مشكلة عاطفية

[إيزيس]

أيوة عاطفية ما تستغربوش عندي مشكلة عاطفية مع أولادي إحنا عايشين في الإمارات من حوالي عشر سنوات أولادي الاثنين الكبيرة كان عمرها ثلاثة سنوات لما بدأنا العمل بالإمارات والولد مولود هنا . الحقيقة البلد هايلة والناس مهذبين جداً ولا أنكر المنغصات العادية من الشعور بالغربة و عدم الاستقرار لكن في العموم يتسم أهل البلد بالاحترام والذوق والطيبة وتتسم البلد بالنظافة وسهولة العيش خاصة أننا نعيش في مدينة هادئة تطل على البحر .أين المشكلة؟؟؟

أنا مجنونة بحب بلدي لدرجة المرض أعشق هواها وترابها رغم كل المعاناة التي تقابلنا في الأجازة منذ وصولنا للمطار فأنا أرفض أن يستقبلني أي من أقاربي ويستثنيني من أي إجراءات لأني أشعر بالإهانة عندما يحدث هذا لأي من القادمين وكأن العالم الباقية دول ولا حاجة .المهم من أول ما نوصل ويبدأ الإولاد بالنغمة التي تقتلني : هي دي مصر اللي بتحبيها كل حاجة وحشة وزحمة والناس بتتصرف بعنف وغيره وغيره من النقد وأنا أرد وأبرر وأحكي عن الماضي الجميل والشعب الأصيل وأشغل أغاني من عينة شمس الأصيل وبحبك يا مصر وأغاني الثورة كلها وعلى أد ما أشحنهم طول السنة بالأفكار والمشاعر الإيجابية كفاية بس تصرفات عمال النظافة في المطار(فاهمين طبعاً ) أنا أفهم رغم إن التصرف سيء إنهم مضطرين لكن الأولاد لأ وتبدأ المعاناة والمقارنات طبعاً مقارنات سطحية على أد سنهم لكن بأموت من كلامهم نفسي يشوفوا بلدنا بعينية والمشكلة إننا في الإجازة في مصر مابنحبش نتفسح لأنهم مقضيين كل الأجازات هنا في الفسح علشان نستمتع مع أهلنا فقط في الأجازة و بالتالي وقت التنزه هناك مش كفاية عشان يشوفوا الأماكن الجميلة في البلد رغم إن المشكلة مش في الأماكن بقدر ما هي في معاملة وسلوك الناس

أريد حلاً

[التونسى]

أيوة عاطفية ما تستغربوش عندي مشكلة عاطفية مع أولادي إحنا عايشين في الإمارات من حوالي عشر سنوات أولادي الاثنين الكبيرة كان عمرها ثلاثة سنوات لما بدأنا العمل بالإمارات والولد مولود هنا . الحقيقة البلد هايلة والناس مهذبين جداً ولا أنكر المنغصات العادية من الشعور بالغربة و عدم الاستقرار لكن في العموم يتسم أهل البلد بالاحترام والذوق والطيبة وتتسم البلد بالنظافة وسهولة العيش خاصة أننا نعيش في مدينة هادئة تطل على البحر .أين المشكلة؟؟؟

أنا مجنونة بحب بلدي لدرجة المرض أعشق هواها وترابها رغم كل المعاناة التي تقابلنا في الأجازة منذ وصولنا للمطار فأنا أرفض أن يستقبلني أي من أقاربي ويستثنيني من أي إجراءات لأني أشعر بالإهانة عندما يحدث هذا لأي من القادمين وكأن العالم الباقية دول ولا حاجة .المهم من أول ما نوصل ويبدأ الإولاد بالنغمة التي تقتلني : هي دي مصر اللي بتحبيها كل حاجة وحشة وزحمة والناس بتتصرف بعنف وغيره وغيره من النقد وأنا أرد وأبرر وأحكي عن الماضي الجميل والشعب الأصيل وأشغل أغاني من عينة شمس الأصيل وبحبك يا مصر وأغاني الثورة كلها وعلى أد ما أشحنهم طول السنة بالأفكار والمشاعر الإيجابية كفاية بس تصرفات عمال النظافة في المطار(فاهمين طبعاً ) أنا أفهم رغم إن التصرف سيء إنهم مضطرين لكن الأولاد لأ وتبدأ المعاناة والمقارنات طبعاً مقارنات سطحية على أد سنهم لكن بأموت من كلامهم نفسي يشوفوا بلدنا بعينية والمشكلة إننا في الإجازة في مصر مابنحبش نتفسح لأنهم مقضيين كل الأجازات هنا في الفسح علشان نستمتع مع أهلنا فقط في الأجازة و بالتالي وقت التنزه هناك مش كفاية عشان يشوفوا الأماكن الجميلة في البلد رغم إن المشكلة مش في الأماكن بقدر ما هي في معاملة وسلوك الناس

أريد حلاً

كان الله فى عونك اختى الفاضله ... خصوصا ان المشكله دى وبشكل اكبر حتقابلك لما تقررى الرجوع مصر للاستقرار على اساس ان الامارات مش دوله بتسمح بالتجنيس بسهوله للجنسيات الاخرى... يعنى اقامتك فيها محدوده

طبعا ولادك عندهم حق .. وانطباعهم موضوعى .. وللاسف مصر بتمر بفتره من اسوء فتراتها . مش اقتصاديا او تعليميا او سياسيا فى المقام الاول .. انما زى ما حضرتك ذكرتى فى نهاية كلامك ((اخلاقيا وسلوكيا)) واقسم بالله ان ده كان السبب الرئيسى والله على ما اقول شهيد فى ارتدادى ثانية لبلد المهجر اللى كنت عايش فيه بقالى حوالى اربع سنوات ... لاقيت نفسى مش قادر اتعامل مع الناس او اجاريهم او اتقبل سلوكاياتهم الخاطئه .. رغم ان بحب مصر بتطرف .. ومع ذلك جيت على نفسى وطفشت .. ايش حال بقى الاطفال الصغار اللى متربوش فيها

كان نفسى اساعدك بنصيحه .. لكن للاسف انا عندى نفس المشكله مع ذاتى

[قديم]

مشكلة عاطفية مع أولادي إحنا عايشين في الإمارات من حوالي عشر سنوات أولادي الاثنين الكبيرة كان عمرها ثلاثة سنوات لما بدأنا العمل بالإمارات والولد مولود هنا

أنا مجنونة بحب بلدي لدرجة المرض أعشق هواها وترابها

عزيزتي الفاضلـه .. هذه المشكله التي تتحدثي عنها . تذكرني بالسؤال الدايم وهو

هل الام هي من حملت وخلفــت . ام الام هي اللي تعبت وربــت.

اعتقد نفس السؤال يواجه كل مغترب . بالنسبه لاطفاله .

فــبعض الدول مثل اميركا تعتبر الولاده على الارض حق مكتسب للحصول على الجنسيــه الامريكيـه

اعود واقول هل الوطن هو الذي ينتمي اليـه ابي وامي...... او الوطن هو الذي ولدت وعشت على ارضــه .. او الوطن هو الذي استرزق منــه . .؟ قد تتفاوت الاجابــه ويبقي السؤال مطروحا

تقبل تحياتي

تم تعديل 26 ديسمبر 2007 بواسطة قديم

[deemuck]

شيء طبيعي يواجه الابناء هذه المشكلة. مصر الي هذه اللحظة لا تعتبر بلدههم التي تربوا بها وعاشوا فيها ، فهي مكان للزيارة بالنسبة لهم.

الحل ممكن يكون .....

البدء من الان في تفطين الابناء ان البلد المقيمين بها ليست بلدهم وان عليهم مغادرتها مهما طال الزمن ، وانه لا يمكن التجنس بها في الوقت الحالي. هذه الفترة من

الحياة والاقامة هي فترة محدودة ، وسيأتي يوم وتكون البلد لاهلها ومواطنيها وعلى الاجانب المغادرة في اقرب فرصة.

وشوية كلام وشعارات وان البلد بخير وبكرة هتكون احسن

والله الموفق

تم تعديل 27 ديسمبر 2007 بواسطة deemuck

[إيزيس]

أشكركم جداً على الردود

أما عن التجنيس فنحن لا نسعى إليه وأصلاً لا نقبله مع الحب والتقدير لكل الدول العربية

أما عن ...................... وشوية كلام وشعارات وان البلد بخير وبكرة هتكون احسن

تفتكروا الأولاد اليومين دول وهم بيتفرجوا معانا على العاشرة مساء والطبعة الأولى و قلم رصاص يفوت فيهم الكلام ده ؟؟؟

كان بيأثر فيهم و هم أصغر زي " العصفورة بتقول لماما ع اللي يعمل غلط " و الحواديت إياها لكن دلوقت لا وألف لا وإحنا أصلاً مقررين ننزل خلاص والمشكلة الأكبر إن الأولاد بيكلموا أصحابهم اللي استقروا في مصر ودي مشكلة أكبر لأن بيسمعوا منهم التذمر والشكوى اللي حضراتكم أكيد عارفينه

أظن هو ده عدم الانتماء اللي بيفرز كل المشاكل الغريبة من جاسوسية وعدم الحرص على البلد ربنا يستر

[~Heba~]

الله يكون فى عونك يا اختى قرنفل هذه ضريبة الغربة لكنى ارى ألا تضغطى على اولادك و تدعيهم يكتشفوا مصر بنفسهم.

[Ghost]

و لله نفسي اعرف بتحبي مصر على اية على تربها و قرفها و لا زحمتها و لا تلوث مياها و جوها و اكلها

و لا فذلكة الشعب المصري المحترم

و لا الكذب و النفاق الاجتماعي

و لا الخنوع المتوطن بالشعب العظيم اللي بيعبد الفرعون من 5000 سنة و ميقدرش يقول لعسكري شرطة انت *****

و لا ارتفاع الاسعار

و لا خيبتنا في السياسة و التعليم و حتى البتاع دة اللي بيسموه الفن و الكورة

انا نفسي احب البلد و عاوز حاجة تخلينى احبها بس مش عارف

انا اعرف بلدي بانها البلد اللي تديني احساس بان المواطن بتاعها مش حيوان مستني رغيف عيش و معاملة زي الزفت من كل المصالح الحكومية اللي قاعد فيها و بيشغلها الشعب المصري العظيم اللي مفيش زية في الامم !!

انا فعلا بقول و بالصوت العالي مصر كانت كابوس كبير و انزاح من على قلبي و الملايين من شباب مصر نفسهم يخرجوا منها الان عن طريق البحر او الزواج باجنبيات حتى لو كانوا يهود او الهجرة او اي حاجة

نفسي الجماعة الوطنين يحسوا بالشباب اللي مش لاقي شغل و عارف يتجوز و يعمل اي حاجة في حياتة

مصر مش بتعتنا , مصر بتعاتهم هم , بتاعة احمد عز و مبارك و شوبير

لاعب الكرة و لا الراقصة بتاخد احسن من استاذ الجامعة اللي عمال يتظاهر علشان المعاش و المرتب مش مكفية

دي وجهه نظري و انا باحترم وجة نظر الاخرين و ارجو من يرد ان يراعي ذلك

[إيزيس]

انت معذور لكن احنا ماكناش كده اللي وصلنا للمشاكل دي الحكومة والفساد والسكوت كل اللي بتحكي عنه تراب على وجه الشخصية المصرية لا يجد من يزيله وأمراض لا تجد من يعالجها

[the prince]

بلادنا وهنعمل ايه فيها يتحبيها يتبطلي تجيها

انا عارف ان اهلك هنا بس انت اصلا مش عوزه اطفالك يبقوا من جنسيتها

خلاص هنعمل ايه

كل واحد يصلح من نفسه الاول

وليه نبص حولينا دحنا بلد ضعيفه وغلبانه وعلي نيتها

منقرنش بين اللي هبا هاي مع الي يالا باي

مينفعش خالص

مع اعتذاري الشديد اذا في حاجه ضيقتك في كلامي

ولكن الصراحه هي شعاري الاول

[salemhegazy]

أيوة عاطفية ما تستغربوش عندي مشكلة عاطفية مع أولادي إحنا عايشين في الإمارات من حوالي عشر سنوات أولادي الاثنين الكبيرة كان عمرها ثلاثة سنوات لما بدأنا العمل بالإمارات والولد مولود هنا . الحقيقة البلد هايلة والناس مهذبين جداً ولا أنكر المنغصات العادية من الشعور بالغربة و عدم الاستقرار لكن في العموم يتسم أهل البلد بالاحترام والذوق والطيبة وتتسم البلد بالنظافة وسهولة العيش خاصة أننا نعيش في مدينة هادئة تطل على البحر .أين المشكلة؟؟؟

أنا مجنونة بحب بلدي لدرجة المرض أعشق هواها وترابها رغم كل المعاناة التي تقابلنا في الأجازة منذ وصولنا للمطار فأنا أرفض أن يستقبلني أي من أقاربي ويستثنيني من أي إجراءات لأني أشعر بالإهانة عندما يحدث هذا لأي من القادمين وكأن العالم الباقية دول ولا حاجة .المهم من أول ما نوصل ويبدأ الإولاد بالنغمة التي تقتلني : هي دي مصر اللي بتحبيها كل حاجة وحشة وزحمة والناس بتتصرف بعنف وغيره وغيره من النقد وأنا أرد وأبرر وأحكي عن الماضي الجميل والشعب الأصيل وأشغل أغاني من عينة شمس الأصيل وبحبك يا مصر وأغاني الثورة كلها وعلى أد ما أشحنهم طول السنة بالأفكار والمشاعر الإيجابية كفاية بس تصرفات عمال النظافة في المطار(فاهمين طبعاً ) أنا أفهم رغم إن التصرف سيء إنهم مضطرين لكن الأولاد لأ وتبدأ المعاناة والمقارنات طبعاً مقارنات سطحية على أد سنهم لكن بأموت من كلامهم نفسي يشوفوا بلدنا بعينية والمشكلة إننا في الإجازة في مصر مابنحبش نتفسح لأنهم مقضيين كل الأجازات هنا في الفسح علشان نستمتع مع أهلنا فقط في الأجازة و بالتالي وقت التنزه هناك مش كفاية عشان يشوفوا الأماكن الجميلة في البلد رغم إن المشكلة مش في الأماكن بقدر ما هي في معاملة وسلوك الناس

أريد حلاً

الاخت الفاضلة فينك ؟

دى فعلا مشكلة كبيرة و النقلة بالنسبة لأولاد صعبة الله يكون فى العون

يا ريتى خلينا نتابع تجربتك انا عندى نفس حالتك و الاولاد نشأوا فى العين و الاخوة فى الامارات يعرفوا جمال العين و ناس العين او كما يقولون هنا العين دار الزين

خلينى اتابع تطور تجبتك ها توصل لفين

[om marawan]

و لله نفسي اعرف بتحبي مصر على اية على تربها و قرفها و لا زحمتها و لا تلوث مياها و جوها و اكلها

دي وجهه نظري و انا باحترم وجة نظر الاخرين و ارجو من يرد ان يراعي ذلك

طبعا وجهة نظرك تحترم و بجد ربنا يكون فى عوننا وعون الناس كلها

العيشة بقت أصعب كتييييييير وبلاش احنا بصوا للى فى العشوائيات واللى فى الشوارع واللى فى العشش الصفيح

بس أمريكا فيها ناس فى الشارع وبلاد كتير فيها فساد و تلوث فى كل شىء وماحدش قال من أهلها انا باكرهها

انا رأيى انه مش مفروض أحب بلدى علشان هى حلوة أو نظيفة

مفروض احبها لأن ماحدش بيتبرا من أمه

ولو اتبرا منها عمره ماهيكون زى أهل البلد اللى عاوز يكون منهم

احنا ممكن نكره فساد نكره الحكومة بس مانكرهش البلد نفسها

انا كمان زيك نفسى أحب البلد علشان لو ماحبتهاش ماحدش هيحبها ولو ده حصل هتفضل زى ماهى وأسوأ

لو عاوزين البلد تتصلح نبدأ بأنفسنا أولا ورعيتنا ومن حولنا ( عشيرتنا الأقربين )

أما الاخت الفاضلة قرنفل

للأسف أعتقد ان الحاجة اللى ممكن تساعد مش هتكون حاضر مصر ولكن تاريخها

احنا بلد ليها تاريخ عظيم ومذكورة فى القران وحاولى تبتدى من التاريخ يمكن وقتها يكون فى أشياء بقت أحسن فى الواقع

[هشام عباس]

ظن هو ده عدم الانتماء اللي بيفرز كل المشاكل الغريبة من جاسوسية وعدم الحرص على البلد ربنا يستر

بصراحه لما قرأت الجمله ديه قلبي وجعني جدا وخفت من المصير ده لأولادي واولادك واولاد كل المغتربين!

انا كمان عايش في عمان بقالي 13 سنه وولادي كلهم اتولدو هنا وفعلا زي حضرتك ما بتقولي المشكله في ان الناس هنا طيبين جدا والحياه سهله وحلوه والبلد جميله ومريحه!!!!!!! لكن عارفه انا مره صادفني موقف ومعرفتش الاقيله حل الا جملة حسين فهمي في فيلم مافيا

جالي ابني وعنده 10 سنوات وانا عامل زيك كده طول النهار بقول مصر ام الدنيا مصر اجمل بلد علشان هيي بلدنا والشعارات ايهاه ديه

المهم انه جالي هو وواحد صاحبه عماني وكان بيقله ان والده قاله ان عمان احلى من مصر ومصر وحشه فيها تلوث والناس هناك نصابين والشوارع مش نضيفه وووووووووووووووووو

وكان ابني زعلان جدا من الكلام ده وصاحبه متمسك بكلام والده جدا جدا

فقلت لصاحب ابني زي ما فيه حاجات وحشه في مصر اكيد فيه حاجات وحشه في عمان وقلتله انت لما بتخرج من مسقط وبتروح ولايه تانيه بتلاقي الناس عايشين في بيوت بسيطه وفقيره جدا في الجبال وحافيين يعني عمان كمان فيها حاجات وحشه لكن مصر كمان فيها حاجات جميله ومش لازم احب بلدي علشان هيي اجمل بلد في الدنيا لكن بحبها بس علشان هيي بلدي وراحت نطه في دماغي كلمة حسين فهمي في الفيلم وقلتلهم مين فيكم مامته احلى؟ وقبل ما يجاوبو قلتلهم كل واحد بيشوف مامته احلى ام في الدنيا مع ان مش ديه الحقيقه واحنا مش بنحبها علشان هيي الاجمل احنا بنحبها علشان هيي امنا والبلد زي الام مش لازم تكون الاحلى علشان نحبها

المهم خلص النزاع بينهم لكن النزاع الي جوايا انا اكيد مخلصش

انا شايف انك لازم تزودي مساحة الخروج والفسح في مصر اكتر من الاول بكتير وخليهم يروحو الاماكن الجديده كمان زي مثلا سيتي ستارز علشان ميحسوش ان مصر متأخره عن الي بيشوفوه في الامارات وانا شايف ان الحل انك تركزي على الجوانب الكويسه في مصر وتزودي لازم الخروج والفسح في الاجازه وتعالي على نفسك شويه معلش انتي بتقولي ان ان الاجازه في مصر بتقضيها بدون خروج علشان تشوفي اهلك لكن هم من حقهم كمان انهم يشوفو بلدنا ويحسوا بالجمال الي فعلا انا شايف انه لسه موجود في بلدنا وربنا معاكي ومعانا

المهم

[desert_eagle70]

الأخوة الأعزاء :

انا حاسس بمشكلة بس مش زى اللى عايشها بس صعب ان طفل أتولد وأتعلم واتربى بعيد عن مصر انه ينتمى ليها ..بس مش معنى كده انه فى بلد أحلى من مصر .. الإمارات جميلة جداً وزى القمر وناسها مفيش أطيب منهم وعندهم حاجات مش عندنا .. بس أحنا برضة عندنا حاجات مش عندهم متتقدرش بمال .. وإذا كان الناس وحشين فى مصر طيب هو فين الحلوين والناس الوحشين دول مين مهو إحنا الناس دى .. واللى خرج من مصر عشان مش عارف يتعامل او عشان فلوس او طموح مش معنى كده انه قلبه يجمد على البلد .. هنجيب بلد تانية تقبلنا منين .. احنا مصريين بحكم ان احنا اتولدنا وعشنا فيها ، بس فعلاً صعب على الأطفال ان هى تتقبلها بس اللى اعرفه ان بتوع مدغشقر والصومال وكينيا مش زعلانين من بلدهم او ى كده .. وإذا كنا اللى بره زعلانين شوية فالناس اللى جوه يبقى هم أولى بيها على الأقل أحنا مستحملناش وجرينا .. هم بقى الله يكون فى عونهم .

مصر وحشة وشوارعها بايظة والناس بقت صعبة.. بس برضه هى مصر اللى طلعت على مبارك والطهطاوى ومصطفى كامل وسعد زغلوا والشعراوى والقرضاوى والعقاد ونجيب وطه حسين وزويل ومجدى يعقوب وفاروق الباز ود. عبلة الكحلاوى وهيكل وستنا هاجر والسيدة مارية القبطية وشهدا كتير مكنش حلتهم غير دمهم يقدموه فعشان خاطر الناس دى نستحمل شوية .. كل الدول حلوة بناسها مش بشوارعها ولا مولاتها .. واللى يلاقى بلد حلوة ومرتاح فيها ويعرف ياخد جنسيتها حقه بس يستحمل بقى النتائج . وربنا يعينه

[هشام عباس]

استازي الفاضل desert_eagle70 المشكله مش فينا احنا الي عيشنا واتربينا في مصر فعلا زي ما انت بتقول المشكله في اولادنا الي اتولدو وعاشو هنا بعيد عن مصر

انما والله انا لما نزلت اخر اجازه ورحت لفيت شويه في المدن الجديده لاقيت حاجه تفرح مباني جميله وشوارع واسعه زنضيفه لحد كبير يعني بلدنا مش كلها وحشه بالعكس فيها كتير حلو والولاد ممكن يحسو بحلاوتها ديه انما المهم انهم يشوفو الاماكن الجميله الي في مصر مش نزنقهم في الزحمه والدوشه والشوارع الغير نظيفه ونقلهم حبوا مصر علشان هيي ام الدنيا!!

:lol:

[om marawan]

ومش لازم احب بلدي علشان هيي اجمل بلد في الدنيا لكن بحبها بس علشان هيي بلدي وراحت نطه في دماغي كلمة حسين فهمي في الفيلم وقلتلهم مين فيكم مامته احلى؟ وقبل ما يجاوبو قلتلهم كل واحد بيشوف مامته احلى ام في الدنيا مع ان مش ديه الحقيقه واحنا مش بنحبها علشان هيي الاجمل احنا بنحبها علشان هيي امنا والبلد زي الام مش لازم تكون الاحلى علشان نحبها

والله معاك حق يا استاذ هشام فى كلمتك وده اللى قصدته لما قلت ماحدش بيتبرا من بلده وامه

والحقيقة انا فعلا باشوف بلدنا جميلة رغم الزحمة اللى موجودة برضه فى بلاد كتير ورغم التلوث ( اللى عندنا بس )

لكن فعلا اذا كانت دى عيوبنا او بمعنى اصح مشاكلنا فمميزاتنا برضه كتييير

احنا بلد ليها تراث وليها اسم ضارب جذوره فى كل حقب الزمن وزى ماقلت لحضرتك التاريخ مهم مش علشان نكون زى الناس اللى مابتشتغلش وتقول احنا كنا فراعنة

لكن الناريخ بيدى احساس بالانتماء وخلانى من صغرى احبها وافتخر باسمها لأنى باحس انى فرع لشجرة كبيرة عتيقة ومثمرة نااااااااس كتير ذكرهم الاستاذ desert وغيرهم ناس اكتر وزى مابيقولوا مصر ولادة

و اذا كان فيه عرب كتير بيحبوا مصر بتاريخها وناسها وشوارعها القديمة والجديدة فالاولى اننا نحبها

خصوصا ان لا اسمها هيتغير ولا اسمنا هيبقى حاجة تانية غير مصريين

طبعا زى ماقال الاستاذ هشام لازم تزودوا الفسح فى كل مكان الفسح مهم جدا وكتيرة جدا فى مصر

عندنا البحر الاحمر فى الغردقة وشرم الشيخ والبحر المتوسط فى اسكندرية ومطروح كمان بقت جميلة جدا

وعندنا اسوان اجمل نيل شفته فى مصر هو نيل اسوان

وطبعا الاقصر غير فسح القاهرة وان كنت افضل ماتكتروش فيها علشان الزحمة ومعلش استحملوا حر اسوان والغردقة ارحم

وربنا يحفظ اولادك واولاد المسلمين ويبارك لك فيهم

أسئلتهم ليكى كلها وعى وعقل وصدقينى حب البلد دى داء معدى ومسيرك تعديهم :lol:

[هشام الكندي ان شاء الله]

بسم الله الرحمن الرحيم

احب اقول يا جماعه و بمنتهي الصراحه ان حب البلد او الوطن مش فرض

مش معني اني اتولدت في مصر و عشت غصب عني فيها فترة يبقي انا مصري

ما بالكم باطفال عاشوا اجمل سنين عمرهم في دوله تانيه. ازاي تطالبوهم انهم يحبوا مصر و يكونوا وطنيين زيكم؟

بعدين لو مصر حلوة سبتوها ليه؟

لو بتقولوا احنا سافرنا علشان نامن مستقبل الاولاد و نعمل فلوس و ناويين نرجع تاني تبقوا مش وطنيين لانكم ممكن تموتوا في اي لحظه بعيد عن ما يسمي وطنكم!!!

يا ريت نبطل الخطب و الشعارات الرنانه و نتكلم كلام معقول بمعني ان لو امي مصرفتش عليا و مهتمتش بيا شئ طبيعي اني اتبري منها بمنتهي البساطه

الناس بتتكلم بسطحيه و بساطه و ايديهم في الميه البارده لانهم برة مصر تعالوا شوفوها دلوقتي و احكموا

انا ليا صاحب من توجو واضح من كلامه ان توجو احسن من مصر

واحد صاحبي تاني قرايبه في غانا واضح من كلامهم ان غانا احسن من مصر

انا نفسي الجماعه الوطنيين دول يقولولي لو هما بيحبوا مصر خلاص دا شأنهم, لكن ليه عايزينا نحبها؟

و يا ريت اللي عندوا اولاد ما يرجعهمش مصر لاني انا شخصيا مش ناوي اتجوز علشان خايف اخلف عيل يتربي و يعيش في مصر

و يبقي انتا اكيد اكيد في مصر!!!!!!!!!!

[Nonna]

سلام عليكم

ردي ببساطة على حضرتك اذا قدرتوا او في فرصة انكم تفضلوا في الامارات فياريت تفضلوا

لمصلحة الاتنين الاباء و الابناء

و يؤسفني بشدة انى اقول كدة

انا عشت مع اسرتي 11 سنة بالرياض السعودية

دخلت مدارسها و لعبت في حدائقها و كان عندي اصدقاء من هناك مصريين على سعوديين

ولا اخفي عليكي كانت مشاكلي اثناء اقامتى هناك مع زميلاتي المصريات لا السعوديات!!!

والدي كان عاش في الرياض 20 سنة

هو اللي قرر نزوله مصر نهائي

اه فعلا كان نظام السعودة في قطاعات كتيرة

ولكن والدي كان مطلوب في مكان عمله جدا

ومع ذلك اصر على الرجوع و اكتفى بالحصيلة المادية اللي عملها طبعا

عدنا الى مصر الحبيبة بدأنا نفهم اللى ماكانش عاوزين نفهمه واحنا مغادرين السعودية و بيتنا و غرفنا

احنا خلااااااااااااص مش راجعين هناك تاني

مالحقناش نتجاوز طبعا الازمة النفسية ده

اتصدمنا بأزمة اخرى المدارس المصرية

خاصة كانت او حكومة

اتفضلي عندك بقى

تجاهلى تماما اختلاف المناهج و طريقة التدريس

تجاهلي تمام شكل المدرسة و حالها

لكن مش هتقدري تتجاهلي نهائي البشر

ايوة البشر

طريقة معاملة _زفت_و زفت_لامؤاخذة يعني_ اقل وصف يصف صح طريقة المعاملة

أزمتنا في مصر أزمة سلوك وأخلاقيات يا فندم

و في رايي ان لو كنا افضل اخلاقيا وسلوكيا كنا عملنا اهرامات تانية و تالتة ور ابعة

ادواتي المدرسية براية من السعودية نضيفة شوية عن مثيلاتها المصرية

كنت برجع البيت من غيرها

طريقة كلام بنات في اعدادي لسة كانت كانك بتكلمى ست و متجوزة ومخلفة و قاعدة على مسطبة مش بنت ابدا

الولاد اخويا رجع في مرة من مدرسة و مدرسته كان لغات خاصة ريحته سجاير

و أتذكر العلقة اللي اخدها لمجرد ان والدي افتكر انه هو اللي شرب

اخويا التاني فاكرة كان بيجيلنا بهدومه ازاى متقطعة ومضروب و كام مرة جه لوالدى استدعاءات عشان خناقات بينه و بين زمايله

مواكبة عالم هو كان في الاصل عالمي و اصبح مش عالمي صعب جداااااااااا

ارجو اما تحطيش اولادك فيه _ان كنتى تقدري_

بيئة مختلفة كليا و جزئيا

حياة منظمة في بلد غير بلدي عارفة امتى هنام وامتى هذاكر و امتى العب

خلل تاااااااااام في مصر

نظرة البشر ان انتى بنت او ولد كنتى عايشة برة اذن انتى بنت ناس مبسوطة

اكلك و شربك و لبسك واداوتك حلال لينا

اشمعنى انتى!!

حتى الاهل

رجعوا مثلا بعشرة ريال

العشرة ريال تبقى ازمتهم

يا ترى هناكلهم منين

يا ترى الاب يرجع شغل تاني في مصر

و العشرة دول ماهو خد من التل يختل

الحياة غالية جدا في مصر و الدخل قليل اصلا يبقى هتضطري تاخدي من اللي عندك

طيب اشغل الفلوس و اهه استثمار يجيب دخل

استثمار ايه في مصر اللي شغال و ممكن يعمله واحد رجع من سفر

سوبر ماركت ابني عقار ولا احطها في البنك

بقت كمان ازمة الاهل مادية

حرصهم على اللي معاهم بيزيد و قلقهم من بكرة يا ترى فيه ولا مافيش بيبقى اكتر

هيبقى شغلهم الاول أأكل ولادي ازاى

مش اربي ولادي ازاى

انا بقالي في مصر 10 سنوات دلوقت منذ استقرينا

و لازلت انا واسرتي لا نشعر بالاستقرار نهائيا

بنتجاهل فقط اننا مش مرتاحين في مصر وخلاص

مسكنات

أنا لازلت حتى الان القب من زميلاتي

_البت الخام_

!!!!!

اللي اتربوا وعاشوا بالخارج مافيهش حتة المكر ده

سذج نوعا ما

فاستحقوا لقب

_خااااااااااااام_

حاليا انا في نهائي طب

اخويا الكبير بكالوريوس هندسة و مستني الجيش

اخويا الصغير نهائي تجارة

اسالي اى واحد فينا

بعد ما تخلص

عاوز تعمل ايه؟

اخويا الكبير قال المانيا او كندا محتاجين مهندسين

اخويا الصغير بيقول لو ما اشتغلتش في بنك

انا هسافر الامارات او قطر

انا_بنت_ومع ذلك أفكر بشدة اخلص امتيازي

استلم كارنيه النقابة

استقيل من تكليفي

اساااااااااافر الى السعودية ومطلوب طبيبات

عارفة انه تفكير سلبي وان لو كل شاب او شابة في مصر فكر بالطريقة ده هتبقى مهزلة

بس للاسف هي بالفعل مهزلة جاهزة

رجاء فكري الف مرة قبل اتخاذ قرار الرجوع لمصر نهائي

المعادلة واضحة

اهل متلغبطين

يعني ابناء متلغبطين اكتر ماهما متلغبطين

و ابناء في لغبطة ة يعني اهل في لغبطة أشد

لغبطتك انا؟!!

[إيزيس]

أشكركم جميعا على ردودكم وأفكاركم

عزيزتي نونا لمست في كلامك بعض من إحساس ابنتي وأعرف جبدا إن كلامك كله صادق وأكثر منه بيحصل والله يعينك لكن الغربة

ليست كلها جنة الغربة فعلا مرة ولو في جنة أحكي لك عن المشاكل هنا واللا عارفاها أكيد عارفاها أنا لا أصور بلدي لأولادي أنها

جنة لكنها أيضا ليست جهنم وأحمد الله أنهم مرتبطين بأشياء جميلة في مصر أهل و أصحاب وجيران .

المشاكل الأخلاقية موجودة هنا وهناك وآخرة الهروب إيه لازم هنرجع وأكيد هنحب نرجع لان لنا ذكريات حلوة لكن أولادنا ذكرياتهم هنا

وأنا اشجهم على الإنتماء للإمارات مش غلط بالعكس لكن لهم بلد كمان لازم يحسوا بالحب ناحيتها أنا أكره نظرة الأبيض وإسود

يعني كل مجتمع فيه الطيب والفاسد.

الأخ العزيز هشام عباس استفدت جدا من طريقتك و أشكرك على النصيحة الغالية.

أما بخصوص الاستقرار النهائي هنا مستحيل رغم إني مرتاحة هنا لكن لما باكون في مصر باحس إني عايشة رغم كل المشاكل

بلدي بيتي وأهلي كفاية أشوف أمي وإخواتي والناس الطيبين موجودين أكيد في كل وقت انا هنا مؤقتا فقط عارفة إني هاتعب في

مصر ولا فلوس ولا استثمار ولا بطيخ لكن ما باليد حيلة وربنا يتولانا.

عندي خبر جميل أسعدني وفوجئت به ابني الحبيب (10 سنوات ) عمل منتدى مع أصحابه المصريين اسمه سما المصريين وعليه

صورة الاهرامات فرحت جدا بيه واقترحت عليهم كل واحد يحكي فيه عن مدينته و و عدته إني بعد إذن الإدارة أنزل اسم المنتدى

لأولادكم يشتركوا فيه ولعلها بداية حلوة علشان يرتبطوا أكتر بمصر.

[DARWEEN]

الأخ هشام الكندي

بنفس المنطق

يكون حبك لأهلك لمجرد أنك ولدت بينهم غير ضروري ويكون أنتمائك لأي شيء غير مطلوب

[هشام عباس]

الاخت قرنفل موضوع المنتدى الخاص بالأطفال المصريين ده فكره رائعه واكيد لو بعتي اسمه هخلي ابني 9 سنوات وفي سنه رابعه يشترك فيه وان شاء الله تكون خطوه ليهم على طريق حب مصر وانتمائهم ليها

وابنائنا اعمارهم متقاربه وممكن يكونو اصحاب

تحياتي لكي