فراخ و لحمة........

[mnman]

أمبارح و بعد مطبخت الفراخ و الريحة فحفحت :) :D و رصيت السفرة و الحاجة السقعة و لسة حضرب الشوكة في ورك الفرخة تذكرت فجاءة المواطن المصري البسيط و أمنية حياتة انة يأكل عائلتة مرة واحدة لحمة او فراخ في الشهر... نطيت جيبت فاتورة السوبر ماركت الاخيرة و بصيت علي سعر اللحمة و الفراخ و كأني أراها لاول مرة..... كيلو اللحمة تقريبا ب 5 ريال يعني حوالي 7 جنية مصري و أية لحمة حمراء مشفية من غير ولا حتة دهن و الفراخ الكيلو تقريبا 1 ريال يعني حوالي 1.4 جنية.... تعجبت للدرجة دي رخيصة اللحمة و كل الناس ممكن تشتري.... طيب أشمعني مصر..... هل هو سعر العلف ... هل تربية الابقار و الدواجن مكلفة في مصر لدرجة ان كيلو اللحمة ب 25 جنية و الفراخ 5 و 6 جنية .....

قمت سألت يا أخوانا يا بتوع البرازيل لية اللحمة رخيصة.... الرد كان في منتهي البساطة الحكومة عندها مشروع ضخم للتسمين و الاعلاف... قدرت البرازيل انها تنتج أعلاف من السليولوز و بعض المواد العضوية القابلة للتدوير او اعادة الاستخدام و خاصة الحماءة النشطة Sludge وهي احد النواتج الثانوية لمحطات معالجة مياة الصرف و بالتالي وفرت الحكومة مبالغ طائلة من تمن الاعلاف النباتية و انتجت اعلاف ذات جودة عالية ..بل وصدرت الاعلاف لجميع دول امريكا الجنوبية وبعض الدول الاوربية...

نبذة عن ال sludge :

هي خليط من ملايين الانواع من البكتريا و البروتوزويا المستخدمة في المعالجة البيلوجية للمياة و عندم تتكاثر يتم أزالة الفائض و ينزع منة الماء dewatering بطريقة ميكانيكية و يخلط بالعلف و يقدم كغذاء للحيوانات او كسماد عضوي. محطة معالجة مياة القاهرة الكبري بتنتج أطنان يوميا من الحماءة ياتري بتروح فين... لتسميد مزارع دينا و لا يوسف بك والي....

فين مراكز الابحاث المصرية ... مش المفروض ان الابحاث دي بتكون لتحسين المعيشة و لاكتشاق افضل السبل لحياة افضل و لا احنا مراكز ابحثنا مركزة جهودها علي انتاج الاستيكة...

يارب ...........

مصري متحسر علي خيبة الامل المصرية............

[عطر الجنة]

ماذا لو طبخت فراخ هذه الايام و عرفت ان كيلو اللحم تعدى 100 جنيه بكتير ..

 

[tarek hassan]

كلام  صح 

والتفكر في الغلابة في هذا الوقت مع البحث عن الحل شيئ طيب 

وياريت المصريين وخاصة المعنيين بالامر ياخدوا من تجارب الدول الاخرى ويحلوا مشاكل الغلاء الفاحش في مصر

انا اللي مضايقني مش اللحمة ولا الفراخ بس ... مضايقني رغيف العيش نفسه 

لان اللي مفيش معاه بطاقة تموينة بيضطر يشتري رغيف العيش بجنيه فيجد فجوة كبيرة بين المدعم والحر

اول مرة في حياتي اشوف اسعار بالشكل ده 

على سبيل المثال كيلو الفلفل من فترة ثابت على ١٦جنيه وكل الخضار من خمسة وانت طالعة .... شيء مش معقول على الغلابة 

لكن للناس فعلا مش بتبطل شراء والزحمة موجودة 

اكيد لو الناس قاطعت الغالي هيرخص واكيد لو القادر بطل يزاحم الفقير على الاشياء المدعمة فممكن يحل بعض المشاكل 

لكن اغلبنا مش بيفكر يحل 

[عادل أبوزيد]

ليست كل ال "حمأة" حمأة  و ال sludge  و هي فوائض الصرف الصحي  و ببحث سريع  عن ال sludge تبين أن قيمتها و إمكانية إستخدامها يتوقف على أشياء تقنية كثيرة منها نوع و مستوى التنقية المستخدم ،  الخلاصة المسألة ليست بالبساطة التي ذكرها الفاضل mnman  الذي كان يعيش في البرازيل وقت كتابة هذا الموضوع سنة 2003

[عطر الجنة]

1 ساعه مضت, عادل أبوزيد said:

ليست كل ال "حمأة" حمأة  و ال sludge  و هي فوائض الصرف الصحي  و ببحث سريع  عن ال sludge تبين أن قيمتها و إمكانية إستخدامها يتوقف على أشياء تقنية كثيرة منها نوع و مستوى التنقية المستخدم ،  الخلاصة المسألة ليست بالبساطة التي ذكرها الفاضل mnman  الذي كان يعيش في البرازيل وقت كتابة هذا الموضوع سنة 2003

لكن اكيد نحن المصريين لن نعدم طريقة لو اردنا ..

هناك عشرات الطرق و الخطوات من الممكن الاخذ بها لتشجيع اصحاب المزارع على التوسع و خفض تكاليف التسمين ..

من حوالى سنة نظمت نقابة المهندسين الفرعية بالبحيرة حلقة نقاشية عن القمامة .. و هنا قسمت من قبل المعنيين الى قمامة منزلية و قمامة حقلية ..

الحلقة حضرها متخصص فى تحويل القمامة الحقلية الى اعلاف .. هو قال ان هناك معوقات نتيجة الغاء الدورة الزراعية و التى كانت تلزم كل جهة بمحاصيل محددة و بالتالى نوع القمامة سيكون واحد .. و عند اقامة مصنع لتدويرها حينئذ سيكون مجدى .. لكننا نرى تشكيلة نواتج يصعب معها الاستفادة المثلى ..

ليت الدولة تشجع استيراد الاعلاف و تعفيه من الجمارك بدلا من استيراد اللحوم المجمدة ..