معتز الدمرداش

[إيزيس]

يا جماعة حد يقوللي رأيه في برنامج 90 دقيقة يوم الإثنين كان منتهى التخلف والاستهانة و غلبوا هالة سرحان في الوقاحة عرضوا فيديو لفتاة تضرب وتخلع ملابسها من مدونة وائل عباس الصورة في المدونة ثابتة لأنها غير مناسبة أبداً لكن البرنامج المحترم عرضها متحركة أكثر من 4 مرات وينوه عنها معتز بكل بلاهة أكثر من 7 مرات وكأنه سبق عيب والله .وطبعا مارس المذيع غباءه غير العادي مع وائل عباس أصلا أنا لا مع ولا ضد وائل لكن واضح إنه كان هيطق من غباء معتز و كمان من بعض الاتصالات التي تنادي أن ارحموا الشرطة الغلابة يعني ده منطق؟؟؟المفروض الناس تتعذب وترحم ؟؟؟؟ رد وائل منطقي جدا إنه سواء ده ظابط أو لأ لازم يدان لكن تحول الموضوع من طرف معتز إنه لازم ما يقولش ظابط و كان هدف الموضوع كله واضح مجرد عرض الفيديو مع إن البرنامج المنافس العاشرة مساء بيعرض حلقات معادة لكن أحسن ألف مرة منى الشاذلي واحدة تستمتع بسؤالها وطريقة حوارها وذكائها والتاني العكس على طول الخط حتى في حلقة مرتضى منصور ماسمعناش سؤال واحد عدل مرتضى قال اللي عاوز يقوله مش إجابات ولا حوارات ومعتز كان قمة في قلة الذوق معاة فعلاً أغبى مذيع بلا منافس.

أنا من إمبارح بأغلي ويا ريت تقولوا رأيكم

[se_ Elsyed]

إذاعة مثل هذا الكليب أكثر من مرة خلال ثواني معدودة في برنامج جماهيري على الهواء مباشرةً مع كم من التعليقات السخيفة من المذيع سواءً كان هذا الكليب حقيقي أو ملفق أو بلى أزرق هو قمة الإستهانة بمشاعر وعقول المشاهدين ... وشيء في منتهى القذارة

دي أعراض ناس واكبر حرام إن يحصل كده

حتى لو أنتشر هذا الكليب بين فئة معينة عن طريق المحمول وحتى لو وُجد على النت فمازال متلقيه معدودين

اما إذاعته بهذه الطريقة الفجة فهو سبه في جبين الإعلام وكان من الممكن توصيل نفس الرسالة بالتعليق الشفوي فقط .

اما عن معتز الدمدراش .. فكان مذيعاً أكثر وقاراً في قناة الإم بي سي ... ثم بدأ في التهويه حين أنتقل لقناة دُبي ثم هيس على الأخر عندما انضم لبرنامج 90 دقيقة بقناة المحور... وعايش في دور مذيع على قهوة بلدي لدرجة إن من كثرة تعليقاته وسخافاته البنت المحترمة مي الشربني سابتها له مخضرة ومشيت .

[se_ Elsyed]

بالمناسبة

الولد وائل عباس بتاع المُدونة اللي أثارت هذه القضية ... لم يشأ أن يذيع الفيديو صوت وصورة لإن في إنسانة سواء كانت بريئة أو متهمة بتُجبر عل خلع ملابسها .. وأذاع على الإنترنت فقط الصوت لكن معتز بيه حب يعمل لنا سبق صحفي وأذاعها على الملأ صوت وصورة بمنتهى الفجاجة اللي في الدنيا .

[إيزيس]

إمبارح كنت أتمنى حد يتصل يهزأ البرنامج و المذيع لكن للأسف ماحصلش وقال إيه اللقطة فيها ألفاظ مش ممكن أقولها ع الهوا يا راجل!!!!!!!!!!!!!!!!!!!!!!!!!!! ويا سلام لما يسمع الكلمتين إياهم أنا لازم أكون محايد وما تتكلمش عن طرف غير موجود و في حلقة مرتضى منصور يستفز الراجل وهو أصلا مستفز جاهز بعدين يقولله لا لا نلتزم بالحوار والدربندح

ولما استضاف ابراهيم سعيد ومراته واتصالحوا يا ولاد وكلام عبيط وبعد كام شهر كلمهم ع التليفون عشان نعرف مين سرق العشرة جنيه من تحت المخدة ومين كسرالعربية اللي ماكانتش تحلم تمشي جنبها وكلام فارغ مالناش فيه وقلة أدب بين اتنين عيال ومحدثين نعمة وتافهين وطبعا ناس مش تعبانة في الفلوس ساب لها فيللا وسرقت منه ربع مليون ومالنا احنا و مال الكلام ده دي قضية تهمنا ويطول بأسئلة بايخة و تفاصيل تافهة زية

كل يوم معتز يرسخ غباؤه بشكل غيرعادي ولما تسأل عن رواتبهم تذبهل تخيلوا ده راتبه أكتر من 60000 جنيه ليه ماعرفش

[إيزيس]

رغم إن مي دمها مش خفيف لكن كانت بتوزن البرنامج شوية وتقلل من الهبل ده وللحق كانت ذكية في كلامها لكن أنا منى الشاذلي بالنسبة الأولى و للأسف قناة المحور خسرت مذيعين لن تعوضهم وهم في تليفزيون الشارقة حاليا محمد خالد و أيمن عزام الاتنين أخلاق وعلم ولغة وثقافة يعني ولا أروع الله يبارك فيهم و يوفقهم

[التونسى]

وكانك اخى الكريم تتحدث بلسان حالى ... فانا اتابعه مرغما لاهتمامى بالاحداث الجاريه بمصر وانا فى الغربه ....وقد ضجرت حقيقة .. وفقئت مراراتى العده ...بفعل ذاك المذيع الفاشل بدرجه ساحقه خاصة فى برامج اللايف والتوك شو .. وهو اخره نشرة الاخبار او قراءة التحليلات السياسيه ...المدعو معتز . مذيع جامد الوجه ... ثقيل الظل .. ممجوج الطلعه ..غث ..وبما انه ابن عائله فنيه (نور الدمرداش وماما نونا) وبما انه خاض تجربة التمثيل قبل ذلك ....فانا ارشحه بجداره للقيام بدور الرئيس مبارك فى اى عمل فنى .. وارشحه مقدما للحصول على الاوسكار المصريه عن دوره هذا :waf: .. الذى اوكد انه لن يبذل مجهود ...فى تقمصه واداءه ,,,وبطبيعيه مطلقه ... واللبيب بالاشارة يفهم!!!! :D

تم تعديل 25 ديسمبر 2007 بواسطة التونسى

[الحازم حسن]

رأي آخر ....

أعتقد اننا المفروض نشوف الحقيقة زي ما هيه من غير أي تحريف لعل وعسى المناظر المفجعة اللي بنشوفها في مدونة وائل عباس تحرك ضمير المسئولين والناس شوية.

بعد نشر الكليب بمنتهى البساطة دلوقتي حيتعرف مين اللي عمل كده لان مصر كلها شافته وده كمان حيكون رداع لغيره من انه يكرر نفس الأفعال المقززة وفيما يتعلق بالبنت اللي ظهرت فسواء كانت تمتهن الدعارة فدي نتيجة طبيعية لآخرة الطريق ده ولو كانت بنت شريفة تم اجبارها على اللي حصل يبقى هيه ملهاش ذنب ليه المجتمع يدبحها ازي كانت مجبرة

لابد من تكرار عرض هذه المشاهد الرهيبة وتسخين الرأي العام حتى تتراجع وزارة الداخلية المصرية عن سياسات التعذيب المنهجي

[إيزيس]

وصلت الإشارة و معاك حق فعلاً كأنك قرأت أفكاري أنا قلت الكلام ده الأسبوع اللي فات لما كان معتز بيستخف دمه بنفس الطريقة ---------------------------- معايا حضرتك طبعاً

تم تعديل 25 ديسمبر 2007 بواسطة قرنفل

[mohmaher]

أتفق مع كل من قال أن معتز لا يتسم بذكاء المذيع و لا يملك أدنى درجات سرعة البديهة وخفة الظل ..

وأستنكر كما استنكر الأخ سي السيد اذاعة الكليب ...

اما عن وائل عباس ده ... انا بدخل ساعات كتير على مدونته .. بس نفسي أعرف هو تبع مين .. وعايز ايه و مين وراه !!! فعلا مثير للجدل

[عصام أبوالفتح]

انا اللى فرسنى من معتز انه لم يذع الملف الساخن جدا لمدونة الوعى الخاص بالعادلى وضباطة ومسك فى كليب البت دى وذاع الكليب اربع مرات بكل سذاجة ... والانكى انه يستنكر على وائل عباس ان يقول ضابط فى العنوان بتاع الكليب

الصراحة ملف العادلى كان اسخن يا معتز ووائل عباس مخفش من نشر كل الكليبات اللى فى الموقع ده ولكن مراعاة للناس وشعورهم نشر صورة ثابتة وصوت ... انما سلوكك الانتهزاى الاعلامى البروفيشونال يأبى الا يفوت الفرصة لاذاعة الكليب

مدونة الوعى المصرى

http://misrdigital.blogspirit.com/

الراجل علق تعليق طريف على المدونة .. بيقول

مدونة الوعي المصري - على مزاج صاحبها اللي مش بيشتغل عند حد

المهم انتم ايه رأيكم ومين اللي لبس الكمين؟ لول 1 day ago

وناس كتيرة بتقول لي ما ضربتش معتز ليه وسبت البرنامج؟ 1 day ago

وليه كل الناس بتقول المكالمات في البرنامج متفبركة؟ 1 day ago

هو ليه كل الناس بتقول معتز الدمرداش كان عاوز يلبسني الليله هاهاها 1 day ago

[فولان بن علان]

معتز مذيع محترف عنده جرأة في الحوار مع المسئولين

وكثيرا ما يحرجهم

له حلقات أقل مستوى

لكن عموما برنامجه إضافة جيدة يمكنك أن تتابع من خلاله ما يحدث في مصر

[التونسى]

معتز مذيع محترف عنده جرأة في الحوار مع المسئولين

وكثيرا ما يحرجهم

له حلقات أقل مستوى

لكن عموما برنامجه إضافة جيدة يمكنك أن تتابع من خلاله ما يحدث في مصر

قد يكون مذيعا محترفا كاقارئ نشره او تحليل سياسى لكن كمحاور بصراحه لم ياتى بما يبرهن ذلك من وجهة نظرى مع احترامى لوجهة نظرك :lol:

ينتابنى شعور غريب كلما شاهدت له حوارات مع مسئولين او حتى اشخاص عاديين .. خاصة فى الموضوعات الحساسه ..وهذا الشعور ان قناة المحور ليست قناة مستقله وانما هى بوق ضمن جوقة اجهزة الدوله الاعلاميه الرسميه ..هو يصبغ عليها ذلك بعض الاحيان .. وكانه لايستطيع ان ينسى انه ابن التليفزيون الحكومى .. واحيانا اخرى اشعر ان معتز يعمل مندوب او شيئا اخر لجهه امنيه مصريه ... ويظهر ذلك بوضوح عند تحدثه الى اى مسئول امنى

وشكرا

تم تعديل 25 ديسمبر 2007 بواسطة التونسى

[se_ Elsyed]

ينتابنى شعور غريب كلما شاهدت له حوارات مع مسئولين او حتى اشخاص عاديين .. خاصة فى الموضوعات الحساسه ..وهذا الشعور ان قناة المحور ليست قناة مستقله وانما هى بوق ضمن جوقة اجهزة الدوله الاعلاميه الرسميه ..هو يصبغ عليها ذلك بعض الاحيان .. وكانه لايستطيع ان ينسى انه ابن التليفزيون الحكومى .. واحيانا اخرى اشعر ان معتز يعمل مندوب او شيئا اخر لجهه امنيه مصريه ... ويظهر ذلك بوضوح عند تحدثه الى اى مسئول امنى

ظنك في محله يا عم بيرم يا تونسي

فالأخ حسن راتب مالك قناة المحور من الأشخاص المقربين من الحكومة ولتفرع وتعدد مشاريعه في مصر فلابد له من كسب ود الحكومة وخصوصاً مبارك

بالمناسبة لو شاهدت حملة الرئيس في الإنتخابات الأخيرة بتاعت الفكر الجديد ... وكذلك حملة الحزب الوطني في الإنتخابات البرلمانية هاتلاقي غن قناة المحور هي أكثر قناة خصصت أوقات مقتطعة على حساب برامجها للتطبيل والتهليل للريس ورجالته تحت شعار .. إن دي دعاية مدفوعة الأجر وغحنا قناة خاصة بتعيش على الدعاية .. وأقطع دراعي من لغلوغه إذا كان الريس طلع فلس من جيبه ودفعه لحسن راتب مقابل ذلك ... ولكن دي كانت رشه جريئة من الحاج صاحب القناة تقرباً وتبركاً وتمسحاً في السُلطة عشان ترضى عنه ...

[إيزيس]

حلقات معتز الأخيرة

كارثة

الحلقة اللي كانت عن الأخين اللي اتنيلوا و تزوجوا واحدة

و الحلقة مع المحامية منى ذو الفقار

أسئلة بلهاء بلهاء و كلام غير لائق

و أحلى حاجة الضيف اللي هزأه على التليفون و هو بيقولة

يا راجل..........زي العادة

ومش عارفة حنفية المذيعات اللي اتفتحت في البرنامج كأن الهدف بس إنه يبدأ قبل العاشرة مساء و ينتهي بعده فقط

[Sherief AbdelWahab]

لا تنسوا أن وجود اسم "حسن راتب" على قائمة المتورطين في لائحة اتهام "الأسمنت" التي أعدتها الحكومة فتحت صدر رجل الأعمال الكبير الذي حول قناته من قناة مطبطبة ومدلعة للحزبوطني إلى اتخاذ مواقف "عنيفة" ضد الحكومة..

"معتز" يحاول بشراسة تقليد "عمرو أديب".. ولا يساعده الحضور ولا مستوى خفة الدم.. ويحسب له أنه رغم محاولاته لسرقة الكاميرا ممن حوله أنه يترك مساحة لمن معه للظهور ، وهي ميزة يشترك فيها "أديب" ويفتقد إليها بشدة - آخرون!

أما عن المذيعتين ، الأولى هي "منى شكر" وهي مراسلة سابقة لتليفزيون الكويت في القاهرة وعملت لفترة محدودة كمذيعة نشرة إخبارية بالتليفزيون المحلي ، أما "ريهام الساهلي" فهي مذيعة سابقة بالنايل تي في.. وكلاهما يدخل تجربة التوك شو لأول مرة..

بي اس: رأيي في منى الشاذلي معروف للجميع.. ولا أريد نقاشه..

خلص الكلام

[Ghost]

وعايش في دور مذيع على قهوة بلدي

احلى وصف في ابرد مذيع

[واثق الخطوة]

معتز الدمرداش نموذج صارخ للواسطة عندما تتدخل في العمل

أبوه مخرج راحل وأمه (ماما نونا) !!!

اعتقد أن فشله في لندن وفي برنامج ( مع معتز) في ام بي سي .. كانا رسالة واضحة له ..

لكنه يواصل العمل في نفس المجال الذي لم يحقق فيه أي نحاج إلا الظهور رغما عنا !

فؤجئت من عدة أيام في الحلقة الخاصة بمن ترفض جثة زوجها من المشرحة بسبب شكها في أن الشرطة هي التي قتلته أنه يقول للزوجه المكلومة: " وانتي بقي زعلانه ليه : علشان جوزك مات ... ولأ علشان عيالك بقو يتامي .. ولا علشان مفيش معاكي فلوس تصرفي"

الولية بصت له في استغراب شديد ... !!! وأنا بصراحة قولت بصوت مسموع كلمة مش كويسة وربنا يسامحنى بقي !!!

وكل يوم مثال صارخ

حد فيكم يعرف معتز ؟

قولوله : " كفايه .................حرام"!!

[إيزيس]

ماعرفوش

مشفتوش

بس

كفايه .................حرام"!!

[nash]

فؤجئت من عدة أيام في الحلقة الخاصة بمن ترفض جثة زوجها من المشرحة بسبب شكها في أن الشرطة هي التي قتلته أنه يقول للزوجه المكلومة: " وانتي بقي زعلانه ليه : علشان جوزك مات ... ولأ علشان عيالك بقو يتامي .. ولا علشان مفيش معاكي فلوس تصرفي"

مين اللي قال الجمله اللي فاتت دي؟؟ بسأل بجد والله ..أصلي مافهمتش

[se_ Elsyed]

معتز اليومين دول ناقص ييعلق في رقبته يافطه كاتب عليها " معتز الدمرداش ... فكر جديد "

شي مستفز وإنحياز فج للحكومة وحتى شكله كرف على " عمرو عبمسيمع اللميع " بتاع حالة حمار

وبصراحة اللي عاجبني في البرنامج هو شوية الديكورات بس .. أما الحشو فبقى زبالة