اذهب إلى المحتوى
محاورات المصريين

ترتيب الثلاجة

ام الفوز

بواسطة ام الفوز
في المطبخ

 مشاركة

Recommended Posts

نانو عضو جديد

نانو

بتاريخ:
بتاريخ:

الأخت أم الفوز

الحقيقه مش واضح من رد حضرتك هل أنت قرأتي المحاورات قبل ما تقرري تدخلي وتشاركي

ولا دخلتي وكتبتي وفوجئتي بمستوي السيدات في المحاورات إنه غير مناسب لسنك وإهتماماتك ؟؟؟

أعتقد إن الإجابه أنك ماقرأتيش و ما تعرفيش المستوي الثقافي لأي سيده تفضلت و تكرمت بالإجابه علي رد علي سؤال لعضوه جديده

و ديه مش بيحصل في كثير جدا من المنتديات أن تجد عضوه جديده إجابه فوريه لسؤالها من كثير من الأعضاء

ثانيا :

ياريت نعرف عملهم مستواهم التعليمي اسرهم حتى نبقى نتواصل على نور

في جميع المنتديات وديه قاعده معروفه و مش محتاجه لتذكير إن من حق كل عضو الاحتفاظ بخصوصياته بالشكل الذي يراه هو شخصيا

ويكون التواصل بين القلم والقلم و يتطور في كثير من الاحوال إلي معرفه شخصيه ثم صداقه وهنا يأتي السؤال عن الخصوصيات

والحقيقه إنك لو تعرفتي علي المستوي الثقافي والاجتماعي لمعظم السيدات في المحاورات يمكن يكون صدمه كبيره لحضرتك

ثالثا:

في مصر هناك اهتمامات اكثر اهمية من المطبخ تشد الستات والرجالة لكن في دول الخليج المطبخ للمغتربين بيبقى ركن مهم جدا

إستنتاج خاطئ للأسف ينم عن جهل تام بمعرفه نفسيه وظروف وإهتمامات المغتربين عن بلدهم مصر .....و مش مفهوم أبدا ما هو الداعي لذكر هذه الجمله ؟؟؟؟؟؟؟

رابعا:

ولسه عارفة الان انه سن اغلبكم صغير

و ديه كمان معلومه خاطئه !

خامسا :

اني كنت ضيف ممل لااستطيع الكتابة بالهزلية بتعتكم ولكن بحبها

حضرتك فهمتي غلط ....مش مطلوب منك إنك تكتبي بنفس الاسلوب لإنه صعب علي ناس كتير إنها تقدر تجمع بين الجد والحس الفكاهي والمعلومه والاسلوب الراقي المحترم في نفس الوقت ...و يكفينا إنك تستمعي بما يكتبه الإخوات ألأفاضل وثقي أننا لن نشعر بالملل أبدا من وجودك ولا من اسلوب كتاباتك طالما في اطار محترم

there is a miracle called friendship,that dwells in the heart

you donot know how it happens

or when it gets its start

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله....

طيب يابنات على بال الست أم الفوز ماتجهز الرد..وتشير وتستشير...

البقدونس والجرجير...افضل طريقة لحفظه انك تلفيهم بورق سيلفر.....

وحاكتب لكم ايضا طرق حفظ الخضروات وتجميدها...بس اراجع كتاب ابلة نظيرة الاول....

:roseop:

صباحكم زى الفل............ :roseop:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
إيزيس عضو جديد

إيزيس

بتاريخ:
بتاريخ: (معدل)

أنا عدلت المداخلة لأني شكيت أكون فهمت الكلام غلط واحنا في انتظار الأخت أم الفوز للتوضيح

تم تعديل بواسطة قرنفل

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
badroora عضو جديد

badroora

بتاريخ:
بتاريخ:

الغالية نانو ميرسي كتير على ردك المفيد , تصورى بجد والله ماعرف موضوع درجات الحرارة داخل التلاجة وياما اتمان جبنه خسرتها بسبب الموضوع دا .

وهاعمل بنصحيتك اظبط البرودة على 2 واحوط تمن الجبنه فى عليه بلاستيك محكمة الغلق .

الابلة الكبيرة فولانه .

يعنى افهم من كدا ان البقدونس والنعناع لو انحط فى ورق الومونييوم هيحتفظ بخضاروه؟

وكمان الخيار بيجمد منى تقريبا بسبب شدة البرودة عموما المعلومات دى هاطبقها من الاسبوع الجاى ان شاء الله لما اروح لتلاجتى ويا انا يا هى :roseop:

قوليلي بقي يا ابله الفحم اللى بيمتص رائحة التلاجة يا ترى مولع ولا ناشف ؟ :roseop:

ومشكورة على تعبك معانا روحى يا شيخة اللهى ما يبعزئلك تلاجة تفضل مرتبه دايما يا رب

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك
إيزيس عضو جديد

إيزيس

بتاريخ:
بتاريخ:

صباح الفل يا بدرية

تسمحي لي أرد على سؤالك بس الأول عايزة أقولك موتيني من الضحك على موضوع الشامبو والموبايل روحي الله يسعدك يا بدرية يا بنت عم مكاوي

في السوبر ماركت هتلاقي شبكات صغيرة فيها حاجات مدورة ومكتوب عليها لامتصاص الرائحة من التلاجة

لو تلاجتك دايماا تجمد الخضار وانتي ظابطاها على درجة وسط حاولي تفصلي الكهربا وخليها ساعة نضفيها و رتبيها وبعد 15

دقيقة شغليها لو استمرت في الحركات النص كم دي جيبيلها الصيانة لأن ده مش طبيعي وحرام هيبوظ لك كل حاجة

سلام

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
badroora عضو جديد

badroora

بتاريخ:
بتاريخ:
صباح الفل يا بدرية

تسمحي لي أرد على سؤالك بس الأول عايزة أقولك موتيني من الضحك على موضوع الشامبو والموبايل روحي الله يسعدك يا بدرية يا بنت عم مكاوي

في السوبر ماركت هتلاقي شبكات صغيرة فيها حاجات مدورة ومكتوب عليها لامتصاص الرائحة من التلاجة

لو تلاجتك دايماا تجمد الخضار وانتي ظابطاها على درجة وسط حاولي تفصلي الكهربا وخليها ساعة نضفيها و رتبيها وبعد 15

دقيقة شغليها لو استمرت في الحركات النص كم دي جيبيلها الصيانة لأن ده مش طبيعي وحرام هيبوظ لك كل حاجة

سلام

صباح الورد قرنفله تسمحيلي اقلك قرنفله ؟

الهى يا ستى يسعدك دنيا واخرة واحنا هنا هدفنا الاول هو رسم البسمة على شفاه الاخرين .

تعرف يا قرنفله انا مستغربة نفسي بقالى يومين ركنه فى مطبخ المحاورات مع انى مش كنت بادخله نهائي غير للضرورة هو ومطبخ بيتى بردوا يعنى للولاش ان الغاسالة فى المطبخ مكنتش دخلته من اصله

الاقصد صحبتكم الحلوة ودمكم الخفيف وهو اللى خلانى ركنت هنا بصراحة دا اخف مكان خالى من الخناق

هو تقريبا الخضار بيجمد عشان مش باعرف اظبد درجة البرورة ولكن بعد ناصيح نانو هنفز على طول

وميرسي على المعطر بتاع التلاجة دا هابقي اشوفه فى السوبر ماركو

سلام يا احلى قرنفله عالصبح :D

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك
رورة عضو جديد

رورة

بتاريخ:
بتاريخ:

ههههههههههه

سي السيد بالنسبالي انا عندي طفلة وكمية العلاج دي بتاعتها هي.. و مينفعش محتفظش بيها لأن لاقدر الله لو حصلت حاجة طارئة في نص الليل هعمل ايه

أما عن تعددهم أحيانا في أدوية زي أدوية الكحة او الأدول المسكن او كدة لازم تبأة موجودة.. افرض بردو حصلت حاجة طارئة لحد من الجيران.. واحدة مثلا عندها صداع.. واحد بيكح طول الليل.. بنضطر طبعا ندي الحاجات دي للجيران او الأقارب القريبيين مننا وهكذا.. مفيهاش حاجة يعني

رابط هذا التعليق
شارك
إيزيس عضو جديد

إيزيس

بتاريخ:
بتاريخ:

لكن أنا هاعترف باجيب الدوا وعندي تلاجة إضافية للدوا والعصير و الشيكولاتة والعرقسوس آه والله لأني بحبه جدا

ولما بعد الشر بعد الشر حد يتعب

أمسك الدوا اقرا النشرة

أهم بفتح الدوا

أخاف

أتراجع

آخد فلذة كبدي العيان وجري ع الدكتور واشتري دوا

ولما تتكدس الأدوية يبدأ الفرز ونرمي اللي تاريخه خلص

وقبل ما ننزل أخلي الباقي في تلاجة صاحبتي وأحلف مية يمين مش هاجيب معايا دوا

و في مصر يسألني أخويا (دكتورفي شركة أدوية) مش عايزة دوا معاكي

أنظر له النظرة إياها تاني يوم يكون عندي كرتونة صغنونة مليانة

وهكذا وهكذا و هكذا

يا شماتة سي السيد فينا

:danger:

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
رورة عضو جديد

رورة

بتاريخ:
بتاريخ: (معدل)
ياه ه ه أخيراً عمنا الكبير موديست وصل .. وسع يا جدع إنت وهو .. يا للا يا قرنفل ضايفي عمك موديست بأحلى طبق أم علي بالمكسرات من التلت الأخير من الرف الثاني من ثلاجة رورة ( مش عارفة ليه يا رورة حسيت وانتي بتوصفي تلاجتك إني في سوبر ماركت مترو) .. عموماً أنا قلبي حبك لله في لله كده .. هو إنتي في مصر.. علشان بس ببقي حاسة بزهق شوية آخر الشهر وقلت يمكن أزورك..

أنا شايفة أن الأدوية دي لها قصة تانية .. يعني أنا حاطاهم جنبي في علبة كبيرة .. وكل شوية أفحصهم علشان تواريح الصلاحية .. وبعدين أقع علي علبة مسكنات كده .. حقنة فيتامين مستخبية كده أخدها علشان الدوخة اللي بتجيني آخر الشهر .. دوا كحة قرب ينتهي أقول أخد منه إحتياط أحسن أكح كمان يومين ..

إبتهال .. المشكلة مش في وجع البطن ولا في الخوخ .. المشكلة إن الشغالة عندي ما بترضاش تاكد ا لأكل البايت .. يا من مخزونات الفريزر يا بلاش .. علشان كده بطلت أطبخ خالص ومقضياها دليفري .. مرة أطلب جبنة بيضة مرة أعمل أوردر تونة .. ومرة اتغدي في أي ريستوران واطلب سردين مغربي مشطشط .. ياللا هما عملوا الفلوس ليه مش علشان الواحد يصرفها وينبسط ..

ياتري فين الضلغ الثالث لمثلث برمودا .. نينا فولانة (حاولوا تقولوا نينا كده بطريقة عماد حمدي وهو بيكسر الياء بعد مافرق شعره التلت والتلتين ....)

كلمونا شوية بقى عن الدفايات أحسن الدنيا بررررررررررررررررررررررررررررررررد.

تحياتي

زيزيتا

ههههههههههههههههههههه

إنتي عسولة اوي يا زيزيتا.. بصراحة انا مبعملش ام علي.. مش عشان مبعرفش لا بس عشان محاولتش

بس ممكن أضايفه بطبق رز باللبن مع قيمر(قشة بالمصري) وعليه موز مقطع مع صوص فراولة ورشة عسل نحل مع حبة جوز هند وزبيب وفستق مبشور...

وبعدها ينام حاطط إيده على بطنه زي جوزي وابأة انا بأة السبب ويتلمو علية بتوع المحاورات ياكلوني

انا كمان يا زيزيتا حبيتك جدا عشان بحب الستات العاقلين وواضح انك من النوع دة :danger:

انا مصرية بس مقيمة في الكويت.. بس ممكن اجيبك كل آخر شهر في الطيارة الخاصة بتاعتي.. عشان ادوقك طب الرز باللبن مع ال.... إلخ

تم تعديل بواسطة رورة
رابط هذا التعليق
شارك
رورة عضو جديد

رورة

بتاريخ:
بتاريخ:
ياه ه ه أخيراً عمنا الكبير موديست وصل .. وسع يا جدع إنت وهو .. يا للا يا قرنفل ضايفي عمك موديست بأحلى طبق أم علي بالمكسرات من التلت الأخير من الرف الثاني من ثلاجة رورة

قشطة يا ززة هو ده الشغل

أهلا رورة انتي اللي جيتي برجليكي و فتحتي الدولاب بتاعك 00 قصدي التلاجة اطلعي بطبق أم علي اللي كنتي شايلاه لعشا مولد النبي

ولا يغلى عليك يا موديست أهه من ثلاجة رورة وضايف موديست

فعلا.. انا الي جبت دة كله لنفسي :danger:

اصدي ميغلاش عليكو.. بس بصراحة كدة هو مش ام علي اوي.. هو شاي باللبن كان حد مسقي فيه عيش فينو.. ينفع !!! :harp:

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
.. افرض بردو حصلت حاجة طارئة لحد من الجيران.. واحدة مثلا عندها صداع.. واحد بيكح طول الليل.. بنضطر طبعا ندي الحاجات دي للجيران او الأقارب القريبيين مننا وهكذا.. مفيهاش حاجة يعني

لأ إزاي

مافيهاش حاجه فعلاً :danger:

تصدقي بالله ؟

إن ده جزء من موروث تكوين تلافيف الشعب المصري ... وخصوصاً الستات ... يمكن الطبع المدمر ده في الرجالة بس على خفيف

عارفه هو إيه ؟

من قديم الأزل لو سألتي أي طفل صغير : عايز لما تكبر تطلع إيه يا توتو ؟

هايقول : تاكتور - دكتور -

فنتيجة بقى للتنسيق ومكتب العمل والمجموع والتحسين ... بيدخل تجارة او أداب قسم فلسفة ...

لكن يظل حلم الدكترة كامناً داخل عقله الباطل ..

والموضوع سهل وما فيهوش أي تعب

كُحه .. أو سخونيه ...إديله باراسيتامول ...

إلتهاب في الحلق ... خد لك بؤ أنتي بيوتيك 500 هاتبقى عال العال ..

طب الصداع يا دكتور ... يا سيدي إديلة حبايتين بنادول وتعالى لي أوضة الصالون أشوفك الإسبوع الجاي .. مراجعة يعني

تخيلي حتى والدتي كانت بتعمل كده وبعون الله وهي قاعدة على الشلته في الصالة وقدامها سبرتاية القهوة كانت توصف أحلى وصفات وأحلى علاج من التلاجة .. طب تصدقي وتأمني بالله ؟

والله العظيم إتعلمت ضرب الحُقن بإسلوب التجربة والخطأ وبقت لهلوبه ... وكله خدمه للحبايب .. إفرضي فعلاً حد من الجيران أو عيال الجيران حصله له حاجه الساعة ثمانية بالليل ؟

وأهو يعني هما الدكاترة بيعملوا إيه غير الكتابة بخط وحش وتلتلة الادوية للواحد ؟

خايف بكره يا روروه أسمع الخبر التالي

" أم مصرية عملت عملية الزايدة الديدانية لعيل من عيالها ونيمت الواد على ترابيزة المطبخ وتروح خابطاه على دماغه - بديل شعبي للبنج - وزنقا له خرطوم انبوبة البوتاجاز في خيشومه - تنفس صناعي - وتروح جايبة يا إما موس حلاقة مستعمل من بتاع ماكينة الحلاقة بتاعت ابوه أو سكينه رفيعه من اللي بتخرط بها البصل في المطبخ وتروح بجه بطنه بجيج وتقوم ساحبة الزايدة بصنعة لطافة وبعدين تديلوا غرزتين بأبره وفتله من اللي بتخيط بهم الزراير المقطوعة "

صباحك قشطه ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
رورة عضو جديد

رورة

بتاريخ:
بتاريخ:

فولانة انا حسة من طريقة كلامك انك كبيرة اوي.. مع اني احساسي من جوايا بيقولي انك صغيرة.. مش عرفة ازاي التناقض دة!!

بالنسبة لتنظيمك لتلاجتك دلوقت انا بحييكي عليه..

بصراحة انا منظمة جدا مع اني مبعملش اي حاجة بنظام :(( او تلائيني بنظم وبعد ساعة بالظبط رجعت ريمة لعادتها الأديمة بسبب زوجي العزيز :danger:)

بس قلت ان شاء الله لازم يكون في حل جذري لأني دايما متوترة بسبب اني ساعات بشوف حاجات مش منظمة علا هوايا..

المهم سبنا من النظام دلوقت

تخبيص يعني::: لخبطة.. اعتقد كدة

رابط هذا التعليق
شارك
رورة عضو جديد

رورة

بتاريخ:
بتاريخ:
.. افرض بردو حصلت حاجة طارئة لحد من الجيران.. واحدة مثلا عندها صداع.. واحد بيكح طول الليل.. بنضطر طبعا ندي الحاجات دي للجيران او الأقارب القريبيين مننا وهكذا.. مفيهاش حاجة يعني

لأ إزاي

مافيهاش حاجه فعلاً :harp:

تصدقي بالله ؟

إن ده جزء من موروث تكوين تلافيف الشعب المصري ... وخصوصاً الستات ... يمكن الطبع المدمر ده في الرجالة بس على خفيف

عارفه هو إيه ؟

من قديم الأزل لو سألتي أي طفل صغير : عايز لما تكبر تطلع إيه يا توتو ؟

هايقول : تاكتور - دكتور -

فنتيجة بقى للتنسيق ومكتب العمل والمجموع والتحسين ... بيدخل تجارة او أداب قسم فلسفة ...

لكن يظل حلم الدكترة كامناً داخل عقله الباطل ..

والموضوع سهل وما فيهوش أي تعب

كُحه .. أو سخونيه ...إديله باراسيتامول ...

إلتهاب في الحلق ... خد لك بؤ أنتي بيوتيك 500 هاتبقى عال العال ..

طب الصداع يا دكتور ... يا سيدي إديلة حبايتين بنادول وتعالى لي أوضة الصالون أشوفك الإسبوع الجاي .. مراجعة يعني

تخيلي حتى والدتي كانت بتعمل كده وبعون الله وهي قاعدة على الشلته في الصالة وقدامها سبرتاية القهوة كانت توصف أحلى وصفات وأحلى علاج من التلاجة .. طب تصدقي وتأمني بالله ؟

والله العظيم إتعلمت ضرب الحُقن بإسلوب التجربة والخطأ وبقت لهلوبه ... وكله خدمه للحبايب .. إفرضي فعلاً حد من الجيران أو عيال الجيران حصله له حاجه الساعة ثمانية بالليل ؟

وأهو يعني هما الدكاترة بيعملوا إيه غير الكتابة بخط وحش وتلتلة الادوية للواحد ؟

خايف بكره يا روروه أسمع الخبر التالي

" أم مصرية عملت عملية الزايدة الديدانية لعيل من عيالها ونيمت الواد على ترابيزة المطبخ وتروح خابطاه على دماغه - بديل شعبي للبنج - وزنقا له خرطوم انبوبة البوتاجاز في خيشومه - تنفس صناعي - وتروح جايبة يا إما موس حلاقة مستعمل من بتاع ماكينة الحلاقة بتاعت ابوه أو سكينه رفيعه من اللي بتخرط بها البصل في المطبخ وتروح بجه بطنه بجيج وتقوم ساحبة الزايدة بصنعة لطافة وبعدين تديلوا غرزتين بأبره وفتله من اللي بتخيط بهم الزراير المقطوعة "

صباحك قشطه ..

صباحك قيمر (قشطة بالخليجي) :danger:

دة بس عشان خاطر طبق الرز باللبن بالقيمر الي في الرف التاني من تلاجتي.. عشان زيزيتا متزعلش

انا في اعتقادي ان حلم ان الطفل يطلع دكتور بيبأة مرتبط في ذهنه بالسماعة والحقنة بس.. كنا زمان بنلعبها كدة.. إنما الأدوية دي مرتبطة في أذهاننا منذ الصغر بفكرة الانتحار :wub: اسألني انا كنت دايما بتأثر بالأفلام المصري الي بشوفها في التلفزيون ومرة كدة في لحظة تأثر في فيلم من أفلامي الهادفة وانا عندي 3 سنين (آآآه كنت أروبة من صغري)

فتحت التلاجة وشبيت وخدت من الرف التاني في جنب التلاجة على اليمين برشام صغير لونه اصفر مش فاكرة بتاع ايه

وفتحته.. وهووووووووووووووووووووووووووب

خدت واحدة ورا واحدة ورا واحدة

ولحقتني امي والحمدلله

ومرة بردو واحدة صحبتي فكرت بردو تمثل نفس الفيلم بتاعي.. فأخدت دوا كحة .. وبعد ما شربته كله .. دخل عليها اخوها لآها مهيسة عالآخر وأتاري بأة دوا الكحة دة بيعملو بيه دماغ وهي متعرفش.. :wub:

ولي عودة ان شاء الله

رابط هذا التعليق
شارك
إيزيس عضو جديد

إيزيس

بتاريخ:
بتاريخ:

أم مصرية عملت عملية الزايدة الديدانية لعيل من عيالها ونيمت الواد على ترابيزة المطبخ وتروح خابطاه على دماغه - بديل شعبي للبنج - وزنقا له خرطوم انبوبة البوتاجاز في خيشومه - تنفس صناعي - وتروح جايبة يا إما موس حلاقة مستعمل من بتاع ماكينة الحلاقة بتاعت ابوه أو سكينه رفيعه من اللي بتخرط بها البصل في المطبخ وتروح بجه بطنه بجيج وتقوم ساحبة الزايدة بصنعة لطافة وبعدين تديلوا غرزتين بأبره وفتله من اللي بتخيط بهم الزراير المقطوعة "

وإيه يعني ده الدكتور الأخصائي الاستشاري الشديد قوي اللي ماحدش عارف يكلمه عمل لبنتي عملية اللوز نسي في زورها قطن ينجد مخدة وكانت البنت هتروح فيها لولا كحت وخرج من زورها بعد يومين تخيلوا والحمد لله الحمد لله ربنا سترها معانا بس لو أنا كنت عملت لها اللوز مش كان أحسن ع الأقل لو نسيت حاجة في زورها ابوها هيفكرني

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
رورة عضو جديد

رورة

بتاريخ:
بتاريخ:

سي السيد نسيت اقولك.. تحية كبيرة للست الوالدة..

علافكرة.. لو واحدة في الزمن دة حاولت تعمل زي والدتك ممكن اوي يكون مصيرها الفشل

عيزة اقولك ان الستات بتوع زمان دول فإيديهم البركة.. اه والله

انا عندي جارتي زمااااااااااااان في بيتنا الأديم اسمها (ماما ستو)

مش عرفة ليه كنا بنقولها كدة.. بس الي أذكرو ان كل الناس كانت بتقولها كدة.. حتى امي واختي الصغيرة

حتى الرجالة الكبار.. يعني ابويا

الست دي كانت فإديها بركة.. بتدي حقن.. عادي

حروق.. بتضمد الجراح والحروق

غيبوبة مفيش مشكلة

الله يمسيها بالخير.. والله وحشاني

رابط هذا التعليق
شارك
zizetta عضو جديد

zizetta

بتاريخ:
بتاريخ:
بس ممكن أضايفه بطبق رز باللبن مع قيمر(قشة بالمصري) وعليه موز مقطع مع صوص فراولة ورشة عسل نحل مع حبة جوز هند وزبيب وفستق مبشور...

نم نم نم نم ... يم يم يم يم ... هم هم هم هم ... أه آه آه آه يا دايتي ... :roseop:

تحياتي

زيزيتا

ربي إرزق إبنتي صُحبة الأخيارِ

وخِصالَ الأطهارِ , وتوكّلَ الأطيارِ

رَبي وبلِغني فيها غاية أمَلي ومُنايَ .. بحَولِكَ وقوتِكَ

رَبي متعني ببرِهِا في حياتي .. وأسعِدني بِدُعَائِهِا بعد مَمَاتي

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة رزو اليوسف] تحركات سياسية استراتيجية وإعادة ترتيب الأوراق العربية الشرق الأوسط يمر بمرحلة استثنائية
      ناقش الكاتب الصحفى والإعلامى أحمد الطاهرى الفترة الاستثنائية والمرحلة الدقيقة التى يعيشها الشرق الأوسط والتىعرض المقال كاملاً

      بواسطة News Bot
      كُتب

    • عادل محمد عبده
      0
      أسرار ترتيب سور القرآن كتاب تقلب صفحاته بنفسك
      أسرار ترتيب سور القرآن كتاب تقلب صفحاته بنفسك ـــــــــــــــــــــــــــــــــــــــــ      أسرار ترتيب القرآن عبد الرحمن بن أبي بكر جلال الدين السيوطي  (المتوفى: 911هـ) كتاب لطيف، تناول فيه مؤلفه من علوم القرآن، ألا وهو ترتيب السور وتناسقها ومناسباتها، وإيضاح ما في ذلك من إعجاز وبيان ومقاصد، وسوف يتجلى لنا من خلال عرض هذا الكتاب الدقائق التي فتح الله بها على مصنِّفه، وتلكم اللمحات الزكية التى أكثرها من نتاج فكره، وولاد نظره، وغير ذلك من فوائد، يجنيها القارئ الحجم  3.57 ميجابايت    

      بواسطة عادل محمد عبده
      كُتب

    • ام جودى
      16
      ساعدونى فى ارفف الثلاجة توشيبا
      ثلاجتى توشيبا 12 قدم بقالها عندى 3 سنين وللاسف المساحة بين الارفف ضيقة جدا وطبعا ما اخدت فى ايدى وقت وكسرت كل الارفف حتى الدرج وطبعا استعمالها بقى بالنسبة لى عذاب ومش عارفة اغيرهم منين محتارة وورق التلاجة كله عناوين توشيبا ف بنها وانا ف القاهرة ونفسى اخلص من الموضوع ده انتو فاهمين بقى التلاجة عصب المطبخ فهل ممكن حد يساعدنى ارجوكم ولكم الشكر مقدما

      بواسطة ام جودى
      كُتب

    • Alshiekh
      8
      البرادعى فى آخر ترتيب الشخصيات العامة
      "البرادعى" فى آخر ترتيب الشخصيات العامة.. والأقباط يستقبلونه بتصفيق حار.. والقنوات الدينية تمنع ظهوره وضَعَ بروتوكول الكاتدرائية الكبرى بالعباسية، مساء أمس السبت، الدكتور محمد البرادعى، الرئيس السابق للوكالة الدولية للطاقة الذرية والحائز على جائزة نوبل وقلادة النيل، فى الترتيب الأخير بين الشخصيات العامة الحاضرة لقداس عيد القيامة، فجاء البرادعى بعد كل من الدكتور حمدى السيد، نقيب الأطباء، وحمدى خليفة، نقيب المحامين مباشرة، وقبل كل من مأمور قسم الوايلى ورئيس جهاز مباحث أمن الدولة ورجال الدفاع ال

      بواسطة Alshiekh
      كُتب

    • أبو العز
      10
      مصر العاشر على مستوى العالم فى ترتيب الفيفا
      انجاز تاريخى لم يتحقق من قبل على المستوى العربى والافريقى مصر رقم 10 على مستوى العالم حسب ترتيب الفيفا اليوم شاهد موقع الفيفا http://www.fifa.com/worldfootball/ranking/...=0&rank=189 [وسط][/وسط]

      بواسطة أبو العز
      كُتب

×
×
  • أضف...