شارك بشعار أو أغنية... علشان تبقى حياتنا هنية ...!!!!

[kokomen]

انا معنديش كلمة ولا شعر ولا اغنية بس نفسى ارد بصورة واحدة بس :blush2:

  الأخ الفاضل : قاهري

 شكرا على مشاركتك

لقد قمت بتحميل الصورة ووجدتها تعبر عن شئ طيب

لتحقيق المساواة والعدل بين الجميع

لكني أنتظر من حضرتك تعليقك على الصورة ووجهة نظرك فيها ...؟؟؟

تحياتي القلبية الخالصة

:blush2: :blush: :blush:

[قاهرى]

ا/ كوكومان شكرا لردك على الصورة ولكن انا ليا وجهة نظر تانية غير موضوع تحقيق العدالة

اساسا مفيش دولة فى العالم ممكن تكلبش عربية شرطة علشان وقفة صف تانى لانها ممكن تكون بتأدى مهمة قبض على حد وملاتش مكان تركن فية

ثانيا لو فرضنا حتى انها اتكلبشت هل هيدفع مخالفة (هى وزارة الخارجية بتاخد فلوس من نفسها ولا من الجمهور الغلابة الى هو احنا ومستحيل الظابط الى فى العربية هو الى هيدفع المخالفة اذا كان هو الى بيتوسطلنا علشان مندفعش مخالفة يبقى هو يدفع ؟؟)

انا مش شايف فى الصورة اى نوع من المساوة انا شايف عكس كدة تماما اما امين شرطة بيهرج مع واحد صحبو او ما شابه انا شايف عكس الى جة فى بالك يا استاذى العزيز

تحياتى لك وشكرا على موضوعك الرائع :happy:

اخوك : قــــــــــــاهــــــرى

[قاهرى]

انا اسف للغلطة الى انا كتبتها فى الرد الاول بدل مكتب وزارة الداخلية كتبت وزارة الخارجية

اسف

[kokomen]

ا/ كوكومان شكرا لردك على الصورة ولكن انا ليا وجهة نظر تانية غير موضوع تحقيق العدالة

اساسا مفيش دولة فى العالم ممكن تكلبش عربية شرطة علشان وقفة صف تانى لانها ممكن تكون بتأدى مهمة قبض على حد وملاتش مكان تركن فية

ثانيا لو فرضنا حتى انها اتكلبشت هل هيدفع مخالفة (هى وزارة الخارجية بتاخد فلوس من نفسها ولا من الجمهور الغلابة الى هو احنا ومستحيل الظابط الى فى العربية هو الى هيدفع المخالفة اذا كان هو الى بيتوسطلنا علشان مندفعش مخالفة يبقى هو يدفع ؟؟)

انا مش شايف فى الصورة اى نوع من المساوة انا شايف عكس كدة تماما اما امين شرطة بيهرج مع واحد صحبو او ما شابه انا شايف عكس الى جة فى بالك يا استاذى العزيز

تحياتى لك وشكرا على موضوعك الرائع :blush2:

اخوك : قــــــــــــاهــــــرى

  الأخ الفاضل : قاهري

 شكرا على ردك الجميل المقنع من وجهة نظرك التي أحترمها بلا شك

وكلامك كله مظبوط لو  لم يحاسب سائق السيارة على مخالفته لأنظمة المرور

وأعتقد أن الموضوع ليس هزار طبعا  وإلا كانت مصيبة

وقد رأيت موقف مشابه لذلك في الأسكندرية وكان حقيقيا

واذا كانت هذه السيارة في مهمة رسمية فيتضح ذلك  ممن  حولها

وممن يستقلها على ما أظن ... هذه وجهة نظري ولك جزيل الشكر

تم تعديل 6 فبراير 2008 بواسطة kokomen

[kokomen]

تسجيل متابعة اخى احمد وموضوع رائع

صورة صورة صورة كلنا عايزين صورة

صورة للشعب الغلبان اللى ارادته مكسورة

مع الاعتزار للاغنيه

امانى

 الأخت الفاضلة  : أماني

 ما شاء الله ... كلمات معبرة جميلة

فكرتنا بالأغاني الجميلة اللى الآن إنقلبت

بالغم والهم على حياتنا الحاضرة المعاصرة

إن شاء الله نضحك جميعا علشان الصورة تطلع حلوة

تحياتي الخالصة لأختي الشاعرة أماني

[kokomen]

جميل الموضوع

تفضل استاذى

انا م البدايااااااااااااااااااا يا مصر بتألم

وخلاااص كفايااااااااااااا صعب ان انا اكمل

مع العتذار لاسماعيل

الأخ الباشمهندس : سامح المصري

 شكرا على مشاركتك الجميلة

كلمات جميلة معبرة

وأرجو  ألا  تكون محبطة

بل  تدفعنا الي الأمام لنطالب بحقوقنا

 تحياتي القلبية الخالصة

[om marawan]

شكرا يا استاذ أبو احمد على الموضوع الجميل

انا كنت شفته قبل مالنت يقطع وبعد مارجع قعدت أدور عليه تانى ومالقيتوش غير دلوقت الحمد لله

الاخوة الافاضل اللى شاركوا بجد امتعونا جدا جدا

معلش انا هاشارك بأغنية مش هنية اوى بس ان شاء الله بعد كده الامور تبقى أحسن

بس أصل الاغنية دى حفظتها من صغرى وبافتكرها دايما

كنت فاكرة يامصر انى تعبت منك

واكتشفت انى محال استغنى عنك

حتى دوشة صوت جيرانى والزحام وحشونى تانى

بسمة حلوة لطفلة لسه صغيرة

لما كنت اديها حتة سكرة

قبل مانسيبك وحشتينا يامصر يا امنا

قبل مانسيبك وحشتينا يا مصر يا امنا

[kokomen]

شكرا يا استاذ أبو احمد على الموضوع الجميل

انا كنت شفته قبل مالنت يقطع وبعد مارجع قعدت أدور عليه تانى ومالقيتوش غير دلوقت الحمد لله

الاخوة الافاضل اللى شاركوا بجد امتعونا جدا جدا

معلش انا هاشارك بأغنية مش هنية اوى بس ان شاء الله بعد كده الامور تبقى أحسن

بس أصل الاغنية دى حفظتها من صغرى وبافتكرها دايما

كنت فاكرة يامصر انى تعبت منك

واكتشفت انى محال استغنى عنك

حتى دوشة صوت جيرانى والزحام وحشونى تانى

بسمة حلوة لطفلة لسه صغيرة

لما كنت اديها حتة سكرة

قبل مانسيبك وحشتينا يامصر يا امنا

قبل مانسيبك وحشتينا يا مصر يا امنا

 

الأخ العزيز : مروان  باشا

شكرا على مشاركتك الجميلة وشعورك الطيب

الحمد لله إنك  سعدت بمشاركات الأخوة والأخوات الأفاضل والفضليات

وكلماتك  جميلة  في  حب  مصر  الحبيبة

تقبل خالص تحياتي

:blink: :blink:

[Alshiekh]

عظيمة يامصر .

عظيمة بوردك ، بفلك .

عظيمة يامصر بعندليبك ، و كروانك ، و حداديكى و غربانك .

عظيمة يامصر بالأزهر و بالحصرى و رفعت و عبدالحليم محمود .

عظيمة بسومة وفايزة وحليم ، عبدالوهاب و السنباطى و التونسى .

عظيمة بعيالك ، دكاترة و مهندسين ، بفلاحينك و عمالك و صناعك ، الشقيانين العرقانين .

عظيمة بنيلك ، دا الكل بيحسدنا عليه ، وعيالك من الخيبة بيقتلوه ويلوثوه ، وبعدين يشربوا منه .

عظيمة بخيرك ، بآثارك وشطآنك والرمل الاصفر فى صحاريكى .

عظيمة بشمسك وظلك تحت شجرة توت فى غيط أخضر ، عند الساقية عالترعة مع كباية شاى ، و لقمة عيش مع شوية مش و كوز درة مشوى .

عظيمة فى كل وقت ، و فى أى عهد ، مهما قصروا معاكى .

عظيمة ساعة شروق الشمس وساعة العشا ، وفى الظهر كمان وفى العصر والفجر والمغرب ، وساعة غروب الشمس فى استانلى.

وليه مش عظيمة وكل الانبياء و الكتب أتكلمت عنك .

[kokomen]

عظيمة يامصر .

عظيمة بوردك ، بفلك .

عظيمة يامصر بعندليبك ، و كروانك ، و حداديكى و غربانك .

عظيمة يامصر بالأزهر و بالحصرى و رفعت و عبدالحليم محمود .

عظيمة بسومة وفايزة وحليم ، عبدالوهاب و السنباطى و التونسى .

عظيمة بعيالك ، دكاترة و مهندسين ، بفلاحينك و عمالك و صناعك ، الشقيانين العرقانين .

عظيمة بنيلك ، دا الكل بيحسدنا عليه ، وعيالك من الخيبة بيقتلوه ويلوثوه ، وبعدين يشربوا منه .

عظيمة بخيرك ، بآثارك وشطآنك والرمل الاصفر فى صحاريكى .

عظيمة بشمسك وظلك تحت شجرة توت فى غيط أخضر ، عند الساقية عالترعة مع كباية شاى ، و لقمة عيش مع شوية مش و كوز درة مشوى .

عظيمة فى كل وقت ، و فى أى عهد ، مهما قصروا معاكى .

عظيمة ساعة شروق الشمس وساعة العشا ، وفى الظهر كمان وفى العصر والفجر والمغرب ، وساعة غروب الشمس فى استانلى.

وليه مش عظيمة وكل الانبياء و الكتب أتكلمت عنك .

   الأخ العزيز  :  محمد  باشا

 

  كلماتك  جميلة  معبرة  عن مشاعر  صادقة من مصري أصيل

وهي تعبر عن كل فئات الشعب المصري الجميل المكافح في ظل الظروف

الصعبة ... ندعوا  الله أن يحسن أحوالنا الي الأفضل وأن يسعد ملايين المصريين

تقبل خالص تحياتي القلبية

:unsure: :lol: :lol: mc: mc:

[lefilsdunil]

السلام عليكم كمان عضو جديد وقعت عيناه أخيرا على دعوه للابتسامة وقد حدث دعوتونا وأمتعتونا بأشعاركم الجميلة المعبره فتحية طيبة لكم جميعا ومرحبا بكم وتشريف لى ان أشارك معاكم وادعو الله ان لا يغلق هذا الموضوع لانى من اسبوع كل ما أضع عباره فى موضوع يغلق مش عارف نحس أيه ده ويحضرنى بعض الشعر للشاعر الشاب المصرى الأصيل عبد الرحمن يوسف ومش عايزك تقلق على الموضوع

لله حمد

وكلنا لله عبد

قدر ان للأمس غد

قدر ان للسيف غمد

فى الغرب خير ما له حصر وعد

حكامهم يسعون لرفع دخل الفرد

ونحن أيضا مثلهم نسعى لرفع دخل فرد

[kokomen]

السلام عليكم كمان عضو جديد وقعت عيناه أخيرا على دعوه للابتسامة وقد حدث دعوتونا وأمتعتونا بأشعاركم الجميلة المعبره فتحية طيبة لكم جميعا ومرحبا بكم وتشريف لى ان أشارك معاكم وادعو الله ان لا يغلق هذا الموضوع لانى من اسبوع كل ما أضع عباره فى موضوع يغلق مش عارف نحس أيه ده ويحضرنى بعض الشعر للشاعر الشاب المصرى الأصيل عبد الرحمن يوسف ومش عايزك تقلق على الموضوع :blink:

لله حمد

وكلنا لله عبد

قدر ان للأمس غد

قدر ان للسيف غمد

فى الغرب خير ما له حصر وعد

حكامهم يسعون لرفع دخل الفرد

ونحن أيضا مثلهم نسعى لرفع دخل فرد

 

 الأخ الفاضل  :  lefilsdunil

  أهلا وسهلا بك في محاورات المصريين ونتمنى أن نسعد بمشاركاتك الجميلة

 فأنت بين أهلك وأخوانك .... وتقبل خالص تحياتي

كلمات جميلة من شاعر متميز يعبر عما يجيش في صدورنا جميعا

شرفت الموضوع ونرحب بك مرة أخرى بالنيابة عن جميع الأعضاء الكرام

[سيف الدين جلال]

هذه كلمات أجمل اغنية سمعتها عن الام ...لعماد عبد الحليم.... الله يرحمه.............

مهما خدتني المدن ... وخدتني ناس المدن

دايما صورتك في قلبي ... دليلي في المدن

أطوي المدن وأجيكي ... عطشان لنور عنيكي

وأرمي روحي عليكي ... تطبطبي وتضمي

مبحسش بالبراح ده ... إلا في قلبك يا أمي

أيوة في قلبك يا أمي

وأنا مهما خدتني المدن ... وخدتني ناس المدن

دايما صورتك في قلبي ... دليلي في المدن

...

كبرت وكل ما أكبر ... يكبر حبك في قلبي

يكبر وأنا ليا غير ... ربي وإنتي ووطني

ولما أعود إليكي ... وأبوس على إيديكي

أنسى المدن يا مايا ... في لمستك وعنيكي

وأرمي روحي عليكي ... تطبطبي وتضمي

مبحسش بالبراح ده ... إلا في قلبك يا أمي

أيوة في قلبك يا أمي

وأنا مهما خدتني المدن ... وخدتني ناس المدن

دايما صورتك في قلبي ... دليلي في المدن

...

أمي يا حبيبتي إنتي ... طول عمرك طايرة بيا طايرة بيا

أمي وكأنك إتخلقتي ... علشان تخافي عليا عليا

طول ما إنتي عايشة ليا ... يا نبع م الحنان

لو ضاق الكون عليا ... ليا في قلبك مكان

وأرمي روحي عليكي ... تطبطبي وتضمي

مبحسش بالبراح ده ... إلا في قلبك يا أمي

أيوة في قلبك يا أمي

وأنا مهما خدتني المدن ... وخدتني ناس المدن

دايما صورتك في قلبي ... دليلي في المدن

...

[م.سامح المصرى]

الأخ الباشمهندس : سامح المصري

شكرا على مشاركتك الجميلة

كلمات جميلة معبرة

وأرجو ألا تكون محبطة

بل تدفعنا الي الأمام لنطالب بحقوقنا

تحياتي القلبية الخالصة

أرجو ما تكونش الكلمات دى ضايقت حضرتك

وان شاء الله ما فيش حاجة هاتيئسنا من اننا نطالب بحقنا

انما الكلمات الاصلية اهية

انا من البداية يا غربة بتحمل ..... وخلاص كفاياااااااا صعب ان انا اكمل

طريق يقرب لقلبى مناه .... خد عمرى بين لياليه وتاه واة وااااااااااة

ياما كان مناناااااا نتلاقى ونقرب ....... وعشان هواناااااا فرحان وبتغرب

بعيش غريب وطال الليل معاه ..... جريح ومين غيرك دواة واة وااااااااااااة

[lefilsdunil]

اهلا بك وشكرا لكلماتك الرقيقة ادعو الله ان يخفف عنك وعن كل الأخوة المغتربين عذابات الغربة ويعيدكم الى الاحبة سالمين

[kokomen]

في موضوع أزمة رغيف العيش في مصر الحبيبة في الفترة الأخيرة

والطوابير المزدحمة والتي راح ضحيتها بعض الشرفاء في سبيل الحصول على لقمة العيش وهي مأساة بمعنى الكلمة

يا رغيف عزيز على قلبنا ******* فينك بعيد عن حينا

أظهر و بان وأحكي لنا ******* عن مغامراتك وسطنا

خليك قريب من قلبنا ******* حلفتك لا تغيب كثيير عننا

الشعب المصري ده غريب بلاش العيش ما تاكلوا بسكويت

تم تعديل 8 مايو 2008 بواسطة kokomen

[الطيار المصرى]

بالعودة للاغاني الوطنية.....

احب اسمع سلاااااااام...

اخترناه و بايعناه....و اخترنا ابنه وياه...

لكن كل ما اجي اشد في شعري من اللي بيحصل حوالينا من سك علي القفا...

يطلع عمنا صلاح جاهين في دماغي و يقوللي...

علي اسم مصر التاريخ يقدر يقول ماشاء.....انا مصر عندي احب و اجمل الاشياء

و يرد عليه الفاجومي علي لسان الشيخ امام و يقول....

مصر ياما يا بهية.....يامه طرحة و جلابية

الزمن شاب و انتي شابة....هو رايح و انتي جاية

وجاية فوق الصعب ماشية....و فات عليكي ليل و مية

و احتمالك هو هو....و ابتسامتك هي هي

تضحكي للصبح يطلع بعد ليلة و مغربية

تطلع الشمس تلأيكي...معجابنية و صبية

يا بهية

[التونسى]

موضوع جميل جدا اخى العزيز ابو احمد :wub:

ولأنى تخصص شعارات وهتافات وديالو :110: .. احب اشارك ب بيتين كده صغيرين ((كوميديا سوداء )) بيلخصوا من وجهة نظرى لحاضر مصر ويمكن لمستقبلها كمان لخمسين سنه قدام ((يااااااااااااااارب يخيب ظنى انا والملايين)) :sad:

فى اول تعاون مشترك ....بين ((سى معين يسين)) والتونسى .. اقدم لكم ....مطلع الاسكتش المشهور.... ((البسبوسه المبسوسه)) wst:: ولكن بعد التعديل

البسبووووسه .. المبسوووسه ..(( ووطننا)) .. أهو طااااازه وعااااال

هيصى يا ((سووزى)) ..غنى يا ((سووونا)) ..ماهو قرب يورثها جماااال :wub:

واللبيب بالاشارة يفهم ....... الحقيقه انا لم أشير ولا حاجه .. انا قلتها خبط لزق .. والظاهر كده ان اخرة كتاباتى فى السياسه مش كويسه .. مالوا شعر الحب والغزل والهيام والغرام :lol:

مع خالص تحيتى :lol:

تم تعديل 9 مايو 2008 بواسطة التونسى

[badroora]

معقولة موضوع وطنى جميل قيم زى دا .........مدخلتوش ابدا ابدا ........

بجد موضوع رائع من اول رد لاخر رد ......التعاون فى حب مصر وردود الناس الجميلة على بعضها بتعكس قد ايه كان في

حب وود متبادل ..........تسلم يا ابو احمد ع الفكرة الرائعه .......

وكل الاخوة والاخوات اللى اسعدونا بمختارتهم بجد رائعه ..........

قصيدة مبارك في حب مصر

اهداء الى شعب مصر

>ياشعبي حبيبي ياروحي يابيبي ياحاطك في جيبي يابن الحلال

>ياشعبي ياشاطر ياجابر خواطر ياساكن مقابر وصابر وعال

>ياواكل سمومك يابايع هدومك ياحامل همومك وشايل جبال

>ياشعبي اللي نايم وسارح وهايم وفي الفقر عايم وحاله ده حال

>احبك محشش مفرفش مطنش ودايخ مدروخ واخر انسطال

>احبك مكبر دماغك مخدر ممشي امورك كده باتكال

>واحب اللي ينصب واحب اللي يكدب واحب اللي ينهب ويسرق تلال

>واحب اللي شايف وعارف وخايف وبالع لسانه وكاتم ماقال

>واحب اللي قافل عيونه المغفل واحب البهايم واحب البغال

>واحب اللي راضي واحب اللي فاضي واحب اللي عايز يربي العيال

>واحب اللي يائس واحب اللي بائس واحب اللي محبط وشايف محال

>واحبك تسافر وتبعد تهاجر وتبعت فلوسك دولار او ريال

>واحبك تطبل تهلل تهبل عشان مطش كوره وفيلم ومقال

>واحبك تأيد تعضض تمجد توافق تنافق وتلحس نعال

>تحضر نشادر تجمع كوادر تلمع تقمع تظبط مجال

>لكن لو تفكر تخطط تقرر تشغلي مخك وتفتح جدال

>وتبدأ تشاكل وتعمل مشاكل وتنكش مسائل وتسأل سؤال

>وعايز تنور وعايز تطور وتعمللي روحك مفرد رجال

>ساعتها حجيبك لايمكن اسيبك وراح تبقى عبره وتصبح مثال

>حبهدل جنابك واذل اللي جابك وحيكون عذابك ده فوق الاحتمال

>وامرمط سعادتك واهزأ سيادتك واخلي كرامتك في حالة هزال

>وتلبس قضيه وتصبح رزيه وباقي حياتك تعيش في انعزال

>حتقبل ححبك حترفض حلبك حتطلع حتنزل حجيبلك جمااااال

:wub:

[galaxy]

معلش يا استاذي الفاضل ...كوكومن

يمكن مش اغنيه وطنيه..........هي نهايه مسلسل..........بس حسيتها معبرة حبيتين وبتدي امل

يمكن يعني.... مع ان بجد الواحد محبط بس برضه لازم نحاول.

كل الجروح ليها دوا...يا طير يا حالم في الهوا.

..اطوي الجناح علي الجراح..اطوي الجناح علي الجراح ..واضحك......ويلا نطير سوي

انا مش هبيع الصدق بالاكاذيب...

ولا اقولش للحمل الوديع يا ديب......

ولا اقولش للديب يا اعز حبيب

والصدق مهما عز....في الازمه مش ههتز........

ساعات يكون كتم الانين........ساعات يكون كتم الانين اصدق

وانا مهما اقع راح اقوم......وانا مهما اقع راح اقوم.........ودي مسأله مبدأ

بيكدبوا الصدق اما الكدب يتصدق.....

.ياليل بكرة نلقي الفجر بيشقشق .

.انا في انتظار الصباح.....

.انا اتداويت من الجراح ........

وخلاص نسيت اللي راح ومن جديد هبدأ.

ودي مسأله مبدأ.