الى كل المهاجرين فى الارض

[أمير الأراضى البور]

الى كل المهاجرين فى الارض وخصوصا كندا اقول لهم فى بداية الامر كل عام وانتم بخير والى الله اقرب :rolleyes:

لى عده استفسار من المقيمين فى كندا ارجو ان يجاوبوا على اسئلتى ويساعدونى فى اجابتها wst::

دون القول راجع موضوع كذا :lol:

اذا قم بتقديم طلب الهجرة الى كندا هل يجب ان اجيد الانجليزية بطلاقة ام ماذا وهل يمكن ان اهاجر وانا اتحدث الانجليزية خفيف ويوافقوا على الهجرة واتعلم بمعهد هناك ولا اية ؟

السؤال الثانى انا محامى هل يمكن ان اعمل بالمحاماة بكندا وماهى الشروط وماهى الرواتب ؟

السؤال الثالث ماهى افضل الولايات بكندا من حيث الامان والرخص ووفرة العمل وسهولة التأقلم ؟

السؤال الرابع هل مطلوب من ان اقوم بمعادلة فى بداية الامر وكم تكاليف دراسة بالجماعة مثلا دراسة محاماة او علوم سياسية ؟

شكرا شباب وارجو الرد :wub:

[أمير الأراضى البور]

ايه ياشباب كندا فين هادى باشا واشرف بيه القى بصحيح

الصعيدى سافر كندا وشرفنا هناك ولا ايه ؟

مستنيكم ياشباب

[badroora]

يعنى حضرتك ماشاء الله اللهم ما حسد امير الاراضي البور كلها وناوى تعمر فى كندا طب ازاى ؟؟؟ جايز لو كنت امير الاراضي الخصبة كنت لاقيت حد رد .

عموما اهلا وسهلا بك وربنا يجعل قدمك قدم اخضر علينا هنا وفى كندا باذن الله

مافيش مشكلة ابدا لو حضرتك لا تتحدث الانجليزية بطلاقة الفرنساوي يسد ممكن يعدوها عادي المهم انهم يجدوا لغه مناسبة يخاطبوك بها ولو ربنا كرم وقبلت ممكن اثناء الانترفيوا تاجر مترجم للمساعدة بس طبعا انت فين ودا والانترفيوا فيت سل مين يعيش .

تقدم فين وتعمل ايه دى بقي عليك وعلى موقع الهجرة بتاعهم واتحرى براحتك واختار اللى يناسبك

موضوع الشغل فى مجالك فى الاول صعب طبعا مش معقول هتشتغل محامى وهتاجر مترجم يترافع بدالك

حاول من هنا تحسن اللغه والموضوع بياخد وقت يعنى تكون قدرت تجتاز امتحان اللغه ورتبت امورك وعرفت الدنيا ماشية ازاى

والرجاء مراجعه المواضيع السابقة مش غلاسة والله ولكن هتجد تجارب وخبرات وابواب هتتفتح امامك من المعرفه لان

لان الموضوع طويل قوى وكبير وهتلاقي تساؤلات كتير هتحب تستفسر عنها وبالطبع هتكون مكرره نظرا لاننا جميعا مرت علينا هذه الاسئلة

فلا داعى للتكرار .

على فكرة اللى بيفكر فى هجرة بيحسبها الف مرة ولما يلاقي اى موضوع بيتكلم عن الهجرة بيفلية عشان يفهم الدنيا ماشية ازاى

لكن شكلك انت جيت وجبت من الاخر

المهم اتمنى اكون افدتك ولو بقدر بسيط واوعى اسلوبي يكون هيضايقك احنا هنا اخوات واهل

وربنا يجعل كل خطواتك خضار فى خضار

تم تعديل 17 ديسمبر 2007 بواسطة Badria Mekkawy

[أمير الأراضى البور]

Badria Mekkawy

شكرا على سرعة استجابتك وانا لسه طالب فى الكلية

بس نفسى اروح كندا من كتر مسمعت عنها وكمان المحاماة فى مصر مبقتش حاجة كويسة

انا مقيم بالاسكندرية تنصحينى ابتدى دلوقتى اخد كورسات فى الفرنساوى ولا الانجليزى اصلى ميح

وبالتأكيد او ماحتخرج السنة دى حروج اقدم على السفارة تفتكرى كده حيردوا عليا امتى ؟ بعد سنة ولا اتنين ؟

وممكن رابط الموقع بتاعهم وبردوا عايز نصايحكم ايه افضل ولايه من حيث الامن والامان والحرية وتقبل المهاجرين

وانا تعبت عدد كتير من المواضيع بس المواضيع فيه مش قادر الم بحاجات عديدة

وفيه قريب لى مقيم بامريكا قال لى لوعايز تسافر سافر وانت صغير وانت لسه عندك 24 ولا 25 كده

وهل ينفع اسافر امريكا عشان قانون بتاع امريكا شمل العائلات ينطبق عليا هل ينفع لما اوصل امريكا اطلع على كندا عدل ولا ايه ؟

وبالطبع كلنا اخوة واصدقاء وليه كده

بس خطوتى تبقى خضرا فى خضرا بتفولى عليا ليه امال حكون امير على ايه بقى

شكرا

Badria Mekkawy

[أمير الأراضى البور]

فينكم ياشباب المهجر ؟

[أمير الأراضى البور]

فينكم ياشباب المهجر ؟

[Automatic]

الي كل المهاجرين فى الارض وخصوصا كندا اقول لهم فى بداية الامر كل عام وانتم بخير والى الله اقرب :unsure:

اذا قم بتقديم طلب الهجرة الى كندا هل يجب ان اجيد الانجليزية بطلاقة ام ماذا وهل يمكن ان اهاجر وانا اتحدث الانجليزية خفيف ويوافقوا على الهجرة واتعلم بمعهد هناك ولا اية ؟

مش شرط لاكن لو عايز تتقبل للهجره يبقي أحسن أن تجيد اللغه.

السؤال الثانى انا محامى هل يمكن ان اعمل بالمحاماة بكندا وماهى الشروط وماهى الرواتب ؟

لأ

السؤال الثالث ماهى افضل الولايات بكندا من حيث الامان والرخص ووفرة العمل وسهولة التأقلم ؟

اونتاريو,كيوبيك,البيرتا,بريتيش كولومبيا

وحتي ساسكاتشوا بدأت تتملي مهاجرين

السؤال الرابع هل مطلوب من ان اقوم بمعادلة فى بداية الامر وكم تكاليف دراسة بالجماعة مثلا دراسة محاماة او علوم سياسية ؟

كليه الحقوق من اصعب الكليات وطلباته صاعبه جدآ. ولابتقبل خريجين المدارس ياعني علشان الواحد يتقبل لازم يكون معاه سنتين دراسه في الجامعه في أي مجال أخر. أنا معرفش أيه نظام المعادله بس غالبآ حتضطر تبتدي من الصفر.

الدراسع العليا بتكلف كتير في كندا. حوالي 10000 دولار في السنه ده غير ثمن الكتب و غيره, ده طبعآ لو واخد Full Load

[Toronto]

الي كل المهاجرين فى الارض وخصوصا كندا اقول لهم فى بداية الامر كل عام وانتم بخير والى الله اقرب :closedeyes:

اذا قم بتقديم طلب الهجرة الى كندا هل يجب ان اجيد الانجليزية بطلاقة ام ماذا وهل يمكن ان اهاجر وانا اتحدث الانجليزية خفيف ويوافقوا على الهجرة واتعلم بمعهد هناك ولا اية ؟

[quote name=كليه الحقوق من اصعب الكليات وطلباته صاعبه جدآ. ولابتقبل خريجين المدارس ياعني علشان الواحد يتقبل لازم يكون معاه سنتين دراسه في الجامعه في أي مجال أخر. أنا معرفش أيه نظام المعادله بس غالبآ حتضطر تبتدي من الصفر.

الدراسع العليا بتكلف كتير في كندا. حوالي 10000 دولار في السنه ده غير ثمن الكتب و غيره, ده طبعآ لو واخد Full Load

كلام سليم بس اقصر طريق لدراسةالقانون في كندا ممكن تعمل APPLY FOR CIVILIAN POLICE الدراسة سنة وبعد سنة من العمل في البوليس المدني ممكن تدرس مع تسهيلا ت كبيرة بس لازم تكون تتحدث لانجليزية بطلاقة طبعا قراءة و كتابة و الله اعلم

[أمير الأراضى البور]

شكرا شباب ولكن لى تساؤل ممكن حد يشرحلى ايه حكاية APPLY FOR CIVILIAN POLICE وازاى اعمل فى البوليس المدنى

وليس معى جنسية

[أمير الأراضى البور]

شكرا شباب ولكن لى تساؤل ممكن حد يشرحلى ايه حكاية APPLY FOR CIVILIAN POLICE وازاى اعمل فى البوليس المدنى

وليس معى جنسية

[أمير الأراضى البور]

هو سؤال ياشباب اللى يقدم ورقه لسفارة لازم يكون معاه رصيد فى البنك كام عشان يتقبل يعنى ميقلش عن كام

[الحازم حسن]

شوف ...

من مستوى الأسئلة اللي شفته انا ح أنصحك نصيحة لوجه الله

انسى موضوع كندا ده وبلاش تهاجر هناك

[اسكندرية تانى]

شوف ...

من مستوى الأسئلة اللي شفته انا ح أنصحك نصيحة لوجه الله

انسى موضوع كندا ده وبلاش تهاجر هناك

:)

تم تعديل 5 مايو 2008 بواسطة اسكندرية تانى

[أمير الأراضى البور]

ليه ياعنى يااستاذ حازم كل انسان حر يعمل اللى يعمله مادام مبتعداش حق حد تانى