فن المربع الصعيدى

[mohameddessouki]

في الشعر العامي في صعيد مصر هناك نوع من الشعر يسمى ( المربع ) وهو عبارة عن قصيدة مكونة من أربع أبيات ينتهي كل بيت بكلمة واحدة لكن معناها مختلف يتوقف فهم الكلمة على فراسة المستمع

وليس هذا جديدا فقد كانت اللغة العربية تكتب بدون تنقيط ( نقط على الحروف ) وكان العربي يعتبر توضيح الكلمة له إهانة له في اعز ما يملك وهو بلاغته في اللغة العربية

فيما يلي قصيدة من نوع المربع ينشدها ملك هذا المجال الشاعر الشعبي حفني احمد السيد سوف اسرد القصيدة كما ينشدها وسوف اشرح المقصود من كلمة النهاية في كل بيت .... القصيدة بعنوان " خلتني أفكر طول الليل "

" خلتني أفكر طول الليل

صوتك يسلى عالية ( عاليه هنا :على)

بنغمة جميلة عالية ( عاليه هنا : عالية )

ولية تتأخر عالية ( عالية هنا على )

خلتني أفكر طول الليل

بلاش تغدينى و لاجيني ( تغدينى أي الغداء و لاجيني أي لاقيني أي احسن مقابلتي)

أنا لا عاوز درهم ولا جينى ( جينى أي جنيه )

ليه تواعدني ولا تجيني ( تجينى أي تجيء إلى )

خلتني أفكر طول الليل

يا أخى طل على وسـ....عبان ( سـ .. عبان ،أي وساعة بان،أي وساعة اظهر لأراك )

داير تبرم زى التـ.....عبان ( التـ ..عبان اى الثعبان )

وانا جالوا لي عليك تـ..عبان ( جالوا لي أي قالوا لى ، تـ... عبان أي تعبان )

خلتني أفكر طول الليل

طلبك يمشى على ال..عندي ( الـ عندي أي العين دى أي هذه العين )

ولكن عند اللزوم عندي ( عندي اى عندي بكسر العين وفتح النون من العناد )

يوم عندك ويوم عندي ( عندي أي عندي بكسر العين وسكون النون أي لدى )

خلتني أفكر طول الليل

حلاوتك والكلام ازين ( ازين أي الزين... الطيب )

يسهرني لما الفجر ازين ( ازين أي يؤذن أي آذان الفجر )

وأنت مشيت من غير ازين ( ازين أي بدون إذن )

خلتني أفكر طول الليل

أنا موش زي ال لمامشيت ( الـ ماماشيت اى اللمامة وهم الرعاع شيت اى مثلهم )

ولا كلام على ال لمامشيت ( الـ لمامشيت اى اللمة مشيت اى مشيت على كلام الغالبية)

وأنت امبارح لمامشيت ( الـ لمامشيت اى عندما مشيت )

خلتني أفكر طول الليل

مجلش فلان زيعلان ( مجلش اى ماقولش اى لااقول، زيعلان اى زى علان )

وأنت باعت لي زيعلان؟ ( زيعلان اى ازاى اعلان )

أنا بافهم وعارفك زيعلان ( زيعلان اى زعلان اى مغاضب )

خلتني أفكر طول الليل

رجليك مشت وجابيتك ( جابيتك اى جابتك )

وأنا زيك بامشى وجابيتك ( جابيتك اى اجى بيتك )

لقيتك ناسي وجابيتك ( جابيتك اى واجباتك )

خلتني أفكر طول الليل

ولاد الهوى العال مالها ( ولاد الهوى أي أولاد الهوى ، مالها أي ما بها )

ليه متحافظش على مالها ( متحافظش أي لا تحافظ ، مالها من المال )

فكرت رايح على مالها ( مالها أي ملهى أي أماكن اللهو )

خلتني أفكر طول الليل