MuslimaEgyptian بتاريخ: 16 فبراير 2003 تقديم بلاغ مشاركة بتاريخ: 16 فبراير 2003 كتبت كليو ما هى أسباب الإصابة بالبوليميا؟؟؟؟ و هل هى مرض نفسى؟؟؟ السلام عليكم يا أخت كليو، رأيت أن أفتح مداخله منفصله عن البوليميا علشان متضيعشى فى مداخله الاضطرابات الشخصيه، مع ان البوليميا برضه نابعه من اضرابات للشخصيه عميقه.بس على فكره يا كليو، هى مش منتشره فى مصر او العالم العربى عاده، ولكنها مشكله كبيره فى امريكا واوروبا وكندا واستراليا - حيث التركيز على مبدأ إن الرفع متعلق بالجمال وينعكس ذلك المبدأ فى مجلات المراهقات والاعلانات التلفيزيونيه (إحنا الحمدلله كريمه مختار رمز بارز فى إعلاناتنا فمفيش مشاكل :). كبدايه، الBulimia Nervosa نوع من انواع "إضطرابات الأكل" (Eating Disorders) ذات طابع نفسى. أغلب المتأثرين بها من النساء- 90% - (سن المراهقه للعشرينات عاده) لأنها تتعلق بأمور الوزن والشكل الخارجى والرجيم إلخ. وقد تؤدى لمشاكل صحيه كثيره وربما الموت فى بعض الاحيان (بس الAnorexia أخطر- نوع آخر من إضطرابات الاكل - لأن المريض بيفضل شايف نفسه سمين حتى ولو هو بقى رفع عود الكبريت وبيفضل يستخدم شتى الوسائل لتخفيض الوزن الى ان يصبح فتله وبرضه مش مقتنع...ومع الوقت، بيؤثر ذلك على الجسد بطريقه خطيره ، إضطرابات فى الكيماويات المطلوبه بالجسد وهكذا (electrolyte imbalance for example)، فلذلك مراعاه الطبيب البشرى *هام للغايه* عند هذا النوع من الحالات). نرجع للبوليميا، مش شرط يكون الشخص البوليمى نحيف بالدرجه الملموسه مع الشخص الانوركسى...بالعكس، ممكن يكونوا سمينين جدا. الشخص البوليمى برضه بيكون متأثر بموضوع الوزن..فيحاول التحكم فيه خلال انه يفضل يآكل يآكل يآكل حاجات كتيره(بطريقه غير محكمه للغايه) ويقوم دافع نفسه للقئ بعد كل ذلك للتخلص من كل ما أكله...وكله فى الخفاء و بسبب ذلك بيكونوا مكسوفين من نفسهم، فيترك ذلك الفعل أثر نفسى سئ. ممكن الواحد بيعرف الشخص البوليمى من أسنانه لأن من كثره القئ، الأسنان بتبوظ..مثلا الطبقه التى تحمى الاسنان بتتآكل من مواد المعده التى تتصاعد مع القئ... بتكون هناك محاولات أخرى بقى لخفض الوزن، التطرف فى الرياضه..او إستخدام خاطئ للمسهلات... ليه بقى الموضوع ده مرض نفسى الى جانب الاسباب الواضحه...وهو لأن المريضه بتضع نظرتها لوزنها ونظرتها لقيمتها كشخص فى خانه واحده....يعنى التخن = إحتقار للنفس. ثانيا، وهذا الرأى الغالب والذى أقتنع بيه شخصيا..وهو ان الشخص البوليمى بيكون عانى مشاكل كبيره جدا جدا منذ النشأه تركت أثر نفسى عميق للغايه يحاول الانسان تفادى التعامل معها من عمقها...وبدلا من التحكم فى مشاكله للتوصل الى الصفاء النفسى، يفرغ ذلك فى التحكم فى وزنه. ولذلك، دائما يقول البوليميين انهم يشعرون بإرتياح هائل وغريب بعد لحظات القئ...فيتكرر مرارا... ولكنه إرتياح مؤقت ولذلك يتكرر...فإذن على المريض ان يحاول معالجه المشكله الاصليه. عمرى ما هنسى واحده كانت عندها مشاكل كبيره للغايه، "أبسط" شئ منها إنها تأثرت بمشهد باباها ومامتها بالمحكمه وهى صغيره فور إعلان القاضى لطلاقهم ثم بعد سؤالهم بمن سيحتضن الابنه..وبقى الاب والام فى مصارعه كلاميه (خدها إنت..لأ خديها إنتى). فنشأت وهى حاسه إنها غير مرغوبه كإنسان ولا قيمه لها فى الحياه..وبعد كده معاناه مع مرات أب، ثم حادث إغتصاب ثم حاجات تانيه... ما علينا :) وآخر قولى هو الحمدلله... التوقيع مغلق للتحسينات :) . رابط هذا التعليق شارك المزيد من خيارات المشاركة
Cleo بتاريخ: 16 فبراير 2003 تقديم بلاغ مشاركة بتاريخ: 16 فبراير 2003 شكرا يا سمسة على الرد. أنا أصل لفت نظرى إن الأميرة ديانا و الأميرة الأخرى ولية عهد السويد أو الدنمارك أظن مصابين بهذا المرض و هن يعانين من مشاكل نفسية سببها تسليط الأضواء عليهن و عدم الشعور بالحرية. و هذا مثلا عكس الملك فاروق الذى فرغ شحنة المشاكل النفسية لديه فى الاتجاه المعاكس : الإفراط فى الأكل و ذلك بعد أزمة 1942 الشهيرة فازداد وزنه من 1942 إلى يوم عزله 1952 بشكل كبير و زادت معه هذه العملية فى لاشهور الأخيرة قبل وفاته حتى أنه يوم وفاته قد انتحر بالأكل حتى الموت...!!!! أنا مثلا لما بيجيلى اكتئاب بتقلب معايا بأكل حتى الموت... :) :) إذن ما هو الذى قد يدفع إنسان اتقيوء الأكل و آخر للأكل بشراهة؟؟ (ليكو نسبة من الفيزيتا بتاعت العيادة الخاصة اللى أنا فتحتها... :) :) ) وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
MuslimaEgyptian بتاريخ: 16 فبراير 2003 كاتب الموضوع تقديم بلاغ مشاركة بتاريخ: 16 فبراير 2003 شكرا يا سمسة على الرد.أنا أصل لفت نظرى إن الأميرة ديانا و الأميرة الأخرى ولية عهد السويد أو الدنمارك أظن مصابين بهذا المرض و هن يعانين من مشاكل نفسية سببها تسليط الأضواء عليهن و عدم الشعور بالحرية. و هذا مثلا عكس الملك فاروق الذى فرغ شحنة المشاكل النفسية لديه فى الاتجاه المعاكس : الإفراط فى الأكل و ذلك بعد أزمة 1942 الشهيرة فازداد وزنه من 1942 إلى يوم عزله 1952 بشكل كبير و زادت معه هذه العملية فى لاشهور الأخيرة قبل وفاته حتى أنه يوم وفاته قد انتحر بالأكل حتى الموت...!!!! أنا مثلا لما بيجيلى اكتئاب بتقلب معايا بأكل حتى الموت... :) :) إذن ما هو الذى قد يدفع إنسان اتقيوء الأكل و آخر للأكل بشراهة؟؟ عزيزتى كليو، هيبقى صعب على أعلق على المشاهير اللى ذكرتيهم علشان معرفشى ظروفهم وتفاصيل حياتهم...بس Interesting خالص موضوع الملك فاروق ده..والراجح ان المشاهير اللى كان عندهم بوليميا لم يكن فقط بسبب الشهره وان كانت عامل بالنسبه لهم...فنبذه سريعه عن حياه ديانا سترينا إنها كانت بتعانى من مشاكل نفسيه أكثر عمقا مثلا.. بس احنا بنتكلم عن حاجتين مختلفتين هنا...الاكتئاب والاضطراب النفسى المنعكس فى أسلوب الاكل والمتعلق بالقئ كأحدى أعراضه... من أعراض الاكتئاب الجامد هو يا الاكل اوى..ياالامتناع عنه كليا...حسب الشخص...ففيه ناس بتمتنع عن الاكل لأنها مكتئبه فبذلك بتفقد الرغبه فى كل شئ، ..حتى الاكل. ولكن ناس تانيه برضه بتكون مكتئبه ولكن بنلاقيهم بياكلوا اوى كنوع من التكيف مع الاكتئاب...فبذلك بيحطوا تركيزهم فى شئ آخر غير اللى شاغل مخهم وبيخليهم يكتئبوا...فالأكل بيكون منفذ. ونفس الاعراض بدرجه أقل بتخلينا طبيعى نمتنع عن الاكل او ناكل زياده عن اللزوم اوقات الأحزان العابره... (ليكو نسبة من الفيزيتا بتاعت العيادة الخاصة اللى أنا فتحتها... ) أه يا خوفى لأضطر أرجعهالك تمن فيزيته تاريخ الجبرتى ويبقى كده ضاعت أحلام اليخت وخرجنا زى ما دخلنا :) :) التوقيع مغلق للتحسينات :) . رابط هذا التعليق شارك المزيد من خيارات المشاركة
Cleo بتاريخ: 16 فبراير 2003 تقديم بلاغ مشاركة بتاريخ: 16 فبراير 2003 بس احنا بنتكلم عن حاجتين مختلفتين هنا...الاكتئاب والاضطراب النفسى المنعكس فى أسلوب الاكل والمتعلق بالقئ كأحدى أعراضه... طب معلش إيه الفرق؟؟؟ عشان أبقى أحكيلك حدوتة الملك فاروق..... :twisted: :twisted: :) أه يا خوفى لأضطر أرجعهالك تمن فيزيته تاريخ الجبرتى ويبقى كده ضاعت أحلام اليخت وخرجنا زى ما دخلنا لااااااااااا. الجبرتى ده حاجة كدة للشهرة بس..... أنا محوشة الفيزيتات للى بعد كدة..... :twisted: :twisted: (الناس بقت وحشة أوى أوى.... يا ساتر.... :!: :!: ) :) وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
MuslimaEgyptian بتاريخ: 16 فبراير 2003 كاتب الموضوع تقديم بلاغ مشاركة بتاريخ: 16 فبراير 2003 بس احنا بنتكلم عن حاجتين مختلفتين هنا...الاكتئاب والاضطراب النفسى المنعكس فى أسلوب الاكل والمتعلق بالقئ كأحدى أعراضه... طب معلش إيه الفرق؟؟؟ لاه ه ه ه...إنت مش مركزه فى الفصل خالص النهارده ...لو سمحتى هاتى كتاب تاريخ الجبرتى ده من إيدك اللى شايفاكى بتقريه من تحت لتحت وعيدى قراءه الفرق بين اسلوب الاكل عند الاكتئاب واسلوب الاكل عند البوليميا والا هبعتك مكتب الناظره :twisted: :twisted: :D عشان أبقى أحكيلك حدوتة الملك فاروق..... :twisted: :twisted: :D :mad: :mad: يعنى مش مركزه..ورشوه كمان؟؟؟؟ انا مدرسه شريفه مش زى المدرسين الخصوصيين بتوع اليومين دول...لولا بس إنى شايفه انك تلميذه مجتهده وذات مستقبل مشرق كان بقى زمان ليه تصرف تانى :twisted: :twisted: :D التوقيع مغلق للتحسينات :) . رابط هذا التعليق شارك المزيد من خيارات المشاركة
Cleo بتاريخ: 16 فبراير 2003 تقديم بلاغ مشاركة بتاريخ: 16 فبراير 2003 بس احنا بنتكلم عن حاجتين مختلفتين هنا...الاكتئاب والاضطراب النفسى المنعكس فى أسلوب الاكل والمتعلق بالقئ كأحدى أعراضه... طب معلش إيه الفرق؟؟؟ لاه ه ه ه...إنت مش مركزه فى الفصل خالص النهارده ...لو سمحتى هاتى كتاب تاريخ الجبرتى ده من إيدك اللى شايفاكى بتقريه من تحت لتحت وعيدى قراءه الفرق بين اسلوب الاكل عند الاكتئاب واسلوب الاكل عند البوليميا والا هبعتك مكتب الناظره :twisted: :twisted: :D عشان أبقى أحكيلك حدوتة الملك فاروق..... :twisted: :twisted: :D :mad: :mad: يعنى مش مركزه..ورشوه كمان؟؟؟؟ انا مدرسه شريفه مش زى المدرسين الخصوصيين بتوع اليومين دول...لولا بس إنى شايفه انك تلميذه مجتهده وذات مستقبل مشرق كان بقى زمان ليه تصرف تانى :twisted: :twisted: :D انتى مالك مركزة معايا كدة ليه.!!!!! يا سااااااااتر. الواحد مايعرفش ياكل عيش فى البلد دى....!!!!!!! :s: :s: :s: وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
ابو حلاوه بتاريخ: 17 فبراير 2003 تقديم بلاغ مشاركة بتاريخ: 17 فبراير 2003 زي المعتاد الاخت مسلمة شرحت الموضوع بسلاسة و بتعمق في نفس الوقت ..و ما فيش حاجة تانية مهمة اقدر اقولها الا بس للي عايزين يوجعوا دماغهم في تفاصيل نبدا الاول بالانوريكسيا و الانوريكسيا باختصار شديد هي الامتناع عن الاكل فول ستوب .. يعني البنت من دول بتشعر برغبة جامحة في عدم تناول اي طعام .و مراقبة الوزن بشكل بيسيطر عليها تماما.. و قد تكون هناك نوبات من البوليميا يعني تناول كميات ضخمة جدا من الاكل و لكن المعيار الاساسي في التشخيص هو الوزن... في الانوريكسيا .. المريضة الوزن و شكل الجسم هو المشكلة الرئيسية.. و هناك احساس مستمر بانها تعاني من السمنة بالرغم من ان البنت من دول لحم علي عظم... و عادة البنت من دول بتقضي ساعات امام المراية بتراقب شوية الشحم اللي هنا و شوية الشحم اللي هناك ده غير انها ممكن توزن نفسها في اليوم حوالي خمسين ستين مره .. عندي عيانه كانت بتقيس وزنها بالجرام !!!!!! في البوليميا الصورة مختلفة .. الوزن ممكن يكون مشكلة احيانا و لكن نواة المرض في العلاقة بالطعام ... و الطعام في البوليميا بيشكل الهيرويين للمدمن و علي فكرة هناك علاقة وثيقة جدا بين المرضين اي الادمان و البوليميا و هاتكلم عن الموضوع ده بعدين بالنسبة للبوليميا .. مش اي و احد زعل شوية و كل حلتين محشي و فرخة و اربع علب ايس كريم و حلي ب15 برتقالة يبقي مصاب بالمرض مثل هذا النوع من الاعراض و ارد جدا و منتشر جدا لاي انسان البوليميا حسب تعريف ال دي اس ام 4 يشترط فيه التكرار و مساحة زمنية محددة يعني نوبة اكل مرتين علي الاقل في الاسبوع لفترة لا تقل عن 6 اشهر و احد زعل و اتخانق مره ... عادي خالص مافيش مشكلة ... و احد زعل و اتخانق و ده بيحصل له احيانا ... عادي خالص مافيش مشكلة .. و لكن واحد زعلان علي طول و بيتخانق علي طول ..لا هنا بقي فيه مشكلة وللحديث بقية الرئيس مسئول عن كل ما تعاني منه مصر الأن لا رابط هذا التعليق شارك المزيد من خيارات المشاركة
ابو حلاوه بتاريخ: 18 فبراير 2003 تقديم بلاغ مشاركة بتاريخ: 18 فبراير 2003 عودة للحديث عن البوليميا ... مرة اخري نجد ان للمجتمع و القيم الاجتماعية عامل هام في هذا المرض و قبل ان ادخل في تفاصيل و نظريات ... تعالوا نفتكر مع بعض افلام الاربعينات و الثلاثينيات .. كانت معايير الجمال في ذلك الوقت بتختلف كثيرا عن الوقت الحالي ... و الفتاة البضة كانت دليل علي العز و الفخفخفة و لكن علي مدي العقود الماضية و خاصة في العقدين الماضيين الصورة اختلفت و اصبح الشكل اللي بتفرضه وسائل الاعلام و الموضة علي العالم هي الفتاة النحيفة بل و الان شديدة النحافة و من ضمن الاسباب في وجهة نظري ان معظم مصممي الازياء العالميين من الشواذ جنسيا .. و معظم الموديلات اللي بيختاروهم للعمل عندهم بيكون جسمهم شديد النحافة --- بدون ثدي او ارداف --- و مرض البوليميا و الانوريكسيا مرض الطبقات العليا و المتوسطة في العالم .. و مرض البلدان الغنية اكثر منه مرض البلدان الفقيرة ... و في امريكا بالذات المرض منتشر بكثرة وسط اليهود و الايطاليين اكثر من ذوي الاصول الافريقية مثلا .. لان الوزن الاجتماعي للمظهر الخارجي و الجسم ليست بنفس الاهمية يتبع الرئيس مسئول عن كل ما تعاني منه مصر الأن لا رابط هذا التعليق شارك المزيد من خيارات المشاركة
MuslimaEgyptian بتاريخ: 9 مارس 2003 كاتب الموضوع تقديم بلاغ مشاركة بتاريخ: 9 مارس 2003 و مرض البوليميا و الانوريكسيا مرض الطبقات العليا و المتوسطة في العالم .. و مرض البلدان الغنية اكثر منه مرض البلدان الفقيرة ...و في امريكا بالذات المرض منتشر بكثرة وسط اليهود و الايطاليين اكثر من ذوي الاصول الافريقية مثلا .. لان الوزن الاجتماعي للمظهر الخارجي و الجسم ليست بنفس الاهمية يتبع إستوقفتنى هذه الجمله يا اخ أبو حلاوه..بالاخص نقطه الطبقات العليا والمتوسطه...جعلتنى أشعر بأنه ميزه وليس داء.. بالطبع هذا به صحه لإزدياد الرفاهيه والماديه والاهتمام بالمظهر مع إرتفاع الطبقات...ولكننى أحسبه مرض يرتفع مع مبادئ وقيم البلد الذى ينتشر فيها...فالخليج مثلا لا نرى ذلك فيه وايضا الكويت والسعوديه...وماليزيا ونيوزيلانده...واليابان والصين...ولا نجده فى الطبقات العليا او المتوسطه فى مصر أيضا..فحاسه ان الموضوع مش ثراء البلاد على قد ما هو القيم المتفشيه فيه... ما رأيك؟ وعلى فكره احببت ان اسألك، كيف يختلف علم النفسى الإكلينيكى فى فرنسا عن امريكا؟ رأيتك تستشهد بالDSM-4 ..فهل هو نفسه ما يستعمل هنا ام عليه إضافات ومتغيرات فرنسيه؟ وهل هناك اى إختلافات أخرى؟ وما هى طريقه علاج البوليمكس هناك لأنهم من أصعب الحالات هنا...resistive للغايه ولا يقولون حقيقه أمرهم بسهوله.. التوقيع مغلق للتحسينات :) . رابط هذا التعليق شارك المزيد من خيارات المشاركة
ابو حلاوه بتاريخ: 10 مارس 2003 تقديم بلاغ مشاركة بتاريخ: 10 مارس 2003 مسلمة مصرية كتبت وعلى فكره احببت ان اسألك، كيف يختلف علم النفسى الإكلينيكى فى فرنسا عن امريكا؟ رأيتك تستشهد بالDSM-4 ..فهل هو نفسه ما يستعمل هنا ام عليه إضافات ومتغيرات فرنسيه؟ وهل هناك اى إختلافات أخرى؟ وما هى طريقه علاج البوليمكس هناك لأنهم من أصعب الحالات هنا...resistive للغايه ولا يقولون حقيقه أمرهم بسهوله.. عزيزتي مسلمة مصرية الICD 10 و ال DSM IV هم بنستخدمهم باستمرار .. الاول هو الاسلوب المعترف به في تسجيل المرضي و التشخيص في سجل المريض -- الداتا باز اللي بنتعامل معه مع التامين الصحي و الثاني في التجارب اللاكلينيكية عموما وهناك تصنيف فرنسي للامراض النفسية لارضاء النعرة الوطنية مبني اساسا علي نظريات التحليل النفسي و لكن لا نستخدمه او بمعني اصح ليس له اي وزن علمي بالنسبة لعلاج البوليمكس .. انت عارفة ان هناك عدة اساليب .. فيما يتعلق بي انا امارس ال CBT و هناك عدة دراسات بينت ان هذا النوع من العلاج ممكن ان يأتي بنتائج جيدة في حالة البوليميا فقط وليس الانوريكسيا ... لكن لم يتح لي ان اتابع هذا النوع من المرضي حتي الان ك psychotherapy و لكن رايت العديد من الحالات معظمها كان محجوز في مستشفي نتيجة لمضاعفات عضوية .. بالنسبة للانوريكسيا في فرنسا هناك عدة مراكز متخصصة في عدة مدن فرنسية .. و عادة نقوم بارسال المريضات لتلك المراكز بالنسبة للبوليميا كما تعرفين ان تلك المريضات عادة لا يستشرن الاطباء النفسيين الا في حالة وجود مضاعفات .. و عموما انا في رايي انه لا جدوي من متابعة تلك المريضات اذا لم يكن هناك اي رغبة في العلاج و هو ما يحدث غالبا و سندخل في دوامة من الmanipulation تنتهي غالبا بفشل العلاج إستوقفتنى هذه الجمله يا اخ أبو حلاوه..بالاخص نقطه الطبقات العليا والمتوسطه...جعلتنى أشعر بأنه ميزه وليس داء.. بالطبع هذا به صحه لإزدياد الرفاهيه والماديه والاهتمام بالمظهر مع إرتفاع الطبقات...ولكننى أحسبه مرض يرتفع مع مبادئ وقيم البلد الذى ينتشر فيها...فالخليج مثلا لا نرى ذلك فيه وايضا الكويت والسعوديه...وماليزيا ونيوزيلانده...واليابان والصين...ولا نجده فى الطبقات العليا او المتوسطه فى مصر أيضا..فحاسه ان الموضوع مش ثراء البلاد على قد ما هو القيم المتفشيه فيه... [/quote]عزيزتي مسلمة مصرية انا لا اعرف مدي انتشار تلك الامراض في تلك الدول ولكن علي حد معرفتي ان البوليميا و الانوريكسيا موجودين بالفعل في مصر بالنسبة لموضوع انه بيمس الطبقات المتوسطة و العليا بالذات .. فيمكن تفسير ذلك بان الاهتمام بالمظهر و التاثر بوسائل الاعلام و الموضة الخ اكثر تاثيرا في تلك الطبقات من الطبقات الاخري و اعتقد ان الكلام ده مكتوب في كابلان الرئيس مسئول عن كل ما تعاني منه مصر الأن لا رابط هذا التعليق شارك المزيد من خيارات المشاركة
MuslimaEgyptian بتاريخ: 11 مارس 2003 كاتب الموضوع تقديم بلاغ مشاركة بتاريخ: 11 مارس 2003 جزاك الله خيرا يا أخ أبو حلاوه..بس مين الICD10 ده؟ :D بعد بحث بسيط وجدت إنه له علاقه بالclinical psychiatry ،فإذن يتعلق أكثر بجانب الطب البشرى أكثر منه النفسى؟ وهناك تصنيف فرنسي للامراض النفسية لارضاء النعرة الوطنية زى إيه يا ترى مثلا؟ :D وطبعا آخر الابحاث تحبز الCBT وخاصا لو مع الدواء (anti-depressants)..ولكن الCBT فى ذات نفسه لا يعطى طريقه للتعامل مع المانيبيوليشن :( ولكن إن شاء الله بالخبره والممارسه نعرف نبقى أبو المانيبيوليشن :D وسبحان الله..معقوله فيه فى مصر حالات..؟ بس الحمدلله أكيد مش بنفس القدر... وماشاءالله أكيد خلفيتك الطبيه ميزه تساعدك على أداء عملك بشكل شامل...إلا المجال ده فى مصر عامل إزاى يا ترى؟ إزاى الواحد كده يقدر يصلح البلد ويرفع راس الجنيه خلال هذه المهنه مثلا؟ :lol::) هل الجانب النفسى معترف بيه ولا لسه عندهم فكره الشذلونج وخلاص على كده؟ ما هى أكثر المشاكل التى تستدعى أخصائيين؟ وما هو الناقص هناك يستطيع الواحد ملء هذه الفجوه بخبرته؟ وكيف نتوصل لحل وسط فى حيث ان نقدر نساعد الناس ولكن فى نفس الوقت عدم المساس بنقطه الايمان بالله والصبر واللجوء للعائله كحل أفضل أولى...؟ فاهمنى يا أخ ابو حلاوه..متهيألى لو الواحد قدر يجمع بين النقطيتين دول هيكون مقنع أفضل وتكون الفكره متقبله أحسن فى مجتمعنا الشرقى المتدين الذى لم يعتاد الفكره..... رد على أقللللل من مهلك :lol: ، الميكروفون كليو سايباه ومش باينلها حس..هممم...شكلكم كده بتشتغلوا من ورايا... :mad: -------- كل ما بتقع عينى على الأفاتار بتاع حضرتك... بيحسسنى ان علم أمريكا فى الخلفيه... :roll: :roll: التوقيع مغلق للتحسينات :) . رابط هذا التعليق شارك المزيد من خيارات المشاركة
ابو حلاوه بتاريخ: 12 مارس 2003 تقديم بلاغ مشاركة بتاريخ: 12 مارس 2003 الICD10 ده؟ بعد بحث بسيط وجدت إنه له علاقه بالclinical psychiatry ،فإذن يتعلق أكثر بجانب الطب البشرى أكثر منه النفسى؟ عزيزتي مسلمة الطب النفسي فرع كأي فرع اخر من فروع الطب البشري و الموضوع ايديولوجي صرف و ممكن اتكلم في الموضوع ده كتيييييير لاني دماغي وجعاني منه هنا .... و international classification of diseases 10 عملته هيئه الصحة العالمية لآغراض الاحصاء و منه عدة طبعات اخرها سنة 1993 و يشمل الامراض النفسية و الجسدية و بعكس ال DSMIV الي بيختص بالامراض النفسية فقط وهناك تصنيف فرنسي للامراض النفسية لارضاء النعرة الوطنية هناك العديد من التشخيصات الغير موجودة في التصنيفات الانجلوسكسونPersonnalité sensitive de kretchemer psychose hallucinatoire chronique و ممكن اعد بعض التشخيصات الاخري التي لا تخلو من الوجاهة و لكنها غير معترف بها في الDSMIV و عموما تاريخ الطب النفسي الفرنسي عريق و قوي و علي مستوي تاريخ الطب النفسي الالماني إلا المجال ده فى مصر عامل إزاى يا ترى؟ إزاى الواحد كده يقدر يصلح البلد ويرفع راس الجنيه خلال هذه المهنه مثلا؟ هل الجانب النفسى معترف بيه ولا لسه عندهم فكره الشذلونج وخلاص على كده؟ ما هى أكثر المشاكل التى تستدعى أخصائيين؟ وما هو الناقص هناك يستطيع الواحد ملء هذه الفجوه بخبرته؟ عزيزتي مسلمة مصرية انا لم اعمل في مصر كثيرا في الطب النفسي و بعد تأدية الخدمة العسكرية تركت مصر للدراسة في فرنسا .. و لكن استطيع ان اقول لك ان هناك الجيد جدا و هناك الاقل منه كما في كل مكان و ان كنت احاول ان اتابع ما يحدث من خلال بعض زملائي في مصر وكيف نتوصل لحل وسط فى حيث ان نقدر نساعد الناس ولكن فى نفس الوقت عدم المساس بنقطه الايمان بالله والصبر واللجوء للعائله كحل أفضل أولى...؟ فاهمنى يا أخ ابو حلاوه..متهيألى لو الواحد قدر يجمع بين النقطيتين دول هيكون مقنع أفضل وتكون الفكره متقبله أحسن فى مجتمعنا الشرقى المتدين الذى لم يعتاد الفكره عزيزتي مسلمة مصرية الطب بشكل عام بيرتبط بالحاجات الاجتماعية للبلد و الطب النفسي بالذات اكثر التخصصات ارتباطا بالظروف الاجتماعية و بالتاكيد طريقة ممارسة الطب النفسي و اهدافة قد تكون مختلفة نسبيا في مصر عن بقية العالم و ده شئ طبيعي و لكن انا لي رأي بخصوص الايمان والطب النفسي .. يعني الايمان بالتاكيد قد يحمي من الامراض النفسية و لكن .. و تحتها مائة خط العكس ليس صحيح .. يعني المؤمن قد يمرض كأي انسان اخر و المرض لا يعني باي حال من الاحوال ان المريض غير مؤمن المرض و المشاكل النفسية لها علاج طبي او نفسي كأي مرض اخر و لا يعني اطلاقا ان الفرد ضعيف الايمان او قوي الايمان .. و لماذا لا نقول ان مريض السكر ضعيف الايمان مثلا ... و بالنسبة للاسرة نفس الشئ الاسرة و ظيفتها انها اسرة و مرض اي من افرادها لا يعني بالضرورة انها هي السبب .. و لا يعني ايضا انها قادرة علي احتواء المرض فلا يكلف الله نفسا الا وسعها الرئيس مسئول عن كل ما تعاني منه مصر الأن لا رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان