رجل بدرية مكاوي في الجبس يا رجالة ..

[Folana]

السـلام عليكم ورحمة الله ..

أنا شايفة اسمك موجود يا بدرية..مافيش داعى للانكار ...انا شايفة شيكارة جبس قدامى ...

يالا طمنينا عليك بايتوها حاجة

حمدلله على السلامة...

[miramar]

الف سلامة عليكي يا بدرية ان شاء الله الي يكرهوكي

حمد الله على سلامتك يا نوارة المحاورات والله كانت من غيرك مضلمة موووووووووووووووت

مرمر

[Diab]

زمااااااااان ايام ما كانت رجلي تتجبس (مش فاكر كام مرة من كترهم ) كان أصحابي يكتبوا لي على الجبس بعض الجُمَل المؤثرة لرفع روحي المعنوية :lol:

من شدة حبهم لي كانوا يكتبوا مثلاً (خسارة فيك الهدايا اللي جايبينها لك - و ده كان وقته تنكسر قبل الماتش؟ - عقبال الرِجل التانية ) و كده يعني.

كان هذا استهلالاً لابد منه :closedeyes:

النهاردة و من شدة تأثرنا و حبنا جميعاً لبدرية قلت نكتب لها كلمات مؤثرة على الجبس علشان نرفع من روحها المعنوية و تقوم بالسلامة في أسرع وقت إن شاء الله

:lol:

[Diab]

أنا أحيلكم الحكاية

هي كانت ماشية بالعربية التويوتا الكورلا

وبعدين الأشارت أحمرت راحت وقفت علي الخط الأبيض

العسكري عملها مخالفة

معجبهاش :lol:

إديته علقة :lol:

نقولها علي المستشفي وجبسولها رجلها

ونقدر نستفيد من القصة دي

بما أنها بتشتغل ممرضة

من حفر حفرة لأخيه أتكسر رجل فيه

بدرية ألف سلامة عليكي يافندم :closedeyes:

[badroora]

السلام عليكم ورحمة الله وبركاته ,,,

أحيط سيادتكم علماً والحاضر يبلغ الغائب والصاحي يستني النايم لما يصحي ويقوله .. أنه تم وضع رجل المزمزين بدرية في الجبس بمجرد عودتها للبحرين .. وهي تعبانة ومتألمة .. وتريد أن تبلغكم جمعاء أنها تقبل الشيكولاتة والنقود .. ولكنها مالهاش تقل أوي علي الورد .. فاللي عايز يقوم بالواجب نحوها بشكل عملي مادي يقولي وأنا حجمع المسائل كلها وأتصرف فيها بمعرفتي .. وهي علي علم بذلك ..

تمنياتي للمزمزين بدرية بسرعة الشفاء والعودة إلي المحاورات سيراً على الأقدام ..

تحياتي

زيزيتا

وعليكم السلام ورحمة الله وبركاته

الاخت الصديقة الغالية زيزي

لن استطيع وصف الاحساس الذي انتبابنى حين سالت عنى وانا طريحة الفراش وساقي مغلفة بورق كرتون قصدى الجبس .

وكنتى اول من يهتم بي ويسال عنى .جمايلك كترت اوى يا زيزي ونفسي اقووم واقف على رجلى تانى عشان اردلك جمايلك فعلا من كترها مش قادرة اقف تانى :closedeyes:

بهذا لا يمنع ان 4000 الف جنية اللى لمتيهمولى من الاعضاء ناقصين ربع جنية :lol: !!!!

عموما ولا يهمك تباخ السم بيدوء بردوا

شكرا يا احلى زيزتنا على اهتمامك ونردهالك فى الافراح باذن الله :lol:

[badroora]

السلام عليكم

سلامتك يانجفة ياجميلة ايه بس الى حصل دى باين عليها عين حسود

ربنا يقومك بالسلامة طمنينا عليكى اول باول

ام ياسين

اختنا الغالية ام ياسين الله يسلمك يا قمر واخبار يا سين ايه يا رب يكون بخير

شكرا على سؤالك واهتمامك

:closedeyes: بدرية

[badroora]

ألف حمدلله علي السلامه يا بدريه... :closedeyes:

دي عين وصابتك يابنتي. أجر وعافيه وإن شاء الله أخر المكارة التي تتعرضين لها....

طبعا انا مقدرة طلباتك يا حبيبتي وعلشان كده انا لغيت الورد خالص..وجايبالك حاجه تستفيدي منها...

ألف حمدلله علي السلامه...وإن شاء الله تقومي بالسلامه وترجعي تنورينا

الله يسلمك يا نانوش يا ب

وميرسي على الورد :lol:

لا بجد ميرسي والله 100 وردة جمال جدا بس مقولتليش الا يطلعلوهم بكام دول ؟

:lol: شكرا على سؤالك يا ام ياسر

[badroora]

سلامتك يا بدرية

وانا عمال اقول فينك

مبتظهريش ليه

أرجو عمل صندوق لجمع الأموال والشيكولاتة

وانا هابعتلك مية جنيه وصندوق كوفرتينا

بس لما اطبعهم على السكانر

تمنياتنا ليكي بالعودة سريعا

فأنتي دائما نوارة المحاورات

أحمد

احمد فرحات صديقى واخى العزيز بغض النظر على ال100 جنية وشيكولاته كوفرتينا بس زعلانه بردوا :closedeyes:

شكرا على سؤالك يا مستر احمد

:lol: اختك المئموصة :lol:

[badroora]

سلامتك ألف سلامة يا إبنتى العزيزة بدرية,

و أتمنى لك الشفاء التام, و العودة إلى أهلك فى المحاورات, لكى تسعدى أخوتك , و تضعى ابتسامة على وجوههم.

تقبلى أسمى التحيات.

الاب الغالى االافوكاتو

الله يسلمك من كل شر يا رب

شكرا على سؤالك واهتمامك

ابنتك

بدرية :closedeyes:

تم تعديل 29 ديسمبر 2007 بواسطة Badria Mekkawy

[Folana]

وعليكم السلام ورحمة الله وبركاته

الاخت الصديقة الغالية زيزي

لن استطيع وصف الاحساس الذي انتبابنى حين سالت عنى وانا طريحة الفراش وساقي مغلفة بورق كرتون قصدى الجبس .

شكرا يا احلى زيزتنا على اهتمامك ونردهالك فى الافراح باذن الله :closedeyes:

السلام عليكم ورحمة الله..

الله...الله..الله... :lol: ..أفهم من كده يا ابراهيم افندى..قصدى يابدرية هانم ان رجلك لسه بكرتونتها؟...حيث كده بقى يحق لك انك ترجعيها للمصنع وتاخدى غيرها تكون سليمة...او تشوفى التوكيل فين يعمل لك صيانة مجانية...

بالمناسبة الاخت زيزيتا جمعت مبلغ اكبر من ده بكتيرررررررر....انت عارفة احنا مانبخلش على رجل سعادتك المصونة بحاجة...وكله متقيد....

:lol:

[م.سامح المصرى]

السلام عليكــم ورحمـة الله وبركاتــة ،،

يا نهار يا نهار يا استاذة بدردر رجليها اتخدشت

بس الحمد لله يا استاذة انها جت على اد كدة

شوفتى بقي لما مشيتي من مصر حصل اية كنتى خليكي هنا

ابقي خلى بالك بقي المرة الجاية

(طب لما الواحد يحب يوجب معاها يعمل تصميم شكلة ازاى شوكلاتة من الى هيا بتحبها

وجنبيها شاش وجبس )

سلامي لكى

[badroora]

الف سلامة ليكى يابدارة

والله زعلت قوى لما سمعت الخبر

انشاء الله تقومى بالسلامة بسرعة

بس اوعى تكونى دخلتى فى تريلا تانى

عايزين نسمع اخبار حلوة منك شخصيا

الاخ العزيز محمد شكرا على سؤالك واسفة على زعلك من الخبر دا وعشان افرحك الحمدلله انا بقيت كويسة وبعد بكرة هاعمل اشعه تانية وان شاء الله يشيل الجبس ويمكن يكتفي برباط طاغط بس لانى بصراحة مقيدة ومش قادرة امارس حياتى :lol:

وعشان اطمئنك مدخلتش فى تريلا انا بقيت لما الاقي تريلا ماشية اوسعلها تعدى او امشى وراها احتراما لها ولقدسيتها مش اكتر مش خوف يعنى لا سمح الله :closedeyes:

شكرا على اهتمامك :lol:

[badroora]

بســم الله الـرحمــن الرحيــم

الف سلامه عليكى يا بدريه

أتمنى لك الشفاء التام

وان شاء الله تعودى الى موضوعاتك الجميله

احمد تيتو

اصغر محاور

الله يسلمك يا احمد يا رب انت ومحمد ميدو بصراحة ما قصرتهم

ربنا يبارك فيك ويبعد عنك كل شر يا اصغر محاور

:closedeyes: ويا رب تكبر ونشوفك اكبر واعظم محاور يا رب

[إبن مصر]

الاخت الفاضله بدريه.

السلام عليكم ورحمه الله .

الف الحمد لله على سلامتك وجعلها الله فى ميزان حسناتك وطاهورا ان شاء الله.

اللهم اشفها شفاءا لا يغادر سقما .

وفى انتظار عودتك ان شاء الله الى سابق عهدك من النشاط والتألق.

[badroora]

الف سلامة عليكي يا بدرية وانشاء الله تقومي بالسلامة

ولما ترجعي ابقي قوليلنا ايه الحصل

الاخ العزي ديمك شكرا على سؤالك واهتمامك ويا رب مانجيلك فى حاجة وحشه ابدا يا رب

اللى حصل باختصار

انى فى مصر رجلى اتلوت twisted منى كذا مرة وورمت

دلكتها بفولتارين جل ورباط ضاغط وبقت احسن شوية طنشت لما رجعت البحرين كانت بتوجعنى وانا مطنشه ومقديهاها جيت لبست كعب عالى وماشيه وقعت من على الشوز :closedeyes: ازاى معرفش المهم روحت المستشفي عملت اشعه قالى مافيش كسر الحمدلله وكمدات ثلج ومسكن ومرهم هتبقي عالى

روحت اول يوم الشغل ومكنش زحمة اوى رجعت البيت نمت صحيت لاقيت رجلى ممتورمة واحمرار وسخونه وشكل رجلى غريب روحت المستشفي عملت اشعه تانية قالى تمزق فى الاربطة وشرخ فى عظام الاصابع من الامام وصباع منهم ما بيبن الكسر والجزع ولازم جبس عشان محركش رجلى لانه كدا التهتب اوى وانا كنت مطنشة

المهم جبسهالى وحس انى ممكن اشيلها لو زهقت راح مقفلهالى خالص واخد رجلى كلها لحد تحت الركبة ب2 سم عشان بس حركة الركبة

بس على مين والله لو عاوزة اشيلها هاشيلها :lol: بس قولت استحمل عشان الصباع اللى متلكك على الكسر دا

واهو الحمدلله اليوم حسيت احسن كتير بس الجبس نفسه اللى وجعنى مش الرجل

طولت عليك معلش بس انت اللى سالت :lol:

شكرا لك اخى العزيز

[badroora]

السلام عليكم ورحمة الله...

سلامتك يابدرية...ايه اللى حوصل؟؟...الارض جرى لها حاجة؟...اتكسرت ولا اتشرخت ولا حاجة لاقدر الله.....

والله يابدردر كنت قلقانة عليك ومش عارفة اسأل مين...

الحمدلله انك بخير وصحتك عال العال...

وفى انتظار رجوعك للمحاورات ركضاً....

بس ثانية واحدة....طيب ماتكتبى بايدك ..ايه رأيك فى الفكرة دى؟.. :lol:

سلامتك ياجميلة....

صباحك زى الفل المنرجس والميسمن كمان...

ونخص بالشكر هنا مدام زيزيتا رويتر على بث الخبر فى حينه واطلاعنا على اخر الانباء

شوكرم يامدام زييز...

ابلة فولانه شخبارك وشخبار مصر والله مصر وحشتنى اوى

وانا عملت بنصيحتك وكتبت بايدي اهوا تصورى كنت ناسية ان ايدي شغالة :closedeyes:

والله يبارك لنا فى وكالة اخبار زيز رويتر

على جديتها واهتمامها بالشعب :lol:

[badroora]

الف سلامة عليكى يا بدرية

ربنا يقومك بالسلامة وترجعى تنورينا تانى فى المحاورات يا نجفة المحاورات

ربنا يتمم شفاكى على خير وترجعلينا بالف سلامة بإذن الله :lol: :lol:

تحياتى

الله يسلمك يا احمد يا رب

شكرا على سؤالك واهتمامك

ومش ناسية طلبك الطرق الطبيعية لفرد الشعر

ان شاء الله فى اقرب وقت هاكتبهالك

وادعيليى بقي على الشعور الحرير اللى هتشوفها من بعد ما تجرب وصفتى :closedeyes:

[badroora]

اموت واعرف مين صاحب العين الفولاذيه ده

بقى الدكتره كلها والطب والاستشارات الطبيه فى الجبس تيجي ازاى دى يجدعان برج من نفوخي هيطير يامثبت العقل والدين يارب

قدر الله وماشا فعل والحمد لله انها جت على اد كدى

وانا من موقعى هذا فى الخدمه ورقبتي سدادة من ريال لريال وربع كله عشان بدريه

عزيزتى بدردر اختى الغاليه عليا الف مليون سلامه وتقومي وترجعلينا كدى بالف مليون سلامه دمتى فى رعاية الله

سمعت انك بتحبي الشكولاته فقولت اغرق المحاورات شكولاته

تحياتى وكامل الاحترام والتقدير والامنيات بالشفاء العاجل والتوفيق

عمرو

الاخ العزيز عمرو حورس

شكرا على الشيكولاته الجميلة دى والله اكتر شيء بيسعدنى هو منظر الشيكولاته :closedeyes: ويسلام لو تبقي حقيقي دا انا كنت قمت جريت :lol:

ومش عين حسود ولا حاجة دا مقدر ومكتوب يا عمرو :lol:

شكرا على سؤالك وعلى الشيكولاته كمان

نردهلك فى الافراح ان شاء الله

[badroora]

:lol: الف سلامة عليك يانجفة ويارب تقومى بالسلامة وتنورى المحاورات من تانى

بس شكلك كدا تقلتى فى المانجا شويتين وحد قر عليكى ( مش احنا طبعا ) :lol:

الله يسلمك يا ابو عمر يا ب

والله المنجا كلتها بس طبعا مكنش اوانها بس اهو ابويا حققلى امنيتى والسلام

وطبعا انتم مش قرارين ابدا ابدا الشيطان هو اللى وحش وقر على :closedeyes:

شكرا على سؤالك ويا رب نهنيك فى فرح عمر يا رب

[badroora]

زمااااااااان ايام ما كانت رجلي تتجبس (مش فاكر كام مرة من كترهم ) كان أصحابي يكتبوا لي على الجبس بعض الجُمَل المؤثرة لرفع روحي المعنوية

من شدة حبهم لي كانوا يكتبوا مثلاً (خسارة فيك الهدايا اللي جايبينها لك - و ده كان وقته تنكسر قبل الماتش؟ - عقبال الرِجل التانية ) و كده يعني.

كان هذا استهلالاً لابد منه :closedeyes:

النهاردة و من شدة تأثرنا و حبنا جميعاً لبدرية قلت نكتب لها كلمات مؤثرة على الجبس علشان نرفع من روحها المعنوية و تقوم بالسلامة في أسرع وقت إن شاء الله

:lol:

والله يا جنرال مش عرفه اقولك ايه عجبتنى اوى تابلوه رجلى دا حتى بافكر اخدة ابروزة واحطة عالحيطة للذكرى :lol:

بس شقاوة ايه دانا غلبانه ومسكينه واللى حصلي دا من هشاشه العظام والسن بقي يلا هنقول ايه الله يرحم ايام الشقاوة

وعلى الرغم من الكلمات المؤثرة اللى على الجبس وشماتةالاسفلت فيا الا انها اسعدتنى ورفعت معنوياتى بجد

الله يسعدك يا رب ويحمى رجلك وتبطل تنكسر

تم تعديل 29 ديسمبر 2007 بواسطة Badria Mekkawy