الإنتقال إلى الإصدار الجديد لبرمجيات محاورات المصريين

[كمبورا 6]

الاعزاء ادارة المحاورات ومشرفيها

الزملاء الافاضل

اسعد الله اوقاتكم

من اسبوع لم يكن فى الامكان الوصول للمحاورات الحبيبة من الاردن

حاليا الوضع طبيعيى وبما انى خبير فى كبس مفاتيح الكى بورد بس 0 احكيلكم الاعراض وانتو تعرفو المشكلة

الانتقال لكتابة الرد ده اخد وقت اكتر من السابق

باقى الامور وفى حدود استخدامى جيدة

الف شكر ليكم لاهتمامكم بتطوير المحاورات

مع الاحترام

[badroora]

الى من يهمة الامر

انا نجفة انطفت شموعى وانهمرت دموعى من كثرة معاناتى عند كل مرة محاولة الدخول للمحاورات .

حيث اننى لم يتاح لى الدخول الا من خلال بروكسي ومادراك ما بروكسى

لن يتيح لى كل الاختيارات من اضافة صور وخلافة فالخدمة بتكون محدودة جدا الا وهى الكتابة فقط .

غير البطيء الشديد عن تحميل الصفحة مما يجعلنى امل بسرعه ولا استطيع تحمل بطيء التحميل .

وغير الذل لانه احيانا مش بيدخل خالص.

بليز يا جماعة رجعولنا المكان زى الاول كدا حسه انى عندى انفصال عن العالم الذي انتميت اليه وسعدت كتيرا بوجود الاخوة والاخوات فيه.

الان اعانى بغربة فظيعه والم ووحشة وحسة انى بعيدة اوى عن مصر وعن اهلى هنا.

بليز يا استاذ عادل شوفلى حل

.

حتى فى احصائية الدول اللى حضرتك جبتهم البحرين مش فيهم .

على الرغم ان عدد المصريين بالبحرين 3 مليون نسمة ومع ذلك لن يتمكن احد من الدخول !!!

والى هنا انتهت شكواى

وفى انتظار الحل

اختكم المنفية

نجفة

[رمضان]

يا شباب والله ما يصير اتصرفوا

شوفوا لنا حل

بلييييييييييييييززززززززززززز

[فولان بن علان]

أخيرا

بتفتح

والله العظيم بتفتح

يعني ما طلعتش مؤامرة ولا حاجة

وحشتني المحاورات بكل أطيافها

بجد بجد محاورات المصريين حتفضل غالية عليّا

[Scorpion]

كفارة يا معلم فولان ليك وحشة والله :aslam:

اما انا يا اخواني فمشكلتي مع خيارات ملفات الأعضاء .. لما بحب اشوف مشاركات عضو او مواضيعه كنت ممكن اوصلها بسهولة من خلال ملفه الشخصي ... دلوقتي الكف ابو صباع اللي بتتحرك مع الماوس ييجي لحتة الخيارات دي و ما تشتغلش ... يبقي العيب فيا لا سمح الله ;) و الا ده بيحصل مع ناس تانية ...

[nash]

بيحصل معايا أنا كمان...

أخي الكريم أسكروبيون..حمدلله علي السلامه

لا يعمل عندي الآتي

تسجيل الخروج

إضافه رد..فوجئت اليوم بأنه لا يعمل.

البحث في المواضيع الجديده

تم تعديل 25 يناير 2008 بواسطة nash

[om marawan]

أخيرا

بتفتح

والله العظيم بتفتح

يعني ما طلعتش مؤامرة ولا حاجة

وحشتني المحاورات بكل أطيافها

بجد بجد محاورات المصريين حتفضل غالية عليّا

هههههههههههه

والله انا كمان كنت بدات أشك ان فيه مؤامرة ولا حاجة

المشكلة عندى كانت صعبة جدا والموقع ماكانش بيفتح خااااالص غير مرة فى الاسبوع بس أول تحسن يظهر عندى امبارح مساء والنهارده الموقع فتح وكمان اسرع

الله أعلم فى بكره

الاخوة الافاضل زملاء المحاورااااات وحشتووووووووونى جدا ونفسى أدخل أسلم عليكم واحد واحد

بس يارب اعرف أدخل تانى

[nash]

الاخوة الافاضل زملاء المحاورااااات وحشتووووووووونى جدا ونفسى أدخل أسلم عليكم واحد واحد

بس يارب اعرف أدخل تانى

تفاءلوا بالخير... قول يارب وإن شاء الله تفتح معاك علي طول ;)

طيب المشاكل اللي عندي....ياتري موجوده عندكم ولا أنا بس؟؟ :aslam:

تم تعديل 26 يناير 2008 بواسطة nash

[الحاج فوزى]

حالياً عند الدخول على أى موضوع ...

تظهر المداخلة الأولى فقط .. و تظهر الردود فى صورة وصلات أسفل الصفحة

بصرحة سخيفة جداً .. يعنى علشان أتابع موضوع من 10 ردود ، لازم أنزل وأطلع وأدوس على اللينك 10 مرات !!!

هل هناك إعدادات شخصية لتغير تلك الخاصية ؟! وإن لم يكن ، هل هناك غيرى متضرر منها ؟

[أسد]

اليوم دخلت للمحاورات عدة مرات

بسهولة ويسر ..

أتمنى أن تكون قد حلت المشكلة بشكل نهائي

[رمضان]

حاليا المنتدى معايا زي الفل ومفيش اي مشاكل نهائي

وفقكم الله جميعا الى الخير

[فولان بن علان]

كفارة يا معلم فولان ليك وحشة والله

اما انا يا اخواني فمشكلتي مع خيارات ملفات الأعضاء .. لما بحب اشوف مشاركات عضو او مواضيعه كنت ممكن اوصلها بسهولة من خلال ملفه الشخصي ... دلوقتي الكف ابو صباع اللي بتتحرك مع الماوس ييجي لحتة الخيارات دي و ما تشتغلش ... يبقي العيب فيا لا سمح الله :rolleyes: و الا ده بيحصل مع ناس تانية ...

طلتك دايما ثرية يا سكوب

وأنت واحشنا أكتر

وأنت عارف دايما إن الإصلاح والتطوير له ضحايا

ويارب ما نكونش من الضحايا

البرمجيات الجديدة بتتحسن لكن لسه بتسخن

فرصة طيبة للتواصل معك

لك شكر خاص

[om marawan]

الاخوة الافاضل زملاء المحاورااااات وحشتووووووووونى جدا ونفسى أدخل أسلم عليكم واحد واحد

بس يارب اعرف أدخل تانى

تفاءلوا بالخير... قول يارب وإن شاء الله تفتح معاك علي طول :rolleyes:

طيب المشاكل اللي عندي....ياتري موجوده عندكم ولا أنا بس؟؟

والله الحمد لله معاكى حق يا اخت ناش المحاورات احسن كتي ويارب دايما

وحمدلله على السلامة

أما بخصوص الشاك اللى حضرتك ذكرتيها فالحمد لله لا أعانى منها بس يمكن لأنى باكتب من الكويت يعنى يمكن حسب المكان

كانت مشكلتى ان الموقع مش بيفتح والحمد لله اتحلت

شكرى للقائمين على الموقع على مجهودهم الفترة اللى فاتت فى الرد على كل ايميلاتى السابقة وى متابعة عمل الموع م كل المشاركين

وان شاء الله بالتوفيق دائما

[Scorpion]

ليه كل مرة بدخل لازم اضيف الأسم و الباسوورد مع اني بقول كل مرة تذكرني .. :lol:

[Modest]

لي ملحوظة عن مشكلة كانت موجودة قبل التطوير الأخير و مازالت .. ألا و هي:

في نافذة إضافة رد يكون التأشير آليًا على استلام إعلام بريدي للموضوع و مع ذلك لا يتم استلام الإعلام البريدي.

فقط يتم استلام الإعلام البريدي عندما نلغي التأشير و نضيف المداخلة ثم بعد ذلك نشترك في الموضوع من "خيارات".

كنت أجد هذا الموضوع غير مزعج و كنت أشترك في المواضيع التي أرغب بها سواء بعد إضافة المداخلة و حتى بدون إضافة مداخلات.

الآن قائمة الخيارات غير مفعّلة كما أوضحت بالصورة التالية

و على ذلك لا يمكن الاشتراك في أي موضوع و لا يتم استلام أي إعلام بريدي إلا فقط في الرسائل الخاصة و الرسائل العامة من الإدارة لكافة الأعضاء.

مثال على ذلك ما هو مكتوب بخيارات المشاركة الآن و أنا أكتب هذه المداخلة "أنت الآن تستلم بريد تنبهي بوجود ردود جديدة" و لكن فعلياً لا أستلم هذا البريد.

رجاءاً تفعيل قائمة "خيارات" :rolleyes:

[badroora]

ياااااااااااااااااااه الحمدلله كفارة اليوم المحاورات فتحت بدون ترانزيت

شكرا للقائمين على التعديل والتجديد

بوركتم

نجفة

[kokomen]

  الموقع بيفتح بسهولة والحمد لله

   لكن  أيقونة  مجلة المحاورات  غير  موجودة  ....؟؟

هل  تم إلغائها  ...؟؟؟  أم  أنها مختفية  فقط  ... تحت  جملة محاورات المصريين في أعلى  الصفحة جهة اليمين

 ولكم جزيل الشكر

[test user 02]

أيقونة مجلة محاورات المصريين غير موجودة الآن و جارى إعداد تغييرات فى المجلة نفسها.

تم تعديل 1 فبراير 2008 بواسطة test user 02