مصر كلها معتصمة في الشوارع

[deemuck]

مازال استمرار اضراب موظفي الضرائب العقارية مستمر الي يومه 12 بعد ما وعدوا من السيد بطرس غالي برفع مرتباتهم ومساواتهم بزملائهم. ولكن بعد ما سحب السيد وزير المالية وعوده وكمان مهددا اللي مش عاجبه خليه نايم في العراء انا محدش يقدر يلوي دراعي. كيف يمكن لهؤلاء الفقراء ذوي الراتب 150 جنيه ان يلوي دراعي انا وزير المالية.

مدرسو الجامعات بعد ما تنبح صوتهم في رفع رواتبهم ومعاشهم هددوا باخذ حقهم بطريقتهم الخاصة. وبالطبع لن تختلف عن حق المدرسين في دبح وحرق دم اولياء الاومور في الدروس الخصوصية.

اعداد كبيرة تعتصم من الشباب على الطرق سريعة محاولة لفت انظار المارة بعد هروب احد موزعي كروت الشحن بملايين الجنيهات كما يروي احد الضحايا الشباب بعد ما حصل منهم الالف والالف.

اعتصام طلبة مدرسة ابتدائية احتجاجا بضمها الي مدرسة اخرى وطبعا هذا اساء اضطراب الطلبة تخوفا من الزحمة والتكدس مما يؤدي بالسلب على تحصيل العلوم. وطبعا مطالبهم قوبلت بالنفي.

ولسة ،،،

وطبعا الحكومة لا تستجيب بسهولة لطلبات هؤلاء الناس.

[amrhoras]

الحكومه الحكومه ايه الفساد ده كله يا اخوانا

كل ده فساد كل ده ظلم مبيخافوش من ربنا؟

مبيفكروش يوم لما يقفوا امام رب العباد ياترى هيقولوا ايه؟

مبيفكروش ان الكرسي ده مسيره الزوال؟

حسبي الله ونعم الوكيل

شكرا

عمرو

[Sherief AbdelWahab]

تعليق صادم لكنه وجهة نظري:

صحف الحزبوطني تبارك كل هذه الاعتصامات ، أما بعض أصحاب الحقوق الحقيقيين فلن يتظاهروا لأنهم ببساطة لن يجدوا من يتعاطف معهم .. خير دليل على ذلك من تم تعيينهم بعقود مؤقتة وتلقوا وعوداً بالتثبيت وقت التعيين ليخرج لهم من عينوهم ألسنتهم "هيييييييه.. وضحكت عليكم"!

وعندما اعتصم عمال السكك الحديدية في وجه وزير القتل السابق لم يكترث أحد لمطالبهم ، لا مسئولين ولا صحافة..

من يرى ويُنَظِّر للاعتصامات والإضرابات السائدة على أنها بادرة إيجابية حر في ذلك ولن أحجر على رأيه ، وإن كان في المقابل من حقي أن أرى العكس.. وأن أرى أن العلاقة بين الحكومة والمواطنين في حاجة إلى إعادة نظر ويشوبها على الطرفين نفاق صارخ وازدواجية فاضحة في المعايير.. ألا هل قد بلغت؟

خلص الكلام

[Nina Hussien]

على كده انا بس اللي لسة قاعدة في البيت :closedeyes:

فعلا البلد كلها في الشارع و لسة

التقل جاي ورا

لما ال 250 الف بيت الآيلين للسقوط يسقطوا

ساعتها كل الناس هاتبقى في الشارع بجد

[مزاميزو]

حكمت فعدلت فأمنت فنمت يا عمر :closedeyes:

دا كلام واحد غير مسلم شاف عمر بن الخطاب نايم تحت شجرة من غير حرس ولا أمن

:closedeyes:

والكلام ليكي يا جارة واللي على راسه بطحة يحسس عليها :closedeyes:

[ميزو وبس]

عارف ومتاكد مفيش اى ثورة حتقووم ولا حيحصل حاجة الناس خلاص ماتت ماتت