كارفور والعبور

[se_ Elsyed]

اخوانى الاعزاء

انا اعمل فى جهاز العبور انا اتوقع ارتفاع اسعار العقارات بنسبة 50 % عام 2008

بسبب الملاهى و كارفور الذى مؤكد انة سيفتح و جولف سيتى و السوق نفسة الذى يوفر اسعار رخيصة و منطقة الجامعات التى بدورها

سوف تحسن فى شبكة المواصلات و نادى العبور الرياضى الذى يفتح الان و مساحتة 35 فدان و بة استاد و كمان ابو ذكرى فتح فى الحى الاول و وجود البنك الاهلى و بنك مصر و الاسكان و التعمير و بنك عودة سوف يفتح فى الجولف و الاهلى سوسيتة

الشاهد على ذلك انة الان الشركات تبيع فى الحى التاسع المميز سعر المتر تقسيط 1750 جنية

أنت فين يا عم أمازون من زمان ... خليك معانا الله لا يسيئك ولك عضوية مميزة بالمنتدى - دي مش رشوه :closedeyes:

نادي العبور الرياضي هايبقى حكومي ويعوضنا عن السيتي كلوب أبو 70 ألف جنيه

ويا ترى موقعه هايبقى هو اللي خلف الملاعب المفتوحة ؟

الشاهد على ذلك انة الان الشركات تبيع فى الحى التاسع المميز سعر المتر تقسيط 1750 جنية

طبعاً حضرتك عارف ليه ؟

لإن كل المساكن اللي حواليه دي هاتتقلب بقدرة قادر سكن للطلاب وقسم غرف وأجر يا معلم وشغلانه أخر نضافة ... سرير ودولاب في كل غرفة وأجرها بالشي الفلاني السبع ثمن شهور بتوع الدراسة وفي الأخر العمارة بتبقى مربوطة بأستك وترجع لصاحبها تاني .... يا مزاجو يا مزاجو

بس برضوا لو الطريق من عند السوق ومدخل الدايري ما أتعملش فيه نفق ... يبقى قول على المنطقة كلها يار حمن يا رحيم وهاتبقى ضرب نار ..

ربنا يبشرك يا ريس .....

اخوك سين سين من سكان الحي السادس فيلات سعادتك وأي خدمات من جراند مول :rolleyes:

[gipsson]

السلام عليكم ورحمة الله وبركاته،،

حد يعرف موضوع كارفور العبور يا شباب المضوع حقيقه ام خيال

الى يعرف حاجه يقولها

[gipsson]

العبور فيها كارفور بجد ولا بهزار ممكن نعرف فين الحقيقه

[فيصل رافت]

اشاعات مغرضه

[amrelnour]

ذهبت يوم الجمعة الماضي لجولة في مدينة العبور ففوجئت بلوحة كبيرة تقول ترقبوا افتتاح فرع كارفور العبور --- ماجد الفطيم - معلقة على سور الجولف سيتي. ولفت نظري ان معظم اعلانات الشقق في العبور الان تقول بجوار كارفور -- ---- اتوقع ان ده هيعطي دفعة كبيرة لمدينة العبور واسعار الشقق والاراضي فيها

حد عنده فكرة يا جماعة عن مدى صدق الخبر وعن المكان والزمان اللي هيفتتح فيه الفرع الجديد

السلام عليكم

انا كنت في مصر الأسبوع اللي فات ، وذهبت إلي مدينه العبور ، للتأكد من صحه الخبر وأو من عدمه

وبالفعل وجدت لوحه كبيره تقول ترقبوا افتتاح فرع كارفور العبور -- ماجد الفطيم -- وذهبت عند مدخل النادي لسؤال رجال الأمن ، اذا كان لديهم فكره ، وفي طريقي فوجئت بلوحه اخري عملاقه ، بأرتفاع حوالي 30 متر ، كتب عليها كارفور ، مثل الموجوده حاليا بالمعادي وطريق مصر اسكندريه الصحراوي.

وأمامها مباشره وجدت الأنشاءات الخرسانيه لمجمع كارفور ، وبسؤالي للعاملين هناك ، تبين لي صحه الخبر وانه سوف يتم الأفتتاح في صيف 2008

[Melhakim]

كارفور خلاص فى التشطيبات النهائية

[novocaine]

كارفور العبور فتح يا جدعان خلاص في حولف سيتي مول

[se_ Elsyed]

ده فتح الشهر اللي فات وعامل قلبان هناك وأنا بصراحة إتخرب بيتي كل يوم عشان أدخل أتفرج بس وبالتالي بأطلع متدبس في مبالغ محترمة بدون أي لزمه ..

وكمان فاتح على حسه كمية مطاعم وكافيتريات ومحلات هاتغير شكل المنطقة ...

[Melhakim]

ده فتح الشهر اللي فات وعامل قلبان هناك وأنا بصراحة إتخرب بيتي كل يوم عشان أدخل أتفرج بس وبالتالي بأطلع متدبس في مبالغ محترمة بدون أي لزمه ..

وكمان فاتح على حسه كمية مطاعم وكافيتريات ومحلات هاتغير شكل المنطقة ...

الاخ سى السيد

هو حضرتك ساكن فى العبور ؟؟؟ اصل انا واخد شقه فى العبور

اخبار العبور ايه وكارفور