اذهب إلى المحتوى
محاورات المصريين

فيه ايه مضايقك؟ فضفض

Katamando

بواسطة Katamando
في موضوعات شخصية

 مشاركة

Recommended Posts

kfaya عضو جديد

kfaya

بتاريخ:
بتاريخ:

آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه آه

.... عزف الوجع على أوتارالروح

الأخت العزيزة نشوى ....

القى تلك الأهات فى وجهنا كلنا ......

أسمعى بها العالم أجمع .......

أطلقيها من داخلك و لا تمسكيها ......

حولى بينها و بين جنينك الذى صار يسمعك نبضات قلبه ليل نهار , عسى أن يقر الله به عينك و يخفف عنك الأه ..

رابط هذا التعليق
شارك
  • الردود 454
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

فــيــروز عضو جديد

فــيــروز

بتاريخ:
بتاريخ:

حاليا ما يضايقنى انى مابحبش اتحايل على حد .. خصوصا لو فى شئ انا شايفه انه من حقى ..

فى الفتره الاخيره اجازاتى كلها اتلغت بسبب الشغل .. و فى الغالب هتطير و مش هتترحل للعام القادم لانى لم احصل على اجازه اسبوعين متصلين ..

قلت معلش كله عند ربنا .. فكرت آخد اجازه يوم الخميس 7/10 اهى تيجى بعد اجازة 6 اكتوبر و معاها جمعه و سبت يبقى اجازه جميله و قشطه موت .. وقدمت بالفعل ورقة الاجازه من يوم 26/9 و تخيلت انى سيكون لى اولويه عن باقى زملائى "كلهم منشنين على الاجازه دى" باعتبار ان معظمهم خلصوا تقريبا اجازاتهم السنويه خلال العام .. ثم انى ماختش اجازه من فتره طويله و هاطق بقى من الشغل و باروح غصب عنى كل يوم

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

قدمت الورقه للسكرتيره عشان تقدمها لرئيسة المجموعه فى الوقت المناسب .. لغاية يوم الثلاثاء 5/10 ماكانتش قدمتها .. وانا شخصيا قلت بينى وبين نفسى هاخد اجازه يعنى هاخد اجازه و اياكش تولعععععععع :huh: .. و اللى هيكلمنى هارتكب جنايه .. f((:

جت السكرتيره يوم 5/10 الساعه 5 و انا قاعده مسحوله فى الشغل تقول لى بصوت كله خجل : المدام ماوفقتش

قلت لها ليه !! :blink: قالت عشان الشغل و الزنقه اللى "انتو" فيها

انتو دى مقصود بيها انا و زميلى .. و زميلى ده كان سافر البحرين وكان مفروض يخلص الشغل فى وقت محدد قبل ما يرجع مصر يتجوز .. ونظرا لان الشغل لم ينتهى فى الوقت المحدد سافرت انا عشان هو يرجع يتجوز .. وطبعا خلال اجازة شهر العسل انا اللى شلت الشغل .. وحتى بعد ما رجع من شهر العسل كان بياخد اجازات كتيره على حس انه لسه عريس جديد .. و اشى اذون الصبح عشان هيتاخر .. واشى فلان عيان ومش جاى النهارده .. وكل ده وانا ساكته عشان ماسمعش كلمة "ظروفنا لا تسمح" دى اما احب آخد اجازه cbyb:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

المهم يعنى انا فعلا كنت على آخرى .. وبعدين كلمة ظروفنا دى انا بس اللى باسمعها وباقى الناس ظروفهم الحمد لله كويسه كأن البنك يعنى سابهولى دادى الباشا تركه .. :blink:

المهم بقى ان الاقتراحات اللى سمعتها من كل الناس : خشى للمدام و حاولى تحننى قلبها !! "يادى النيله هو احنا بنشتغل فى الشئون الاجتماعيه ولا فى بنك محترم" f((: !! و قولى لها معلش و عشان خاطرى .. و اوعديها انك تعوضى الاجازه دى اما ترجعى وكده يعنى .. :huh:

وهى اما جت تروح ورغم انى قلت لها انا محتاجه الاجازه دى بشده قالت لى : اما تخلصى ابقى اتصلى على الموبيل قولى لى وصلتى لحد فين .. و مشيت .. :P

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

انا خلصت شغل فى اليوم ده و رجعت بيتنا حوالى الساعه 10 .. بس الحقيقه وانا على باب العماره كان ينتابنى احساس شديد بالغيظ و القهر .. دى حتى ماهانش عليها تتصل بيا -خصوصا انها عارفه انى لسه فى الشغل- و تقول لى قومى روحى يا حبيبتى زى زميلنا العريس الجديد :blink: .. وكمان بعد كل التعب اللى تعبته الفتره الاخيره كانت بتتكلم معايا ببرود شنيع ساعة اما كانت بتقول لى ظروفنا ومش ظروفنا .. f((:

وعليه .. :P

رنيت جرس بيتنا .. و دوست على ال Switch Off بتاع الموبيل .. و سبته مقفول طول الاجازه اللى اعطيتها لنفسى بمنتهى راحة الضمير :huh:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ: (معدل)

بس اللى فعلا ضايقنى اكتر و اكتر

هى تصور الناس ان الانسان مفروض يتحايل على غيره ليحصل على حقوقه .. بينما غيره غير مطالبين بهذا على الاطلاق .. و الصراحه الامر بيكون اصعب اما يكون الواحد مش بيعرف يتحايل على حد اساسا و غير راغب فى هذا من الاصل ..

cbyb: انا عاوزه ايكون بيعيط بحرقه اشد من اللى موجود ده :huh:

تم تعديل بواسطة فــيــروز

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Katamando عضو جديد

Katamando

بتاريخ:
  • كاتب الموضوع
بتاريخ:

جد لأخاك عذراً

هذه المقولة الفلسفية عميقة المعنى تساعدني كثيراً في مواقف الغضب .... بمعنى إني أفكر أن أخترع أي سبب بعيدأ عن الأسباب السلبية لما فعله الغير تجاهي مبرراً له فعله حتى لا يستبد بي الغضب

أقول إني أحاول أن أستخدمها وأن أتذكرها على قدر الإمكان .

في واقع الحال نحن لا ندري الأسباب أو الخلفيات التي بسببها قام الآخرون بفعل ما قد يغضبنا .... لكن علينا أن نتحلى بالصبر وعدم استباق الأحداث والتروي في الحكم ربما نكون نحن المخطئون

قال الرسول صلى الله عليه وسلم :( والكاظمين الغيظ)

قال تعالى في كتابه الحكيم :<span style='font-size:14pt;line-height:100%'> (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً</span>) [النساء : 93] .صدق الله العظيم

__________________________________________________________________

بيض صنائعنا ... سود وقائعنا ... خضرمرابعنا ... حمر مواضينا

_______________________

رأيت هم جميع الناس ماملكو وما ولدو فالحمد لله لا مال ولا ولد

رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ:

حاجا خنقاني جدا

وعاوزالها حل عاجل جدا

ومن غير مواعظ

عشان مش مستحمله

سمعت كتير من الناس

وسامعا اكتر مني

والدليل اني لسا قاعدا هنا بكتب اهو

عارفة ها تقولوا عني نكدية

او غاوية نكد

او امينة رزق

مش مهم

بس انا عارفا اني مش كدا

عندي اكتئاب داخل في اكتر من شهرين

من كام اسبوع مسيطر على دماغي فكرة واحدا فقط

اخلص من حياتي

بصلي وبصوم وبقرأ قران عشان اخلص من الهاجس القاتل دا

وبسافر وبقعد مع ناس وعاملة دوشة في حياتي عشان اطلع برا الموود

مافيش فايدة

رحت لدكتورة النفسية بتاعتي وخدت الأدوية المضادة للأكتئاب

ومافيش فايدة

عاوزة اموت

اموت وبس

حاسا اني ممكن ارتاح ساعتها بس

تعبانة جدا

بدور على الراحة ومش لقياها

لما بكتبت الكلمتين دول بفتكر كلام خطيبي

"انتي انسانة غير راضية"

كل ما ابص لنفسي في المراية الاقي شخصية هزيلة

بدون ماضي ولا مستقبل

مالهاش لازمة وعاملة دوشة على الفاضي

عاوزة ارتاح

الراحة في موتي

او اني اعمل زي زمان

اعور نفسي

اقطع ايدي

اي مصيبة والسلام

عشان ارتاح!

سحبوا العربية مني

حاسين بقلق من ناحيتي

مش عايزة مواعظ

عاوزة ارتاح

بس

وانا من البلد ديييييييييييي

رابط هذا التعليق
شارك
Cleo عضو جديد

Cleo

بتاريخ:
بتاريخ:

0-0,9,.png

استعيذى بالله من الشيطان الرجيم لأن هو اللى بيدخل فى مخك الكلام ده.... عارفة ليه؟؟ عشان عايزك تنتهى وإنتى على غير دين الإسلام... تصورى؟؟!!!

ثانيا كل الناس لازم تعدى على فترات محن وفتن... زده امتحان من ربنا... اللى ينجح.. ربنا بيوسع عليه فى الدنيا ويكافئه فى الأخرة... أما اللى يسقط يسقط فى الاتنين... تحبى تكونى من الناجحين؟؟؟ اصبرى...

واعرفى إن كل ما يصيبك هو من عند الله...

عجبت لأمر المؤمن.. فأمره كله خير... فإذا أصابته سراء شكر.. فكان خيرا له وإن أصابته ضراء صبر فكان خيرا له..

قولى ورايا:

لا إله ألا أنت سبحانك إنى كنت من الظالمين

اللهم أنت ربى لا إله إلا أنت.. خلقتنى وأنا عبدك.. وأنا على عهدك ووعدك ما استطعت.. أعوذ بك من شر ما صنعت.. أبوء لك بنعمتك على وأبوء لك بذنبى ... فاغفرلى فإنه لا يغفر الذنوب إلا أنت.

رب اشرح لى صدرى ويسر لى أمرى

كل ما يجيلك الشيطان... على طول قومى اتوضى وصلى ركعتين وادعى ربنا يهديكى ويسر أمرك

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ:

بعمل كل دا يا كليو ومافيش فايدة

بقالي شهرين

مش قلتلك مش عاوزة مواعظ لآني عارفا اللي ها يتقال

ليس كل ما يدركة المرء يتمناه

الكلمة دي عمالة ترن في دماغي من الشهرين دول

دكتورة وحالك متيسر ومحبوبة ناقصك ايه تاني..؟ احمدي ربنا وبطلي بتر على النعمة

كلمتين واحدا قالتهملي في جنابي وبدون اي زواق

معاها حق

مش بتر على النعمة

انما انا عملت ايه؟

بتعرفوا انتوا ايه ازاي؟

يمكن انا حاسباها غلط؟

يعني انا ماشيا صح والا غلط؟

مهنه مش حاباها ومش ينفع اغيرها واستمريت فيها ومش عاملة فيها اي تقدم ومذاكرة مش عاوزة وقعاد في البيت اهلي مش عاوزين!

سنة دكترة ناس كتير حبتني فيها

عببببببببببط

مش عارفين اني اخيب دكتورة ممكن يقابلوها

لكن عاملة نظام لاقيني ولا تغديني!

فيه كتير زيي؟

اه

الله يحرقني ويحرقهم معايا

كاتنا القرف ملينا البلد وخربناها وقعدنا على تلها

طب والحل

البلد فرضت عليا سياسة الغربة والتعذيب وناس لو اطلقت العنان ل لساني ها اطلع ميتين ..........

ابيع القضية؟

بايعاها من شهر وقلت اشتري نفسي

افصل شوية من الدنيا يمكن اتوازن وارجع تاني..

بس من غير شغل حاسا اني فاضية اوي ومافيش حاجا اعملها وماحدش فاضيلي اصلا

اسافر

يخرب بيت مفترقات الطرق اللي بحب ارمي نفسي فيها

ملعون ابو دي دنيا اللي تخلي الواحد يلف حوالين نفسه لمجرد انه عاوز يبقى بني ادم بس

وانا ماااااااااااالي

ما تولع

والا ان شاالله ابقى حمااااااااااااار من بقيت الحمير

جت عليا يعني!!

ما ياما حيوانات وفاكرين نفسهم ادمييين

عديها بقى ومتكبريهاش

ها اولع في نفسي

ومش عاوزة مواعظ

وانا من البلد ديييييييييييي

رابط هذا التعليق
شارك
kfaya عضو جديد

kfaya

بتاريخ:
بتاريخ:

من غير مواعظ ولا حاجة ...... طلعى كل الكبت اللى عندك فينا ..... اشتمى .... عيطى .... زعقى ..... لغاية ما تهدى و تتعبى ....

كلنا حواليكى و مستعدين نسمع للصبح ....

رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ:

والله العظيم تلاتا نفسي اعملها يا استاذ كفاية

بس لو كتبت كل اللي جوايا ها اترفد من المنتدى للأبد

نفس النظام في الحياة

برضوا لو قلت كل اللي جوايا ها اترفد منها

ماما وحشتني اوي

ماحدش يعرف طريقها..

وانا من البلد ديييييييييييي

رابط هذا التعليق
شارك
Cleo عضو جديد

Cleo

بتاريخ:
بتاريخ:

مش عارفة أقولك إيه يا شانا....

حاولى تبصى لنفسك بصورة أخرى...

حلوة... مثقفة ... محبوبة... ميسورة الحال... الحمدلله الصحة تمام ومافيش حاجة خطيرة مثلا تشتكى منها زى ناس كتير محرومين من الصحة... أسرتك جنبك بتحبك وترعاكى وخايفة عليكى غير أسر تانية بتكون كرب على بناتها...

لو تتخيلى يوم اجتماع جنينة مول الناس كانت بتتكلم عنك إزاى..!! تخيلى لو أخدتى عنينا وبصيتى بيها على شانا... تخيلى هاتشوفيها حلوة قد إيه...!!!

حطى نفسك مثلا مكان الفقرا والمعدومين اللى بيعدوا عليكى فى مستشفى مطروح أو القصر العينى... وشوفى مصايب الناس دى والنعمة الكبيرة إن إنتى حالك أحسن منهم.. لكن الطبيعى ربنا مش بيدى حد كل حاجة...

الدنيا يا شانا عاملة زى سوبر ماركت مليااااااااااان نعمة مترصصة على الرفوف... تاخدى منها وتحطى فى السبت... لكن كل نعمة تاخديها لازم تدفعى عليها تمن.... دى سنة الحياة.

قومى ياللا... اتوضى وصلى ركعتين وخديلك حباية مهدء واشربى لبن دافى وجرررررررررررى عالسرير....

ماشوفكيش مفتحة عينك لحد الصبح...!!!!

مفهوم...!! tth:

bk: smk:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
kfaya عضو جديد

kfaya

بتاريخ:
بتاريخ:

صدقينى يا شانا ..... ان لم نكن هنا لبعضنا ..... فلا كان المكان و لا كنا ....

انفجرى فينا حتى تهدأ نفسك المعذبة ......

أنا بقى عايز حد يقول بلاش ..... tth:

لو أحسست ان أخوتى ضاق صدرهم بى ..... لسوف أغادر بلا أسف ...

رابط هذا التعليق
شارك
G.G عضو جديد

G.G

بتاريخ:
بتاريخ:

God, grant me the serenity

to accept the things I cannot change;

the courage to change the things I can;

and the wisdom to know the difference.

هي مقولة مأثورة,, احاول تذكرها دائما عندما أصل لحالة من الزهق و النقم الشديد ,,,

لأن عادة امثال هذه الحالات تنتابنا عندما نحاول تغيير اشياء ببساطة لن تتغيير ابدا..و لكننا نحاول و نحاول جاهلين ان يجب ان يكون هناك نقص دائم....لأنها سنة حياتنا.. و لأن هذه هي قوانين اللعبة...

و سر اللعبة ان نغير ما يتغير و الباقي نلتمس له الرضا بالمقسوم..

ax:

situations r a matter of mind, if u don't mind, they don't matter
رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ:

نفسي اشوفها يا كليو

تلاتا بالله العظيم نفسي اشوفها

بشوف الحسد في عيون ناس كتير واسال نفسي ليه؟ وازاي؟

طب تبدلوا؟

عارفا كل اللي بتقوليه

والله عارفاه

لكن مش ب ايدي

السعا 12 اهي وانا قاعدا برا البيت في سايبر

عارفة ليه

مش عاوزة اروح

ها اقعد مع نفسي

يا ها اقتلها يا ها تقتلني

انا متاكدا

ناوياها

الله يحرق شيطانها

ماما وحشاني جدا

ياترى عاملة ايه دلوقت

ويا ترى انا عاملة ايه دلوقت؟

من شوية كنت بكلم mervi

بقوله انا قاعدة في سايبر

وجنبي ابن جارنا

منغوليزم...متخلف عقليا

احنا الأتنين على نفس الكرسي

على نفس الاجهزة

بنعمل نفس الحاجا

بس انا تافهه

وهوا عبقري

بيتكلم مع ناس على النت

طفل صغير

بيستعمل اقل القليل عشان يعيش بيه

وانا معايا الكتير ومش عارفا استعمله اصلا

فاكر يا موودي موضوعك مين الحمار؟

اهوا انا بسأل نفسي دلوقتي

مين الحمار فينا

مين المتخلف

انا والا هوا

اكيد انا

حد بيكره نفسه؟!

يخرب بيت الفقر والقرف والغم

استغفر الله العظيم

شعرة ما بين الجنون والعقل

شكلها قربت تنقطع معايا

بخنق نفسي وانا نايمه!!

اتجننت !

بصحى الاقي نفسي ماسكا رقبتي خنقاها

يخرب بيت كده

ماحدش فيكوا بيكرهني؟

فيه

انا واثقا انه فيه وكتير قالوهالي هنا انهم بيكرهوني ومش طايقني

الفرصة جت اهي

حد من دول يجي يديني قلم على وشي محترم

مستعدة

يمكن افوق

وهوا يرتاح

تفتكروا؟

وانا من البلد ديييييييييييي

رابط هذا التعليق
شارك
nashwa عضو جديد

nashwa

بتاريخ:
بتاريخ: (معدل)

شعنونة

بصى ياستى من غير زواق ولاتحلية ... انا بقترح تسيبك من المواعظ اللى الاخوة والاخوات هيوجعوا دماغك بيها ... وواضح ان دماغك ضاربه اصلا

اولا انا اوافقك تماما ان انسب الحلول ليكى فى الوقت الحالى انك تعملى مصيبة فى نفسك او فى حد عزيز عليكى ... خلينه نخدها واحدة واحدة ...

ممكن مثلا تعورى (تبقى بعين واحدة يعنى) نفسك وحيبقى تغيير للابد وغالبا حيغير مسار حياتك ... مش حينفع تشتغلى ... على الاقل دكتورة ... خطيبك حيسيبك .. حتلاقى حاجة تشغلك وهى التباكى على عينك المفقودة ... وعمليات تجميل وسفر للخارج والداخل .. وشغلانة كبيرة تاخد وقتك

ممكن مثلا تعتدى على اى حد ... مثلا دوسى حد بالعربيه ... ودى بقى فيها تغيير مثير تماما ... بس حاولى تكون اصابته متوسطه علشان تدخلى السجن ... ويبقى ياحلوة ساعتها اتفتحتلك ابواب السعد والهنا ومش حيبقى عندك وقت تفكرى فى اى حاجة من حياتك السابقة ... اثارة .. تشويق ...وعالم من المهارات الجديده ... وقصص مثيرة تشيب الاقرع ... ولا مستشفى ولا خطيبك ولامطروح ولادكتورة نفسيه .. وتبدا عملية بناء لشخصيه جديدة فى عالم اللى يروح مايرجعش

هو فى اقتراح تانى ... بس شكلك كده مش اده .. لكن حقوله والسلام ... تبتدى على ميه بيضه ... يعنى ... تخلى فى لحظه عن شعنونه الحاليه حطى نفسك فى نقطه الصفر وجمدى كل الاشياء والعالم بتاعك حتى إشعار اخر ...

ركزى معايا حبيبتى ...

تجيبى شنطة ... تحطى فيها طقمين (بالعدد) هدوم ... وجواز سفرك ... ولو معاكى فلوس .. حوليها دولارات .. وماتنسيش كارت الفيزا .. لو ماعكيش خدى من والدك (بس مش كتير) ونفس الحكايه الدولارات والفيزا ... ومافيش موبيل ...

حلو كده

وقدامك حل من اتنيين ... يتختفى جوه مصر ... ياتسفرى بره .. وفى الحالتين انسى تماما انك دكتورة .. ركزى على شعنونه الانسانه انك تلاقيها وتتعرفى عليها وعلى مشاكلها بنفسك بدون مساعدة من الاهل والادويه واى حاجه ... تدورى على شغل ... روحى شرم .. الغردقة ... اسوان .. اشتغلى اي حاجة ... بس حذار من الوقوع فى فخ رثاء الذات ... افتكرى انك فى مهمة عظمى وهى رحلتك لملاقاة نفسك والعثور على طريقك الخاص وملامحك الانسانية الحقيقية

انا افضل الخروج من مصر .. بلد تكون تاشيرتها سهله .. روحى السودان مثلا

tth: وقومى بمهمتك فى البحث عن الذات ... وماتخفيش كل الحاجات التانيه لما ترجعى مصر حتلقيها فى انتظارك ..

smk:

تم تعديل بواسطة nashwa

تفزع ياقلبى ... تكبر بي هالغربة

ماتعرفنى بلادى ..

خدنى ... خدنى على بلادى

..................................................

فَصَبرٌ جَمِيلٌ

رابط هذا التعليق
شارك
Cleo عضو جديد

Cleo

بتاريخ:
بتاريخ:
تجيبى شنطة ... تحطى فيها طقمين (بالعدد) هدوم ... وجواز سفرك ... ولو معاكى فلوس .. حوليها دولارات .. وماتنسيش كارت الفيزا .. لو ماعكيش خدى من والدك (بس مش كتير) ونفس الحكايه الدولارات والفيزا ... ومافيش موبيل ...

نصيحة مخلصة يا سعنونة......

إياكى واسطنبوووووووووول.... tth:

أضحكى يا بنتى وروقى.... الدنيا دى فردة "حذاء" قديمة مالهاش إخوات... يعنى ماتستاهلش إن تبكى عليها ولا فيها..

(بوسة كبييييييييييييرة من أختك وجارتك فى "البرج")

smk:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ: (معدل)

نشوى

انتي كتبتيه بهزار

او تريقا

او حتى اسلوب عشان افوق

تمام

ها تصدقيني؟

كل اللي قولتيه عملته تقريبا

بشكل او باخر

عورت نفسي قبل كدا مييييت مرة

ولو كان لنا نصيب تشوفيني ها تشوفي اثاره عليا

دست حد بالعربية!

حصلت

ومن يومها بحاول ما اسوقش وانا في الحالة دي

دخول سجن

دخلت والله العظيم تلاتا

بس كانت 48 ساعا

عاوزا ايه تاني

سفر

هيا اللي فاضلة

ها احاول

برا مصر فعلا

بس عاوزة وقت

اقري اول الكلام

قلت اني عملت كل حاجا

وعشان كدا احترت اعمل ايه تاني

انا مش مغيبة

والمصيبة اني دكتورة

يعني عارفا اللي لازم يتقال ويتعمل

وعملته

الله يحرق الشيطان

ومش نافع

اقولكم

ولعوا في الموضوع

مالوش لازمة من اصله

يالله خلي اللي نفسه يشمت يشمت

تم تعديل بواسطة بنت شعنونة

وانا من البلد ديييييييييييي

رابط هذا التعليق
شارك
Cleo عضو جديد

Cleo

بتاريخ:
بتاريخ:

شعنونة.....

قومى روحى.. خدى مهدئ وناااااااااااااااااااامى...

كتر السهر يتعبك أكتر...

ربنا يكرمك ويهديكى ويصرف عنك الشيطان..

لاحول ولا قوة إلا بالله

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • مغتربة
      31
      اذا كنت مغترب اتفضل فضفض معان عن استفتاء غدا
      حضرتك مغترب ........زحضرتك مغتربه يا اهلا يا اهلا برفقاء العجز القسرى عن التصويت فى الاستفتاء غدا :protest: بصراحه كدا مش هقدر اوصف مقدار حزنى للاقصاء الغريب دا الى اتعرضنا ليه اعداد المصريين المغتربين حقيقى مهوله و بالملايين و بيمثلوا نسبه معتبره من سكان مصر الاجماليين و الاستغناء عن اصواتهم بالسهوله دى هتخلى نتيجه الاستفتاء لا تعبر بشكل حقيقى عن الراى المصرى العام بشكل دقيق مش مقتنعه بتبريرات ضيق الوقت و لا بوعود المشاركه فى الاستفتاءات او الانتخابات اللاحقه حاسه ان فى حد حط ايده على

      بواسطة مغتربة
      كُتب

    • زهرة الجبل
      6
      ** فضفض بقى **
      فضفض يا قلبي متستحيش إنك حزين متسيبش وجعك يخنقك منغير أنين دافن فـ رمل الصبر جرحك من سنين عنيك بتضحك و دموعها فيها مخنوقين الجرح جاي فوق جرح و عنيك فرحانين طب خدت إيه لما بقيت مـ الكدابين؟؟ لا الجرح طاب و لا قلب الوجع بيلين ***** فضفض يا قلبي متستحيش كونك حزين إنزع بقى قناع الرضا ... و إطلق آهاتك في

      بواسطة زهرة الجبل
      كُتب

    • redwany
      3
      ياترى سعيد فى حياتك...فضفض
      يارى حضرتك سعيد فى حياتك لو الاجابه بنعم يتبعها بعض الاسئله؟ سعيد ليه؟ وايه هو المقياس اللى استندت عليه علشان تقول انك سعيد؟ ايه الحاجات اللى خلتك سعيد؟ وايه اللى ناقصك علشان تكون اكثر سعاده؟ ولو السؤال ان حضرتك غير سعيد ليه مش سعيد؟ ايه المقياس اللى استندت عليه انك غير سعيد؟ ايه الحاجات اللى خلتك مش سعيد؟ ياترى انت شايف كل الناس اسعد منك؟ لو كانت الاجابه بنعم ياترى انت بتحسدهم؟ ياترى انت عارف سبب سعادتهم؟ طيب لو شايف سبب سعادتهم ليه ماتعملشى زيهم؟ تعال فضفض وقول

      بواسطة redwany
      كُتب

×
×
  • أضف...