العيد و انا لوحدي

[Spider]

المهم ان اللحمة اتحطت في الفرن من صباحة ربنا وقلبت ريحة الشقة ولحد دلوقتي مش عارفة مين هايكلها، أهي طفاسة مني اني عملت كل الكميات دي وآل إيه احساس بالعيد، هو فين الاحساس ده واحنا بعيد عن حضن بلدنا وعن أهالينا، ياللا أشيل اللحمة للعيد الجاي مش هاتخسر برضه

هتشيليها أزاى للسنة الجاية يا ست أمينة ـــ دى كده حتبوظ حتبوظ..

وأنا والله وعشان النبرة الحزينة اللى حضرتك أتكلمتى بيها قررت وبشدة وبمنتهى الأخلاص أن أحل لكى مشكلتك بالكامل....؟

سوف تجدى عنوانى كاملآ على الماسنجر ويمكنك أن ترسلى لى كل كميات اللحمة التى لا تحتجينها وأذا أردت ان ترسلى كل كمية العيد من اللحوم أنا معنديش مانع .احنا مصريين ذى بعض ولازم نساعد بعض فى وقت الشدة...

وفى أى وقت لو أى حاجة ديقتك أبعتيهالى علطول..حتى لو كانت حلة ملوخية..وميهمكيش

[Spider]

[/]

كفاية بقى يا منمان يا خويا قطعت قلبى...

كلنا فى الهوا سوا

[Facts researcher]

إنا بقه إشتريت لحمه من أسواق بروكسل وعزمت نفسي

:cry: :cry: :cry: :cry:

إمتى الواحد يتجوز ؟؟ :shock: :shock:

لاأنيس و لا جليس :( :(

[الطفشان]

والحمد لله المنظمة اللي انا باشتغل فيها اعترفت أخيرا بيومين للمسلمين يعيدوا فيهم، يوم في العيد الكبير ويوم في العيد الصغير

الست امينة

دة خبر كويس

في انهي بلد دة؟

[MuslimaEgyptian]

السلام عليكم :cry:

وأنا كمان عندى نفس الشعور :( :(...أدينى أهه يوم العيد بسلم عليكم من مقر مسؤليات لم أستطع التزويغ منها للإستمتاع بالعيد :(

وطول الليل الواحد قاعد يحضر فى بحث لازم يقدمه ومخه هيتفرتك إزاى يوفق بين صلاه العيد وميعاد تقديم البحث ومسؤليات أخرى (كان نفسى أكون فى اى بلكونه برمى بمب منها :cry: )...ولقيتنى بسأل نفسى نفس السؤال اللى كل فتره يلح عليه...ليه كل ده والايام بتجرى؟ فيها إيه لما الواحد يعانى ويمر بمشاكل طالما هو مستمتع بالحياه وروحها فى مصر ونحاول نحسن الوضع على قد ما نقدر؟ و إيه معنى اكل ملوش طعم والتعامل مع ناس سخيفه الواحد مبيطقهومش ..والمعيشه فى سجن من دهب؟ مش عارفه....

ولكن المشاعر بترجع لوضعها والعقل لازم يرجع يوزن الامور ويقول الحمدلله فعلا على ما يريده الله...ونحن فعلا فعلا بحمد الله افضل بكثير من غيرنا..وإخوانا فى العراق وفلسطين خير مثال (رب انصرهم يا رب)....

فيلا كده نفرفش ونعيد على قد ما نقدر...اليوم عيد برضه ومش لازم نعديه زى اى يوم...فين الابتسامات بقى؟ يلا :cry:

عفارم عليكى يا اختى ست أمينه، اهو هو ده الكلام :cry:

وسيبك من البيتزا النهارده يا أخ ابو حلاوه واعزم نفسك على احسنها مطعم..بس بلاش الاسكارجو والضفادع والكلام ده :cry:

كل سنه وانتم جميعا بخير وسلام وصحه وعافيه :cry::)

[EBN ELBLD]

يعنى لازم تألبوا علينا المواجع الله يسامحكم

[الطفشان]

(كان نفسى أكون فى اى بلكونه برمى بمب منها :cry: )

ممممممممم

فكريني كدة عندك كام سنة؟ :cry: :cry: :cry:

بابا عارف انك بتكتبي على الكمبيوتر :cry: :cry: :cry:

[وسام]

النهاردة الظهر كانت واقف فى المطبخ قدام البوتجاز متكلفت فى بطانية لانى واخد دور برد جامد بعيد عنكم و عيان ........ و بسلق اللحمة ( عيد بقى) و سرحت بنظرى على منظر الثلج المتساقط برة........ وطار عقلى الى سماء اسكندرية و متخيل نفسى بين الاهل و الاصحاب فى نفس دة العام الماضى

المهم افقت من حلم اليقضة دة على منظر اللحمة و هى بتتسلق

و لقيت نفسى لااراديا بقول .......لا و الله ما عاش الجبناء

و جانى نداء من اخر البيت ....وسام انت بتقول حاجة ....لا مفيش :(

[freefreer]

تنفع قصة قصيرة معتبرة

[Set_Amina]

المهم ان اللحمة اتحطت في الفرن من صباحة ربنا وقلبت ريحة الشقة ولحد دلوقتي مش عارفة مين هايكلها، أهي طفاسة مني اني عملت كل الكميات دي وآل إيه احساس بالعيد، هو فين الاحساس ده واحنا بعيد عن حضن بلدنا وعن أهالينا، ياللا أشيل اللحمة للعيد الجاي مش هاتخسر برضه

هتشيليها أزاى للسنة الجاية يا ست أمينة ـــ دى كده حتبوظ حتبوظ..

وأنا والله وعشان النبرة الحزينة اللى حضرتك أتكلمتى بيها قررت وبشدة وبمنتهى الأخلاص أن أحل لكى مشكلتك بالكامل....؟

سوف تجدى عنوانى كاملآ على الماسنجر ويمكنك أن ترسلى لى كل كميات اللحمة التى لا تحتجينها وأذا أردت ان ترسلى كل كمية العيد من اللحوم أنا معنديش مانع .احنا مصريين ذى بعض ولازم نساعد بعض فى وقت الشدة...

وفى أى وقت لو أى حاجة ديقتك أبعتيهالى علطول..حتى لو كانت حلة ملوخية..وميهمكيش

اصلك ماتعرفشي الست أمينة لما تحب توفر ،طبعا حطيت عليها مادة حافظة من اللي بتتحط على كل حاجة بناكلها وكمان مادة ملونة علشان لما لونها يروح تبقى برضه فيها شبه من اللحمة وزودت عليها مادة تحفظ نكهة اللحمة علشان لو عزمت حد زيك كده عليها يفكر انها لسه لحمة حتى بعد مرور سنة :) :)

بس انا معنديش مانع ادوقها لك عن طريق الماسنجر ، يعني تبقى كده عرفت العينة إيه وتحضّر نفسك للسنة الجاية :D

[Set_Amina]

والحمد لله المنظمة اللي انا باشتغل فيها اعترفت أخيرا بيومين للمسلمين يعيدوا فيهم، يوم في العيد الكبير ويوم في العيد الصغير

الست امينة

دة خبر كويس

في انهي بلد دة؟

هو فعلا خبر كويس ولا تتخيل مدى فرحتي بهذا القرار، بجد حسيت ان أخيرا اعترفوا بان للمسلمين أعياد ومن حقهم يحتفلوا بيها، لكن على فكرة الموضوع ده لاقى اعتراض كبير قبل خروجه للواقع أي في و قت دراسته ولكن الحمد لله انه اتنفذ أخيرا، وده في فيينا ياطفشان، اتفضل كام يوم في بلاد الأنس، آل اُنس آل. :)

[Set_Amina]

عفارم عليكى يا اختى ست أمينه، اهو هو ده الكلام :D

أختي مسلمة كل سنة وانتي بألف خير، ورجاء بصي شوفي انا كتبت ايه لأخي سبيدار ولو الفكرة عجبتك يبقى انت كمان معزومة معاه السنة الجاية وعلشان خاطر سبيدار هاعمله ملوخية ريحتها تجيب آخر الدانوب :) :)

[Spider]

بس انا معنديش مانع ادوقها لك عن طريق الماسنجر ، يعني تبقى كده عرفت العينة إيه وتحضّر نفسك للسنة الجاية

:shock: :shock: :shock: طب وليه التبذير ده يا ست امينه

أنا خايف لحسن أخلصهالك على المسنجر

اصلك ماتعرفشي الست أمينة لما تحب توفر ،طبعا حطيت عليها مادة حافظة من اللي بتتحط على كل حاجة بناكلها وكمان مادة ملونة علشان لما لونها يروح تبقى برضه فيها شبه من اللحمة وزودت عليها مادة تحفظ نكهة اللحمة علشان لو عزمت حد زيك كده عليها يفكر انها لسه لحمة حتى بعد مرور سنة :) :)

يا ساتر يا رب يعنى حظى ميوقعنيش الا مع واحدة ناصحة فى أمور التخزين :shock:

يلّا معلش هو حظى كده

انا بس حبيت أساعد

ومدام حضرتك مش محتاجة مساعدتى يبق خلاص مش مهم :( :(

ولا يهمنى :wink: :wink:

المشكلة الكبيرة يا ست أمينة أنى كنت واخد صورة ممتازة مع حتتين لحمة... وكل محب افتكر شكلها كنت أجيب الصورة أبص فيها...

وللأسف الصورة ضاعت منى :wink: وعشان كده كان نفسى أساعد يعنى...لكن أنا طول عمرى كده حظى كده :shock: :roll:

[Deconvolution]

Well I know that I am not allowed to post in English

but please let me this time

I have thinking about the same thing for the past 3 days

El3id away from Home

away from my wife and kids

from my Dad and Mum from my friends

the traditoin that Dad and I have to visit all our friends and relatives after the prayers

the joyness in my son eyes while he plays with the family kids

but I have away from all of that for the past 8 years with a very tight work schedule

yes I do go home more often than most of you but now it doesn't matter to me any more 3id , Birthdays (which mine was yestreday by the way )

even Death doesn't effect me here any more

I think I have to quit this work before I go crazy

Kol Sana we ento be'7ir we Sa3ada

and sorry If I worte in English

I had to get out my chest

[Proud Muslim]

الأخ Deconvolution

ربنا يسري عنك و يرزقك و إيانا الصبر على الوحدة .

ربنا يجعلها في ميزان حسناتك .

كل سنة و انت طيب .

:)

و بعدين إحنا في عيد .. يعني الفرحة مطلوبة و من السنة كمان على فكرة . :wink:

و لا ايه ؟؟

[se_ Elsyed]

يا حـــــــــــــرام ، والله قطعتوا قلبي ياولاد وخليتونى ازعل على الفرفشة اللى فرفشتها الايام الى فاتت دى ، وعلشان خاطركوا أنا كنت طالع أشوي فى الجنينة النهاردة لكن قررت إنى مش هاطلع ( ده بس علشان الجو النهاردة قلب وفيه هواء بتراب ) لكن اوعدكم هاطلع أشوي بكره وأبقى أرجع أحكيلكم وأوصفلكم ريحة اللحمة المشوية اللى تلاقيكوا يا كبدي نسيتوها من زمان :twisted: :lol:

[MuslimaEgyptian]

(كان نفسى أكون فى اى بلكونه برمى بمب منها :D )

ممممممممم

فكريني كدة عندك كام سنة؟ :) :D :D

بابا عارف انك بتكتبي على الكمبيوتر :D :D :D

هرد على الاسئله، بس بعد ما أخلص فيلم كارتون لتوم وجيرى ;)

----------------------

وشكرا يا أخت ست أمينه على العزومه الكريمه دى، مين عارف ربما تتحقق فى يوم ما ان شاء الله :D

وربنا يهون على الجميع غربتهم ويجعل لهم ونيس صالح بها (لا يا أخ طفشان، ونيس لا يمت لسعيد صالح بصله) :):)

[عمر بيك]

أنا شرحه زيك في كندا بس لسه ما دخلتش دنيا  :D  :D  

طبعا ولا حس ولا خبر لعيد هنا..وشغلك ماشي عادي خالص

المضحك المبكي ان العيد هنا حسبما اعلنت رابطة مسلمي تورنتو ورابطة مش عارف مين وحبايننا الهنادوة والباكستانيين...وحسب رؤية الهلال هنا (مش فاهم ازاي والحج اللي شغال ده ويوم وقفة عرفات اللي النهارده الاتنين ) قالوا واعلنوا على الموقع بتاعهم كمان ان العيد يوم ..يوم...يوم...يوم الأربعاء

 :shock:  :shock:  :shock:  :D  :D  :D  

طبعا انا ماليش علاقة باكلام ده وماشي مع السعودية في العيد الكبير وبكره العيد الثلاثاء ونعيد..... :D  :D  :)  حتى بالأمارة معزوم على فتة كمان.....هيييييييييه....... :cool:  :cool:  :cool:  :)  

اللي يضايق انني بابحث عن أي جامع يعتبر الثلاثاء العيد عشان نصلي العيد.....ولكن لا شيء للأن  :(  :(  :(

هنا نفس الامر

الباكستانيين و باقي المسلمين من غير متحدثي العربية (العجم يعني) يتبعون إسنا ISNA و هي Islamic Society of North America

اما العرب فيتبعون MAS و هي Muslim American Society

و إسنا قالت ان العيد الاربعاء

و ماس قالت انه الثلاثاء (زي السعودية)

و الفروقات كثير في حاجات تانية (أكل لحوم اهل الكتاب، الخ)

اما عن غدا، فانا معيد، و واخذ اجازة، و حاروح الصلاة، و بعدين نخرج في حتة، و ناكل برة

عزيزي الأخ الطفشان: في الحقيقه ان معظم العرب تبعوا (ISNA (isna.net . طبعا مش دي هي القضيه مين تبع مين القضيه ان المسلمين في الغربه لا بد من مراجعه قيادتهم . المهزله دي تحدث علي مر السنيين في امريكا وكندا وترجع لاسباب عديده وانا الوم السعوديه أولا لعدم دقتهم في مطلع الشهور.

أنا ايضا عيدت شبه وحيد هذا العام حيث ذهبت زوجتي الي الحج ولكن الأصدقاء والأحباب في منطقتي عوضوا هذه الوحده واعتبرتها فتره هدوء ومراجعه مع النفس والله المستعان. ;)

عمر.

?>

[فنكوش]

(كان نفسى أكون فى اى بلكونه برمى بمب منها :) )

كل سنه وانتم طيبين ويا رب تعيدوا السنه اللى جايه معانا

بس مفيش بمب عشان ده اصبح من اسلحله الدمار الشامل

:w:

[شيكو المصري]

قلبتوا عليا المواجع الله يعمر بيوتكم :( :( بس انا ناوي ارجع مش زيكم

واكل لحمة ونروح نحضّر صلاة العيد و نلعب كورة يوم الوقفة و.....و......