التوك توك وظاهر الاعلام المرفوعه ...!!!

[badroora]

لفت انتباهي منذ قدومى الى المحروسة التو توك وظاهرة الاعلام المرفوعه شيء لفت انتباهي جدا وانتشار اعلام غير مصرية وضعنها اصحاب التكاتك كشعار لهم .

العلم المألون اللى لاقيته هو علم لبنان قولت مش عيب تضامن مع اخونا الاشقاء .

علم كولومبيا وعلم الصين قولت بردوا الصين بلدة الاصلية مش عيب .

واعلام اخرى لن استطع معرفة انتسابها لانهى بلد .

شيء غريب تقريبا بالنسبة لى يعنى مثلا لما ازور اصدقاء مصريين مقيمين فى البحرين واجد فى المنزل علم البحرين بدلا من علم مصر باشعر بغضه فى قلبي وخنقه واحس ان اصحابي دول خاينين مع ان الموضوع بسيط جدا هو ان الاولاد اللى معلقين الاعلام دى عشان هما يعرفها فى المدرسة ومافيش علم مصري

طبعا انا وطنية ومن عيلة شهداء 73 الحماس خدنى صممت علم مصري وكبرته وطبعته بالالوان واديته للاولاد قولتلهم حطوا دا مكان دا وشوفوفوا انهى احلى طبعا العلم المصري احلى عشان 3 الاوان ونسر اما االبحرينى لونين

ودا كان فى بلد مش بلدنا اما فى بلدنا والاقي اعلام دول تانية مرفوعه لاااااااااا والف لاء حين ارى التو ك توك يجري والعلم يرفرف عليه قلبي حزن وتذزكرت اغنية عبد الحليم حافظ الذكريات لما قال انا شوفت العلم البريطانى بيرفرف فى سطوح اوطانى منظر حزنى وبكانى خلانى كرهت اشوف تااااااااانى ازاى ازاى ازاى

تقريبا سطوح دي غلط بس ماعلينا المهم النها ماشية مع الكلام وخلاص .

اتمنى من السادة المسئومين

الالتفات للتوك توك ويشفوه بيعمل ايه

لما ازاى بنرخص الموتيسيكلات وليها رخصه قييادة

والتوك توك يعتبر نفس الوضع بل انيل لما توك توك من التكاتك دى يخطف حد ولا يسرق ودى منتشرة جدا وناس كتير اشتكت من دا هنعرف نجيب التوتوك منين

من العلم للى رفعه

يعنى بدل مايدي التوك توك رقم ترخيص نديلة علم يرفعه .

ولما اركب توك توك اتصل بماما واقولها يا ماما انا راكبة التوك توك ابو علم صينى ولا ابو علم كلومبي عشان لو انخطفت تعرفي تيجيبى علم التوك توك وتبلغى الشرطة

يا ريت نهتم شوية بارواح الناس والاماااااااااااااااااااااااان يا حكوووووووووومة

كانت معكم نجفة من امام التوتوك الكولولالمبوري

[شينكاوي]

السلام عليكم

تصدقي يا نجفة انني شفت الموضوع ده وخصوصا في فيصل في شارع الملكة-طهرمس

وخصوصا في طهرمس في الشارع الرئيسي شفت 2 توك توك توك معلقين علمي السعودية والامارات او الكويت مش فاكر

فاستغربت جدا وبعدين عرفت انهم بيعملوا كده علشان الخليجين الموجودين في المنطقة

ما الاسترزاق بقي علي حساب الوطن من الكبار يا ام الضب حسين فما بالك بالعوام

اعتقد ان البلد راجعة لورا قوي قوي قوي من يوم ما غيروا المناهج في الابتدائي ونسينا ان اسرائيل هي عدوتنا

وخصوصا احنا جيل الثمانينات لحقنا علي اخر ايام العز لما كنتي وانتي صغيرة تسألي اي طفل في الشارع زيك صغير

نلعب ايه يقولك حرب بس انت اسرائيل وانا مصر والله العظيم كان عندنا وعي من لما كنا صغيرين مين عدونا

ولما غيروا المناهج الشعب خلاص بقي بدون هوية ولو قلتي له خد 100 جنيه وحط علم اسرائيل هيقولك ماشي

تولع مصر هي عملتلي ايه ؟؟؟ ادي اللي بنسمعه واحنا في مصر

وربنا يخلصنا من اللي بالي بالك ونرجع زي زمان مصر

[miramar]

بدرية احييك مليون مرة على موضوعك

غير التكاتك لاحظت برضه شيء غاظني الصيف الي فات

عادة انا احب الكورنيش جدا بتاع القاهرة سواء ركبت مركب او بس اتمشيت عليه

الي لفت نظري السنة دي ان المراكب كل مركب معلقه شوية اعلام لشوية دول غير مصر

الي معلق السعودية والي معلق الكويت وغيرها من الاعلام

اتغاظت جدا لأن احنا في مصر وشفت كل الاعلام الا علم مصر

قالوا ان كدة بيشجعوا السياحة عشان كورنيش وكدة وبيبقى مليان سياح من الدول العربية

لكن السائح جاي يشوف حضارتنا احنا بلدنا احنا لو كان عايز يشوف علمه ما كان خلاه في بلده

في الدول الكبرى لما يروح السائح يشتري تذكرات بتكون مهما كانت معبرة عن حضارة البلد سواء كانت الحضارة دي نفس حضارة وثقافة السائح او لا

يعني عمرك شفت واحد راح فرنسا رجع بتمثال فرعوني ؟؟؟؟

اذا كنا بجد عايزين نشجع السياحة لازم نبدي احترام اكبر لحضارتنا

مرمر

[ابو محمود]

يادى النور يادى النور ازيك يابنتنا الغالية ويأختنا ونوارتنا انا حابب اقولك كلمتين عن الأعلام والرايات اللى انتى شفتيهم فى شوارع المحروسة دى ظاهرة بقالها سنين بس السبب مش ان الناس بتحب الدول ولا راياتها ولاكن لان الناس يأختى فى المحروسة بقت بتحس بالغربة وبتأمل فى الخلاص يعنى الولدمن دول يلاقى نفسة بعد ما أتعلم مش لاقى شغل قوم أية يعمل اى سبوبة كدة يبيع او يشتغل اى شغلة يلاقى العفاريت طلعتلة من كل حتة اما سياحة اوبلدبة وهات يا رزع فية ويبهدلوة ويخدو منة اللى حلتة وبعدين يسيبوة ومن هنا نشأت حالة الغربة ودة مثال وهناك اماكن كثيرة تدار بنفس العقلية حتى فى الكورة عايز تلعب أدفع وكانت دى بداية ان احنا نشوف شباب وناس كبيرة تحمل اعلام ورايات دول أخرى ولو حتى استعمروهم وطلعو عنين اللى خلفوهم اتمنى ان يكون الرد قد اصاب كبد الحقيقة ويارب تكونى ماشفتيش غير كدةلان التغيير للأسوأ أصبح كبير كبير كبير