مين صاحب الصورة ؟؟؟؟؟؟؟

[miramar]

بسم الله الرحمن الرحيم

بعد مسابقة العضو السري وبعد ما عضوين اتقفشوا وخدت بدرية الجايزة الكبرى

والعضو التالت في الطريق ولكم احمد الله ان بدرية النت عندها موسوس يعني ممكن العضو يعمرله 20 يوم لحد ما ترجع البحرين

قررت بقى احط مسابقة جديدة مسابقة تشغل الدماغ وتحرك المخيخ وتنعنش الذاكرة

أنا هاحط صورة وكل الي عليكوا تسالوا اسئلة حوالين صاحب الصورة

طبعا مستبعد سؤال هو مين :blush2:

وهكذا اسيبكم مع اول صورة

مرمر

[amrhoras]

اينعم انا معرفش مين الاخ ده

بس اعتقد ان فى احد هجم على منزلى واخد صوره من صور الطفوله بتعتى :blush2:

مكنتش اعرف انك رئيسة عصابة يامرمر طب قولى وانا ابعتلك الصوره :happy: بدال ماتكسروا اقفال الباب بتاع بيتي

بس مين ده طب سهليها شويه ممثل ولا لاعب كوره وحرامى ولا مين ده :unsure:

تحياتى

حورس

[Mohamed Fayek]

الطفل ده فيه شبه كبير من تامر حسنى ... هو تامر حسنى ... صح

[daktara]

دى معالى زايد

[vipwithyou]

اسمحولى اشارك معاكم

السؤال الأول : ما هى مهنته / مهنتها ( اى اولا تحديد النوع ) ؟

السؤال الثانى : من أى بلد ؟

شكرا

تم تعديل 20 ديسمبر 2007 بواسطة vipwithyou

[miramar]

الصورة دي هي صورة تامر حسني وهو عيل

يلا قدري ان ولا مسابقة تعمر اكتر من يومين

مبروك يا استاذ محمود بس مقلتليش ايه الي خلاك تعرف؟؟

عمورة اسفين المرة الجاية هنبقى نستاذن قبل ما ناخد صورك wst::

دكترة ممكن اعرف ابه وجه الشبه بين تامر حسني ومعالي زايد ؟؟؟؟؟ :)

vipwithyou أولا النوع واضح يعني لابس بدلة في بنت تلبس بدلة؟؟؟

ثانيا خلاص بقى استنى الصورة الجاية

مرمر

[Mohamed Fayek]

الأخت / مرمر

كل عام وانت بخير ... وبعدين ياسيدتى انا اسمى محمد فايق وليس محمود

لو حضرتك قسمتى الصورة الى أجزاء يعنى منطقة العيون والحواجب وكمان منطقة الأنف والشفايف .. حتلاقيهم ينطبقوا على تامر حسنى ...

[miramar]

انا اسفة جدا يا استاذ محمد

العتب على النظر :)

مرمر

[vipwithyou]

الصورة دي هي صورة تامر حسني وهو عيل

على فكرة يا مرمر فى ناس بتفضل عيال حتى لما تكبر !! يارب تفهمينى !! بس علشان الرقابه !!

تم تعديل 21 ديسمبر 2007 بواسطة vipwithyou

[miramar]

الصورة دي هي صورة تامر حسني وهو عيل

على فكرة يا مرمر فى ناس بتفضل عيال حتى لما تكبر !! يارب تفهمينى !! بس علشان الرقابه !!

انا فهماك بس خايف من ايه قول الي انت عايز تقوله فنحن في ازهى عصور الديموقراطية

مرمر

[miramar]

صورة جديدة لفنان او فنانة جديدة

مرمر

[amrhoras]

يا اما صفيه العمرى يا اما ستيفان رستم بصراحه شبه الاتنين ;)

او فيروز بتاعة اربعه ياماما

تم تعديل 23 ديسمبر 2007 بواسطة amrhoras

[omar_hamada]

منى زكى

[vipwithyou]

متهيألى الصورة اللى هى متهيألى ولد ولابس فستان

متنفعش تكون منى زكى لأنها صورة قديمة وابيض واسود وكمان صفية العمرى كان شعرها اصفر ودة باين انه اسود كاتم

دى اكيد حد معرفهاش

وبعدين يا مرمر انتى عايزة تودينى فى داهية وتحبسينى ؟؟؟ لا انا مش ناوى الأيام دى ؟؟

تم تعديل 23 ديسمبر 2007 بواسطة vipwithyou

[امانى]

كل سنة وانت طيبه يامرمر بمناسبة العيد وقرب السنة الجديدة ويارب تتحقق امنياتك كلها هذا العام الجديد ;)

بخصوص الصورة ممكن تكون صورة حنان ترك أو غادة عادل

امانى

[vipwithyou]

دى ممكن تدى على الهام شاهين

[miramar]

يا اما صفيه العمرى يا اما ستيفان رستم بصراحه شبه الاتنين

او فيروز بتاعة اربعه ياماما

شوف يا عمرو يا اخويا في اختراع اسمه نضارة انصحك تشتري واحدة لأحسن انا شاكة في نظرك :P

مرمر

[miramar]

منى زكى

انت مين ؟؟؟ مخابرات ؟ :P

ايوة البت دي منى زكي

مبروك

[miramar]

متهيألى الصورة اللى هى متهيألى ولد ولابس فستان

متنفعش تكون منى زكى لأنها صورة قديمة وابيض واسود وكمان صفية العمرى كان شعرها اصفر ودة باين انه اسود كاتم

دى اكيد حد معرفهاش

وبعدين يا مرمر انتى عايزة تودينى فى داهية وتحبسينى ؟؟؟ لا انا مش ناوى الأيام دى ؟؟

أحبسك؟ ده احنا في مصر اكتر بلد ديموقراطي في العالم

مرمر

[miramar]

كل سنة وانت طيبه يامرمر بمناسبة العيد وقرب السنة الجديدة ويارب تتحقق امنياتك كلها هذا العام الجديد :P

بخصوص الصورة ممكن تكون صورة حنان ترك أو غادة عادل

امانى

وانت طيبة يا اجمل اماني في العالم

الصورة زي ما قلت صورة الفنانة منى زكي

مرمر