جنيه ونص كفاية علي المصري في اليوم

[شينكاوي]

md2: السلام عليكم

ترددت كثيرا قبل ان اكتب هذا الموضوع ووجه التردد ان اضع الموضوع في اي باب

فهداني الله وقلت بما ان الموضوع لا يمكن ان يؤخذ علي محمل الجد فلا مناص من وضعه بباب الدعوة للابتسام

الموضوع باختصار تصريح للبيه وزير المالية المصري بأن المواطن المصري يكفيه جنيه ونص في اليوم :waf: :lol: وطبعا الموضوع نشر في موقع في البلاد

ممكن حد يرد عليه غيري هههه هههههههههه قال جنيه ونص كفايه في اليوم :lol:

الاخ الوزير شكله كان في غيبوبة من 20 سنة ولسه صاحي منها ولا ايه ؟ md2:

او لسه سيادة الوزير فاكر ان جوز الحمام تلات فرادي والجنيه ليه لازمة زي الجزمة

وممكن برده يكون فاكر ان لسه في فئة من العملة المصرية اسمها قرش او تعريفة lo::

او ممكن الوزير بيتكلم عن الجنيه الجبس اللي ليه قيمة اللي مش ملحق الجنيه السوداني يتلهي هو والجنيه بتاعه

لو ثبت ان الوزير صرح التصريح ده يجب ان يتم ارساله الي معتقل ابو غريب بالعراق وخلي الامريكان يوجبوا معاه

يا رب خلصنا من الوزراء اللي زي وزير المالية الاقرع يا رب ويجي واحد غيره بشعر وبيفهم اصلي لأنه اقرع فمخه ساح من الشمس lo::

[ahmedarab]

والله يا شينكاوى يا اخويا

هم يضحك وهم يبكى

دة الظاهر كدة كان فى غيبوبة مش 20 سنة لالالا قول 100 سنة

وفعلا لو هو قال الكلام دة يبقى لازم يدخل مستشفى الامراض العقلية ....اللى فى العباسية :lol:

اقرب برضة من ابو غريب .ولا اية ؟؟؟؟ :waf:

تحياتى :lol:

[شينكاوي]

السلام عليكم

ahmedarab رد اليوم, 09:34 AM

والله يا شينكاوى يا اخويا

هم يضحك وهم يبكى

دة الظاهر كدة كان فى غيبوبة مش 20 سنة لالالا قول 100 سنة

وفعلا لو هو قال الكلام دة يبقى لازم يدخل مستشفى الامراض العقلية ....اللى فى العباسية

اقرب برضة من ابو غريب .ولا اية ؟؟؟؟

لا يا عرب يا حبيبي انا لازم نوديه ابوغريب علشان انت عارف هناك هيعملوا فيه ايه الامريكان :lol: :lol: ولا العباسية

بقت ابو غريب استايل دلوقتي كمان

وبما ان الوزراء مواطنين مصريين كمان زينا يعني ياريت مجلس الشعب يناقش رواتب الوزراء ويكون راتب الوزير 45 جنيه :lol:

ويورينا سيادته هو وبقية الزملاء يعملوا ايه بيهم واحنا بعد منهم علي طول نرضي بال خمسة واربعين جنيه.

[mizo]

لو ثبت ان الوزير صرح التصريح ده يجب ان يتم ارساله الي معتقل ابو غريب بالعراق وخلي الامريكان يوجبوا معاه

انا قرائت الجمله دى ومت على روحى من الضحك

[شينكاوي]

السلام عليكم

mizo رد اليوم, 04:59 PM

لو ثبت ان الوزير صرح التصريح ده يجب ان يتم ارساله الي معتقل ابو غريب بالعراق وخلي الامريكان يوجبوا معاه

انا قرائت الجمله دى ومت على روحى من الضحك

اهلا بيك يا اخونا ميزو

بس بجد تخيل حضرتك كل وزير يصرح تصريح غبي نوديه ابوغريب شهرين ونرجعه ونشوفه متصور :lol:

اعتقد ولا واحد فيهم هيفتح بقه بكلمه واحده الا الوزراء اللي انت عارفهم بقي

وفي واحد منهم هيهرينا تصريحات علشان يروح ابوغريب :lol: ما انت عارفه يا راجل روقه سني :lol:

بس بجد وزير الماليه لازم يتعمل فيه حاجه قويه علشان ما يقولشي حاجة زي دي تاني

بمعني يخرس خالص ويخليه في سرقاته قصدي شغله

[miramar]

اتوقع والله اعلم ان الوزير يقصد الجنيه الاسترليني ؟؟؟؟ :h!!!h:

يعني جنيه ونص ايه الي يكفي اسرة متكاملة؟؟؟؟

فيها أب شقيان طول النهار

وأم بتمسح تكنس وتغسل

وأطفال في مرحلة النمو محتاجين تغذية؟؟؟؟؟

ياكلوا ايه ده حتى لو فول مش يكفي

الوزير ده اكيد مش عايش في البلد

مرمر

تم تعديل 15 ديسمبر 2007 بواسطة miramar

[نهى حمودة]

وهما ذنبهم ايه بتوع ابو غريبب عشان يتبعتلهم مجنون زي ده ..........ده تبقى كارثة لو كان قال الكلام ده بجد

[مصري أصيل]

ان كان قال كده فعلاً ي أما هوه مجنون فعلاً أو فاكر أنه هوه العاقل الوحيد والناس كلها مجانين . يعني الجنيه ونص اللي بيتكلم عنهم يجرب يديهم لابنه الصغير أو أبن أبنه ويقوله روح أشتري من البقاله حاجه حلوه . ولو ما رامهمش الولد في وشه ما أبقاش أنا. العالم دي عايشه في الأحلام ولا أيه؟؟؟؟؟؟؟؟؟؟؟

[شينكاوي]

السلام عليكم

اولا يا جماعة انا اعترف قدامكم وعلي الملأ انني ظلمت وزير المالية دا اللي صرح طلع وزير التنمية الأقتصادية :blush2:

قال يعني في فرق ما كلهم وزراء بنفس الحكومة المنحوسة :waving:

وتأكيدا لتأثير الحملة التي شنها اخوكم شينكاوي علي الوزير :blink: قام الوزير بالتراجع عن تصريحاته السابقه مش خوفا من شينكاوي

ولا حتي الشعب المصري .....الوزير طلع خايف ليروح ابو غريب :lol: :yahoo: :oldman:

واليكم نفي الوزير للتصريحات

يا شينكاوي يا جاااااااااااااااااااااااااااااااااااامد :unsure:

تم تعديل 16 ديسمبر 2007 بواسطة شينكاوي

[Alex Lover]

جنيه ونص

انت لما بتيجي تدي سايس في باركينج جنيه بيبصلك من فوق لتحت

يمكن الكلام ده بيقوله كرساله غير مباشرة لمراته اللي منظفة جيوبه اول بأول :unsure:

[شينكاوي]

السلام عليكم

Alex Lover رد أمس, 10:57 AM

جنيه ونص

انت لما بتيجي تدي سايس في باركينج جنيه بيبصلك من فوق لتحت

يمكن الكلام ده بيقوله كرساله غير مباشرة لمراته اللي منظفة جيوبه اول بأول

اهلا بيك يا الكس

بس يا عم الكس الكلام ده يهيس بيه علينا احنا ماشي اما علي مراته دي كانت مش تطلب بنفسها انه يروح ابو غريب

دي كمان ممكن مش بس تخلعه دي هتخلع اللي في رجلها وتديله .

وبعدين مع احترامي للسايس جنيه ونص ايه اللي تديه له هو بيشحت منك يا بيه ولا ايه :lol:

المشكلة ان البيه الوزير ما يعرفش ان تذكرة المترو بجنيه يعني ان شاء الله الواحد يقطع واحد رايح ونص جاي :lol:

بجد وزراء اخر زمن .

وسمعونا سلام الحكومة الرشيدة مش رشيدة بتاعة بكار لأ بتاعة نظيف :lol: wst::

تم تعديل 17 ديسمبر 2007 بواسطة شينكاوي

[ahmed_tito91]

بســم الله الـرحمــن الرحيــم

حلو موضوعك يا شينكاوى

حرام عليكم تظلموا الراجل ماله الجنيه ونص

دول يكفوا الشعب المصرى كله فى سنه :)

7

7

7

7

7

7

7

بس طبعا على ايام محمد على لما كان الجنيه المصرى بيعمل حوالى 15 او 16 جنيه استرلينى :blink: :lol: :lol:

احمد تيتو

اصغر محاور

[DEMO]

أيوة طبعا يكفية جنيه ونص اي مصري

هو الوزير نسي يحط كلمة جنيه سويسي

هو مفيش حد بيفهم سويسي

تم تعديل 27 ديسمبر 2007 بواسطة DEMO

[om marawan]

ياعم شينكاوى مالك ومال القرع ماتسيبهم فى حالهم هتبقى انت والشمس والبرد عليهم

وبعدين انا اللى موتنى من الضحك حكاية يقطع تذكرة مترو رايح ونص راجع يعنى يخللى النص التانى يروح تانى يوم ولا ايه ؟ )

بس ياسيدى جنيه نص يكفوا جداااااااااااااااااااااااا

انت تاخد قلش ساخ (قرش صاغ)

تجيب بيه جبنة وحلاوة وعيش (اللى هو الرغيف ابو ربع جنيه ده)

والباقى تحاسب الجزار والفكهانى والخضرى وتطمع فى الباقى

تطفششششششششششششششششش

[om marawan]

ياعم شينكاوى مالك ومال القرع ماتسيبهم فى حالهم هتبقى انت والشمس والبرد عليهم

وبعدين انا اللى موتنى من الضحك حكاية يقطع تذكرة مترو رايح ونص راجع يعنى يخللى النص التانى يروح تانى يوم ولا ايه ؟ )

بس ياسيدى جنيه نص يكفوا جداااااااااااااااااااااااا

انت تاخد قلش ساخ (قرش صاغ)

تجيب بيه جبنة وحلاوة وعيش (اللى هو الرغيف ابو ربع جنيه ده)

والباقى تحاسب الجزار والفكهانى والخضرى وتطمع فى الباقى

تطفششششششششششششششششش

[ahmed salim]

ياجماعة انتوا فهمتوا الخبر غلط

الخبر الغلط : جينه ونص كفاية علي المصري في اليوم

الخبر الصح : جنيه ونص كفاية الواحد يشتري بيهم المصري اليوم

[amani]

بســم الله الـرحمــن الرحيــم

طبعا الكلام ده صحيح .. ممكن نشترى بيه المصرى اليوم...

بس لو فكرت تبعت بتنتك او ابنك يشتروا شوكولاته........ تبقى بتحلم ...وحلم مزعج اوى ...

[om marawan]

ياجماعة المصرى اليوم ده جرنال وبجنيه وربع يعنى الجنيه ونص هيكفى المصرى اليوم ويفيض