شارك بشعار أو أغنية... علشان تبقى حياتنا هنية ...!!!!

[nash]

مع الإعتذار للاستاذ أبو أحمد بس هاطلع عن النص شويه ....

............................................................................

فوفو بجد ماشاء الله عليكي...يعني بجد انا لما بتأثر من حاجه مش بعرف أعبر كويس بجد أنا سعيده وفخورة انك اللي كتبتي الكلام ده..ماتعرفيش أحنا وبالذات المتغربين بيأثر فينا اي حاجه وطنيه إزاي سواء خاصه بالأمور الداخليه لمصر أو الخارجيه..بس في الاول انا فكرته كلام شاعر مثل أحمد فؤاد نجم...أو حد من فطاحل العاميه المخضرمين في وصف أحوال المواطن المصري العادي...مش هاقولك غير برافوا عليكي...وربي يحفظ عليكي موهبتك الجميله...وياريت وأنتي عارفاني ( زوء زوء زوء) وبيني وبين سعد بتاع الملافظ حاله خصام يعني الكلام بيطلع من قلبي ياريت تكتبي في باب الأدب..أنا حاسه كاني أول مرة أتعرف عليكي ...سوري يعني ...

ربي يحفظك يا فوفو من قلبي والله ..وربي العالم

[nash]

نسينا نرحب بالأخت الفاضله ابتهال...وطبعا العتب علي النظر ...

أهلا ومرحبا بك أختنا الكريمه وإن شاء الله نري مشاركاتك منورة المنتدي

أختك ناش...

[amrhoras]

بعيد عنك بعد السين

افكر فيكي وكلي حنين

يابلدى ياوسام ع كل جبين

****

نيلك وارضك بيجروا ف دمى

وانتى يابلدى كل ناسى واهلى

فيكي حسيت بكل بسمه وذكرى

*****

لما قاسيت سيبتك وجريت

ولما جنيت جاولت ارجع بس جفيت

نيلك يابلدى شربت منه لما ارتويت

*****

يله بقى كفاية كدى حلو اوى القافيه دى رخم جداااااااا عشان ادور على الكلام هههههه محاوله فاشله ولكنكم اول اشخاص تشوفوها

*******************

مدام فولانه ومدام ناش هيقتلونى :blush2: انا ماخدتش باللى والله واعتذر من ا/طفشان

بس نعمل ايه زهايمر سهو غير مقصود

*******

شايف فى وجوه جديده يتنافسني فى اشعارى على فكره مرحب بيكي يا اخت ابتهال بينا ومنتظر اقلامك تغزو المحاورات ( الله تعبيرجميل عليا كلام اول مره اسمعه )

تحياتى عمرو حورس

تم تعديل 14 يناير 2008 بواسطة amrhoras

[م.سامح المصرى]

موضوع تانى خالص

تم تعديل 14 يناير 2008 بواسطة Solee

[Folana]

السلام عليكم ورحمة الله....

...أمانى الجميلة...كنت قلت لك قبل كده(على الخاص) وباقولها لك تانى دلوقت (هنا)...بقالى كتيررر ماقابلتش ناس زيك كده...قليلون هم من يمتلكون القدرةعلى التعبير عن مكنونات انفسهم وتأتى كلماتهم مطابقة تماما لمشاعرهم...مغلفة بالرقة والحب والاحترام...

باب الشعر له أساطينه..اللى انا مش قدهم....ام مادا وشهد واحمد محمود وداروين ومحمود الشاعر ومهيب وفولان ودكترة وصفاء وزهرة الجبل وايزيس وباسم زكريا..

والاخوة الافاضل الجدد ....وخايفة انسى حد...كلهم الحقيقة اقلام ومشاعر تحترم

انا باتجاوب بس مع الموضوعات والمواقف...

وبعدين مش معقول اكون شايلة شنطة مليانة كلمة "منقول"الف بها على الموضوعات وانسى نفسى بواحدة لو كنت ناقلة الكلام ولا حد كاتبه لى (مثلا)...

باشكرك من قلبى على كل حاجة جميلة فيك

:blush2:

[Folana]

مع الإعتذار للاستاذ أبو أحمد بس هاطلع عن النص شويه ....

............................................................................

فوفو بجد ماشاء الله عليكي...يعني بجد انا لما بتأثر من حاجه مش بعرف أعبر كويس بجد أنا سعيده وفخورة انك اللي كتبتي الكلام ده..ماتعرفيش أحنا وبالذات المتغربين بيأثر فينا اي حاجه وطنيه إزاي سواء خاصه بالأمور الداخليه لمصر أو الخارجيه..بس في الاول انا فكرته كلام شاعر مثل أحمد فؤاد نجم...أو حد من فطاحل العاميه المخضرمين في وصف أحوال المواطن المصري العادي...مش هاقولك غير برافوا عليكي...وربي يحفظ عليكي موهبتك الجميله...وياريت وأنتي عارفاني ( زوء زوء زوء) وبيني وبين سعد بتاع الملافظ حاله خصام يعني الكلام بيطلع من قلبي ياريت تكتبي في باب الأدب..أنا حاسه كاني أول مرة أتعرف عليكي ...سوري يعني ...

ربي يحفظك يا فوفو من قلبي والله ..وربي العالم

السلام عليكم ورحمة الله.....

ننوشة حبيبة قلبى....ربنا يبارك فيك...نجم مرة واحدة...والله دى شهادة اعتز بها وخصوصا لما تصدر منك انت بالذات...

ومن ناحية انك (زوء زوء زوء) فأنت بالفعل كده ياجميلة وبشهادة الجميع..ربنا يديمك كده دايما ويديم المحبة والنقاء بينا يارب..

بس سؤال نونو كده ...سورى على ايه؟....على الزوء ولا باب الادب ولا انك اول مرة تعرفينى؟...

هو انا قلت لك انى ايه وطلعت ايه؟؟ f((:

ما انا لى شوية شخبطة فى المنتدى كده على قدى...واولها توقيعى...وتسللت فى الظلام الدامس وشخطبت لى شخبوطة فى موضوع الفاضل المبدع حيان حسن..وشوية حاجات تانية كده فوق بعضها....انت بس اللى مش بتتابعى الجرايد ولااخبارى الفنية...:)

والله يانوشة كلامك اثلج قلبى...والحمدلله انى عرفت اكتب حاجة تعجبك اخيرا...:) :)

عمرو حورس....مش حنقتلك طبعا ولا حاجة..انت اخ عزيز جدا علينا كلنا....ماتخافش واستمر فى محاولاتك......بس ابقى اقرأ المدخلات كلها.. :P -_-

سولى ....هو مش موضوع تانى ولاحاجة....لان عنوان الموضوع بيقول اللى عنده اغنية او شعار او اى خواطر تعبر عن حال البلد يتفضل يقول...وكل واحد بقى بيقول اللى يقدر عليه من وجهة نظره...اما ليه الموضوع ما اتنقلش باب الشعر...فلانه موضوع لكل الاعضاء ..وانت عارف بقى ممكن جدا البعض يحجم عن الكتابة لانه شايف من وجهه نظره انه موضوع خاص باصحاب المواهب...وكنت انا اول واحدة حافكر قبل ما اكتب فيه..:)

ماتقلقش الموضوع لسه فى مساره الطبيعى...صمم لنا شعار بقى يعبر عن وجهة نظرك فى حال البلد...

ولا يفوتنى ان ارحب بالاخت الفاضلة ابتهال واتمنى لها اقامة طيبة بين اخوانها...

اسعد الله مساكم......

:blush2:

[م.سامح المصرى]

سولى ....هو مش موضوع تانى ولاحاجة....لان عنوان الموضوع بيقول اللى عنده اغنية او شعار او اى خواطر تعبر عن حال البلد يتفضل يقول...وكل واحد بقى بيقول اللى يقدر عليه من وجهة نظره...اما ليه الموضوع ما اتنقلش باب الشعر...فلانه موضوع لكل الاعضاء ..وانت عارف بقى ممكن جدا البعض يحجم عن الكتابة لانه شايف من وجهه نظره انه موضوع خاص باصحاب المواهب...وكنت انا اول واحدة حافكر قبل ما اكتب فيه..f((:

ماتقلقش الموضوع لسه فى مساره الطبيعى...صمم لنا شعار بقى يعبر عن وجهة نظرك فى حال البلد...

اسعد الله مساكم......

:blush2:

لا والله يا مدام فولانه حضرتك فهمتيني غلط خالص

انا طبعا ما اقدرش اقول دا موضوع تانى ولا حاجة او خرجنا عن الموضوع (اعتقد دا الى حضرتك استنتجتية )

بس انا كنت فاتح 3 صفحات للمحاورات (علشان ببقي بنسى مواضيع اروح فاتحهم مرة واحدة )

بس الى حصل اية بقي

انا انا جيت ارد على موضوع لماذا نكره اليهود لقيتنى ان انا رديت هنا

فعلشان كدة كتبت موضوع تانى خالص دا كان قصدى

ولكى منى كل تحيه وتقدير

------------------------------

ولو عملت تصميم للحالة الى الشعب فيها هاعمل صفحة سودا

وفيها نفطة بيضا

دا تصميم كويس ويعبر

صحيح كنت عايز اسال حضرتك سؤال بس جيه وقته اهوة

هوا عيد ميلاد حضرتك امتى

دومتى بخير

تم تعديل 15 يناير 2008 بواسطة Solee

[Tafshan]

شكراً يا ناش على تشجيعك ..

فولانه العزيزه .. كلماتك ممتازه .. يجب ان تستمرى ..

طالما عجبكم كلامى .. نقول كمان .. برضو قديمه .. اصل الشعر مخاصمنى بقاله كثير :blush2:

حضن الغريب

يا ارض الديابه و الغلابه و اللى مسنـود و اللـى مـا لهـش ظهـر

يا ارض العزب و السريات و اللى واكلها بدقه و اللى بيموت من الفقر

يا شمس المغارب و نسمة عصارى و دوشه و تراب و سكر و صبر

بحبك بعبلك بخيرك و شرك ...و مهما بنبعـد بيوحشنا حـضـنـك

و لـمـا نـقـرب بـيوحشـنا شوقـنا ..نـهـرب و نرجع لحضن الغـريب

فى ارض الغريب

فلـوس بالزكايـب و بدلـه ايطالـى و لقمـة هانيـة تأكلهـا لوحـدك

تعد الليالى في زنزانـه وردى و تضحـك و تبكـى و لا حـد سمعـك

و الفقرى كرشى يسيب الولايـم و يحلـم ببصلـة مـع صحـن فـول

تمري يا غــربة و عـمـري يمر..و عـسلك بـيلسـع و كمان طعمه مر

و لما بنرجع .. بيكرشنا بيتنا ...نهرب و نرجع لحضن الغريب

تم تعديل 15 يناير 2008 بواسطة Tafshan

[nash]

انا شايفه أخونا طفشان بيكتب رد ...بس حبيت اقوله ( فرصه يعني ) أني زرت اللوج بتاعه ..وربي رائع اللي بيكتبه..نصيحه للجميع اقرأوا ماكتبه لإنه شيء جميل بالفعل....

........................................................

أخر مرة يا استاذي الفاضل أبو احمد أطلع عن النص....

فوفو...لا أنا قصدي يعني اني مش بعرف أعبر كويس ..يعني وأحيانا يعني بيخوني التعبير....عديها بأة يوة....

ولعلمك علشان مايكونش منظري وحش الأول حطيت أبياتك في جوجل علي اساس اشوف مين اللي كتبها لقيت جوجل نايم ومش جايب خبر...فقلت اسألك والله....لعلمك قريت مداخلتك عند أخونا الكريم حيان...بس لقيتك محرجه وكده بأة فمرضيتش يعني أزيد خجلك الجميل....

[Folana]

انا شايفه أخونا طفشان بيكتب رد ...بس حبيت اقوله ( فرصه يعني ) أني زرت اللوج بتاعه ..وربي رائع اللي بيكتبه..نصيحه للجميع اقرأوا ماكتبه لإنه شيء جميل بالفعل....

........................................................

أخر مرة يا استاذي الفاضل أبو احمد أطلع عن النص....

فوفو...لا أنا قصدي يعني اني مش بعرف أعبر كويس ..يعني وأحيانا يعني بيخوني التعبير....عديها بأة يوة....

ولعلمك علشان مايكونش منظري وحش الأول حطيت أبياتك في جوجل علي اساس اشوف مين اللي كتبها لقيت جوجل نايم ومش جايب خبر...فقلت اسألك والله....لعلمك قريت مداخلتك عند أخونا الكريم حيان...بس لقيتك محرجه وكده بأة فمرضيتش يعني أزيد خجلك الجميل....

السلام عليكم ورحمة الله....

خلاص ياننوشة..تقبلتوووووووووووو... f((:

عارفة ياجميلة والله...كلك ذوق والله

تعالى اشربى معايا لاتيه بقى..ولا اعمل لك قهوة ...خدى شمى دى... :blush2:

صباحك زى الفل.........

أخى الفاضل طفشان ربنا يبارك فيك...باشكرك على تشجعيك..

صباحك جميل

[ebtihal]

شكرا جزيلا على الترحيب الجميل من الأعضاء الاعزاء وخصوصا الأخوات الكريمات ناش وفولانا وأمانى والأخ عمرو

ما أعرفش ليه عندما قرأت الموضوع تذكرت هذه الكلمات التى تلح على عندما احس بانى مفتقدة اشياء كانت موجودة فى قلوبنا عفوية بريئة صافيةبصفاء لون عيوننا العسلية

( كنا صغاراً جئنا ..... نحمل كراساً وقلماً

وفى الأحداق علماً ..... نحفظ لونه .. .

نعشق وطنه ..........ونردد قسمه )

[ebtihal]

سامحونى انا لسه جديدة ولكل الأعضاء شكرى البالغ ان كنت نسيت حد

اقولكم الحق انا نفسى اشرب معكم كوب ( مج) شاى مصرى بالنعناع اللى ما بنحسش بطعمه الا واحنامتجمعين bv:-

[امانى]

شكراً يا ناش على تشجيعك ..

فولانه العزيزه .. كلماتك ممتازه .. يجب ان تستمرى ..

طالما عجبكم كلامى .. نقول كمان .. برضو قديمه .. اصل الشعر مخاصمنى بقاله كثير bv:-

حضن الغريب

يا ارض الديابه و الغلابه و اللى مسنـود و اللـى مـا لهـش ظهـر

يا ارض العزب و السريات و اللى واكلها بدقه و اللى بيموت من الفقر

يا شمس المغارب و نسمة عصارى و دوشه و تراب و سكر و صبر

بحبك بعبلك بخيرك و شرك ...و مهما بنبعـد بيوحشنا حـضـنـك

و لـمـا نـقـرب بـيوحشـنا شوقـنا ..نـهـرب و نرجع لحضن الغـريب

فى ارض الغريب

فلـوس بالزكايـب و بدلـه ايطالـى و لقمـة هانيـة تأكلهـا لوحـدك

تعد الليالى في زنزانـه وردى و تضحـك و تبكـى و لا حـد سمعـك

و الفقرى كرشى يسيب الولايـم و يحلـم ببصلـة مـع صحـن فـول

تمري يا غــربة و عـمـري يمر..و عـسلك بـيلسـع و كمان طعمه مر

و لما بنرجع .. بيكرشنا بيتنا ...نهرب و نرجع لحضن الغريب

الاخ الفاضل طفشان

سبق ان قرات كلماتك ووصفتها بالدرر واليوم اكررها فعلا كلمات رائعة قويه مؤثرة جدا تمس القلبسلمت اناملك والى المزيد

امانى

[م.سامح المصرى]

سامحونى انا لسه جديدة ولكل الأعضاء شكرى البالغ ان كنت نسيت حد

اقولكم الحق انا نفسى اشرب معكم كوب ( مج) شاى مصرى بالنعناع اللى ما بنحسش بطعمه الا واحنامتجمعين bv:-

يا اهلا بيكى استاذة ابهال وبجد سعداء ان حضرتك معانا

-------------

استاذ طفشان بجد شعر حضرتك جميل جدا ومعبر بطريقة جميلة

يا ريت تكملى بقيت الشعر القديم دا

سلامى لك

ودى قصيدة جميلة تانية للشاعر على سلامة

اسمها

كتاب القراءة

بمنتهي البراءة ...

سأليتني …

بنتي نور ....

ف أربع خمس ..

أمور …

مش ف كتاب القراءة ....

قالتلي .. بابا بابا ..

مش إنت .. يا بابا ..

بتكتب أغاني ..

وتقول أشعار ..

أنا سمعت ..

الشيخ يا بابا ...

بيقول إنك يا بابا …

ها تروح النار ...

زي الوحشين يا بابا ...

الحراميين الكفار ....

قوللي يا بابا ....

يعني إيه إستعمار ....

يعني إيه نيل ...

يعني إيه هرم ..

ومين اللي حط ...

النسر فوق العلم ...

يعني إيه يا بابا ...

إستفتاء ….

و يعني إيه إنتخاب ...

ويعني إيه حر ...

ويعني إيه نصاب….

يعني إيه إختلاس ..

ويعني إيه هجاص ..

ويعني إيه خصخصة ..

يعني إيه يا بابا ....

دستور ….

يعني إيه معارضة ..

ويعني إيه مظاهرة ..

وليه النهاردة ...

خدنا أجازة ...

م المدرسة .....

قوللي يا بابا ....

يعني إيه قهر ..

وفين …

خط الفقر ...

ويعني إيه حظ ..

ويعني إيه زهر ...

يعني إيه يا بابا ...

حريه …..

يعني إيه إنسان ..

ويعني إيه سرطان ...

يعني إيه يا بابا ...

خربوها ….

ومين دول يا بابا الى خربوها ..

وانتا كنت فين لما خربوها ..

ولاد القطقوطة ...

ومين دي ...

سمارة يا بابا ....

وإزاي يا بابا ...

ضاعت من قلبك ...

يا بابا .....

إنت معايا ....

فيه يا بابا ناس ...

بتقول كفايه ...

وفيه كمان عساكر ...

مسكين عصايا ...

وبنات متعورين ...

وتانين …

ماشين بيضحكوا ...

هما دول إسرائلين ..

يا بابا .....

ويعني إيه ...

ويعني إيه ...

قولتلها ….

نور …..

ممكن أسألك سؤال

قالتلي ….

إتفضل يا بابا ...

قلتلها ….

هيه قناة Space toon ...

رقم كام …..

وخدتها .....

عشان تنام

تم تعديل 15 يناير 2008 بواسطة Solee

[Tafshan]

العزيزه امانى .. اشكر لكِ تشجيعك :blush2:

العزيزه سولى .. عجبتنى جداً " كتاب القراءه " لعلى سلامه .. زوقك حلو :rolleyes: .. ارجو ان تستمرى ..

واحده كمان و برضو قديمه ..

سيدنا الافندى ..

سيدنا الافندي مثقف جداً

بيكلمنا بالجرانين

و انا فقير اباً عن جداً

حالتى تصعب ع الكافرين

طول اليوم عمال بيهاتى

اشى مقالات .. و اشى حادى بادى

.. و انا بتابع شغله يوماتى

رغى فى رغى سياسه و دين

سيدنا الافندي مثقف جداً بيكلمنا بالجرانين

.. سيدنا الافندي ابن ذوات

عمره ما داق العيش الحاف

كل حبايبه من البهوات

ساندين ظهره في يوم ما يخاف

و انا مضروب دائماً على بطنى

لو وارب بابه .. بيخبطنى

و كام لحلوح ...بطلوع الروح

يدوب بيكفوا نجيب الستر

اما اللقمة .. سطر و سطر

بنفتها في الشاى ..راضيين

سيدنا الافندي مثقف جداً بيكلمنا بالجرانين

.. سيدنا الأفندى نافش ريشه

عامل اسطى ع الغلبان

بيقول انى مسبب فقره

و مقضيها شاى و دخان

تبقى العيشة قحط في قحط

و يبصلي في سجايري الفرط

و كمان شايي يصبح علقم

من غير اي كلام او شرط

في زمن الخيبة بالمجان

نصرف طوبه لكل جعان

الله يرحم ... الله يعين

في زمن اللحمه في الفتارين

سيدنا الافندي مثقف جداً بيكلمنا بالجرانين

[م.سامح المصرى]

هوا استاذ Kokomen راح فين

سابنا هنا نحط اشعار واغانى وهوا مش موجود

------------------------

العزيزه سولى .. عجبتنى جداً " كتاب القراءه " لعلى سلامه .. زوقك حلو :blush2: .. ارجو ان تستمرى ..

( العزيزه سولى اية الأحراج دا بس يا ربى )

استاذى طفشان سامح بيحى حضرتك وبقول لحضرتك الحمد لله ان قصيدة كتاب القراءة عجبت حضرتك

انا بحبها جدا على فكرة القصيدة دى

وان شاء الله هكمل الباقى لعلى سلامه

بس هادورلة على بقيت قصايدة لانى ما بتكتبهاش لما بحضرله

سلامى لك ودومت بكل خير

سامح

[kokomen]

أرجو المعذرة من الأخوة والأخوات الكرام

وذلك لأسباب تقنية حيث تعذر دخولي للإنترنت لفترة

أشكر الأخوة والأخوات الذين تفاعلوا بشكل جميل فيه الكثير من الإبداع من نخبة ونجوم محاورات المصريين

وأخص بالذكر الأخوات الفضليات وهن

الأخت أماني

الأخت ناش

الأخت زيزيتا

الأخت فولانة

الأخت إبتهال ...مع الترحيب بها في منتدنا الجميل

فقد أثرين هذا الموضوع بشكل رائع وجميل يدل على

وعي المرأة المصرية التي تمثل أكثر من نصف المجتمع

والشكر موصول لأحبائي الأخوة المحترمين لإضافتهم الرائعة

الأخ عمرو حورس

الأخ سولي

الأخ الشاعر طفشان

لكم الشكر لإحساسكم الرائع في حب مصر أرض الكنانة

وهذه الكلمات أعجبتني في حب مصر

أنقلها لكم تعبر عن مشاعر كاتبها

انا مش طير ولا عاشق لارض الغير

تهدى ياريح وما تهشى ****** انا دارى هنا وعشى

ولا بجناحى بتغرب ********** وساعة الجد ما اتهرب

انا عندى هنا تشرب ******** سنين مرة وساعة خير

انا مش طير**** ولا عاشق لارض الغير

تهدى يا ريح وما تهشى******* انا دارى هنا وعشى

انا دارى هنا وعشى******* ولون القمح من وشي

  فى الوريد بتزيد سنابل  خير

انا مش طير**** ولا عاشق لارض الغير

حرير المهد كان حجرك****** شربت الشهد من صدرك

وتنسينى انا فاكرك******** ومن حقى عليكى اغير

ونا مش طير ولا عاشق لارض الغير

انا منك ومن صلبك** وقلبى بيرتوى بقلبك** تنادينى انا جنبك

عشانك يا حبيبتى اطير

وانا مش طير**** ولا عاشق لارض الغير

:) :) :angry: :lol: wst:: wst::

تم تعديل 24 يناير 2008 بواسطة kokomen

[kokomen]

تسجيل للمتابعة

[kokomen]

في حب مصر تذوب القلوب وتقشعر الأبدان وتنطوي كل الأحزان

أقرأ هذه الكلمات العذبة في حب مصر الخالدة    

                              قصيدة الحب الطاهر لمصر الخالص

     أحبك يا مصر حب لو تقابل الشرق مع الغرب ما أكتمل

أحبك يا مصر حب لو تقابل الليل مع النهار ما انطفى

أحبك يا مصر حب لو تقابلت الأرض مع الكواكب الأخرى ما أحترق

أحبك يا مصر حب لو إنطبقت الأرض علي السماء ما أنطوى

و هكذا يا مصر الأيام تمضي بيننا و ما زال حبك في قلبي يضمنا

أيها الحب الطاهر أشهد علي حبنا و تقابل مع قلوبنا

أشهد أيها الحب علي حب مصر بأهلها يمر و يمضي عبر الزمان

و لن يزعزع يا مصر هذا الحب إنسان و لا حيوان و لا طائر

الي الأبد …… الي الأبد …… الي الأبد ……

              :blush2:                                                                                :happy: :ninja:

      

           :rolleyes:

   

      

[قاهرى]

انا معنديش كلمة ولا شعر ولا اغنية بس نفسى ارد بصورة واحدة بس :blush2:

yuioiy.bmp