انهيار عمارة من 12 طابق فى الاسكندرية ...

[واحد تاني]

السلام عليكم ورحمة الله ...

بحسب كلام أختي الآن نقلا عن والدي انه عندما نزل لصلاة الفجر علم بانتشال سيدتين أحياء والحمدلله

ومازال البحث يسير بوتيرة غاية في التخبط والسذاجة ...

اعذروني لعدم تمكني امس من الكتابة فقد كنت في حالة يرثى لها ... تعرضت والدتي لصدمة قوية جدا عندما حاولت دخول شارعنا ظهرا لتجد الأمن يطوق المكان ويقولون لها ان برجا مكون من 14 دور (طبعا محدش كان عارف حاجة وقتها هو 12 والا 14) انهار على من فيه ... وهي تعلم ان اصغر اخوتي كان بالمنزل وقت خروجها ... فظنت انه مبنانا الذي انهار

الحمد لله رب العالمين ... وانا لله وانا اليه راجعون

[se_ Elsyed]

الفساد في المحليات وصل للرُكب

------------

كسبنا صلاة النبي

جُملة قالها نائب مجلس الشعب ورئيس ديوان رئيس الجمهورية وصاحب ممدوح إسماعيل والراجل اللي هربه من مطار القاهرة تحت سمع وبصر مصر كلها بعد ما قتل 1033 نفس برئية عمداً مع سبق الإصرار والترصد وعايش دلوقت في بلاد لاضباب يحتسي شاي الخامسة مساءص مع الغنجليش كيك هو وكل عائلته وحاطط رجل على رجل بعد ما طلعت له سبوبة بملايين من وراء التعويضات ..... إنه السيد ا / زكريا عزمي

look , who's talking

طب وبعد ما قال كده من سنتين تلاتة في مجلس الشعب ... طب وإيه اللي حصل من بعدها ؟

المحليات في كل مصر أصبحت أسرع طريقة للثراء .... سبوبة يعني ولا تجارة الهيروين .... واللي بيتعامل مع موظفي ومهندسي الأحياء هايعرف إن الفساد مش للرُكب وبس ..

ما هو لو للرُكب كان الواحد شمر بنطلونه وعرف يمشي ورُكبه بس اللي هاتتبل ...

إنما الفساد وصل للأنوف ... يعني تصور حضرتك ماشي في شارع المجاري ضاربه فيه وواصله لمناخيرك

سبق وأن تحدثنا بالذات عن إسكندرية بالذات ودقينا نواقيس الخطر ... ولكن لا من مجيب

وقلنا يا ناس ياهو المحجوب فاتحها عالبحري وكل اللي عايز حاجه بيعملها .. طالما بيدفع

لم أرى في العالم كله شوارع عرضها متر ونصف وجميع المباني اللي فيها لا تقل عن 14 دور ومنظرها من بره واكله رطوبة البحر والحديد المُسلح باين من تحت الخرسانة .. مع إن من المعروف إن المباني اللي قريبة من البحر أو في منطقة بها نسبة رطوبة عالية لازم تكون معزولة على الأقل من الواجهة الخارجية بدهانات ضد الرطوبة ....

وإيه المساحات الصغيرة دي اللي طالعة كل الإرتفاع ده ؟

إنتوا عارفين إن المبنى اللي عمره 15 أو 25 سنة يعتبر لسه جديد بشوكة ؟

أومال لو نشوف المباني اللي في وسط البلد او اللي في منطقة روكسي .. وتعتبر لها مئات السنين ومع ذلك ما فيش طوبة إتحركت من مكانها حتى مع حدوث الزلزال ... نقول إيه ؟

اتحدى وجود هيئة مقاييس معينة يكون لديها إشتراطات للبناء في مصر ...

لكن اللي موجود هو مبدأ " إبرز ............ تنجز "

المضحك إن سيادة اللواء الوزير المحافظ عادل لبيب محافظ إسكندرية صرح بالأمس إنه تم تشكيل لجنة سريعة لحصر جميع مباني الإسكندرية عشان يشوفوا مترخصة ولا لأ ومحتاجة تنكيس وترميم ولا لأ ..... وزغرطي يا أم أبراهيم .... عارفين أعضاء اللجنة دول ... خلاص عدوا كده مرحلة الفقر وبقوا مليونيرات من كم الشاوي اللي هايجمعوها من الناس أصحاب العماير ...

وأقطع دراعي إن ما كان الكلام ده كالمعتاد من عينة الأبئاء الحمضانة اللي علمها لهم مبارك بعد كل كارثة تحصل ... ومافيش يوم أو يومين الموضوع بينام وترجع ريما لعادتها القديمة وكمان إسبوعين تلاتة تقع عمارة تاني وكأن شيئاً لم يكن ..

بيقولك الرئيس مبارك بيتابع الموضوع بإهتمام وبيطالب بتوفير أقصى رعاية للناجين ..

أقسم بالله العظيم إن النهاردة الصبح قبل ماا أشرب القهوة قرأت العنوان كالتالي " الرئيس مبارك يأمر بتوقيع أقصى عقوبة على المتسببين "

وقلت لأ .. أنا مش مصدقك يا بؤي ولا مصدقك يا عنيه ... معقولة الرئيس مبارك فاق من الغيبوبة بعد 80 سنة وبيحارب الفساد ..... طب تيجي إزاي ؟

ما هو لو حارب الفساد يبقى أول رؤوس هاتطير هي الرؤوس اللي حواليه وبالتالي هايقف في الساحة لوحده والناس هاتستفرد بيه ...

عزائنا الخالص لكل الضحايا وكل الأمنيات الطيبة بالشفاء العاجل للمصابين

وإلى اللقاء في كارثة أخرى ؟

بالمناسبة قبل ما أمشي هو وقوع عمارة ووفاة 10 أو 15 تفرق إيه عن حادثة طريق إمبارح حصلت عند طريق المحلة - طنطا ومات فيها 11 أو المعدية اللي غرقت في المنيا أول يوم العيد وراح ضحيتها 17 مع إن نفس المنطقة غرق فيها كذا واحد في العيد الصغير اللي لسه من كام إسبوع والسيد اللواء الحافظ بتاع المنيا .. لواء برضوا على فكرة بيقول هانعمل إيه ؟ .. مش قادرين نبني كباري لإن الكوبري بيتكلف مش أقل من 200 مليون ... يبقى خلينا نخلص على بتوع المنيا واحد ورا التاني عشان الحمولة تبقى خفيفة على الكوبري ...

عارفين بيفكروا يبنوا كباري في المناي.. بأقول بيفكروا ... كل كوبري على بعد 50 كيلو ... آه والله ... يعني عايز تعدي الناحية التانية يبقى هانعذب اللي جابوك وتسافر 50 كيلو وتبقى تخطط قبلها بأيام بقى عشان توصل ...

حقاً إنه عصر مبارك الشهير بعصر الكوارث ..

كوارث بريه بحرية جوية عقارية أسفلتية .... الراجل مش حارمنا من حاجه بصراحة ... وهانت كلها كام نفر ويقدر يموت وهو مستريح وهو مخلص على الشعب المصري ولا هتلر في زمانه ...

[واحد تاني]

والله ياناش الخبر بيقول ان العمارة فى شارع بن خلقان ...(( واختى قالت لى انها فى شارع سرهنك )) ..

اصلى معرفش الاسماء الجديدة للشوارع ..

العمارة يافندم في شارع بن خلكان ... (المتفرع من سرهنك)

وللعجب ... هو الشارع الموازي لشارع فيلا مدير الأمن ...

[Alex Lover]

لا حول ولا قوة الا بالله العلي العظيم ...

لا حول ولا قوة الا بالله العلي العظيم

على قد حبي ليكي يا مصر على قد قرفي دلوقتي

طيب نعمل ايه بس

حتى اللي في حالهم مسلموش

ذنبهم ايه .. لا حول ولا قوة الا بالله ذنبهم ايه الاطفال والامهات واللي طلعوا احياء ياريتهم ماتوا وارتاحوا من حزنهم الجاي اللمزوج بالصدمه والحزن وصوت استغاثه اولادهم وجيرانهم

الله اكبر الله اكبر الله اكبر

الرحمة من عندك يارب

انت بس اللي رحيم ارحمهم

انا قلبي بيتقطع

انا سمعت الخبر امبارح وكنت فاكره انه خالي من السكان

النهاردة بس دب في قلبي نااااااااااااااااااااااار ياناس ناااااااااااااااااااااااار والله

ارحمهم يارب

[ahmedarab]

إنا لله وإنا الية راجعـــون

حسبي الله ونعم الوكيل

حسبي الله ونعم الوكيل

حسبي الله ونعم الوكيل

ربنا يرحم الاموات ويصبر اهلهم

ويعوض كل اللى خسروا سواء فلوس او عقار او ارواح

اللهم انتقم لكل واحد فقد شىء او شخص عزيز علية من اللى كان وهايكون السبب فى المهازل دى .

[Salwa]

صباح الخير..

ماهو لازم نقول صباح الخير ...يمكن داخل كل السواد اللى موجود نلاقى نقطة ضوء واحدة وتكون فاتحة خير ...

اخى / واحد تانى ..

علمت فعلا بالامس مساء ( من اختى ) ان هذا الشارع متفرع من سرهنك .

.( بين سرهنك وهدى شعراوى تقريبا امام مول الوطنية )..

بيتى القديم فى نفس المنطقة فى شارع ابو قير ..

بالنسبة لكلام سى السيد ..وكلام الفاضل / محمد ...والاخوة الافاضل بخصوص تعلية المبانى ...!!

لنا بيت ( ممكن نقول فيللا وممكن نقول بيت ...ماهو كل شئ اتغير اسمه ) ...على البحر مباشرة ..

دورين ...

ايه اللى حصل ؟؟

تم الاستعداد لبناء عمارة بجانبه ..

للأسف ( فوجئ اخوتى بمن يتصل بهم ويحذرهم )...

الجزء الخلفى كله به شروخ ...!!

تم هدم السور ..( سور بيتنا ...).

تمت سرقة البيت (( اقصد اغلب محتوياته ..!!))...اكثر من مرة .

تم عمل محضر .....

هم لهم (( ضهر )) ...واحنا لنا (( ضهر )) ..ولن اقول فى موقف مثل هذا لانستطيع فعل شئ ...؟؟

لكن فيه فرق ...(( لما يبقى لك (( ضهر شريف يقف جنبك )) ..

وهم لهم (( ضهر ملتوى يقف جنبهم )) ..

ومأخدناش لاحق ولا باطل ....(( قصدى اخوتى ...انا بعيد ..))

وآهى بلدنا ..

كله بالقوة كله ماشى بالقوة عندنا فى بلادنا .....اقصد دلوقت ب..(( ابجنى تجدنى ))...و..(( اذا اردت ان تنجز فعليك بالونجز )) ....و......... اقصد كله يكفى على الحق ماجور ...

وبس تسمع ..(( دول كرشهم واسع ومحدش بيشبع )) ..

وتسمع ارقام سرقات رهيبة ..ورشاوى ..ومصايب...

والشريف ملهوش مكان وملهوش حق ...ولا من حقه يطالب بأى حق وكله ...بيتساوى ..

وتشوف ان مفيش حاكم ....فعلا مفيش حاكم ...فى اى موقع ..

وتتساءل ؟؟ اشمعنى اسكندرية ؟؟ اشمعنى دول اللى سأل عليهم الريس ؟؟

نقولك ليه ؟؟

اسكندرية دايما كانت الشوكة اللى فى زورهم ..

اسكندرية دايما على استعداد لتوجيه اى ثورة ....(( حقيقى ))...اوعوا تنسوا احداث كلية الهندسة فى الماضى ..(( قصدى دائما )) ..

قبل مقتل السادات .............(( اغلب شباب اسكندرية كان عنده علم انه حايتقتل ...!!))

احتمال كان الاول سهل احتواؤهم لانهم كانوا قلة ...لكن دلوقت اصبحوا اربعة مليون ..(( اعتقد )) ..

لكن ؟؟

خلاص..

الاسكندرانية دلوقت مايعرفوش يخوفوا حد ....(( بعد تقليم اظافرهم )) ...!!!

خلاص...

ميقدروش يعملوا اى ثورة ....

خلاص...

بقوا كلهم على بعضهم حريم ورجال .....فى ايدهم مناديل يجففوا بيها دموعهم ...

شكرا ياريس..

اطمئن ياريس...

ياريت تغير نوع ..(( القطرة اللى بتحطها فى عيونك )) ..

يمكن ؟؟

تقدر تفتحهم بلا صعوبة ...وتشوف ان القعدة طولت قوى وتستأذن بقى ...

وتاخد ولادك معاك...

وتاخد الباب وراك ....

والقلب داعى لك ....

المرة دى مش اسكندرية بس...لالالالا..

دى مصر كلها بتغلى ...

اى والله بتغلى ....

ربنا يحسن ختامنا جميعا ...

[vipwithyou]

انا لله وانا اليه راجعون ولا حول ولا قوة الا بالله العلى العظيم

وحسبى الله ونعم الوكيل فى كل من تسبب فى ذلك

[واحد تاني]

أخبرني أخي الصغير بالأمس أن أحد الجيران وهو موجود تحت الركام (أدعو الله أن يكون مازال حيا) قام بالاتصال من تليفونه المحمول ... وقال انه يتكلم من تحت سرير -لا أدري ان كان سقط فوقه أو اختبئ هو تحته ليحميه من الركام- ظلت فرق الانقاذ عاجزة عن انقاذه طوال يوم أمس ...

أرجو منكم الدعاء لهم جميعا بفك كربة الأحياء منهم والرحمة للمفقودين و الصبر لذويهم وأهلهم

[واحد تاني]

اخى / واحد تانى ..

علمت فعلا بالامس مساء ( من اختى ) ان هذا الشارع متفرع من سرهنك .

.( بين سرهنك وهدى شعراوى تقريبا امام مول الوطنية )..

صحيح يافندم ... هو متفرع من سرهنك (بين سرهنك والاقبال)

ربنا يحسن ختامنا جميعا ...

اللهم آمين

[Salwa]

الله ؟

يعنى العمارة بين سرهنك والاقبال ؟؟.......(( يبقى انا فهمت غلط لما قالوا لى فى منتصف سرهنك تقريبا .))

يعنى عند فيكتوريا كوليدج ؟؟...ومدرسة الاقبال ؟؟....بجانب ماكدونالدز تقريبا ؟؟

لاحول ولاقوة الا بالله ..

ياخسارتك يااسكندرية ...

ياخسارتك يااسكندرية ...

يارب يكونوا لحقوا ينقذوا الناس اللى تحت الركام ..

بيقولوا ان مفيش اى استعدادات وكل شئ ماشى ببطء رهيب ..

لاحول ولاقوة الا بالله ...

[إبن مصر]

الاخوه الافاضل .

السلام عليكم ورحمه الله وبركاته.. اتابع مع اخى ابو محمد الموضوع منذ امس ساعه بساعه وهالنى كما هاله الاخبار الكاذبه التى نشرتها الاخبار عن ضحايا الحادث الذى بينهم صديق اخى ابو محمد الصدوق والذى الى الان لم يتم العثور عليه وندعو الله جل وعلا ان يفك كربه ويرزقه الحياه ان كانت خيرا له او يحتسبه من الشهداء ان كان كتب عليه الاجل وما يلى هو من فم اخى ابو محمد ..رساله منه اليكم والى كل من له قلب يعى وضمير حى ..

الخمس اسماء التى تم ذكرها فى الاخبار كضحايا تم اسعافهم فى مكان الحادث هم عائله صديق اخى ابو محمد ولم يتم اخراجهم حتى الان؟؟؟ اللهم الا الجده فقط والتى ذكروها فى الاخبار واحدى الفتاتين متوفيين ولم يتم اسعاف اى منهم كما ادعو ومازال باقى العائله تحت الانقاض حتى هذه اللحظه.

واليوم خرجت احدى الضحايا فى العماره وهى فتاه فى سن ال25 عام حيه والحمد .. ومازال الى الان التعامل مع الموقف بشكل اقل ما يوصف به انه بدائى.

لا نتهم احد ولكن نطلب الحقيقه وعدم التدليس لان خبر انقاذ من هم مفقودون الى الان يدمر مشاعر اقربائهم ويعطيهم املا كاذبا والكذب ارضاءا لحكومه او لجريده فى مشاعر الناس جريمه اكبر من ازهاق الروح.

لذلك لن نلتفت الى ما يقولون وسنقول الحقيقه ققط.

[واحد تاني]

الله ؟

يعنى العمارة بين سرهنك والاقبال ؟؟.......(( يبقى انا فهمت غلط لما قالوا لى فى منتصف سرهنك تقريبا .))

يعنى عند فيكتوريا كوليدج ؟؟...ومدرسة الاقبال ؟؟....بجانب ماكدونالدز تقريبا ؟؟

لاحول ولاقوة الا بالله ..

ياخسارتك يااسكندرية ...

ياخسارتك يااسكندرية ...

يارب يكونوا لحقوا ينقذوا الناس اللى تحت الركام ..

بيقولوا ان مفيش اى استعدادات وكل شئ ماشى ببطء رهيب ..

لاحول ولاقوة الا بالله ...

سيدتي الفاضلة مدام/ سلوى ...

حتى لا نثير الذعر لاخواننا ممن لهم قريب او صديق بجوار ماكدونالدز أو مدرسة الاقبال ... ارفع هنا صورة الموقع المبنى

قلبي عندك أخي الفاضل أبومحمد ... والله اني أتمنى لو كنت بجواركم الآن

اللهم لا اله الا انت ... وأنت لهم ... كن معهم والطف بهم يارب العالمين

[الحاج فوزى]

يا رب ..

الرحمة للضعفاء تحت الأنقاض .. عجل بخروج أحيائهم ، وأرحم أمواتهم وكن لهم عوناً بعد أن تقطعت بهم السبل .

أيها المسئول .. الفاسد والمغمض العين عن الفاسدين .

أتعجب كيف تتجمع فيك تلك الخصال .. وأتعجب كيف تنام ..وأتعجب كيف تمد يدك إلى طعامك ..

أيها الفاسد .. ويا كل فاسد حقير ..

أن تكون حقيراً فهذا شأنك .. يحاسبك عليه المولى عز وجل ..

أن يلهمك فسادك أن تقتات على رفات الأبرياء وتسمن على دموع ذويهم .. فهذا مالا يتخيله عقل أدمى بشرى من خلق الرحمن الرحيم ..

إفسد وأفسد فى أى شىء آخر .. لكن لا تقتل طفلاً .. لا تسحق عجوز .. لا تذبح أسرة باتت أمنة فى جوف الليل

أقسم بريى أنى أكرهك وأقسم بريى لو أمامى لأرسلتك إلى مثواك الأخير حيث الجزاء من جنس العمل .

أيها المتستر على الفاسد المنتفع منه ..

دم كل هؤلاء فى رقبتك ، دعوات المساكين فى جوف الليل سيف على عنقك .. و طال سواد الليل فالصبح أتٍ .. وحسابك أت.

يا رب .. عجل بخروج أحيائهم ، وأرحم أمواتهم وكن لهم عوناً بعد أن تقطعت بهم السبل .

يا رب .. عجل بخروج أحيائهم ، وأرحم أمواتهم وكن لهم عوناً بعد أن تقطعت بهم السبل .

يا رب .. عجل بخروج أحيائهم ، وأرحم أمواتهم وكن لهم عوناً بعد أن تقطعت بهم السبل .

[Alex Lover]

يا رب ..

الرحمة للضعفاء تحت الأنقاض .. عجل بخروج أحيائهم ، وأرحم أمواتهم وكن لهم عوناً بعد أن تقطعت بهم السبل .

أيها المسئول .. الفاسد والمغمض العين عن الفاسدين .

أتعجب كيف تتجمع فيك تلك الخصال .. وأتعجب كيف تنام ..وأتعجب كيف تمد يدك إلى طعامك ..

أيها الفاسد .. ويا كل فاسد حقير ..

أن تكون حقيراً فهذا شأنك .. يحاسبك عليه المولى عز وجل ..

أن يلهمك فسادك أن تقتات على رفات الأبرياء وتسمن على دموع ذويهم .. فهذا مالا يتخيله عقل أدمى بشرى من خلق الرحمن الرحيم ..

إفسد وأفسد فى أى شىء آخر .. لكن لا تقتل طفلاً .. لا تسحق عجوز .. لا تذبح أسرة باتت أمنة فى جوف الليل

أقسم بريى أنى أكرهك وأقسم بريى لو أمامى لأرسلتك إلى مسواك الأخير حيث الجزاء من جنس العمل .

أيها المتستر على الفاسد المنتفع منه ..

دم كل هؤلاء فى رقبتك ، دعوات المساكين فى جوف الليل سيف على عنقك .. و طال سواد الليل فالصبح أتٍ .. وحسابك أت.

يا رب .. عجل بخروج أحيائهم ، وأرحم أمواتهم وكن لهم عوناً بعد أن تقطعت بهم السبل .

يا رب .. عجل بخروج أحيائهم ، وأرحم أمواتهم وكن لهم عوناً بعد أن تقطعت بهم السبل .

يا رب .. عجل بخروج أحيائهم ، وأرحم أمواتهم وكن لهم عوناً بعد أن تقطعت بهم السبل .

حسين اثر فيا كلامك بشدة وحطم اعصابي

هل سيشعر هذا الحقير وسيفهم ما تقوله

اعتقد لا وسيكمل نومه في ثبات عميق

امير المؤمنين كان يحرص ان لا يدخل النار بسبب حيوان صغير لا حول له ولا قوه

فمبالك بهذا الوالي .. سحقا له ولأمثاله

[ahmedarab]

عزيزى هاش

لقد اثر في كلامك للغاية ...لقد ادميت قلبى حقا

حسبى الله ونعم الوكيل فى كل من لة يد فى انهيار تلك البناية ...

وحسبى الله ونعم الوكيل فى كل من يتسبب فى اهمالة او فسادة او جهلة فى ازهاق ارواح ابرايء

يا رب كن عونا لهم جميعاً وارفق بالاحياء تحت الانقاض

واحتسب من مات منهم من الشهداء

اميـــــــن

[تيتو]

هنعمل ايه الحوادث ورا بعضها :

حادث المترو بالقاهرة

وغرق عربية من على معدية فى المنيا

ثم انهيار عمارة الاسكندرية

والبقية تأتى .........

[Alex Lover]

اقولك البقيه ...؟؟؟؟؟؟؟؟

نجت مدينة (كوم حمادة) في مصر - البحيرة

ومبني المستشفى العام من كارثه محققه عندما انفجر خزان بنزين باحدى المحطات

والبقية تأتي

[se_ Elsyed]

أعجب خبرين قرأتهم عن الحادث :

1- إن العمارة دي صادر لها قرار تميم سنة 2002 لكن السثكان كسلوا يلموا من بعض ويرمموها ......

يا سلامممممممممممم ... وهي وظيفة الحومة إنها تصدر قرارات فقط بدون قوة جبرية لتنفيذها بدلاً من الإنتظار حتى تُزهق أرواح العشرات ؟

2- إن السكان في البنايات المجاورة رفضوا مغادرتها حسب تعليمات المسئولين خوفاً على حياتهم

يا ناس يا هوووووووووووو ... يا مثبت العقل والدين يارب ... طب يروح فين المئات من البشر يا ناس بعد ما يسيبوا بيوتهم ؟ ومين المفروض يدبر لهم البديل المناسب المؤقت ؟

[amrhoras]

يا ناس يا هوووووووووووو ... يا مثبت العقل والدين يارب ... طب يروح فين المئات من البشر يا ناس بعد ما يسيبوا بيوتهم ؟ ومين المفروض يدبر لهم البديل المناسب المؤقت ؟

ايه يا سين سين انت محتار ليه ومحير نفسك كل راع مسئول عن رعيته وبما ان الراعى الرسمي بتاعنا متبرى من المصرين لانهم خرسيس مرسيس

فكل واحد يتعامل مع نفسه وكل رب اسره ان مكنش يبقى الراس التانيه فى الاسره وهكذا هو المسؤول عن هيروحوا فين

مش هى دى السياسه المعلنه الايام دى العدو امامنا والبحر من خلفنا والله احنا شعب لينا الجنه

لا رعاية صحيه ولا خدمات عامه ولا سياسه مطبقه ولا نظام ولا امان ولا حتى امن كله همه ياكل ازاى

كل واحد على كرسي عاوز يجيب غرا ويلزق فيه

اكل ميه هوا افتصاد سياسه قانون في ايه تانى قولولى

نفسي الاقى ميزا فى الحكومه دى ده البطاطس كذا ميزا انما الحكومه دى ايه الميزا الوحيده اللى فيها

مشاريع كتييير كل يوم لابس اللى ع الحبل ويروح يشوفلى افتتاح مشروع بعدها المشروعات تفشل او تدمر فاكرين الصرف الصحى اللى كان فى الصعيد وقريه غرقت ؟

نفسي اسمع قضيه فساد حد اتسجن فيها

طول عمرى اقرا وقد هرب السيد المسؤول وزوجته واولاده ومسكنا الغفير اه والله مسكوا الغفير لانه ازاى نام وساب المسؤول يمشي

عوزين الفساد ينقشع؟

قنبله نوويه وحطوها فى قلب الحكومه تمحى اللى فات كله تمحى كل السجلات السودا ونبدأ من جديد

ايه ده ياعمرو انت مجنون ؟ اصل مفيش حل

الناس نيمه ومتغطيه من السقعه والسبب الاساسي ياعم كل عيش انا غلابان وصوتى هيعمل ايه كان اللى قبلنا عملوا حاجه

اقولكم على حاجه !

اللى مات مات كبروا الجمجمه ومسا الفل والفرفشه وحتتين حشيش بكدى الحياههتكون اخر نعنشه

ماهى الحكومه عوزه كدى كبروا تعيشوا انما تصوتوا تموتوا

الله يحرق الحكومه واعوانها وكل اعوانها واللى بيساعدها

حسبي الله ونعم الوكيل ........حسبي الله ونعم الوكيل .......... حسبي الله ونعم الوكيل

[أبو محمد]

بسم الله الرحمن الرحيم

وما تدرى نفس ماذا تكسب غدا وما تدرى نفس بأى أرض تموت

صدق الله العظيم

ألإخوة الأفاضل والأخوات الفضليات :

أنا أكتب لكم الآن بعد أن عادت الكهرباء إلى العمارة التى أقطن بها على بعد 50 مترا من العمارة المنكوبة ..

شيعت عصر اليوم جنازة حماة صديقى وحفيدتها إلى مثواهما الأخير .. أسأل الله أن يسكنهما جنته فى منزلة الشهداء ، كما وعد خاتم الأنبياء ..

منذ الصباح الباكر وإلى أن فقدت تليفونى المحمول من ساعة واحدة (أمام الأنقاض للتعرف على جثة أحد الضحايا عله يكون صديقى) وأنا أستقبل تليفونات من أصدقائنا فى الإسكندرية ، القاهرة ، السويس ، بورسعيد ، دمياط ، الكويت ، الإمارات .. يحمدون الله على نجاته هو وأسرته كما نُشر على الصفحة الثالثة من جريدة الأخبار ..

كان قلبى المثقل يعتصره الألم وأنا أسمع نبرة الأمل والرجاء تتحول إلى صمت قصيرثقيل ، ثم تتحول إلى نبرة حزن وأسى يزداد معها ثقل المأساة على قلبى ...

سامحه الله ذلك الصحفى أو المراسل الذى أرسل خبرا دون التحقق منه سعيا وراء مديح الرؤساء وربما سعيا وراء مادة زائلة زوال الإنسان نفسه

أشكر أخواى الفاضلين عادل أبو زيد وأحمد محمود على اتصالهما الدائم بى .. وقد قاما بإبلاغكم ما استطعت أن أزودهما به من معلومات تحت ضغط الظروف المأساوية ...

صديقى الصدوق القديم الذى امتدت صداقتى به لمدة 44 عاما منذ أن كنا فى نفس ال Section فى إعدادى هندسة ، لا أدرى عنه شيئا إلى هذه اللحظة وبعدأكثر من 36 ساعة من انهيار العمارة ..

زوجته المهندسة وابنته المهندسة التى تبلغ من العمر 24 عاما واللتان لا أذكرهما إلا بوجهيهما الطيب الملامح المبتسم دائما ، ما زالتا معه تحت الأنقاض ..

رأيت العجب منذ العاشرة والنصف من صباح الأمس

محافظ يمسك بالمحمول بعد نصف ساعة من انهيار العمارة ويطلب ممن يحادثه الاتصال بالقوات المسلحة للمعاونة

لواءات شرطة يصدرون أوامر مظهرية فى جميع الاتجاهات .. أحدهم كان يضع بنفسه المخروطات البلاستيكية بجوار الرصيف ليمنع وقوف العربات .. قال لى صديقى الذى كان بجانبى : "هذا هو مستواه .. يادوب عليه كدا"

حفار ضخم على جنزير يسير بسرعة السلحفاة .. وصل بعد ثلاث ساعات .. استغرق دخوله من شارع سيرهنك إلى شارع ابن خلكان الضيق حوالى نصف ساعة

عربات الشرطة ولورياتها تسد الطرق أمام عربات الإسعاف

ذهبت من شارع سيرهنك إلى شارع أبوهيف الموازى له (شارع ابن خلكان الضيق يصل بين الشارعين) فى محاولة لأرى الجانب الآخر .. رأيت الماء يتدفق من شارع ابن خلكان إلى شارع ابو هيف .. عمال شركة المياه يكسرون الأسفلت .. عدت إلى شارع سيهنك لأجد الحفار على ناصية سيرهنك / ابن خلكان يكسر الأسفلت .. خمنت أنهم يبحثون محبس المياه

الكهرباء مقطوعة عن عمارتنا منذ الصباح إلى الحادية عشر مساء وبالتالى المياه .. أتصل بشركة الكهرباء .. يقولون لى عندهم تعليمات بذلك وحتى إزالة الأنقاض ..

الكهرباء والمياه مقطوعة حتى الثانية بعد ظهر اليوم .. لابد من نزولى أنا وزوجتى لتشييع الجنازة .. نعود فى المساء لنجد الكهرباء والمياه قد عادتا

أسأل عن ابن صديقى الذى لم أشاهده فى الجنازة .. أعلم أنه لم يغادر موقع الأنقاض منذ أن وصل مساء أمس .. أذهب إليه .. أجده فى حالة يرثى لها .. بعد أخذ ورد لمدة ساعة .. أنجح فى انتشاله إلى منزلى .. أقنعه بأخذ قسط من الراحة .. هو الآن نائم صاحى .. أو صاحى غائب عن الوعى

سأعود ثانية إليكم .. إبنى اتصل بى من موقع الأنقاض .. الماكينات توقفت .. يبدو أنهم وجدوا شيئا .. سأنزل لأستطلع الأمر