العيد و انا لوحدي

[ابو حلاوه]

المدام في مصر .. و انا قاعد لوحدي ... افتكرت تاني ايام العزوبية ... هنا لا في عيد و لا حد اعيد معاه ... و اقرب مصري لي ساكن علي بعد 70 كيلو ... كلمنا بعض بالتليفون و كل سنة و انت طيب و سلامات طيبون .. بكرة شغل و بعده شغل و بعده كمان شغل ..بقالي سنة ما نزلتش مصر .. و العيله كلها هناك بس انا ما عنديش اجازات و ان لوحدي في القسم و احد بيتزحلق علي الجليد وواحده بتعمل عملية تجميل -- شد وش -- و العيانين ما بيستنوش .... نفسي اروح ضارب الكلام ده كله ميت شالوت وواخد شنطتي و نازل مصر ... اعيد مع الحاجة و اخواتي اكل يرم البدن مش البيتزا و الكلام الفارغ اللي انا عمال ابلبع فيه ده .... و اتصل بالعيال اصحابي و نخرج مع بعض خروجه من بتوع زمان و ناكل كلاب اقصد كباب ... كنت بابطل و باركن العربية علشان مش عارف اسوق من كتر الضحك ... يا ديييين النبببببببي .. كنت هنا علشان بادرس خلصنا دراسة و خدنا الشهادة الكبييييييييررررررة قوي ...بس برضة تمنها كان كبيييييييير قوييييي من الاحساس بالغربة و الشوق للوطن .. لكن رجوع في الظروف المنيلة اللي في مصر دي مستحيل .... يا رب اصلح حال البلد بقه .... علشان نعرف نرجع و نعيش بالقرب من اهلنا و حبايبنا

تخاريف و احد حاسس بالوحدة في العيد

[Masrawy Abroad]

أنا شرحه زيك في كندا بس لسه ما دخلتش دنيا :D :D

طبعا ولا حس ولا خبر لعيد هنا..وشغلك ماشي عادي خالص

المضحك المبكي ان العيد هنا حسبما اعلنت رابطة مسلمي تورنتو ورابطة مش عارف مين وحبايننا الهنادوة والباكستانيين...وحسب رؤية الهلال هنا (مش فاهم ازاي والحج اللي شغال ده ويوم وقفة عرفات اللي النهارده الاتنين ) قالوا واعلنوا على الموقع بتاعهم كمان ان العيد يوم ..يوم...يوم...يوم الأربعاء

:shock: :shock: :shock: :D :lol: :cry:

طبعا انا ماليش علاقة باكلام ده وماشي مع السعودية في العيد الكبير وبكره العيد الثلاثاء ونعيد..... :D :D :D حتى بالأمارة معزوم على فتة كمان.....هيييييييييه....... :cool: :cool: :cool: :lol:

اللي يضايق انني بابحث عن أي جامع يعتبر الثلاثاء العيد عشان نصلي العيد.....ولكن لا شيء للأن :( :( :(

[Spider]

المدام في مصر .. و انا قاعد لوحدي ... افتكرت تاني ايام العزوبية ... هنا لا في عيد و لا حد اعيد معاه ... و اقرب مصري لي ساكن علي بعد 70 كيلو ... كلمنا بعض بالتليفون و كل سنة و انت طيب و سلامات طيبون .. بكرة شغل و بعده شغل و بعده كمان شغل ..بقالي سنة ما نزلتش مصر .. و العيله كلها هناك بس انا ما عنديش اجازات و ان لوحدي في القسم  و احد بيتزحلق علي الجليد وواحده بتعمل عملية تجميل -- شد وش -- و العيانين ما بيستنوش .... نفسي اروح ضارب الكلام ده كله ميت شالوت وواخد شنطتي و نازل مصر ... اعيد مع الحاجة و اخواتي اكل يرم البدن مش البيتزا و الكلام الفارغ اللي انا عمال ابلبع فيه ده .... و اتصل بالعيال اصحابي و نخرج مع بعض خروجه من بتوع زمان و ناكل كلاب اقصد كباب ... كنت بابطل و باركن العربية علشان مش عارف اسوق من كتر الضحك ... يا ديييين النبببببببي .. كنت هنا علشان بادرس خلصنا دراسة و خدنا الشهادة الكبييييييييررررررة قوي ...بس برضة تمنها كان كبيييييييير قوييييي من الاحساس بالغربة و الشوق للوطن .. لكن رجوع في الظروف المنيلة اللي في مصر دي مستحيل .... يا رب اصلح حال البلد بقه .... علشان نعرف نرجع و نعيش بالقرب من اهلنا و حبايبنا 

تخاريف و احد حاسس بالوحدة في العيد

والله العظيم ظروفك مشابهة لظروفى جدا جدا يا د.أبو حلاوة

[ابو حلاوه]

اهو طقم الحزانه اتلم علي بعضه ... الوحدة صعبة يا جدعان و الغربة الواحد بيحس بيها قوي قوي في الظروف دي ..

. يا رب--- ادعوا معايا ---

افرجها علي بلدنا علشان الامور تتصلح و نرجع بقي من غير لا غربة و لا فراق

يا رب نظف بلادنا من الارزقية و النصابين والفاسدين اللي مجوعين البلد و اللي مشردين الشعب في الخمس قارات

يا رب نرجع بلدنا علشان نعامل بما يرضي الله و يرضي كرامتنا لا ان نشعر كغرباء في بلادنا

يا رب بحق الايام المفترجة دي تسمع دعايا

امين امين امين

[Sharkiah]

مداخله فى ثانيتين

زيك بالضبط ، وعندىشغل للركب وإمتحان بكره كمان

[وسام]

كنت بسهر مع اصحابى للصبح نلعب كورة فى الشارع الخالى لغاية ما يجى وقت صلاة العيد ............ و نصلى العيد سوة و نتخانق حنفطر حلويات الذبيحة عند مين المرة دى ............... انا فين من الايام دى :(

[الطفشان]

أنا شرحه زيك في كندا بس لسه ما دخلتش دنيا  :D  :D 

طبعا ولا حس ولا خبر لعيد هنا..وشغلك ماشي عادي خالص

المضحك المبكي ان العيد هنا حسبما اعلنت رابطة مسلمي تورنتو ورابطة مش عارف مين وحبايننا الهنادوة والباكستانيين...وحسب رؤية الهلال هنا (مش فاهم ازاي والحج اللي شغال ده ويوم وقفة عرفات اللي النهارده الاتنين ) قالوا واعلنوا على الموقع بتاعهم كمان ان العيد يوم ..يوم...يوم...يوم الأربعاء

  :shock:  :shock:  :shock:  :D  :lol:  :cry: 

طبعا انا ماليش علاقة باكلام ده وماشي مع السعودية في العيد الكبير وبكره العيد الثلاثاء ونعيد..... :D  :D  :D  حتى بالأمارة معزوم على فتة كمان.....هيييييييييه....... :cool:  :cool:  :cool:  :lol: 

اللي يضايق انني بابحث عن أي جامع يعتبر الثلاثاء العيد عشان نصلي العيد.....ولكن لا شيء للأن  :(  :(  :(

هنا نفس الامر

الباكستانيين و باقي المسلمين من غير متحدثي العربية (العجم يعني) يتبعون إسنا ISNA و هي Islamic Society of North America

اما العرب فيتبعون MAS و هي Muslim American Society

و إسنا قالت ان العيد الاربعاء

و ماس قالت انه الثلاثاء (زي السعودية)

و الفروقات كثير في حاجات تانية (أكل لحوم اهل الكتاب، الخ)

اما عن غدا، فانا معيد، و واخذ اجازة، و حاروح الصلاة، و بعدين نخرج في حتة، و ناكل برة

[freefreer]

اصبروا و ما صبركم الا بالله .. و اوجاعكم حسنات ليكم .. و سيئات على قلب اللى اتسببوا فى غربتنا .. ان شاء الله

[Sherief AbdelWahab]

اسمحولي مرة تانية أستعير تعبير الأستاذ فري فرير :إخواني حبايبي يا حتة من قلبي..معلهش كان فيه عطل في الجهاز..واتصلح...ورجعت من جديد...

وضعي ما يختلفش كتير رغم اني عايش في مصر و مش مغترب...

شلة الكلية تفرقت و تبعزقت في البلاد...ماعادش حد عندنا في المنصورة...تقريبا اصحابي قليلين في مدينتي و إن كانوا أكتر على السايبر سبيس!..في المنتدى أو غيره الحمد لله...وجه البرد كمل على الموضوع...رزعني في بيتي طول يوم الوقفة...

كل يوم من أيام أي عيد باخطف دقايق أتمشى فيها في شوارع المنصورة الجميلة المزدحمة...لوحدي خاااالص ...أكتشف إني من كوكب تاني ...لأن كل البشر في الوقت دا من السنة بيبقوا جماعات جماعات...المخطوبين و المتجوزين و العائلات و الشلل و الأطفال الصغيرين...وأنا ماشي طرزان بمفردي...بأحاول أنسى لبعض الوقت مشاكلي الخاصة...وأفكر في اللي جاي و الكلام اللي عايز أقوله...

أنا و الوحدة باختصار أصدقاء بلا حدود!

خلص الكلام

[Proud Muslim]

إسمحوا لي أن أنضم لجماعة الوحدانيين .

فأنا أيضا أقضي العيد وحيدا !! :( :(

بس أنا مش متزوج أصلا .

:wink:

يالله .. خير إن اشاء الله .

[بنت شعنونة]

انساتي عانساتي

هنا دعوة لكل الراغبات في الزواج

(وبدنا نتجوز ع "العيييييييييد" ) :D :D

فلمن تفكر جديا في الأرتباط

ما عليها الا تدخل هنا وتنقي الشاب :)

وترسل السي في والطلبات الى شعنونة هانم (الخاطبا باشا) :D

وانا ها ابعتلكم ردود العرسااااااان :wink: :wink:

والله انتوا عسل حتى وانتوا زعلانين

استاذ شريف

انا جايالك في التلج بتاع المنصورة بكرااااااااا

حسبي الله فيهم بس

تللللللللللللجججججج :( :( :(

[Sherief AbdelWahab]

تشرفي و تآنسي! :)

خلص الكلام

[الطفشان]

انساتي عانساتي

هنا دعوة لكل الراغبات في الزواج

(وبدنا نتجوز ع "العيييييييييد" ) :D  :D  

فلمن تفكر جديا في الأرتباط

ما عليها الا تدخل هنا وتنقي الشاب :)

وترسل السي في والطلبات الى شعنونة هانم (الخاطبا باشا) :D  

وانا ها ابعتلكم ردود العرسااااااان :wink:  :wink:

و على فكرة

الموضوع دة مش مجاني

و الاشتراكات تندفع عندي

[hope]

كل عام وانتم بخير وعلى رأى ا لخليجيين

عيدكم مبارك :)

[mnman]

وانا شرحكم.... هنا لا عيد ولا يحزنون..... فين ايام زمان و الكورة للفجر و صلاة العيد بالعباية الجديدة ....

مش عارف لية علي بالي أغنية عبدالوهاب طول عمري عايش لوحدي...

مفيش وجة لواحد بيبكي بحرقة...... :( :( :(

[KWA]

مفيش وجة لواحد بيبكي بحرقة...... :(  :(  :(

ليه ياعم اللون الحزايني ده خليتني افتكر صباح و هي بتغني ....كتاب حياتي ياعين....حرام.....

:? :? :? :? :?

[yasser6666]

ربنا يجعل الغربة دي في ميزان حسناتنا.... لكن اللي صعبان عليا ان مافيش حد يقولك كل سنة و انت طيب (بالعربي ووجهأ لوجه)...مع ان المدام مسلمة لكن ولااا كلمة عربي واللي بيقولها بالعربي بيقولها من بعييييد.....يلا الحمدلله احناحنطمع والا ايه محدش بياخد كل حاجة..........كل سنة و انت طيبين

عيدكم مبارك

مابلاااش السيرة دي في الايام المفترجة دي :) :D :D :roll:

[Salwa]

حرام عليكم ــــكلكم كده على بعضكم ــ صح ــقلتم اللى عاوزه اقوله ــانا ليه 20 سنه لم اقض العيد فى مصر ــولا رمضان ــاحيانا ننزل على الصيف ــالمشكله ان الواحد علشان يعيش فى مصر مرتاح لازم يكون عنده ضمير واخلاق وعضو فى الحزب الحاكم ــوبما ان كل شئء فى الدنيا اتنين اتنين ـــفلازم تختاروا فقط حاجتين ــلو اخترتم الضمير والعضويه ــحاتلغوا الاخلاق ـــولو اخترتم الاخلاق والعضويه ــحاتلغوا الضمير ـــولو اخترتم الاخلاق والضمير ــحاتلغوا العضويه ــــيعنى لا يسمع لكم صوت ــاسفه انهارده انا درجه حرارتى مرتفعه ــواكيد انتم كمان ــيا ساده مجموعتنا هزه لا تصلح لقضاء العيد فى بلد يشعرك كل لحظه انك غريب ـــللاسف وسامحونى نحن اغراب هنا وهناك ـــ شعنونه ـــخليكى زى مانتى ـــورده رقيقه فى غابه من الاشواك ـــومين عارف لو لنا عمر ـــالعيد الجاى حانكون فين ــــ

[Set_Amina]

عيد سعيد عليكم وعلى جميع المسلمين في كل بقاع الأرض يارب.

أنا بقى اشتريت لحمة العيد من يجي اسبوع والحمد لله المنظمة اللي انا باشتغل فيها اعترفت أخيرا بيومين للمسلمين يعيدوا فيهم، يوم في العيد الكبير ويوم في العيد الصغير، المهم ان اللحمة اتحطت في الفرن من صباحة ربنا وقلبت ريحة الشقة ولحد دلوقتي مش عارفة مين هايكلها، أهي طفاسة مني اني عملت كل الكميات دي وآل إيه احساس بالعيد، هو فين الاحساس ده واحنا بعيد عن حضن بلدنا وعن أهالينا، ياللا أشيل اللحمة للعيد الجاي مش هاتخسر برضه وكل سنة وانت طيبين والسنة الجاية نتقابل في بلدنا على خير، قولوا يارب.

[mnman]

KWA كتب:

مفيش وجة لواحد بيبكي بحرقة......    

ليه ياعم اللون الحزايني ده خليتني افتكر صباح و هي بتغني ....كتاب حياتي ياعين....حرام.....