فيه ايه مضايقك؟ فضفض

[بنت شعنونة]

نورا يا حبيبة قلبي

احيانا تمر الفتاة مننا بمرحلة من الزمن بتكون نفسها تحزن

بجد والله زي ما بقولك كدا

تلاقيها تقعد تفتكر في كمل بلالالالالالالاوي الدنيا اللي حواليها

واللي حصلها من يوم ما اتولدت لدلوقتي

وتقارن نفسها بغيرها

او نفسها بنفسها وافلالالالالالالالالام

وتعيط وبتاع وتقعد كدا اايم واسابيع

عارفا ايه بيحصل في الأخر؟؟

فترة وبتعدي؟ :)

صدقيني

موضوع وقت بس

انا فهمت من كلامك انه ما فيش سبب محدد لدا

اللهم الا موضوع انك حسيتي انك مش فاهما حاجا في الكمبيوتر

بصي يا نورا

انا مش ها انصح لآني خييييييييبة في الموضوع دا

لكن بصي

افتحي موضوع تعالوا باركولي

وشوفي كلامك على الوظيفة الجديدة

شوفي ساعدتك بيها عاملة ازاي

اللي تكتب الكلام دا

بتحب شغلها جدااااااااا

يبقى في نقطة جديدة حصلت

ايه هيا؟

ايه هيا ياربي؟؟؟

هممممممم

احتمااااااال والله اعلم

انه الدروس اللي بتديها للناس حاسا انهم مش مقدرينك صح

مش سامعينك

مش عارفا ترسمي الوش عليهم

لو كلامي دا صح

قوليلي ايوا

وانا اقولك تعملي فيهم اييييييييييييه

"رسالة عليها كلمة ابعتيلي عناونيم وصفيحة جاز بس "

"وش مبتسم"

مستنية اسمع منك يا نورا

وبعدين لو سمحتي

انا واخدا لقب كئيبة المنتدى

مش عااااااااوزييييييييين مناااااااافسسسسسسين بقى

الله؟؟؟؟؟

الواحد ما يستريحش في حااجا ابداااا؟؟؟؟؟؟؟؟

[crossfield]

ايه يا أبو الأنوار مالك بس؟؟؟؟؟

ده احنا مصدقنا لقينا بارقة أمل فى المنتدى :)

نصيحتى ليكى

اعملى بنصيحة عبد الوهاب"صدقنى خدلك حمام" :)

لأ بجد

متسبيش نفسك للحالة دى كتير و حاولى دايما متبقيش لوحدك كتير

وش واحدة بتقول لنفسها يأمرون الناس بالبر و ينسون أنفسهم. :)

فترة و تعدى ان شاء الله.

[nora]

انا كويسة هقولكم حاجة والله حصلتلي ومش قدرة اصدقها خالص بجدا شكرا ليكم كلكم

[Katamando]

الأخوة الأعزاء

فتحت هذا الموضوع للمناقشة لغرض أن يجد كل منا متنفس لما يضايقه ولعلها تكون طريقة لأزالة بعض الهموم عن البعض أو جزاءاً منها

وها أنا ذا أشكو لكم أحساسي بإحتياجي للأحساس بما يبهج أو يفرح لعله يغطي على ما هو عكس ذلك, حيث أنني أفتقد الأحساس بالبهجة أو بمعنى آخر أفتقد الحدث المبهج , فأنا مشتاق لحدث يبهجني يفرحني لكني أنتظر دون معرفة الى متى يطول الأنتظار

اللهم أرزقنا الصبر

في أنتظار ردودكم لو سمحتم

[تصحيح]

بجد امر بحاله نفسية سيئة جدا اشعر انني لا اطيق الدنيا كلها وبسبب هذة الحالة اشعر انني اصبحت عصبية جدا ولا اطيق اقل كلمة ولا اعرف ماذا افعل احاول العزلة مع نفسي ولكني هطق خرجت مع حد بعد سرحانة مش عرفة اعمل اية بجد مخنوقة

الاخت الفاضلة نورا

لا تقلقي ...... جميع العباقرة عندهم نفس الاعراض

[nora]

الاخت الفاضلة نورا

لا تقلقي ...... جميع العباقرة عندهم نفس الاعراض

يا خبر انا وصلت بأه على كده

[nora]

الأخوة الأعزاء 

فتحت هذا الموضوع للمناقشة لغرض أن يجد كل منا متنفس لما يضايقه ولعلها تكون طريقة لأزالة بعض الهموم عن البعض أو جزاءاً منها 

وها أنا ذا أشكو لكم أحساسي بإحتياجي للأحساس بما يبهج أو يفرح لعله يغطي على ما هو عكس ذلك, حيث أنني أفتقد الأحساس بالبهجة أو بمعنى آخر أفتقد الحدث المبهج , فأنا مشتاق لحدث يبهجني يفرحني لكني أنتظر دون معرفة الى متى يطول الأنتظار

اللهم أرزقنا الصبر

في أنتظار ردودكم لو سمحتم

والله مش انت بس فبلاش ان ارد عليك بس هقولك حاجة انا بحبها اوي دي بتصبرني لما بقراها

قال تعالى في الحديث القدسي :-

يا إبن آدم لا تخشى من ذي سلطان مادام سلطاني باقيا وسلطاني لا ينفذ أبدا ، يا إبن آدم لا تخشي من ضيق الرزق مادامت خزائني ملآنه و خزائني لا تنفذ أبدا ، يا إبن آدم خلقتك للعبادة فلا تلعب وقسمت لك رزقك فلا تتعب ، يا إبن آدم إذا أنت رضيت بما قسمته لك أرحت قلبك وبدنك وكنت عندي محمودا و إذا أنت لم ترضى بما قسمته لك فوعزتي وجلالي لأسلطن عليك الدنيا تركض فيها ركض الوحوش في البريه و لا ينالك فيها إلا ما قسمته لك وكنت عندي مذموما.

صدق الله العظيم وصدق رسولة الكريم

[White heart]

حسنا هذة هى مداخلتى الألف على مدار اكثر من عام، و لم ارضى ان تمر هكذا، حتى ولو كانت مجرد مداخله كغيرها، و لكن أعتقد ان الكثيرين هنا ممن مروا على هذا الرقم كان لديهم نفس الشعور، و بالطبع هو ليس بالأهميه ان افتح له موضوع خاص، و لهذا وقع اختيارى على هذا الموضوع، للتعبير عما ....

و لكن معذرة لا أجد ما يضايقنى!!!

هل من الممكن عمل استثناء بسيط، حيث اننى على العكس تماما سعيد و راض جدا فى حياتى و الحمد لله، و بالأخص بوجودى وسطكم، فشكرا لكم جميعا هذة الأقامه التى اسعد بها كثيرا.....

[الطفشان]

و لكن أعتقد ان الكثيرين هنا ممن مروا على هذا الرقم كان لديهم نفس الشعور

عن نفسي

هل تصدق انني لم الحظ المداخلة الالف و لا الالفين و لا مش عارف كام؟

[White heart]

الطفشان كتب:

هل تصدق انني لم الحظ المداخلة الالف

طبعا يا عزيزى أصدقك...

هذا ما يعجبنى فيك، انك تحسن اختيار المقطوعه التى تريد التعليق عليها من مداخلة ما بعناية...

على انى معذرة لم تكن فى بالى فى هذة النقطه بل عزيز لنا و كانت فى احدى الموضوعات و ماذلت اتذكرها جيدا، حيث انا ارى الجانب الايجابى من هذة النقطه على اننى لا اوليها ايضا اى أهميه..

و لكن يمكنك اعتبارها مناسبه سعيدة كعيد ميلادى مثلا و اردت مشاركه الجميع معى .... دة طبعا بعد اذن حضرتك؟

[مصرى]

برافو .. تعيش وتفتكر

المقصد أن المضمون هو الأهم وليس الدخول فى مجادلات عقيمة لمجرد تسجيل نقاط فى عداد المداخلات .. وهذا طبعا بصورة عامة

[White heart]

مصرى كتب:

برافو .. تعيش وتفتكر

المقصد أن المضمون هو الأهم وليس الدخول فى مجادلات عقيمة لمجرد تسجيل نقاط فى عداد المداخلات .. وهذا طبعا بصورة عامة

شكرا يا عزيزى،

طبعا انت محق من ناحية ان هذا بصورة عامة، خاصة و اننا نتحدث عن مسألة نسبية....حيث ما قد تراة انت مجادلات عقيمة، قد يكون فى نظر غيرك يعنى العكس....

عموما اشكرك للتهنئة..

[فــيــروز]

الف مبروك يا وايت هارت

بخصوص ما يضايقنى حاليا .. ولو ان الاخ كاتماندو زعلان و متضايق ويمكن كلامى مايكونش مبهج كما يتمنى هو .. حاليا اشعر انه ليس لدى اى هدف فى الحياه وده شئ مزعج جدا .. العمل ماشى كويس الحمد لله بس لم يعد يمثل اشباع كافى بالنسبه لى .. ولا اريد ان ادرس شئ جديد بصراحه .. بس فباحس ان مفيش اى قيمه لحياتى خالص ومش عارفه انا عايشه ليه اصلا وانا خلصت كل حاجه خلاص بقى .. وربنا يعدى الحاله دى على خير

[Katamando]

أشكر أهتمامكم جميعاً

ولكن لا أدري ماهو أحساس المداخلة رقم 1000 لأنني لم أجربه بعد وأرجو أن يكون أحساس جميل (أتوقع ذلك)

الأخت نورا

من يوم ماكتبتي ردك اللى فيه الحديث القدسي كل شويه أدخل وأقراه فأستريح شويه وان شاء الله ربنا ح يكرمك

الأخت الجديدة فيروز

أولا أهلا بكي في وسطنا

ثانياً أعتقد أن انعدام الهدف ليس أمراً دائم لأن كل ثانية الأنسان عنده هدف حتى لو كان عنده صداع ح يكون هدفه أنه يضيع الصداع بأي شكل اما عن الهدف في الحياة فأنصحك بالتركيز ومحاولة الخروج من قوقعة الأكتئاب المظلمة ثم أصنعي لنفسك هدفاً حتى لو كان غير مألوف ..... فكري شويه وشوفي نفسك تعملي أيه وحاولي تعمليه وخليه هدفك .... كمان حاولي تكوني أضافة لمن هم حولك هنا تصبح للحياة طعم بريق الأمتنان في عيون الآخرين

وللحديث بقية ما دام في العمر بقية

[Katamando]

ألا يلاحظأحدأ أن المداخلات أصبحت أقل من السابق

لأا أعلم لماذا

هل هو المصيف

هل هو الحر

هل هو أنقطاع الوصل

ربما

[فــيــروز]

هل هو أنقطاع الوصل

لا هو انقطاع الامل فى اى انصلاح

[White heart]

فــيــروز كتبت:

لا هو انقطاع الامل فى اى انصلاح

جايز يكون عندك حق يا فيروز ...

لكنى أعتقد أن الطريق الذى تسلكينة انت و كثيرين مثلك، هو الأفضل ...

[Farah]

فيه حاجه مضيقاني من مده ومش عارفه ايه السبب

من مده وانا حسه ان انا مش مظبوطه

مش زعلانه من حاجه بس برده مش طبيعيه

مش حزينه بس مش فرحانه

معنديش احساس بالتعاسه بس برده مش حسه بالسعاده

مش مريضه بس حسه بتعب عام

عندي حالة لا مبالاه شنيعه

لما بروح مكان كل الناس بتقول ان فيه حاجه متغيره مع العلم ان انا زي ماانا

لما اروح ازور اي حد مش بحب استمر في الزياره لمده كبيره بحب ارجع البيت ولما ارجع ملقيش حاجه اعملها

مش بحب اتكلم في التليفون ولما حد بيكلمني بحاول اقفل بسرعه وكاني عندي حاجه مهمه مع العلم اني بكون فاضيه

حتي اهلي واصدقائي في مصر كنت بحب اكلمهم كل يوم والثاني دلوقتي مابتكلمش

في نصف اي فيلم اغلق التلفزيون

لما بروح اي مكان للنزهه حتي الاماكن التي احبها بازهق بسرعه

حتي لما اروح اي مطعم مش بقدر اكمل الاكل عاوزه ارجع بسرعه

بحاول ادور علي اي حاجه مضيقني تكون هي السبب مش قادره اضع

يدي علي حاجه معينه

كل حاجه حوليه شكلها حلو **مش حسه ان حاجه نقصانى

بس حسه ان فيه حاجه غلط

حد عمره مر بحاجه زي دي؟؟؟

هل ده ممكن مرض؟؟؟

انا اول مره احكي لاحد هذا الموضوع

[سقراط المصري]

العزيزه الفاضله فرح اليوم

كتبت:

حد عمره مر بحاجه زي دي؟؟؟ 

هل ده ممكن مرض؟؟؟

الإجابه هي: سيدتي الفاضله أنت غير مريضه بمرض نفسي ، وذلك لو كنت تقصدي بكلمة مرض المرض النفسي.

سأحاول التوضيح بإختصار وبدون تفاصيل:

1- كلمة مرض نفسي دي كلمه كبيره ربنا يبعده عنك ، ولكن سهل علاجه. (بينما المرض العقلي صعب علاجه).

2- الأعراض التي ذكرتيها تشبه ما يسمى الإنهاك او الوهن النفسي ، ولكنها ليست هذا الإضطراب لذكرك عدم وجود ضغوط عليك او شيء محدد مضايقك.

3- أيضاً اعراضك تشبه القلق النفسي ، ولكن برضه ارى ان نسبة القلق اللي عندك في مستوى الأمان ، وإنك بتحاولي تطلعي نفسك منها.

4- الأفضل لك ان تجدي شيئاً يشغلك هذه الفتره ، إعملي حاجه جديده ، حاولي يكون فيه ناس حواليك ، ولو حسيتي انك فصلت عنهم وسرحتي ، حاولي تنبهي نفسك وترجعي لموضعهم تاني.

5- اللي عندك ده حالة ملل ناتج على حسب فهمي لكلامك لدرجة التأكد عندك ، بمعنى لاتوجد مفاجأت او شيء جديد ممكن ان يحدث ، وبالتالي إنخفضت نسبة الإستثاره عندك ، وشعرت بحالة ملل.

ولأن حالة الملل دي طالت عندك حبتين ، فأنت بدأتي تلاحظي نفسك وتشغلي نفسك بتهيوأت أنك مصابه بمرض.

6- زي ما وضحت لك في اول عباره ، انت لست مريضه.

تمنياتي بالتوفيق

سقراط المصري

[بنت شعنونة]

يا وهوووووووووويييييييي؟؟؟؟؟؟

فرح اليوم ومكتئبة؟؟؟؟؟؟؟

امال اللي زينا يعملوا اييييييه بس

اولا زي ما قال سقراط هيا حالة ملل وبوادر حالة اكتئاب كمان

ومش عاوزا اقولك نفس الكلام من حاجا جديدة لغيري جو لآي كلام من اللي كلللللللللللللنا عارفينه دا

انما ها اقولكم كلمة واحدا

اعتبري نفسك صديقة غالية عندك اوي

ماشفتيهاش من زممممممممممن وجات تزورك

ها تعملي ليها ايه؟؟؟

مستنية ردك "وش دكتورة ماسكة عيل سلومي في ايد وفي الأيد التانية مشبك غسيل من الريييييييييييييييييييحة"