فيه ايه مضايقك؟ فضفض

[farasha79]

احس نورا مش عاوزه تعيش في جلباب اباها :lol:

بس نصيحة اخوية لنورا لما تجليك فرصه خديها لغايه لما تحصلي فرصه تانيه لانك مش ضامنه اذا فرطي في الفرصه اللي بين ايديك تحصلي فرصه تانيه و بسرعه في زمن الفرص اللي احنا عايشين فيه ده

و لكي كل التوفيق

[nora]

منا خلعت خلاص من يوم السبت و قلت الحقيقة خلاص :roll: :roll: :roll:

[Katamando]

هل من جديد؟

[crossfield]

لا جديد تحت الشمس

ألا أيها الليل الطويل ألا انجلى

بصبح و ما الاصباح منك بأمثل.

[moody00x]

لا جديد تحت الشمس 

ألا أيها الليل الطويل ألا انجلى 

بصبح و ما الاصباح منك بأمثل.

فعلآ ملل كلها الحياة....

.مساء اليأس وألأحباط يا كروس

:roll: :roll:

[linux]

لا جديد تحت الشمس 

ألا أيها الليل الطويل ألا انجلى 

بصبح و ما الاصباح منك بأمثل.

فعلآ ملل كلها الحياة....

.مساء اليأس وألأحباط يا كروس

:roll: :roll:

أيه ياجماعة؟! ما توحدوا الله أمال!

أنتم قالبين ع اللون الغامئ ليه كده؟

و الله العملية مش مستاهلة و أن بعد العسر يسر أن شاء الله.

حد يكون عنده الصحبة العالمية الحلوة دى و يكتئب؟! ده كده يبقى "مش حلو ... مش كميل" (لأ ... الكاف مش خطأ مطبعى!)

____________________________

لينكس سكلنس لينكس

أقطاعى سابق و متعهد موالد حاليا

[بنت شعنونة]

فاضل شهر واحد اللي هوا انا فيه دا واخلص من الكلية الفقر دي وابقى دكتورة بختم النسر

حرة طليقة

مش مفروض عليا العمل لجهة معينة

وممكن ساعتها ابتدي حياتي من جديد زيييي ما انا عايزا

بعد ما تكون كل السلاسل اللي والدي ربطني بيها والمجتمع بيشدني بيها للارض ..خلاص استنفذت مدة عقوبتها

وابقى كدا ارضيت بابا واتخرجت

وارضيت المجتمع وخدت اللقب

وابقى انسانة مطيعة للكل

فيما عدى نفسي

ولكن.....

بما اني مش طايقا الطب وسيرته

فكنت احضر يومين ويومين لا

الا اللهم في حالات انه في حالة مرضية مش واخدا حقها

ووجودي جنبها كطبيبة بيخليني اتصرف بما يرضي الله

غير كدا

فان وجودي في العنبير يعتبر انتحار بطيء ليا

فكنت اصحى الصبح بدري اروح امضي واروح عشان بس اخلص من الشهر اليتيم اللي فاضلي دا

والنهاردا

عشان تكمل فصول القرف

البشاوات زمايلي اعترضوا على اني بمضي

وقالوا اني ما بحضرش وما يعرفونيش

فراح اتشطب على كلللللللللللل الشهر اللي انا مضيت منه 12 يوم!!!!!!!!

يعني ياربي حتى ال 12 يوم اليتاما راحوا هما كمان

كل دا بسبب غباء وغل دكاترا %$#$%#$#$#@$#@$#

انا مش عاوزا مرتب

مش عاوزا اي مصيبة اصلا

كل اللي كنت عاوزا اني اخلص من الشهر اليتيم اللي فاضل

عشان انا استريح

بس الظاهر ان ربنا لسا مش رايدلي الخلاص من السلاسل دي

لو فيه كلمة اكتر من مخنوقة كنت كتبتها

لو فيه صرخة ممكن تسمعوها

كنت صوتها

لو فيه عذذاب ممكن اعمله عشان ارحم نفسي من عذاب الناس ليا وقرفهم فيا

برضه كنت عملته

لكن ها اعمل ايه بس

ما باليد حيلة

اتكتب عليا السلاسل والهم والغم اكتر من 8 سنين

كتييييير اوي :(

"وش واحدا انفطرت من العياط"

[ابو حلاوه]

فكنت احضر يومين ويومين لا

فان وجودي في العنبير يعتبر انتحار بطيء ليا

البشاوات زمايلي اعترضوا على اني بمضي 

وقالوا اني ما بحضرش وما يعرفونيش 

فراح اتشطب على كلللللللللللل الشهر اللي انا مضيت منه 12 يوم

يعني ياربي حتى ال 12 يوم اليتاما راحوا هما كمان 

كل دا بسبب غباء وغل دكاترا

أستاذة شعنونة طبعا من حقك عدم الرغبة في ممارسة الطب ده شئ يرجعلك تماما ..

و لكن من واجبك احترام زملائك في العمل و مشاركتهم اعبائه ..طالما انت جزء منه .. وصفك لهم بالغل و الغباء فيه درجة كبيرة من التجني ..في سنة الامتياز هناك اقسام كثيرة ضغط العمل قليل جدا لأطباء الامتياز و كان بامكانك اختيار اي من تلك الاقسام او التبديل اذا أمكن ذلك و شكرا

[بنت شعنونة]

د.حلاوة

انا فعلا عملت كدا

واسمحلي افرحك وافرحني

ان القسم الابهه اللي انا فيه من اققققققققل الاقسام شغلا

وفيه 16 دكتووووووووور امتيااااااااز

وانا ال 17 سعدتك

ولما حضرت اول يومممممين لقيت اننا بنفضل قاعدين نتكلم في وش بعععععض طووووووول الوقت

الا ربع ساعا حد بيروح يعمل مشووووووووار وبسسسسسسسسس

يعني وجووووووودي زي عدممممممممههههه

زي عدمهم هما كمااااااان

يبقى ايه لازمته انهم يقولوا للسكرتيرة اني مش بتنيل احضضضضضضضضرررررررر؟؟؟؟؟؟؟؟؟؟

كانوا ها يموتوا من غييييييييري؟؟؟؟؟؟؟؟

والا هوا غلللللل وبس؟؟؟؟؟؟؟؟؟؟

ويارتني بمضي كل يوم

دا انا يحضر اسبوعين من الشهر

عشان اخلص بس

وبيتخصم كللللللله من المرتببببب

دا ليييييييه كللللل دااااااااا

ليييييييييييييه!!!!!!!

"وش مفلوق من العياط تاني"

[بنت شعنونة]

يرقد عمي الان في المستشفى

حيث ان مصاب بالمرض اللعين

ويبدوا من تعامل الجميع له..كانما يحضرونه للوداع الاخير..

عمي هذا هوا رووووح بابا

وفي نفس الوقت حما اخي الكبير..

واشهد له انه كان افضل اعمامي اطلاقا خلقا وديناا و تعاملا مع الناس كلهم

ولكن

ان يخبرك انسان عزيز عليك انه "مرعوووب" احسن يدخل المستشفى المرادي وما يطلعش...:(

او انه مرعوب ها يطلع ازاي من المستشفى

الجميع خائف ومرعوب عليه ويزورونه كثييييير جدا

خوفا من الأشتياق بعد الفراق ووا يشعر بهذا ويزيدة رعبا

وفي نفس الوقت لا يمكن التوقف عن الزيارة حتى لا نتكره وحيدا

موقف مرعععععععب

فكرت فيه امبارح

لو كنت مكانه.. كنت جننت رسمي..

والدي حالته النفسية سيئة للغاية

اشعر بالامه جيدا

ودموعه التي تترقرق في عيونه لكما تكلمنا عن عمي

لكنه بيخبي عشان ما نقلقش عليه

اشعر بالعجز الكامل

لطفك بعبادك يارب.....

دعواتكم يا جماعا ان ربنا يكرمنا ويديله الشفا من عنده

ويزيح عنا الالم دا ونعدي الموقف الصعب دا

"وش يبكي"

[ســيد مرزوق]

ربنا يشفيه وينقيه هو القادر على كل شيء , والله أنا اتغميت يا شانا لما قريت كلامك ده , بس ربنا قادر على كل شيء هو الشافي المعافي لا شافي غيره , ولازم اللي حواليه يكون عندهم الأمل في الله بشكل كبير عشان الأمل ينتقل إلى عمك شفاه الله وعافاه ويعديها على خير . وطبعا إنتي عارفة إن مش كل الحالات دي نهايتها وحشة لا سمح الله , تأكدي إن ربنا رحيم وقادر على كل شيء وندعو الله جميعا أن يشفيه ويخفف عنه ويقويكم ويرفع عنكم البلاء بفضله وكرمه وهو أرحم الراحمين ولا حول ولا قوة إلا بالله العلي العظيم .

ربنا معاكم ...

[بنت شعنونة]

والله يا سيد المصيبة اننا دكاترا

وعمي معاه حاجا اسمها liver metastasis

بقالها سنتين

والتالتة اهي انتشر السرطان الى العمود الفقري

يعني طبيا احنا داخلين على اخر مرحلة "وش منكوب"

الحالة بقت زي الرعب

كل ما تلفون يرن الكل يسمي ويتشاهد ويرفع السماعه

ربنا يتقبل دعائك يا سيد

امييييييين يارب العالمين...

[crossfield]

حبيبتى شانا:

لا يرد القضاء الا الدعاء ؛ و الله العظيم الدعاء ده فعلاً و عن تجربة علاااااااااااج لأى ازمة أو مشكلة ؛اطلبى من كل اللى يعرفوه و بيحبوه انهم يصلوا و يدعوا له و بشكل مستمر و و الله يا شانا بإذن الله ربنا هيشفيه ان شاء الله . عليكى بقراءة القرآن و الدعاء المستمر له و لمرضى المسلمين جميعاً .

[se_ Elsyed]

أختنا العزيزة شعنونة

من بيده ملكوت السماوات والأرض قادر على كل شيء ، وبإذن الله يشفيه ويعافيه.

[Lancelot]

يقوم بالسلامة إن شاء الله يا شانا ....

[nora]

بجد امر بحاله نفسية سيئة جدا اشعر انني لا اطيق الدنيا كلها وبسبب هذة الحالة اشعر انني اصبحت عصبية جدا ولا اطيق اقل كلمة ولا اعرف ماذا افعل احاول العزلة مع نفسي ولكني هطق خرجت مع حد بعد سرحانة مش عرفة اعمل اية بجد مخنوقة

[se_ Elsyed]

بجد امر بحاله نفسية سيئة جدا اشعر انني لا اطيق الدنيا كلها وبسبب هذة الحالة اشعر انني اصبحت عصبية جدا ولا اطيق اقل كلمة ولا اعرف ماذا افعل احاول العزلة مع نفسي ولكني هطق خرجت مع حد بعد سرحانة مش عرفة اعمل اية بجد مخنوقة

شوفي يا نورا يابنتي الحل فى كلمة تتكون من 4 حروف " جواز "

سيبك من الوظيفة ومن الغربة وأنزلي أتجوزي الراجل اللى زمانه نشف فى مصر ..... صدقيني الأستقرار هايغير حياتك كله وهيبقى لك هدف فى الحياه .

[BenNeal]

الأخت الفاضلة نورا:

زمان كنت فاكر ان امتحان الثانوية العامة و دخول كلية الهندسة هى دى اهم خطوة فى حياتى و بعدين كل حاجة ها تبقى سهلة. و بعدين نفس الكلام ده اعتقدته لما خدت البكالوريس و لما اخذت اول وظيفة و التانية, و التالته.......و العاشرة و لما اخذت فيزة الهجرة ... و لما لقيت فتاة احلامى و لما قامت بالسلامة بعد اول طفل... و لما اشتريت اول شقه.. و اول عربيه...

و لغاية دلوقت عندى الاحساس ده لما افتح ان شاء الله الbusiness بتاعى و لما.... و لما..... و لما...

بس دلوقت غير زمان خالص. زمان كنت باعتقد فعلا ان هاجد الراحة و الحياة السهلة بعد كل خطوة مهمة فى حياتى. دلوقت انا عارف ان الحياة ماهى الا سلسلة من الخطوات (او الأهداف او العوائق) اول ما بنخلص خطوة بنكون بنأخذ الخطوة التانية. المهم ان احنا نكون بنخطو فى الطريق السليم و نفرح لكل خطوة اتممناها و نتفاءل بكل خطوة جديدة و نصبر على آلامها حتى نجتازها و نحمد الله عند تمامها و نعد انفسنا للخطوة التالية.

انا شفت فيلم امريكى فى اوائل التسعينات (من القرن الماضى... وش واحد عجوز) اسمه Working Girl . الفيلم بيحكى قصة سكرتيرة ذكية و طموحة تنتهى بعد صراعات عديدة بتعينها فى مركز مرموق بسكرتيرة شخصية فى مكتب فاخر يقع فى احدى ناطحات السحاب فى نيو يورك. الفيلم ينتهى بلقطة من شباك مكتبها من الخارج ثم تاخذ الكاميرا بالأبتعاد zoom out تدريجيا الى ان تصبح النافذة مجرد واحدة من ضمن آلاف النوافذ بينما هى على التيليفون تزف لصديقتها قصة نجاحها. انا اعتقد ان المخرج كان عايز يقول ان و صولها للمركز ده هو مجرد خطوة.. و ان امامها الكثير من الخطوات و الصراعات لتصل الى النجاح لمطلق.

فى النهاية ارشح الموضوعين التاليين لقراءتك:

http://www.egyptiantalks.org/bforums/viewt...opic.php?t=6500

http://www.egyptiantalks.org/bforums/viewt...opic.php?t=6441

[nora]

عارف بجد انا حسة ان مشكلتي هي عدم شعوري بالاستقرار واني مشتتة بجد

BenNeal

عارف فكرتني بكلمة معناها ان سر شقاء الانسان هو عدم شعورة بالرضا وكلما حقق سبب من اسباب السعاده شقى بغيرها فلا يصل ابدا للرضى

بس والله انا الفكرة مش عدم الرضى انا حسة بعدم السعاده مهما توفرت لي كل سبل السعاده لازال في داخلي ذلك الشيء الغامض الذي يشدني للحزن ليس عدم الرضي ولكن فقدان الشعور بالسعاده ككل

[BenNeal]

الأخت الفاضلة نورا:

انا عمال انصح فيك رغم اننى ادعى اننى لا اؤمن باسداء النصح للآخرين...بس فى الحقيقة انا بأذكر نفسى اولا بهذه النصائح فأرجو ألا تنفرى منى.

على فكرة فى حاجتين دائما باحاول تذكرهم دائما: ربنا سبحانه و تعالى انزل ابونا آدم و امنا حواء الى الأرض ليشقيا. الحاجة الثانية ان الراحة الحقيقية هى فى الايمان بالحاجة الأولى.

دعوات لك بان تنعمى برفقة احباءك دائما قريبا ان شاء الله..

ايه رأيك ابعتى لكل واحد Thank You card و لا تكتبى فيه اكثر من هذه العبارة:

"اشتاق لزوجي و اخي ومزحاتنا وضحكاتنا وخروجاتنا وفسحنا اشتقت للنظر في اعينهم واقسم بالله اني على استعداد ان ادفع جزء من عمري اذا كان يجوز ثمن لكي اشعر بهذه اللمه مرة اخرى"

" شكري وامتناني لهم لوجودهم في حياتي "