ماذا تفعل لو كنت وزيرا للزراعة والإعلام !!!!

[kokowawa1979]

أعتقد أن أكثر وزيرين نالا قسطا وافرا من النقد هما وزيري الزراعة والإعلام والآن تعالوا بنا نجيب على هذا السؤال :

ماذا تفعل لو كنت وزيرا للزراعة وماذا تفعل لو كنت وزيرا للإعلام وماذا تفعلين لو كنت مسئولة عن قناة دريم بدلا من المأسوف على شبابها!

وسأبدا بالإجابة عن نفسي :

أولا وزير الزراعة : قطع جميع العلاقات المشتركة مع العدو الإسرائيلي وطرد جميع من يقال عنهم أنهم خبراء وطرد جميع من يواليهم من وزارة الزراعة . كذلك الاعتماد على الشباب الذين اكتسبوا خبرة العمل في الصحراء لاستصلاح المزيد من الأراضي وعمل مجتمعات زراعية حديثة بالكامل في المناطق الجديدة بعد عمل البنية الأساسية لها وتمليك الأراضي بسعر التكلفة والاهتمام بمراكز البحوث الزراعية والاستفادة من البحوث الخاصة بكافة المحاوخاصة الحبوب لأنها الأساس في الأمن الغذائي وإعطاء زراعة القمح الأولوية عن أي محاصيل أخرى .

بالنسبة للإعلام : إلغاء جميع القنوات الفضائية والأرضية والاكتفاء بخمس قنوات منها 2 أرضية و3 فضائية إحداها يجب أن توجه إلى أوروبا وأمريكا باللغة الإنجليزية والأسبانة والفرنسية حتى يمكننا نقل الإسلام الحقيقي وكذلك نقل الصورة البغيضة الحقيقية للإسرائيليين لأن الصوره أبلغ من ألف مقال والتركيز على موضوع اسرائيل بالذات لأن الزن في الودان أقوى من السحر

وكذلك عزل جميع قيادات الصحف اليومية واعطاء الفرصة للشباب المتحمس لبلده لتولي هذه المناصب مع التركيز على سلبيات الحكومة حتى يمكن تداركها

توجيه برامج التليفزيون لنشر الفضائل وتوفير ميزانية شهر رمضان( لإنتاج مبطلات الصوم) لاستخدامها في انتاج برامج ومسلسلات دينية توضح الإسلام الصحيح وتوجيه شباب الأمة

كذلك نشر الحقيقة كاملة واعطاء الفرصة للمعارضين لنشر برامحهم كاملة وقت الإنتخابات والظهور في مناقشات علنية مع باقي المرشحين الآخرين .

والآن الدور على كل واحد فيكم يقول اللي عنده

وأخواتنا يقلن : ماذا يفعلن لو كن مسئولات عن قناة دريم أو التليفزيون بوجه عام

[achnaton]

عن نفسى .. أول حاجة حا أعملها .. ابعت أستورد " كمامة وقاية من الغازات " وأسطوانة أكسوجين طبى .. حتى أتمكن من دخل الوزارة .. او المغارة !!!!!!!!!! وابقى أسألنى لما الجمارك تفرج عن المطلوب ..

اخناتون

[ragab2]

لو

كنت وزيرا للزراعة

اركز على استيراد المبيدات المسرطنة وأزيد كميتها

حتى أضمن كرسى الوزارة لأطول فترة ممكنة لا تقل عن عشرين عاما

[DARWEEN]

مع أحترامي الكامل لكافة الآراء المطروحه ...

لكن السيد الأستاذ الدكتور وزير الزراعه سبق وقالها ...

كلهم سكرتاريه عند الرئيس ... يعني لا حد فيهم يقدر يلغي ولايشيل ولا يحط ...

ياجماعه هذه هي الحقيقه وبلاش مغالطه

[Proud Muslim]

مع أحترامي الكامل لكافة الآراء المطروحه ...  

لكن السيد الأستاذ الدكتور وزير الزراعه سبق وقالها ...  

كلهم سكرتاريه عند الرئيس ... يعني لا حد فيهم يقدر يلغي ولايشيل ولا يحط ...  

ياجماعه هذه هي الحقيقه وبلاش مغالطه

كلام سليم .. كنت لسه هاقولها و الله .

يعني مالوش لازمة موضوع الوزير ده .. موضوع الرئيس كان ألطف . :wink:

[شيكو المصري]

حاستقيل طبعا

[ragab2]

كتب دارون

مع أحترامي الكامل لكافة الآراء المطروحه ... 

لكن السيد الأستاذ الدكتور وزير الزراعه سبق وقالها ... 

كلهم سكرتاريه عند الرئيس ... يعني لا حد فيهم يقدر يلغي ولايشيل ولا يحط ... 

ياجماعه هذه هي الحقيقه وبلاش مغالطه 

طب

ماذا تفعل لوكنت سكرتيرا للزراعة

[achnaton]

والنبى إنت عسل يا رجب ..

ما قل ودل ...

جزاك الله خيرا .. وجنبك خضار الدكنور سكرتير عام الزراعة ..

اخناتون

[1_Nadim]

لو كنت سكرتير للزراعة او الاعلام اول قرار اتخذه هو ان اسمي نفسي وزيرا في مواجهة المواطنين والعامه واظل سكرتير في مواجهة الرئيس مما يجعلني افوز بالحسنيين فكوني وزيرا يفتح ابواب مغارات كثيره ويخوف الناس مني فلا يسأل احد من اين لك هذا وكوني سكرتيرا يسمح بان اظل قابع حيث يراد لي لن اظل مع تمتعي بكل مميزات الوزير الكبير

المشكل ان كلهم الاعلام والزراعه والبتاعه يعرفون هذه القاعدة الذهبية فلا فرصة امامي الا في المنام او بعد وصول الدماء الشابه الي السلطة لانه سوف تحتاج الي وزير سكرتير او سكرتير وزير من نفس الفصيلة

مع خالص تحياتي

[DARWEEN]

طب 

ماذا تفعل لوكنت سكرتيرا للزراعة

 

 

كنت كل شويه أطلع في التلفزيون أفول بناءا على توجيهات سيادة الرئيس ... وسيادة اللي حيبقى رئيس .... وهكذا وهكذا

مع أي سؤال أقول أظن وأعتقد ولابد وحيثما ....

ومع أي تصريح أقول كل شيء تمام والأنتاج بخير والمحصول أفضل من كل سنه وأحنا أصحاب الرياده في هذا الشأن وهذا كله بفضل توجيهات سيادة الرئيس

دي شغلانه بسيطه جدا يادكتور رجب

:D :D :lol: :lol: :lol: :lol: :lol:

[kokowawa1979]

إعتبروا نفسكم مش سكرتارية للرئيس وكل واحد فيكم حر في اتخاذ القرارات

وبعدين فين الجنس اللطيف ماظهرتش له أي مداخلات !!!

[achnaton]

إعتبروا نفسكم مش سكرتارية للرئيس وكل واحد فيكم حر في اتخاذ القرارات 

وبعدين فين الجنس اللطيف ماظهرتش له أي مداخلات !!!

طب تيجى إزاى ؟؟ نحلم يعنى .. خايف ابرد فى الشتا !! 

ثم ليه الأهتمام ده كله بالجنس اللطيف .. راح يا أخى شرم يصيف وييستعد للمؤتمر .. ما بلاش نق .. وغلاسة رجالى  .. 

اخناتون المنيا الحزين المرضان  :roll:  :roll:  :roll: 

[kokowawa1979]

ثم

ليه الأهتمام ده كله بالجنس اللطيف

مالك ياعم اخناتون الؤال فيه جزء للأخوات وارجع لبداية السؤال

صدقوني أنا واخد السؤال جد علشان نعرف فكر كل واحد فينا في الوزارتين دول علشان نبقى بننقد عن أفكار!!! :wink: :?

[ragab2]

بس

بصراحة الزراعة بقت تمام التمام

والخضار والفاكهة كتير وبرخص التراب

وكمان بناكل كنتالوب شتا وصيف وسيتم الاكتفاء الذاتى من القمح

ربنا يخلى لنا سيادة معالى السكرتير

[Farida]

انتو ما دريتوش بأخر صيحات وزارة الزراعه حا يشجعوا المواطنين انهم يزرعوا فوق سطوح المنازل وواخدين قرض كبير علشان كده ..... قال المبانى ناقصه حاتبقى عايمه فى المجارى من تحت و الميه نازله على السكان من فوق .... و النبى ده كلام يعنى نبور الأرض الزراعيه و نزرع فى الصحراء و فو ق السطوح ...

أما بخصوص قناة دريم أنا فعلا مش عارفه هاله سرحان دكتورة فى ايه بالضبط لكن انا بحب القناة دى على الأقل برامجها بتجيب فيها ناس من كافه الطوائف يعنى مثلا انا ما شفتش صافيناز كاظم الا على قناة دريم و محمد حسنين هيكل و ابراهيم عيسى الا على هذه القناة .... و لما بتيجى البرامج اللى مش هى باقلب القناة ....

[ragab2]

أما بخصوص قناة دريم أنا فعلا مش عارفه هاله سرحان دكتورة فى ايه بالضبط لكن انا بحب القناة دى على الأقل برامجها بتجيب فيها ناس من كافه الطوائف يعنى مثلا انا ما شفتش صافيناز كاظم الا على قناة دريم و محمد حسنين هيكل و ابراهيم عيسى الا على هذه القناة .... و لما بتيجى البرامج اللى مش هى باقلب القناة ....

الأخت الفاضلة فريدة

هالة سرحان دكتورة فى فن الباليه وحصلت على الدكتوراه من روسيا

وأنا شخصيا من محبى مشاهدة برامجها للسبب الذى ذكرتيه وهو أنها تناقش موضوعات كثيرة مع مثقفين كثيرين

علما بأن معظم منتقديها هم أحرص الناس على تتبع برامجها

[kokowawa1979]

انتو ما دريتوش بأخر صيحات وزارة الزراعه حا يشجعوا المواطنين انهم يزرعوا فوق سطوح المنازل وواخدين قرض كبير علشان كده ..... قال المبانى ناقصه حاتبقى عايمه فى المجارى من تحت و الميه نازله على السكان من فوق .... و النبى ده كلام يعنى نبور الأرض الزراعيه و نزرع فى الصحراء و فو ق السطوح

طبعا انت معاك حق في موضوع تبوير الأرض الزراعية لكن إيه هي الحلول في نظرك يأ أخت فريدة للنهوض بالزراعة والإعلام

كدة برضة بننقد وبس :lol: :D :D :lol:

[Farida]

و الله يا أخى أول حاجه نزرع القمح علشان ما نعتمدش على حد فى لقمه عيشنا ..... و نمنع استخدام المبيدات السامه .... و نحافظ على اللى باقى من الأراضى الزراعيه و نعلن تكامل تام و تعاون زراعى مع السودان اللى الأرض فيها بكر و محتاجه ناس و احنا الناس عندنا على قفا مين يشيل

بالنسبه للإعلام ... الإهتمام بالأطفال و نمنع الكوسه فى التعيين و الأفضل هو اللى يأخد موقعه ...... نعمل برامج جاده و نستضيف ناس من كل المذاهب و الأفكار ..... ما يبقاش التليفزيون لإلهاء الناس و ملى وقت الفراغ .... وكل الجيل القديم نتخلص منه بقه كفايه عليهم كده .... المسلسلات تبقى هادفه و بتقول حاجه .... برامج الأطفال تبقى كلها زى عالم سمسم كده ..... الأخبار تجيب الحقيقه و الرأى و الرأى الأخر و تنزل للشارع و تتعقب الفاسدين ..... يعنى انا عارفه ان فيه مطاعم باعت لحوم و اسماك فاسده طب مين اللى حايقولى أساميها لو الإعلام ما قلهاش .... انت فتحت الموضوع ده ليه أنا قلبى وجعنى

[kokowawa1979]

اسماك فاسده طب مين اللى حايقولى أساميها لو الإعلام ما قلهاش .... انت فتحت الموضوع ده ليه أنا قلبى وجعنى

سلامة قلبك ياست فريدة :D

بس بصراحة كلامك في الصميم

[الفارس]

أنا لو ربنا ابتلاني وكنت سكرتير الرئيس لشئون الزراعة .. وبعد البلاوي اللي اتكشفت .. متهيألي أجدع حاجة أعملها إني أشوف أي بلد مفيش بينها وبين مصر اتفاقية تسليم مجرمين ويا فكيك على هناك .. ومن هناك بقة أقول بعلو صوتي: مش أنا السبب في السرطان اللي عند الناس .. دا الراجل اللي كنت شغال سكرتير عنده .. "صاحب مصنع المبيدات البايظة أحسن دماغكوا تروح لحد تاني ولا حاجة" ..

أما لو ابتلاني ربنا وكنت سكرتير شئون الإعلام والهشك بشك وأزهى عصور الديموقراطية .. بجد بجد كنت هفكر بعد العمر ده كله في الكرسي إني أعمل حاجة أكفر بيها عن عمايلي السودة طول عمري ..

تعمل إيه يا واد يا فارس تعمل إيه !!؟؟ .. أكتفي بقناتين أو تلاثة بالكتير مثلا .. وأوجه باقي الميزانية لإنشاء قناة عربية ناطقة بالإنجليزية على شاكلة سي ان ان ـو سي بي اس مثلا واستعين بخبرات إعلامية وإخبارية عالمية وتوجيه المحطة إلى أمريكا ,اوروبا مع عمل ما يمكن عمله لتكون محطة تلفزيونية حقيقية في عصر السماوات المفتوحة تتمتع بالمصداقية والكفاءة الإعلامية ..

خلوني أفكر ممكن أعمل إيه تاني .. !!! اللهم اجعله خير يارب