تحذير هااااااااااااام عن مايقال عنه اعشاب لفرد الشعر دا دمار شامل للشعر والفروة !!!

[badroora]

انا طبعا شوفت ان الموضوع مغلق ولكن قولت جايز حد يراسل الاخت على الخاص للاستفسار عن هذه الاعشاب المدمرة .

ولذلك حسيت انى يجب على التنبيه

هذه الاعشاب متدالو جدا فى الخليج وكل الناس شكروا فيها لان للاسف محدش بيقول الحقيقة

المهم قالوا الحنا بتدي لون اسود وجميل وبتخلى الشعر كانه مكوى بدون مجهود وطبعا انا واصحابي مش لاقين حاجة نخرب بيها شعرنا جرينا جرى علشان نرتاح من تسريح شعرنا

المهم روحنا لبتاعة الاعشاب وهاتك يا مديح وحطناها فعلا بتخلى السعر اسود اوى وناعم وذو رائحة طيبة ريحة القرنفل

المهم اول مرة مش كنت قوى قالت لازم تتكرر كذا مرة للحصول على النتيجة المطلوبة

دى عبارة عن اعشاب بتتعجن تبقي زي الحناء بس تختلف فى قومها طبعا والست قالت لنا انا واصحابي

انها طبيعية 100% ومافيهاش اى كيماويات وبتنحط على الشعر 24 ساعة وعلى فكرة تمنها الاصلي حوالى 80 جنية وكانت بتبعهلنا ب150 جنية و50 جنية لوضعها على الشعر يعنى كانت فى الاخر حوالى 200 جنية

المهم طوال الثلاث شهور الاولى يا ست الكل شعري بيتساقط قالت لا دا التالف بس لكن الصحي هو اللى هيبقي .

عاوزة اقول انا واصحابي كنت تلاقي الشقق بتاعتنا مفروشه شعر كانك عند حلاق بالظبط وبيحلق شعر ويرمية على الارض

بعد كدا بدا الشعر يزداد تقصف وسقوط جينا حبينا نغير لون شعرنا لانه اسود قوى الست قالت الاعشاب دى بعد سنه تقدر تحطى اى صبغه ليه

حطينا الصبعه والله الشعر انحرق كانك مولع فيها

وكلنا قصينا شعرنا ولحد دلوئتى بنعانى من اثار تدميرة

انا حبيت احكي لكم القصة بتاعتنا مع الحنه عشان بس محدش يفكر فيها

وعلى فكرة بتجيب سرطان فى فروة الراس مع الاستعمال

وغير كدا اللى عاوز يقرا اكتر يعمل بحث على جوجل ويكتب اعشاب لفرد الشعر او الحنا السودا وهتشوفوا المصائب

بجد بلييييييييييييييييييييز بليييييييييييييييييييييييز بلاش حد يفكر فيها بليز

واللى عاوز طرق طبيعية لفرد الشعر

يقولى وانا اقلوكم عليها

انا عملت اللى على وحذرت من الخدعه الكبيرة دى

تم تعديل 15 ديسمبر 2007 بواسطة Badria Mekkawy

[Salwa]

بدرية ..

بجد يعنى مش عارفة اقولك ايه ؟؟

ربنا يسعدك ويبارك لك فى كل خطواتك ..

انا فى الحقيقة اغلقت الموضوع ...ونقلته للارشيف .

وكنت فعلا اتعجب ممن يصدق هذه الخزعبلات ...

واتعجب من العضو ../ة....الجديد ../ة...starnoor ..

هل هى فعلا قالت هذا الكلام بناء عن تجربة ؟؟ ام انها سمعته ؟؟ ...هى تؤكد صدقه .....!!!!!!!!!

وتأكيدها فى حد ذاته....يشير اليها بأصابع اتهام ...........( هى تتحدث عن منتج وتشير الى اسعار وكل هذا مرفوض فى المحاورات ....لسنا هنا اى منفذ بيع لأى مستحضر او خلافه ) ..

اشكرك يابدرية ..

اشكرك فعلا واشد على يدك بكل صدق لانك اوضحت الحقيقة ....

[se_ Elsyed]

بأعتبر الإعلانات اللي زي دي مكمله لموضوع الأخ القائد سين سين بتاع شربة الحاج محمود

شربة الحاج محمود

[ahmedarab]

شكرا جزيلا يا بدرية على التوضيح

جزاك الله خير

ويا ريت فعلا لو عندك طرق طبيعية للفرد ..قولى على طول ..الانكار مش هيفيدك

لانك فى الاخر هتعترفى ...هتعترفى

سلام

[أسد]

ليس كل شئ طبيعي ونباتي هو مفيد .. وبدون أضرار ...

ويكفي أن نتذكر أن الأفيون نبات طبيعي

للأسف هذه خرافات .. ولا أحد يريد أن يصدق أو يتعلم ...

[حسام يوسف]

السلام عليكم

انا شفت الموضوع ده امبارح

وحاولت اقول رأيى

واحذر منه

لكن لقيت الموضوع مقفول !!!

والحمد لله الاخت بدرية عملت الواجب وزيادة

ياجماعة

كل اللى بيتباع بشكل بعيد عن الترخيصات الطبية اللازمة هيبقى ضار

مش بس مش نافع

لأنه لو كان دواءكويس كانوا رخصوه وكسبوا اكتر بكتير

ولا حول ولا قوة الا بالله فى الغش والغشاشين

وويل للعالم اذا انحرف مثقفيه كما قال احمد زكى فى فيلمه الرائع البيضة والحجر

[~Heba~]

بصراحة انا من زمان بطلت اصدق الهبل ده و من تجاربى مفيش احسن من حمام زيت زيتون طبيعى و اصلى و ميكونش قديم ده بيفرد الشعر و لا احلى من كده..طبعا من التمشيط الجيد و بالذات "الطاقية"