طلب استجواب للمسئولين عن موقع محاورات المصريين

[Mohamed Fayek]

ايها الأخوة والأخوات أعضاء مجلس المحاورات لدى استجواب وطلب احاطة عاجل جدا جدا ومطلوب حضور وإستجواب كبير المحاوريين بالمنتدى .. ياترى ياأعضاء المجلس ايه رأيكم فى التعديل الذى طرأ على صفحة الموقع .... مش الأول كان أفضل وألطف وأرق .. ياترى التصويت حيكون لصالح زمان ولا دلوقتى

Mohamed Fayek

[se_ Elsyed]

الأول اللي هو إيه ؟

أنا مش حاسس بأي تغيير غير إن الموضع كان بقى له ييجي شهر بطيء معايا ودلوقت من كام يوم بقى ما شاء الله زي الفُريرة

[Mohamed Fayek]

الأول اللي هو إيه ؟

أنا مش حاسس بأي تغيير غير إن الموضع كان بقى له ييجي شهر بطيء معايا ودلوقت من كام يوم بقى ما شاء الله زي الفُريرة :closedeyes:

الأخ الفاضل / سين سين :rolleyes:

الأول اللى هو اللوجو أعلى الصفحة والخاص بالمواضيع المطروحة كان بيتكتب اسم الموضوع والكاتب واسم آخر شخص قام بالرد الحاجة التانية عندما تفتح الموضوع لتقرأه تجد الردود تحت الموضوع على طول ...

كل عام وانت طيب

Mohamed Fayek

[DARWEEN]

الفاضل .. Mohamed Fayek

أولا بخصوص اللوجو ... فقد تم إضافة لوجو جوجل باللغه العربيه ومازال الأمر تحت الأختبار في مكان وضعه

ثانيا .. بخصوص شريط أخر المعلومات فيمكنك التعرف على كافة البيانات بتوجيه سهم الفاره الى الموضوع المطلوب

ثالثا بخصوص الردود في الموضوع فيمكنك أختيار الكيفية التي تريد الظهور بها عن طريق الأعدادات الخاصه أسفل الصفحة

[مسالم]

الاخ العزيز محمد ...

فعلا فيه تغيير .. لكن انا لم الاحظ تغيير في اللوجو ..

كل اللي شفته ان شريط اسماء المواضيع قد تغير .. واذا كنت عايز رأي بصراحه .. اقولك ان الشريط سابقاً كان يحتوي مثلاً على اسم الموضوع المطروح يصحبه اسم آخر مشارك .. يصحبه عدد الردود وعدد القرآء .. وانا شايف ان ده كان مفيد جداً حيث أنني احب اسمع لبعض الشخصيات التي لها فكر معين .. وعندما اشاهد مشاركتهم على الشريط .. يسهل علي الدخول الى الموضوع مباشره ..

ارجو ان اكون قد اوضحت وجهة نظري .. وشكراً على مجهودكم للتطوير .. وإن كنا نبحث عن مزيد من التطوير ..

تم تعديل 18 ديسمبر 2007 بواسطة مسالم

[amrhoras]

بس الشهاده لله شريط الاسماء الجانب المشرق فيه انه مختصر يعنى لا انتظار حتى تجد الموضوعات الموضوعه كان الاول كاتب الموضوع وعدد الردود واخر رد وفين وفين لما اوصل لاخر كان الكفيل جه وعمل كبسه مممكن تتابع الكتاب بالاشاره بالماوس على كل موضوع تجد المعلومات الكافيه

تحياتى

عمرو

[nash]

أخي مسالم...أضم صوتي لصوتك....

الطريقه الاولي افضل واسرع...وفي بعض الأحيان أأمن

[Mohamed Fayek]

بس الشهاده لله شريط الاسماء الجانب المشرق فيه انه مختصر يعنى لا انتظار حتى تجد الموضوعات الموضوعه كان الاول كاتب الموضوع وعدد الردود واخر رد وفين وفين لما اوصل لاخر كان الكفيل جه وعمل كبسه مممكن تتابع الكتاب بالاشاره بالماوس على كل موضوع تجد المعلومات الكافيه

تحياتى

عمرو

آه ياخوفى لو كفيلك من اعضاء الموقع .... حيكون آخر دوام ليك بعد العيد ... بس برضه انا رأى الأول كان أفضل

Mohamed Fayek

[amrhoras]

تصدق مره قرى الموضوع :wub:

وكانت مشكله هههههه ربنا يعين