ارجو الدخول ومساعدتى بالمعلومات عن الكويت

[ahamedgad]

السلام عليكم ورحمه الله وبركاته

بسم الله الرحمن الرحيم

" واسألوا اهل الذكر ان كنتم لا تعلمون "انا مش بعرف احكى كتير بس انا عايز اخد رأى اى انسان مصرى شهم موجود بالكويت الان

انا مدرس رياضيات خريج 2006 بتقدير جيد جدا مع مرتبة الشرف وحاصل على شهادة ICDL ودبلومة مهنيه فى الرياضيات بتقدير جيد جدا وعملت سنة لكن مع الاسف مش ادونا خبره ومش معاى اى دليل غير العقد

المهم

انا ليه واحد قريبى فى الكويت ( رزقه الله ) قال انى ممكن اسافر الكويت واقدم فى المدارس من هناك وانا واثق جدا فيه لكن المنتدى جعلنى اسأل بعض اسئلة اذا سمحتم

كم تكون سعر الفيز الحرة للكويت حتى استطيع التقديم هناك فى المدراس ؟

هل يمكن ان اعمل فى وزارة التربية والتعليم فى الكويت ؟ ام العمل يكون فى المدارس الخاصة فقط

هل هناك امتيازات خاصه بالمدراس الخاصه او التربية والتعليم ؟

ما هى المرتبات فى المدارس الخاصه او الحكومية ؟؟؟

ما هى فرصتى هناك ؟؟؟؟

( اصدى بالمدراس الخاصه طبعا مش المدارس الاجنبيه

لكن قصدى مدرسه خاصه لكن التددريس عربى عادى )

ارجو الافادة افادكم الله

تم تعديل 14 ديسمبر 2007 بواسطة ahamedgad

[amrhoras]

استاذ احمد ربنا يوفقك يارب

بالنسبه للفيزا الحره مفيش هى اسمها عدم ممانعه

انا اينعم مش عايش فى الكويت بس كنت قبل ما اسافر اتعرضت عليا تأشيره عدم ممانعه كانت بالف دينار تقريبا يعنى حوالى 21000 جنيه

بالنسبه للعيشه ف الكويت 35 للأكل ( فى حدود المعقول وع اد الحال) والاتصالات 50 دينار ف المتوسط غير مصاريفك الشخصيه يعنى من الاخر عوزلك شغلانه متقلش عن 500 دينار

هذا والله اعلم

اتمنى لك التوفيق وبرده لا تأخذ كلامى فانا مره اخرى اكرر ع حد السؤال من احد اصدقائي

شكرا اخوك عمرو

[ahamedgad]

السلام عليكم

انا متشكر جدا ياستاذ عمرو على الاهتمام والرد

بس ياستاذ عمرو انت اصدك الاكل 350 دينار ولا 35 دينار

ارجو التوضيح والسكن وكل حاجه ارجوكم

طب هو حد عنده علم كام مرتب المدرس وهل يعنى 21 الف جنيه اللى الاخ عمرو بيقول على ثمن عدم الممناعة مش كتير ولا ايه اللى احتمال يحصل

انا بقول لحضراتكم انا مدرس يعنى شغلى يا فى مدرسه خاصه ودا الغالب او شركه

طب و 300 دينار مش تكفى معيش وتضحية زى دى

ارجو الرد من فضلكم

انا ايميلى للتواصل للزائرين

تم تعديل 15 ديسمبر 2007 بواسطة Folana

[مصري أصيل]

الاستاذ أحمد جاد المحترم

انا مقيم في الكويت منذ 14 سنه و سوف اعطيك بعض المعلومات التي تحتاجها ان شاء الله

بالنسبة لراتب المدرس الحكومي حولي 350 دينار قابل للزياده

بالنسبة لراتب مدرس المدارس الخاصه لا يتعدي 180 دينار

بالنسبة للسكن في حدود 30 دينار

الاكل في حدود 25 دينار

اما بالنسبة للبس والمواصلات والتليفونات فهي طبعاً نسبيه وتختلف من شخص لأخر

بالنسبة للفيزا الحرة فهي تتكلف كما قال الاخ عمرو حوالي 22 الف غير تزاكر السفر وغير مصاريف دق الأقامة في الكويت والكشف الطبي في مصر وخلافه

يعني الموضوع كله هيعدي 25000 جنيه

فيا أخي الكريم لا أنصحك أبدا بهذه الطريقه في شراء فيزا حره ومحاولة العمل في الكويت في مدارس خاصه.

الا ان كنت تنوي أعطاء دروس خصوصيه وهذه الناحيه لا أفهم فيها ابدا ويمكن سؤال من لهم خبره في هذا المجال

اما الطريقه الصحيحه هي محوله العمل في الكويت بالوزارة . فيجب ان تبحث عن من يستطيع مساعدتك في الكويت ولا يشترط ان يكون مدرس . بل اي شخص يهمه مصلحتك. وتقوم أنت بأعطائة صور من جوازك ومؤهلك وتليفونه وتليفوناتك داخل مصر أيضاً ويقوم هو بالتقديم لك هنا في الوزارة في المواعيد المحدده للتقديم وأظن انها تكون في شهر 4 تقريباً . وبعد ذلك في شهر 7 تقريباً تقوم لجنة بالنزول الي مصر وعمل الأختبارات اللازمه لجميع المتقدميين في مصر ومن ينجح في الاختبار تقوم الوزارة بالتعاقد معه مباشرةًً .

ولكن قبل بذل هذا المجهود أنبهك لأستحالة قبول الوزارة لأي مدرس لم ينجح بتقدير جيد علي الأقل وهو الشرط الأهم ويعتبر الوحيد في هذا الموضوع . فأن كان تقديرك مقبول لا أنصحك ببذل مجهود علي الفاضي لأنهم متشددون في هذه النقطه بالذات والله الموفق للجميع وانا علي استعداد للأجابه علي اي استفسار تحتاجه

[الحاج فوزى]

الاستاذ أحمد جاد ..

أضيف على كلمات الأخ .. مصرى أصيل ..

أن الموضوع نسبى من شخص لأخر ليس فقط فى الملابس والمواصلات .. بل فى كل شىء ..

حتى السكن والمأكل والمشرب ..

بمعنى أعتبر التكلفة فى المداخلة السابقة للأخ : مصرى أصيل هى الحد الأدنى . قابلة للزيادة الأكيدة فى بند أو أخر ..

وبالفعل راتب المدرس بالقطاع العام يتجاوز الـ 350 دينار بالإضافة إلى ثلاثة أشهر اجازة سنوياً مدفوعين كامل الراتب ، عكس المدرس بالقطاع الخاص .

والقطاع الخاص أو المدارس الخاصة تنقسم فى الكويت إلى مستويين .

الأول المدارس الأجنبية مثل الإنجليزية أو الأميريكية ، وتلك النوعية تشترط بجانب المعايير الأخرى للمدرس الجيد اللغة الجديدة .

ورواتب تلك المدارس أفضل من أى نوع أخر .

والنوع الثانى المدارس الخاصة ، مثل الباكستانية ، وتلك التى تحدث عنها الأخ مصرى ، وراتب المدس فيها لا يتجاوز 200 دينار على أقصى تقدير ..

وعدد الوظائف المتاحة قليل إذا ما قورن بالمدرسين المنتظرين الفرص والموجودين داخل الكويت .

أما بخصوص شراء فيزا ..

فنصيحتى أن لا تفعل ذلك .. ، لأنك ستدفع أكثر من ثلاثون ألف جنيه ، أخذاً فى الحسبان ثمن الفيزا ، والتذكرة ، والإقامة والمصاريف حتى تجد فرصة العمل التى تريدها .. ، هذا بالإضافة إلى أنها فى النهاية عملية غير شرعية ، أى أنه لا حقوق لك فى حالة حدوث أى مشكلة لا قدر الله .

بالفعل أفضل الحلول هى محاولة التقديم للمدارس الحكومية .

وبما أن تقديرك جيد جداً مرتبة ، فستكون فرصتك أحسن إن شاء الله ..

لو أردت أى إستفسار ، أرجوك لا تتردد ..

رزقك الله الرزق الحلال وبارك لك فيه .

[شينكاوي]

السلام عليكم

اخ احمد ان شاء الله يوفقك في حياتك يا رب

بما اني عايش في الكويت من اربع سنين وبشتغل في مكان رواتب العالم كلها بتعدي عليه هبسطلك الموضوع شوية

اولا المدارس الحكومية: العمل في المدارس الحكومية بيتم عن طريق مسابقة بتنظمها وزارة التربية الكويتية في سفاراتها بالخارج

ومن ضمنهم او اهمهم السفارة الكويتية بمصر ويتم الاختيار وبعدين يدوهم فيزا عمل بالكويت مجانا ولما يدخلوا

الكويت بيوفروا لهم سكن قريب من المدرسة اللي هيتعين فيها مع مصروف جيب لاول شهر وامتيازات عديدة

من اهمها راتب 350 دينار واجازة 3 شهور مدفوهة الراتب كل سنة.

باختصار المدارس الحكومية احسن شغلانة للمقيم هنا في الكويت بس خد بالك انك لو قدمت من الكويت هنا مش هتتقبل.

ثانيا المدارس الخاصة: دي حضرتك بتقدم فيها وانت في الكويت في بداية العام الدراسي او قبل ما يبدأ بشوية واكييد اكييد بتعتمد

علي اولا الواسطة وثانيا الخبرة وثالثا اجادتك للغة الانجليزية لأن المدارس الخاصة هنا 90% منها تدرس باللغة الانجليزية

ودي معلومة انا مش متأكد منها 100% وتسأل فيها يا ريت .

نيجي لراتبك في المدارس الخاصة الراتب مش كبير بالنسبة للعرب وخصوصا المصريين وبيكون من 200 دينار والحد الاعلي لراتب

مدرس مصري شاب شعره بيكون 600 دينار كسقف اعلي بعد خبرات مالهاش عدد وما فيش اي مميزات اخري

بس انت ممكن تدي دروس خصوصية عن طريق الاعلان في المجلات وبعيد عن طلبة بتوعك لان ادارة المدرسة الخاصة لو

نمي لعلمها خبر انك بتدي دروس خصوصية لطلبتك هيرفدوك علي طول.

موضوع الفيزا الحرة: ما فيش حاجة اسمها فيزا حرة دي سبوبة بيعملها واحد كويتي صايع وعن طريق مندوبه المصري غالبا بيفتح

شركة وهمية وبيجيبوا عليها ناس بصفتهم عمال او موظفين محتاجهم للشغل وبعدين بيقبض منهم بحدود 1200 دينار

بحدود 24000 جنيه وبعدين بيسرحوا في البلد يعني شوف رزقك مع ملاخظة ان الراتب اللي بيحطه لك في العقد لازم

حضرتك تدبره وتديه للمندوب علشان ياخده كل شهر ويودعه لك في البنك بصفته راتبك لان وزارة الشؤن بيسأل علي الرواتب

وفي الاخر الكفيل بيضرب علي المرتب بتاعك اللي انت دافعه بالاضافه لثمن الفيزا لما تطلب منه تحويل لمكان تاني.

وتخلي بالك لو الراتب اللي حاطه لك في العقد الوهمي اقل من 250 دينار مش هتعرف تفكر حتي تفكير ان تطلع رخصة سواقة

ولا تقدر تجيب مثلا مراتك بعدين ولا اي حاجة يعني مشكلة كبيرة.

بالنسبة للحياة في الكويت: السكن: اغلي شئ في الكويت هو السكن بمعني الايجارات هنا نار يا معلم يعني بما انك جديد هتسكن عازب

مع شباب وبيكون في الغرفة الواحدة بحدود 5 اشخاص وهتدفع لك 30 دينار ده علي الاقل مع ملاحظة ان

مساحة الغرفة مش كبيرة وبتكون زحمة وحاجة تقرف لو انت متعود علي الهدوء والراحة وطبعا المنطقة

بتبقي منطقة عزاب زي المناطق العشوائية في مصر ومجاري طافحة وحاجة بلاء

طيب لو قررت تسكن في منطقة معقولة الشقة مثلا غرفتين وصالة ومطبخ وحمام بحدود الايجار من

230 الي 350 حسب المنطقة وممكن صاحب العمارة يرفض يسكن عزاب كمان.

الاكل:مش غالي قوي يعني معقول وممكن لو هتقضيها ساندويتشات ومطاعم عادية تصرف بحدود 50 دينار

وبرده حسب المنطقة لان في منطقة عزاب ممكن تقضيها فول وفلافل وفراخ مطاعم وكده تكلفك المبلغ ده

وفي مناطق لافيها لا فول ولا فلافل بالعكس المطاعم فخمة ونضيفة لدرجة انك ممكن تدفع 30 دينار لفرد واحد

ودي مطاعم فخمة بالتأكيد ومعروفة هنا بالكويت.

اللبس : مش مشكلة خالص لاني في محلات بتبيع هدوم معقولة باسعار معقولة مع ملاحظة ان لبسك مهم جدا

لأن للاسف طريقة لبسك وماركة الهدوم اللي انت لابسها وريحة البرفان- وخلي بالك من الريحة اكييد-بتحدد

راتبك كام في معظم المؤسسات الكبيرة .

المواصلات : مبدئيا حضرتك اكيد هتركب باص اللي ممكن يأخدك من الكويت للفحاحيل ودي منطقة بعيدة يعني حركة 55 كيلو ب ربع

دينار وممكن تعمل اشتراك باص ب 18 دينار شهري يعني تركب الباص في اي وقت ولاي مكان مجانا مع ملاحظة ان اخر

ميعاد للباص بحدود الساعة 10 بالليل في الايام العادية والساعة 11 يوم الجمعه.

الاتصالات : في الطريق الشرعي غالي لو عاوز تكلم مصر لأن الدقيقة ب 265 فلس بس معظم الناس بتتكلم عن طريق النت .

ونصيحة اخوية لك الا تتسرع لأن الشغل هنا في الكويت مش سهل وياما مر علينا مصريين جامعيين ومؤهلات وشباب زي الفل بيشتكوا

شكوي المر وبيتحسروا علي اليوم اللي فكروا فيه يطلعوا من مصروبيقولوا يا ريت يعني ديون وهم وغم والله المستعان

واخر حاجه هقولها لك تأكد من أن الله هو الرزاق العليم يعني لو لك اكل عيش في البلد دي هتاكلوا هتاكلوا يا سيدي واستخير

والله يوفقك لما فيه خيرا لك ولو في اي شئ مش واضح انا ارد عليك ان شاء الله العليم

[الحاج فوزى]

السلام عليكم

اخ احمد ان شاء الله يوفقك في حياتك يا رب

بما اني عايش في الكويت من اربع سنين وبشتغل في مكان رواتب العالم كلها بتعدي عليه هبسطلك الموضوع شوية

...................

...................

ده احنا كده نبقى زمايل وإحنا مش واخدين بالنا :h!!!h:

[ahamedgad]

انا متشكر جدا على اهتمامكم ولكن طبعا كده انا خفت جدا من الانتقال الى الكويت

بس ياريت تعرفونى مواعيد اى مسابقات تابعه التربية والتعليم والله المستعان

ارجو اذا تمت اى مسابقه تابعه لوزارة التربية والتعليم ارسال رساله توضيح هذا لى

وهذا ايميلى

ahmedmgied@gmail.com

وكمان الخبرة بتفرق ولا ايه نظامها

شكرا لتواصلكم جميعا

تم تعديل 15 ديسمبر 2007 بواسطة ahamedgad

[شينكاوي]

السلام عليكم

Huss.

إعرض ملف العضو مشاركة #7 أمس, 10:22 PM

Advanced Member

المجموعة: Members

المشاركات: 308

التسجيل: 17-November 06

رقم العضوية.: 9822

إقتباس(شينكاوي @ Dec 15 2007, 02:13 PM)

السلام عليكم

اخ احمد ان شاء الله يوفقك في حياتك يا رب

بما اني عايش في الكويت من اربع سنين وبشتغل في مكان رواتب العالم كلها بتعدي عليه هبسطلك الموضوع شوية

...................

...................

ده احنا كده نبقى زمايل وإحنا مش واخدين بالنا

يه يه نتشرف يا باشا زمايل واخوات وحبايب كمان :h!!!h:

اما بالنسبة لمواعيد المسابقات في الوزارة فدي صراحة ما عنديش عنها خبر بس ان شاء الله نسألك

والخبرة اكييد اكييد بتفرق يا معلم ... والتقدير كمان

ووفقك الله

[ahamedgad]

متشكر جدا لتواصلك معاى

بس معلش انا بطلب من سياتك طلب

" عايز اعرف يعنى ايه لما اقدم من جوا البلد مش اتقبل زى ما احد الاعضاء قال "

ليه يعنى ؟؟؟؟؟؟ ايه السبب

[ahamedgad]

يجماعة من فضلكم حد يعرفنى ازاى اذا قدمت من داخل الكويت فى وزارة التربية واتعليم مش هلاقى شغل

مش فاهم ازاى

ممكن حد يأكد الخبر او ينفيه

ايميلى : ahmed_gad994@yahoo.com

ahmedmgied@gmail.com

تم تعديل 18 ديسمبر 2007 بواسطة ahamedgad

[الحاج فوزى]

التقديم للعمل فى وزارة التربية بيكون تقديم نموذج وعليه اللجنة بتقابلك لما تنزل مصر ..

لو فيه واسطة ممكن تقدم من الكويت وتشتغل من الكويت برضو ..

الواسطة تعمل كل شىء بالذات هنا فى الكويت ..

لكن الدورة الطبيعية ، إن الورق بيقدم للوزارة ، الوزارة بتبعت لجنة تقابل المدرسين فى مصر وعلية يتم التعاقد من مصر ..

[ahamedgad]

شكرا جدا يا huss

بس ارجو من سياتك اذا فى اى مسابقه فارجو تبليغى وكيفاقدم لها سواء من داخل الكويت او خارج الكويت وشكرا

ايميلى اهه عشان اذا فى حاجه ترسل عليه واكون شاكر

ahmedmgied@gmail.com

[ahamedgad]

شكرا جدا يا huss

بس ارجو من سياتك اذا فى اى مسابقه فارجو تبليغى وكيفاقدم لها سواء من داخل الكويت او خارج الكويت وشكرا

ايميلى اهه عشان اذا فى حاجه ترسل عليه واكون شاكر

ahmedmgied@gmail.com

[ahamedgad]

شكرا جدا يا huss

بس ارجو من سياتك اذا فى اى مسابقه فارجو تبليغى وكيفاقدم لها سواء من داخل الكويت او خارج الكويت وشكرا

ايميلى اهه عشان اذا فى حاجه ترسل عليه واكون شاكر

ahmedmgied@gmail.com

[justtrying]

سلام عليكم جميعا

بصراحة استمتعت كثيرا بقراءة تعليق الأخ شينكاوي بخصوص المعيشة في الكويت

الراجل جاب من الاخر وقال كلام ينم عن خبرة طويلة وعريضة للعيش بالكويت

بس انا احب اسئلة عن شيء لو فيه شركة عارضة 150 دينار كراتب مع توفير السكن والمواصلات يكون عرض جيد ولا عرض متوسط ؟؟!!

[الحاج فوزى]

يا شباب ..

ربنا يفتح للجميع أبواب الرزق والبركة ..

بس علشان أعرف أرد .. ومش اخاف من الرد لازم تفهمنى أكثر ..

أخاف من الرد ليه .. أقولك ليه ..

لأن كلامى اللى هقوله لك قد تعتمد فى تقرير شىء مصيرى فى حياتك .. بالتالى قد أخاف من تحمل تلك المسئولية ..

وتفهمنى أكثر يعنى ايه ..

يعنى تقولى حضرتك خريج ايه .. سنة كام .. بتشتغل فى مصر ولا لاء .. متجوز ولا أعزب .. ناوى تتجوز خلال الكام سنة الجايين ولا لاء .

الفرصة اللى هنا فى الكويت على وظيفة ايه ؟ وفين ؟ وتفاصيلها ايه ..

يعنى اقولك مثال .. أنت لو متجوز وعايز تسافر انت وزوجتك .. 150 يدوب ممكن تلاقى شقة اوضة وصالة إجار بالـ 150 دول .

طبعاً انا عارف ان بعض التفاصيل قد يحب صاحبها الا تكون علنية .. لديك الرسائل الخاصة .. راسلنى وقت ما تحب ..

والله فى عون العبد مادام العبد فى عون أخيه .

راتب الـ 150 دينار .. قليل طبعاً .. بس اكثر من 75 % من الوظائف فى الكويت راتبها اقل من 150 دينار ..

يعنى الحكم على الراتب يخضع لعوامل كثيرة ..

[ahamedgad]

السلام عليكم

ارجو الرد

انا يجماعة السفارة اتصلت بية بخصوص مدرس رياضيات فى الكويت

بس مش حددوا السفارة مكان للمقابله وحددوا فندق فى شارع جامعة الدول العربية

ارجو ان توضحوا لى ما يجرى فى هذه المقابله

انا المقابله بتاعتى يوم الثلاثاء الساعه 8 الصبح

ارجو الرد ضروروى جدا

وسأعلمكم بالتطورات ان شاء الله

تم تعديل 24 فبراير 2008 بواسطة ahamedgad

[alaqrabalmasry]

اخواني العزاء

السلام عليكم جميعا

انا طبيب مصري ماجستير تحاليل طبية 2003

كنت عايز اسأل بالنسبة للاطباء كيفية التقديم للعمل بالكويت ؟ وهل في مسابقات زي المدريسين؟ ومتوسط راتب الاخصائي في الحكومة والخاص ولكم جزيل الشكر