فكرة جميلة جدا للاحتجاج .. و سلمية جدا جدا .

[Proud Muslim]

أنقرة ـ وكالات الأنباء‏

أطفأ ملايين المواطنين في كل أرجاء تركيا في وقت واحد من مساء أمس الأول الأنوار في المنازل لمدة دقيقة واحدة‏,‏ تعبيرا عن احتجاجهم علي شن عملية عسكرية محتملة ضد العراق‏.‏

وذكرت شبكة إن‏.‏تي‏.‏في الإخبارية التركية أن الأمر الذي لفت الانتباه هو أن الأنوار أطفئت أيضا في منزل رئيس الوزراء عبدالله جول في التوقيت نفسه‏,‏ مما يعني مشاركة جول وأسرته الشعب التركي في موقفهم‏.‏

و الله فكرة حلوة جدا ..

يا ريت تحصل في مصر.. و لا يبقى في قوات امن .. و لا اعتقالات .

:idea: :idea:

[الطفشان]

فكرة جميلة جدا و سهلة جدا

نقلت الى باب السياسة بمعرفتي

[شيكو المصري]

فكرة جيدة جدا بس احنا لو شعبنا اتوحد بس في طفي النور احتجاجا يبقى دة معناة ان شعبنا و صل الى حالة و درجةعالية من الوعي بما يحدث حولة ....... و الاتفاق على فعل عمل موحد ستكون بداية لتحرك الشعب ليغير من الكثير من الاوضاع السيئة التي نعيشها . :wink:

[Proud Muslim]

أنا بصراحة نفسي فعلا تحصل .. و أكيد هيكون لها صدى .. خصوصا إن معدلات استهلاك الكهرباء هتبان في شركات الكهرباء .. و الحكومة تعرف و هي في بيتها ..يعني لا حد ينزل .. و لا يتعب نفسه ..

طيب .. الإخوة النشطين ( انا بصراحة كسول جدا ) ..يعملوا حاجة ..

كام اعلان .. و كام ايميل .. و كام نشرة في كام منتدى .. و كام رسالة في مجموعات بريدية ..

و يبقى جزاكم الله خيرا .

[DARWEEN]

أخواني الأعزاء

بداية أرجو ألا يتهمني أحد بأحباط العزائم ونثبيط الهمم .

أولا الفكره جميله جدا في حد ذاتها وراقيه جدا جدا

ولكن

هل نحن كشعب مصر قادرون على تنفيذ مثل هذه الفكره ؟؟؟

لقد ذكرني هذا الموضوع بيوم تم أعلان حظر التجول عقب ما أسموها بأنتفاضة الحرامية .... يومها خرجت الناس للشارع لمشاهدة حظر التجول ....

:D :D :D :D :) :)

ياجماعه سبق أن أعلنتها في أكثر من مشاركه وأعيد اليوم وأكررها

الشعب المصري يحتاج إلى توعيه ... توعيه .

أنا لاأطالب أن يكون الشعب كله من خريجي الجامعات .. فهناك فرق بين التعليم والوعي ... لأن أغلب خريجي الجامعات خاليا هم نفسهم يحتاجون لتوعيه ...

ياجماعه الشعب عاوز يصحى ....

عاوز هزه تصحيه

وإذا كانت مصيبه مثل تعويم سعر الجنيه وحالة الشلل والكساد والخراب التي عمت البلد لم تيقظ هذا الشعب ..

فأنا أعتقد أنه لن يصحو إلا على مصيبه وربنا يستر

[حشيش]

عندى فكرة زينه يابوى :shock: :shock: :shock: نجيب جط مولع ونطلجه فى البلد يحرجها كلها :shock: :shock: :shock: ...وبكده الحكومة تعرف إننا محناش راضيين عن اللى بيوحصل فى العراج :shock: :shock: :shock: فهمتنى صوح عاد :shock: :shock: :shock:

[بنت بحري]

واضح إن الأخ حشيش لسه متأثر بمطاوع :D :D :D

بس أنا شايفة أنها فكرة مش عمليه أوي أو هي جملية بالنسبة لتركيا مش لمصر . أحنا لللللللسه حنطفي النور ونولعه ولحمنا ينهش في كل مكان انا مش فاهمة ايه حالة السكون إل وصلها الشعب المصري فعلاً أحنا محتاجين نفوف و يا خوفي من إل جاي .

[Alshiekh]

فكرة جميلة ، نريد تنفيذها فى مصر للأحتجاج على الحكومة والرياسة واللى عاملينه فينا، ولو نجحنا نعملها للأحتجاج على بوش واللى واقفين معاه،

صح الكلام

[kokowawa1979]

طبعا لو جت على دقيقة واحدة مش مشكلة إنما كل الخوف العملية تحلى في عين الرجال وتطول المدة عن دقيقة وتجيب نتيجة عكسية والباقي انتم عارفينه ويزيد السكان مليون مرة واحدة بعد 9 شهور!!!

صدقوني المسألة دي أنا باتكلم فيها جد

فيه وسائل احتجاج أفضل من كدة بحيث يتم عمل سرادق كبير في كل حي ويتم فيه تقبل العزاء في وفاة الأمة العربية :?

[Seafood]

المشكلة .. إن ممكن الحكومة تعاند .. و ما ترجعش النور بعد الدقيقة ما تخلص ... و تبقى ليلتنا كحل ....

[عمر بيك]

عندي فكره اخري وهي رفع اعلام بيضاء علي اسطح البيوت.

عمر! :idea:

[mnman]

انا عندي فكرة احلا كل واحد يشتري جوزين حمام و يطيرهم من علي سطوح البيت :lol: :D ...

أية رائيكم مش فكرة بدل قطع النور و الضلمة.....

بس الخوف لستات مصر تدبح الحمام لرجالة مصر علشان يبرو نفسهم و تفشل الخطة.... :D :lol:

[الطفشان]

عندي فكره اخري وهي رفع اعلام بيضاء علي اسطح البيوت.

و جنبها اعلام سودا

الاعلام البيضاء عشان احنا سلمنا من زمان

و السودا حدادا على وفاة العرب