم من هناك .. يعني للامانة ولي الامر مدح في العروبه وقال كويسه جدا لكن للبنات بس ..

بالنسبة للمصاريف على كلامهم في خصم 15 في المية الاسبوع ده وعشره في المية الاسبوع القادم بعد كده هيقفلوا التسجيل .. بس انا كلمت مدرسه اسمها الغينية تقريبا وقالوا لي ان ممكن نسجل بعد دلوقت عادي بس الافضل نسجل اليومين دول وبرضه كانت اسعارهم مقاربه جدا للمدرسه دي بس عيبهم انهم بعيد في ام الحمام ..

المهم مصاريف بنتي في كيجي 3

400 رسوم تسجيل تدفع مرة واحده ولو محول من مدرسه تانيه انترناشونال هتبقى 200

4200 ريال سنوي

150 زي

300 كتب

2000 باص

للفصول الاعلى الاسعار من 4000 الى 8000 بالنسبة لآخر صف وهو جريد 8

الدراسة هتبدأ باذن الله بعد عيد الفطر مباشرة يعني في 26 سبتمبر القادم .. بس التسجيل من دلوقت ..

اما بقى ليه اخترت المدرسة دي من بين بقية المدارس فطبعا بعد الاستخاره.. اولا لانها انترناشونال ثانيا لانها لسه فاتحه جديد فالمصاريف هتبقى مخفضة بالنسبة للمستوى المتوقع تقديمه .. وبعد سنه من الآن باذن الله ان طلعوا كويسين كملنا معاهم حتى لو رفعوا المصاريف لان هتكون الرؤيا اتضحت بالنسبة لنا ان شاء الله وعرفنا احنا قاعدين ولا ماشيين .. ولو لاقدر الله طلعوا وحشين خلاص مخسرناش كتير والبنت لسه في الكيجي وسهل تتلحق باذن الله على ماتدخل الجريد ونحولها مدرسة تانيه ..

بس الواحد مستغرب اذا موضوع الحضانة وقلب دماغنا كده امال لما تيجي تتجوز ان شاء الله هنعمل ايه .. ربنا يعين .

==========================

الاخت جديده بالرياض ..

نصيحه اقولها لك لوجه الله اياك ثم اياك تفكري مجرد تفكير تدخلي ابنك في مدرسه حكوميه .. الاولاد هنا غير الاولاد في مصر يمكن البعض قالها لك بالتلميح لكن هقولها لك بالتصريح معظم المدارس الحكوميه فيها نسبة التحرش عالية جدا مابين الاولاد وبعضهم خاصه لابناء ( الاجانب ) الي هم المصريين والشوام وخلافه .. كل دول شكلهم مختلف بالنسبة للطلبة السعوديين وبيبقى عرضهم ( حلال ) بالنسبة للفئة الي ( مش كويسه ) من الطلبة وهتلاقيهم في كل المدارس الحكايه دي هنا عادي جدا ومنتشرة جدا .. مع الاعتذار لكل الاخوه السعوديين المحترمين الي هم الغالبية العظمي من الشعب لكن هذا لاينفي ان ظاهرة التحرش دي حاجه واقعيه هنا والكل عارفها ولا يمكن حيالها غير انك ( تحطي عينك في وسط راسك ) وتنتبهي لابنك كويس جدا جدا في المدرسة او غيره ..

مش هقولك اربطيه في رجل السرير ومتطلعيهوش من البيت .. بالعكس الدنيا هنا امان جدا والحمد لله لكن ميطلعش لوحده مثلا يجيب حاجه من البقاله مهما كانت الاسباب ومهما كان الوقت بدري وبرضه متدخليهوش بايدك مدرسه حكومي فيها من كل المستويات والطبقات والاهم انك توعيه وتعرفيه ايه الي ممكن يحصل ولو حد قرب منك يابني اتصرف بالشكل الفلاني واياك تخلع ملابسك قدام حد او حد يدخل معاك الحمام .. البديهيات الطبيعيه الي المفروض الطفل يعرفها .. متقوليش صغير من اول سن ثلاث سنوات سواء صبيان او بنات لازم تنبهي الطفل لكده .. بس طبعا متكبريش المواضيع بالنسبة له وتخليها فوبيا عنده .. قولي له وخلاص والحمد لله عيالنا اذكيا وبيفهموا على طول وبيتصرفوا بعد كده لوحدهم ..

فكرة انك تجيبي له مدرسه في البيت للاسف فكرة مش كويسه ابدا اخويه عملنا له كده زمان من سنين طويله ودفع ثمن الحكايه دي غالي .. مستواه تدهور جدا ومهما كنا بنجيب له مدرسين مكانوش بيجيبوا نتيجه والحمد لله انصلح حاله اخيرا بس بعد سنين طويله لما دخل الجامعه وبقى في تعليم ( نظامي ) فيه حضور وانصراف .. لا انصحك ابدا وعن تجربه بحكايه التدريس في البيت دي ..

امال بنصحك بايه ..

اولا طبعا تستخيري ثم تشوفي له مدرسه خاصه بس حاولي تكون في حي كويس عشان تضمني لو فيها اولاد من جنسيات تانيه انهم يكونوا ( ولاد ناس ) وميقرفوش الولد في عيشته او يعلموه طباع مش كويسه ..

دوري واسألي كتير واستخيري وان شاء الله طالما نيتك مصلحة ابنك فربنا هيهديك للي فيه الخير .. معليش انا عارفه ان مصاريف المدارس هنا عاليه واننا لو دخلنا عيالنا مدارس نظيفة هتلتهم معظم الدخل ويمكن كله بس برضه لازم الواحد يحطها بديهية امامه ان ابنائنا مش ملزمين يدفعوا ثمن غربتنا .. للاسف دي الحقيقة .. فلو عاوزه توفري وفري بس ميكونش على حساب مستقبل ابنك وبرضه لو استثمرتي في تعليمه فهو استثمار باقي لك باذن الله..

[se_ Elsyed]

المدارس الحكوميه فيها نسبة التحرش عالية جدا مابين الاولاد وبعضهم خاصه لابناء ( الاجانب ) الي هم المصريين والشوام وخلافه .. كل دول شكلهم مختلف بالنسبة للطلبة السعوديين وبيبقى عرضهم ( حلال ) بالنسبة للفئة الي ( مش كويسه ) من الطلبة وهتلاقيهم في كل المدارس الحكايه دي هنا عادي جدا ومنتشرة جدا .. مع الاعتذار لكل الاخوه السعوديين المحترمين الي هم الغالبية العظمي من الشعب لكن هذا لاينفي ان ظاهرة التحرش دي حاجه واقعيه هنا والكل عارفها ولا يمكن حيالها غير انك ( تحطي عينك في وسط راسك ) وتنتبهي لابنك كويس جدا جدا في المدرسة او غيره ..

أول مره في حياتي أسمع عن الموضوع ده كان في عدة خُطب لصلاة الجُمعة من مشايخ يعملون دعاة وبيزوروا المدارس الحكومية .. وكانوا بيشددوا على توعية الأولاد - الصبيان - من إنتشار اللواط وما شابه ...

حقيقة .. كنت مستغرب وكإني بأسمع شيء عن أفعال من كوكب تاني ..

وإتكلم الشيخ عن مصطلحات بيستخدمها الطلبة - برضوا الصبيان - فيما بينهم عن هذا الفعل المُشين وحاجات يشيب لها شعر الكتكوت بصراحه ...

ربنا يعافينا

-------------

وسبحان الله في نفس اليوم الاقي رد من الاخ سيد الي كان من اكبر مؤيدي العروبه بيقول فيها انها معادتش زي الاول وان وان

سيد مين ؟

انا يعني سي السيد ولا حد تاني ؟!!!!

[doha]

المدارس الحكوميه فيها نسبة التحرش عالية جدا مابين الاولاد وبعضهم خاصه لابناء ( الاجانب ) الي هم المصريين والشوام وخلافه .. كل دول شكلهم مختلف بالنسبة للطلبة السعوديين وبيبقى عرضهم ( حلال ) بالنسبة للفئة الي ( مش كويسه ) من الطلبة وهتلاقيهم في كل المدارس الحكايه دي هنا عادي جدا ومنتشرة جدا .. مع الاعتذار لكل الاخوه السعوديين المحترمين الي هم الغالبية العظمي من الشعب لكن هذا لاينفي ان ظاهرة التحرش دي حاجه واقعيه هنا والكل عارفها ولا يمكن حيالها غير انك ( تحطي عينك في وسط راسك ) وتنتبهي لابنك كويس جدا جدا في المدرسة او غيره ..

أول مره في حياتي أسمع عن الموضوع ده كان في عدة خُطب لصلاة الجُمعة من مشايخ يعملون دعاة وبيزوروا المدارس الحكومية .. وكانوا بيشددوا على توعية الأولاد - الصبيان - من إنتشار اللواط وما شابه ...

حقيقة .. كنت مستغرب وكإني بأسمع شيء عن أفعال من كوكب تاني ..

وإتكلم الشيخ عن مصطلحات بيستخدمها الطلبة - برضوا الصبيان - فيما بينهم عن هذا الفعل المُشين وحاجات يشيب لها شعر الكتكوت بصراحه ...

ربنا يعافينا

-------------

وسبحان الله في نفس اليوم الاقي رد من الاخ سيد الي كان من اكبر مؤيدي العروبه بيقول فيها انها معادتش زي الاول وان وان

سيد مين ؟

انا يعني سي السيد ولا حد تاني ؟!!!!

عفوا اخي سي السيد السي سقطت سهوا .. كان قصدي عليك ..

وبالمناسبة رد الاخ سي السيد مكانش هو الرد الوحيد الي خلاني اتخذت قراري فللانصاف كان في رد تاني معليش نسيت اسم صاحبته اعتقد هند .. بس هو الرد الي كان محطوط في قسم الاشراف وفي حد من المشرفين نقله هنا .. بصراحه جزاها الله كل خير الاخت على ردها ده كان حاسم جدا بالنسبة لي اني اتخذ قراري بناء على ماجاء فيه ومعليش نسيت اذكر ده في ردي الاول ..

بالنسبة لموضوع الانتباه للابناء في المدارس خاصه الاولاد منهم انا بستغرب ان في ناس متعرفش الحكايه دي .. انا بحسب الدنيا كلها عارفه .. ماعلينا ..

وفي السياق ده بنقل لكم موقف حصل من كام شهر لما جيت هنا كنت بزور ناس سعوديين نعرفهم وساكنين في فيلا كبيرة ماشاء الله ومليانه خدامات وسائقين وماشابه .. انا كنت بترك بنتي تلعب في البيت عادي على اساس انه امان لغايه ماصاحبة البيت جزاها الله كل خير نبهتني وقالت لي متخليش بنتك تروح جهة السائقين خالص وانتبهي عليها ضحكت وقالت ( انتي ناسية الي كان بيحصل لنا واحنا صغيرين ولا ايه ) بصراحه انا تنحت .. الحمد لله مكانش في حاجه بتحصل واحنا صغيرين .. المهم هي نبهتني وقالت بنتك متلبسيهاش قصير دائما تلبس ( شورت ) للركبة تحت الجيب او الفستان .. وقالت لي شوفي بنتي انا بلبسها ازاي .. كانت فعلا ومازالت دائما لابسه شيء يغطي الاكتاف ويغطي لغايه الركبه .. وعلى فكرة الست دي ( كلاس جدا ) واعتقد انها حتى مش محجبه لما بتسافر برا يعني مش بتلبس بنتها حشمه كده من باب التدين وانما من باب الخوف عليها .. وسبحان الله لاحظت ان كل الملابس بتاعت الاطفال بتتباع زي الطقم معاها الشورت ده او ( الليجنج ) الحكاية دي مكنتش واخده بالي منها في مصر نهائي بس هم هنا منتبهين لها جدا ..

بعد الحوار ده بالصدفة كنت داخله منتدى نسائي على النت وفيه موضوع اسمه موقف تتذكرينه من الطفوله او حاجه زي كده ..فوجئت ان كل الي في التوبيك ده تقريبا فاكرين مواقف سيئة من الطفوله كلها تحرش من سائق او قريب او ماشابه .. بصراحه ذعرت من كثرة الردود وكلها تحمل مواقف مأساويه بل وفي بعضها اكتفى بالدعاء على الي افسد عليهم طفولتهم والسلام ..

المهم اني سمعت الكلام ونبهت على بنتي بالنصائح العامه ان محدش ومحدش ومحدش ..

الغريب ان مرة تانية وكنا بنزور نفس الناس الي صاحبة البيت فيه حذرتني قبل كده .. وفجاه لقيت بنتي بتصرخ وجايه عامله فضيحة وبتجري علي وبتقولي ان وحده من الشغالات وحددتها بالاسم كانت بـ ... ( فعل شائن لا داعي لذكره ) وان بنتي منعتها وجات جري تقولي .. رحت اشوف ايه الموضوع لقيت الشغاله وشها الوان وقاعده مع الشغالات التانيين وعماله تقولي انا كنت بهزر معاها .. ولا تعليق نهائيا ..

الخلاصة القصص الي بنسمعها للاسف معظمها حقيقي وللاسف في ناس معدومه الضمير.. اهل البلد منتبهين للحكايه دي ومحافظين على عيالهم انما احنا للاسف في كتير مننا بيتعامل مع الامور وكأننا لسه في مصر والطباع وحده والمجتمع واحد وطبعا ده شيء مش صحيح ابدا .

البلد مليانه عماله وافده ملهمش امان ومليانه برضه اطفال اهلهم غافلين عنهم نهائيا وتاركينهم للعماله دي وللاسف الطفل الي بيتعرض لحاجه زي كده والعياذ بالله بيتحول لجرثومه ناقلة للمرض وزي ماانقهر من الي قبله لازم يصب مرضه النفسي على طفل تاني لاحول له ولاقوة وتستمر المأساة ..

برضه ارجع واكرر مش معنى كده تحبسوا عيالكم وتقولوا الدنيا خربت لاه اطلاقا .. بس انتبهوا عليهم كويس اوي وعلموهم ازاي يتصرفوا صح في المواقف دي يعني عن نفسي على قدر ماكنت هقتل الشغاله دي بس فرحت ببنتي اوي انها مدتلهاش اي فرصة والاهم اني صدقت بنتي لما جات اشتكت لي ومكذبتهاش او هونت من الموضوع وبرضه مكبرتهوش لان في الاول والآخر مفيش حاجة حصلت ..

واكيد دائما وابدا الله خيرا حافظا وهو ارحم الراحمين ..

[جديدة بالرياض]

جزاك الله خير يا اخت doha على ردك ونصيحتك لي

لكنى اعلم موضوع التحرش هذا في المدارس بالنسبة للاولاد لكني اعلم ان ذلك يحدث في بعض المناطق وليس كلها وخاصة في المناطق التي فيها سعودين سود ولا اعتقد ان ذلك يمكن ان يحدث في الملز

كما انني لما قلت اني سوف اجيب له مدرسة بالبيت كان قصدي بالنسبة للانجليزي بس بالاضافة الى اني ادخله مدرسة حكومية

الا انني ايضا مازلت لا اعلم ماذا افعل؟

اريد ان اسألك هل مدرسة الالسن هذه قريبه من حي الملز

بصراحه انتم خوفتوني اكتر من المدارس هنا ومن الشارع

مصر برضو على قد القرف اللى فيها والزحمه امان عن هنا الواحد كان بيسيب الولد يجبله كل حاجه من السوبرماركت دون اي مشكله واضح اننا هنا هنشوف ايام زي الفل

تم تعديل 11 يونيو 2009 بواسطة جديدة بالرياض

[doha]

الحقيقة مش عارفه ان كانت قريبة من الملز ولا لاه لاني ورغم اقامتي هنا طول عمري الا اني مش عارفه الشوارع والمناطق اوي .. للاسف والدي هو الي عارف كويس وحافظها صم بس هو دلوقت في اجازه في مصر لو تستني لما ييجي اسأله لك او حد من الاخوه هنا يفيدك اكيد اكتر مني

بس عامه هي في طريق الملك فهد وهو ماسك معظم الرياض من اولها لآخرها وهي اقرب للشمال واظن الملز في الشمال ..

معليش زي ماقلت لك مش اكيده اوي من الاماكن وان شاء الله حد تاني غيري يفيدك اكتر ..

[خالد شحاته]

الاخت الفاضله جديد ه في الرياض

اولا نورتي الرياض

المدرسه مش بعيده من الملز لان الا بيجي من الملز ممكن يخد شارع الجامعه ومن عند كوبري الوشم يخد يمين يكون جنب المدرسه يعني ممكن 10 دقائق تكوني في المدرسه وربنا يوفقك الجميع

تم تعديل 12 يونيو 2009 بواسطة خالد شحاته

[ديم]

السلام عليكم ورحمة الله وبركاته

يا جماعه انا لفيت ودخت على مدارس كتير قبل ما دخل ولادي الرمال العالميه والله شفت العجب من موضوع المدارس ده

اولا الملك سعود والملتي ناشونال اسعارهم غاليه جدا والشويفات اللي هي الملك عبدالعزيز الولاد فيها مش كويسين أخلاقيا ،والشرق الأوسط والمتحده حاجة فظيعه اشتغلت فيها فترة (وهربت) الولاد بتبادلوا السجاير مع المعلمات والمعلمين.........والمستوى منحدر أما العروبه انا اسمع انها زحمة والطلاب على بعضيهم وما حدش فاهم حاجه والاديوكشن اسمع ان الادارة كويسه بس الدين (صفر) والاقبال الكادر التعليمي كله هنود والدلتا مستواها نزل ووووووو

المشكله اللي بواجها مع ولادي في الرمال ان طول السنه دراسه وامتحانات وتقييم واختبارات ذكاء واسئلة تحليلية واستنتاجيه ..الخ واللغة الفرنسيه مش اختياري اجباري وفيها امتحانات واللغة العربية مكثفه وحفظ قرآن (للأسف ولادي مش قادرين يحفظوا لأنهم ما تعودوش )و أنشطة ومسابقات..

صحيح مستفيدين جدا ولغتهم حلوه ومدرسات كويسين بس ولادي حاسه انهم زهقوا بس برضوا مش حغير المدرسة

كلمه أخيره المدارس أغلبها بقت تجاريه جدا و مالهاش دعوه لا بتعليم ولا بتربية والله يستر من الي جاي