هل هي خزعبلات أم ماذا؟

[se_ Elsyed]

- الناس بتطول عشان الملايكة بيشدوهم من رجلهم

لأ بجد أنا موت على نفسي من الضحك لأن دى جديدة يا كليو فعلاً ، طب ويا عيني الناس القصيرين دول أيه نظامهم الملايكه نسياهم ولا أيه :twisted:

[Spider]

والله يا أخت كليو لو معلومة مسجد بن طولون صحيحة يبقى متشكرين جدا للمعلومة دى...

أتذكر مرة زرت هذا المسجد مع صديق أجنبى وفجأة قال لى أن هذه الأشكال تشبه شكل أنسان أو أطفال لا أتذكر بالضبط وكانت أجابتى له بكل بلاهة:آآآآآآآآه وكانت المرة الأولى التى ألاحظ هذا رغم أننى رأيت تلك الأشكال مرات ومرات

[Faro]

وهذه العادة متأصلة فى الأرياف وأقسم بالله أن اللى هاقولك ده حصل وهو أن أولاد خالي - من زمان الكلام ده - لم يعرفوا أساميهم الحقيقية اللى في شهادة الميلاد اللى ساعة المأذون ما كان بيكتب كتابهم .

هما كانوا أعضاء فى مجلس الشعب ولا إيه

[Spider]

مزيد من الخزعبلات :

- إلقاء اللبن أو الطعام فى التواليت يستحضر الجان

- الناس بتطول عشان الملايكة بيشدوهم من رجلهم

- خبط فردتى شبشب أو حذاء على بعض عدة مرات يجيب النحس

- صوت "شخللة" المفاتيح يجيب النحس

- فتح المقص و قفله عدة مرات يجيب النحس

- إلقاء كمية كبيرة من الملح على الأرض يجيب النحس

- لاقطة السوداء تجيب النحس

- الكلب الأسود جن متخفى

لو افتكرت حاجة تانية هابقى أقولكم... (حابس حابس...  :D  :D )

رغم أننى للمرة الأولى التى أسمع فيها بعض الخزعبلات التى تم ذكرها عاليا ألا أنى متاكد أن بعض الناس يعتقدون فيها وهذا يوضح مدى عقلية الناس لأن تلك الأشياء بالفعل تاخذ حيز كبير جدا فى حياة كثير من الناس ومن تفكيرهم بحيث تعتقد أن تلك الأشياء هى أهم ما يوجد فى تلك الحياة...

ويظهر ايضا كم التخلف الذى نعيشه لأن الناس تعتقد أن كل مصيبة تحدث يكون سببها مقص او شبشب او شىء يجلب النحس وليس الكسل مثلا وتلك مشكلة أخرى يعلق عليها الناس ما يحدث لهم...

حقيقة أننى سمعت كثير عن حكاية الشبشب المقلوب والذى رأيت كثيرا من اصدقائى يعدلون وضعه فى الشارع اذا كان مقلوبا وهذا حتى اذا كان الحذاء مهلهل أو ليس به الا قاعدته...

وايضا موضوع صب الماء الساخن فى بالوعة التواليت(وليس الحوض) ذكر أمامى لأنه كما سمعت هو مكان لسكن الجان...ولا أعرف الى الآن ما رأى الدين فى هذا أذا كان صحيحا ام أنها خزعبلات وما هو الدليل على هذا...

أيام الرسول عليه الصلاة والسلام كانوا يذهبون الى الخلاء فكيف عرفنا حكاية الماء الساخن بتاع البالوعة دى... :!: يا ريت اللى عنده معلومة ما يخبيهاش

[Faro]

هذه الخزعبلات توجد فى الكثير من دول العالم خاصة المتدينة والدول الشبه أروبية مثل أرمينيا, جورجيا, رومينيا, بلغاريا واليونان . ولاننسى حدوة الحصان على مدخل المنزل فى جميع دول العالم, وأيضا رقم 13.

[freefreer]

السلام عليكم .. موضوع ظريف حقا .. و اسمحولى ان ادلى بدلوى فيه ..

الخرزة الزرقاء الغرض منها و الله اعلم (الهاء العين الحاسدة عن النظر للشيئ الذى نخشى عليه من الحسد).. و هناك عملية تعليق (صندل قديم) لطفل فى السيارة لو على باب بيت .. و أظن ان الغرض برضة (الهاء العين بنظر غريب) أو (تشوية غير ضار ) للسيارة لكسر حدة الإعجاب .. والأعجب تعليق (تمساخ صغير محنط ) على باب البيت .. و يشبة هذا .. اطلاق اسماء سيئة على الأطفال .. شحتة - شحاته - المسكين

قيل .. عندما ترمى اكل للقطة لااااااازم تسمى (يسم الله) .. ليه ؟ .. علشان القطة بتاكل و تنكر .. ف (بسم الله ) هى اللى هاتشهدلك يوم القيامة ..

رغم انى لم ار .. موضوع تكتيف الأطفال فى السعودية .. الا انى رأيته فى الجزائر .. و التكتيف هنا .. (تكتيف) بكل ما تعنية الكلمة .. يعنى يلفوة فى القماش و يشدوا بقوة ( و ايدية فى الداخل) من الرقبة الى الرجلين .. ثم الربط فوق كل هذا .. و هذا لييكون مستقيم و صلب العود .. العجيب بقى !! ان الطفل لا يبكى ولا يتأفف من هذا الموضوع !!

و ايضا بالنسبة للبنات .. يرجعوا شعرهم للوراء .. ثم يلفوه بقماش بقوة .. حتى يصبح شعر الفتاة مدلدل وراها مثل العصا كدة .. ليه ؟ .. هذا يطول الشعر ..

و عندكم كمان (خرم) اذن العيل .. و احيانا تركيب حلق فيه .. و حكت الفنانة مريم فخر الدين ان الفنان المرحوم شكرى سرحان كان لدية ثقب كبير فى الأذن .. و احتمال ايضا انه لتشوية العيل ..

طبعا انتم فاهمين .. انه بناءا على التخلف و الجهل الصحى زمان فكان هناك نسبة وفيات عالية جدا فى الأطفال .. و هذا من اسرار كثرة الإنجاب لدى الفلاحين (لأنة مش عارف حيعيشوا ولا لأ ؟)

رمى الملح لكى نشغل العين (بمحاولة تجنبه .. ) ..

موضوع بقى (العرائس) على مسجد ابن طولون ..

القلاع الحربية لأنهم كانو يتحصنون بها زمان او تكون على مداخل المدن .. كانوا يصنعون على السور (فتحات) يستطيع الجنود من خلالها رمى السهام مثلا .. و فى نفس الوقت تقيهم مما يرميهم به الأعداء و يجعل اصابتهم اكثر صعوبة .. و يبدو ان المساجد ايضا كانت تستخدم لهذا الأمر .. فقصنعت اسوارها بهذا الشكل .. مسجد ابن طولون ينفرد بتصميم هذه الفتحات على شكل (جنود) .. (فهى جنود و ليست عرائس) .. وهى لأخافة الأعداء و الإيحاء لهم بوجود جنود يحرسون المكان .. ( كل هذه المعلومات من الذاكرة .. ولا اذكر من قالها لى ولا متى) .. يعنى مسجد ابن طولون يتميز معماريا بهذا السور .. و المئذنة الحلزونية .. التى يصل المؤذن الى قمتها .. (من الخارج) ..

و الله أعلــــــــــــــــــــــــــــــــــــــــــــــــــــــــــــم

[الطفشان]

مزيد من الخزعبلات :

- إلقاء اللبن أو الطعام فى التواليت يستحضر الجان

له سبب

منع الاطفال من اهدار الطعام

زي الاكل اللي حيجري وراك يوم القيامة كدة

- فتح المقص و قفله عدة مرات يجيب النحس

قلتها قبلك! مش مذاكرة! شوفي فوق

:D

- إلقاء كمية كبيرة من الملح على الأرض يجيب النحس

دي ما شفتهاش في مصر

بس في الغرب بيقولوها، حتى لو الملاحة اندلقت

- لاقطة السوداء تجيب النحس

في الغرب

- الكلب الأسود جن متخفى

في حديث في الموضوع دة: "الكلب الاسود شيطان"

ايضا في الغرب:

- المرور تحت سلم نقال مفتوح نحس

- الجمعة 13 نحس

- كسر المرايا نحس 7 سنين

[amir]

خلتوها خل خالص ... اشتاتا اشتوت ( مش عارف معناها )

طيب أنا مره شفت عند واحد صاحبى فى ميونيخ بومه محنطه .. و قال لى أنهم بيتفاؤلوا بيها .. عكس ما نعرفه احنا عن البومه !

:D :D :D

[ابو حلاوه]

في العديد الاخير من مجلة فوكس www.focus.it الايطالية ... كان الموضوع الاساسي عن الممنوعات ..tabù او المحرمات ... و كان بيستعرض الكثير من المرحمات او الممنوعات في مختلف ثقافات العالم المختلفه ... و كانت التعليق يقوم به اساتذة انثروبولوجيا و اقتصاد و علم نفس .. و غيرهم الموضوع اكثر من رائع ... و بيشرح ان ما فيش حاجة اعتباطا و مهما كانت الامور بتبدو غريبة و مش مفهومة للغريب عن المجتمع محل النقاش .. الا ان المسالة منطقية تماما و تعتبر حل منطقي و سهل الالتزام به لازمة حقيقية ارتبط بالمجتمع عبر تاريخه

ملحوظة

للاسف المجلة لم تضع الموضوع علي الموقع

[Spider]

 

ايضا في الغرب:

- المرور تحت سلم نقال مفتوح نحس

يا أخ طفشان دائما كده سابق

أنا داخل مخصوص علشان اضيف الحتة دى ألاقيك كاتبها قبلى

دا أسمه كلام

عموما حتى لو سلم فردة واحدة مسنود على حيطة برده يعتبروه نحس وهذا حدث معى شخصيا حينما كنت مع أحد الأصدقاء الأوروبيين فى القاهرة فى أحد شوارع عماد الدين وكان الشارع مزدحما ...وامام محل اتوا بسلم لأصلاح شىء ما وأسندوه على الحائط...وكان المكان خلف السلم ضيق وتحته واسع وقبل أن نصل الى السلم قال لى لا تعبر من تحته...وظننت انه يقول ذلك خوفا من أن يسقط علىّ شىء..

ولم آخذ بما يقول وحينما وصلنا الى السلم وأردت انا العبور من أسفله وجدته يصرخ بأسمى بصوت مرتفع كى لا أعبر من تحت السلم..

ونظرت اليه بدهشه على هذا الأصرار وعبرت من حيث أراد ثم عرفت منه أن المرور من تحت سلم يعتقدون أنه يجلب النحس...

شىء آخر لاحظته فى سلوكيات الغربيين أنه حينما يسقط منهم بعض الملح أو تسقط الملاحة ويخرج منها بعض الملح فانهم لمنع النحس يقوموا بأخذ بعض الملح ويقذفوا به وراء ظهرهم...

وحكاية أمسك الخشب أيضا منتشرة عند الغربيين

[Proud Muslim]

الخزعبلات زادت .. و أنا كنت متخيا ان في 3 أو 4 خزعبلات بالكتير !!

بس بالنسبة لموضوع الشبشب .. ده أكيد خزعبلات أنا عمري ما سمعت عنها حديث أو أثر أو قول للسلف أو للعلماء ..

لأن مقام الله أعلى بكثير من أن يكون شبشب مقلوب فيه يعني اساءة ..

و الزناة و شاربوا الخمر يجهرون بفعلهم على الله ( طبعا و ان كانوا في بير مالوش قرار ) .. و لا يسيء هذا لله في شيء ..

الله أعلى طبعا من هذه الأمور .

بس المشكلة في موضوع الحسد ده ؟؟

بصراحة كلها بدع ليس لها أي أساس من الصحة ..بل قد تكون أخطاء اعتقادية كمان .. يعني لا يقي من الحسد الا السور أو الآيات أو الأذكار المأثورة عن النبي صلى الله عليه و سلم ..

خرزة .. صدفة .. جزمة ...ملح .. ثوم .. الكلام ده كله في الهجايص .

و يمكن يكون من تلبيس ابليس ..

يعني انا أعرف لي واحد صاحبي .. بيموت من الحسد ..و يخبي كل حاجة يعملها .. و يخاف يقول هو جاب ايه أو عمل ايه أو بيقبض كام .. و حاجات كثير كده ..

و مع ذلك ..المسكين حياته مأساة بمعنى الكلمة ..كل يوم عملية و دكتور .. و لا حاجة من الحاجات اللي بيعملها نفعته !!

سبحان الله .

:?

[الطفشان]

الغربيين عندهم الخزعبلات زينا بالضبط

فهذا ليس مربوطا بمدى التخلف او التقدم للشعب ( و ان كان يزيد كلما كان المجتمع اكثر بدائية و اقل حضارة)

و من ذلك انتشار قراءة الطالع و مهنة ال Psychic الروحانيين الذين يدعون قوى روحية و نفسية خارقة منتشر بشكل رهيب

اما عن الاسلام فقد حذرنا الرسول الكريم من التطير (التشاؤم من اشياء معينة) و من التمائم (الاحجبة و الخرز الخ)

و جعل هذه الاشياء اقرب الى الشرك

فنهانا عن التعلق بغير الله في النفع و الضرر

[Cleo]

سبايدر كتب :

موضوع بقى (العرائس) على مسجد ابن طولون .. 

القلاع الحربية لأنهم كانو يتحصنون بها زمان او تكون على مداخل المدن .. كانوا يصنعون على السور (فتحات) يستطيع الجنود من خلالها رمى السهام مثلا .. و فى نفس الوقت تقيهم مما يرميهم به الأعداء و يجعل اصابتهم اكثر صعوبة .. و يبدو ان المساجد ايضا كانت تستخدم لهذا الأمر .. فقصنعت اسوارها بهذا الشكل .. مسجد ابن طولون ينفرد بتصميم هذه الفتحات على شكل (جنود) .. (فهى جنود و ليست عرائس) .. وهى لأخافة الأعداء و الإيحاء لهم بوجود جنود يحرسون المكان .. ( كل هذه المعلومات من الذاكرة .. ولا اذكر من قالها لى ولا متى) .. يعنى مسجد ابن طولون يتميز معماريا بهذا السور .. و المئذنة الحلزونية .. التى يصل المؤذن الى قمتها .. (من الخارج) .. 

لقد لفتت هذه "الأشكال الأدمية" كل المهتمين بالعمارة الإسلامية حيث أن جامع ابن طولون يكاد يكون الوحيد الذى يتفرد بها و هناك أكثر من تفسي لها... فمنها موضوع الحسد الذى أوردته لملاءمته للموضوع، و منها موضوع الجنود كما تفضل الأخ سبايدر، و منها أن هذه الأشكلا الأدمية المتلاصقة تذكرنا بالحديث الشريف "المؤمن للمؤمن كالبنيان المرصوص" و كذلك أن وضع هذه الأشكال متلاصقة قد يشبه إلى حدما وضع المصلين فى صلاة الجماعة

والله أعلم....

الطفشان كتب :

قلتها قبلك! مش مذاكرة! شوفي فوق 

أنا ملاحظة إن حضرتك و مسلمة مصرية مركزين معايا أوى النهاردة...

الله... هو الواحد مش هايعرف يسترزق فى المنتدى ده ولا إيه....!!!!!!!

:roll: :roll: :roll: :D :D :D

[الطفشان]

الطفشان كتب :

قلتها قبلك! مش مذاكرة! شوفي فوق 

أنا ملاحظة إن حضرتك و مسلمة مصرية مركزين معايا أوى النهاردة...

الله... هو الواحد مش هايعرف يسترزق فى المنتدى ده ولا إيه....!!!!!!!

:roll: :roll: :roll: :D :D :D

اشكرك يا كليو

لانك اعدتي بعض الابتسام لي في هذه الايام النكد

[Cleo]

خزعبلات تانى:

- العريس لازم ليلة دخلته يلبس الملابس الداخلية بالمقلوب و إلا يجيب النحس (يعنى تبقى الخياطة لبرة....!!!!! :D :D :D )

- اللى يتاوب من غير ما يحط إيده على بقه الشيطان يعمل فيه (.... :D :) ) .....!!!

- تسمية الأبناء الذكور بأسماء مذمومة منعا للحسد (خشية.. ملوخية.. شحات.. الغلبان.. عريان...)

- السودانيين و النوبيين يشرطوا وش المولود/ة بالموس من على الخد أو يعملوا له 111

- العروسة اللى تاكل من قعر الحلة الدنيا تمطر ليلة دخلتها

[Proud Muslim]

- اللى يتاوب من غير ما يحط إيده على بقه الشيطان يعمل فيه

يتثاءب الإنسان عادة عند إحساسه بالنعاس، فإذا تثَاءبْت أضع يدي على فمي وأقاوم التثاؤب على قدر المستطاع حتى لا يتطرق إليَّ الكسل والخمول، قال رسول الله صلى الله عليه وسلم: "التثاؤب من الشيطان، فإذا تثاءب أحدكم فليَرُدّه ما استطاع؛ فإن أحدكم إذا قال ها ضحك الشيطان".

ها = يعني الواحد يقتح بقه و يتاوب على آخره ..

http://www.islamonline.net/Arabic/ramadan/.../article8.shtml

[freefreer]

سبايدر كتب :

سبايدر !! ممممم .. فرىفرير سابقا :D هو فعلا مافيش فرق .. :D بس انا خايف سبايدر يزعل .. :D

[se_ Elsyed]

خزعبلات تانى:

- السودانيين و النوبيين يشرطوا وش المولود/ة بالموس من على الخد أو يعملوا له 111

- العروسة اللى تاكل من قعر الحلة الدنيا تمطر ليلة دخلتها

لأ بجد بجد so funny ، أنتِ بتجيبى الحاجات دى منين يا كليو بالذات بتاعت قعر الحلة دى طيب فرضاً فرحها فى غير موسم الأمطار .... يبقى إزاي الحال دلوقت هأ هأ هأييييييي

- بس أنا على حسب علمي أن الـ 111 دى بيعملهوا قبائل سودانية ونوبية معينة علشان يبقوا مميزين وثانياً علشان الدم الحار الزيادة يخرج منها.

- وخدوا دى كمان ، من توصيات ليلة الدخل أن العريس لازم يحط حتة من شبكة الصياد - اللى بيصطاد بيها السمك - فى ملابسه الداخلية علشان الحسد برضوا.

- وما يسلمش على حد ليلة الدخلة علشان الربط.

أنا بأسمع الحاجات دى وباسخسخ على نفسي من الضحك لأن ببساطة الواحد مؤمن بإنه " قل لن يصيبنا إلا ما كتب الله لنا "

" قل لو أجتمعت الأنس والجن على أن يضروك بشيء ، لن يضروك بشيء إلا قد كتبه الله لك "

[disappointed]

بس المشكلة في موضوع الحسد ده ؟؟

بصراحة كلها بدع ليس لها أي أساس من الصحة ..بل قد تكون أخطاء اعتقادية كمان .. يعني لا يقي من الحسد الا السور أو الآيات أو الأذكار المأثورة عن النبي صلى الله عليه و سلم ..

خرزة .. صدفة .. جزمة ...ملح .. ثوم .. الكلام ده كله في الهجايص .

و يمكن يكون من تلبيس ابليس ..

يعني انا أعرف لي واحد صاحبي .. بيموت من الحسد ..و يخبي كل حاجة يعملها .. و يخاف يقول هو جاب ايه أو عمل ايه أو بيقبض كام  .. و حاجات كثير كده ..

و مع ذلك ..المسكين حياته مأساة بمعنى الكلمة ..كل يوم عملية و دكتور .. و لا حاجة من الحاجات اللي بيعملها نفعته !!

سبحان الله .

:?

العين فلقت حجر..... والنق جنسه دكر

"نظرة كوميديّة.....للعين اللى هيّه"

http://www.egyptiantalks.org/phpBB2Plus/vi...opic.php?t=1868

[Cleo]

لأ بجد بجد so funny ، أنتِ بتجيبى الحاجات دى منين يا كليو بالذات بتاعت قعر الحلة دى طيب فرضاً فرحها فى غير موسم الأمطار .... يبقى إزاي الحال دلوقت هأ هأ هأييييييي

<!--QuoteEBegin--><!--QuoteEBegin--><!--QuoteEBegin--><!--QuoteEBegin-->أنا شخصيا مش بحس إن الحاجات دى funny لما بسمعها لأنى بتصدم لما أحس إن فيه ناس مصدقاها.....!!!!!   :cry:  :cry: