فيه ايه مضايقك؟ فضفض

[nashwa]

شعنونة

انا لسه عندى كلام كماله للاقتراح الاخير ....

وبالنسبه للهدف من كلامى ... الاهم عندى استقبالك له على اى مستوى

[بنت شعنونة]

كليو

حاضر

tth:

دعواتكم

نشوى

بلاش

كلامك جرحني

وجعني حقيقي

وانتي ما تعرفيش يعني ايه تجرحي انسان مجروح اصلا

خصوصا لما يكون قدام ناس

وصلني كلامك

شكرا

تم تعديل 10 أكتوبر 2004 بواسطة بنت شعنونة

[nashwa]

بلاش والنبى موضوع المهدئ ده ... بلاه احسن ... حاولى تحلى مشكلك من العمق ... وبلاش مسكنات تذيدالطين بله ....

[Cleo]

تصبحى على خير يا حبيبتى..ز وخدى بالك من نفسك....

وحبيها لأنها بجد تستاهل تتحب وماتستهلش منك كدة...

أحلام سعيدة يا سكرة..

(تسعدينى بجد لو اتصلتى بيا بكرة... إنتى معاكى النمرة... tth: )

[وليد صفوت]

أختى العزيزة شانا .....

اذا سمحتيلى انا استخدمت لفظ ( اختى ) لانى قلما وجد من يستحق ان القبها بهذا اللقب ( العزيز عليا جدا ) .....

انا جايز اكون كونت فكرة عن مشكلتك ........

تسمحيلى أقتبس كام جملة من كلامك :

يعني انا ماشيا صح والا غلط؟

مهنه مش حاباها ومش ينفع اغيرها واستمريت فيها ومش عاملة فيها اي تقدم ومذاكرة مش عاوزة وقعاد في البيت اهلي مش عاوزين!

+

مش عارفين اني اخيب دكتورة ممكن يقابلوها

+

ملعون ابو دي دنيا اللي تخلي الواحد يلف حوالين نفسه لمجرد انه عاوز يبقى بني ادم بس

فهل فكرتى دى صحيحة ........ و لا انا فهمت غلط ؟

أتمنى ليكى كل سعادة و راحة نفسية و ........ هدووووووووء و استرخااااااااااء :)

[moody00x]

من غير زواق فى الكلام ومواعظ وحكم إنتى يا بنتى محتاجة تشعرى بقيمة الحب لأنك فقدتى القدرة على التعرف على معنى الحياة وفقدتى كل الحواس تقريبآ...وأهم ما فقدتيه هو تذوق طعم الحياة والحقيقة أنا مريت بفترة مشابهة كان كل حاجة حواليا طعمها مر .....

إنتى محتاجة تحبى وتتحبى ....مش عارف موضوع خطيبك وصل لأيه ..

لو لسه ..حبيه وخليه يحبك ..لو خلاص إستنى الحب الحقيقى النضيف..هتحسى بطعم تانى للدنيا ...وبلون تانى غير اللون الفحلوئى الغامق دلوقتى....

وعلى ما تلاقيه ........

حبى نفسك دلوقتى

تم تعديل 10 أكتوبر 2004 بواسطة moody00x

[دكتور عادل الليثي]

شعنونة

مقدرتش أنام من غير ماكتب

إحنا ولاد برج واحد

وحتى يوم واحد

بس بفرق خمس ست سنين مش مشكلة

عموما أولاد البرج ده

كلهم شعانين .....

وغير راضيين

وعاوزين يغيروا العالم كله ... دلوقتي

وصعب تقنعيهم .. بيركبوا راسهم ...

بس أنا عارف إنهم أقويا من جوه ... ميغركيش الدوشة اللي بيعملوها ..

بيتحملوا أقسى الظروف ..

وبيتأفلموا صعب شوية لكن أكيد

وأذكيا

وطموحين ..

وعندهم روح فنان

وقلقين دايما

وعندهم شجاعة ..

ومحبين للحقيقة ...

ويحبوا يقولوا الحاجات بأسمائها الحقيقية .. واللي يحصل يحصل

وميحبوش النفاق بيتعبوا منه ...

وبيزعلوا بسرعة .. لكن بيهدوا بسرعة

وبيقدروا يتأقلموا على أي ظرف

وعارفين إن الوقت بيحل أكبر مشكلة ..

عشان يخشوا في مشكلة تانية ...

مش قضية

هيا الحياة إيه غير مشاكل ...

والظاهر إن هو دا اللي بيخلينا نعيش .. سوسبنس

[se_ Elsyed]

من غير زواق فى الكلام ومواعظ وحكم إنتى يا بنتى محتاجة تشعرى بقيمة الحب لأنك فقدتى القدرة على التعرف على معنى الحياة وفقدتى كل الحواس تقريبآ...وأهم ما فقدتيه هو تذوق طعم الحياة والحقيقة أنا  مريت بفترة مشابهة كان كل حاجة حواليا طعمها مر .....

إنتى محتاجة تحبى وتتحبى ....مش عارف موضوع خطيبك وصل لأيه ..

لو لسه ..حبيه وخليه يحبك ..لو خلاص إستنى الحب الحقيقى النضيف..هتحسى بطعم تانى للدنيا ...وبلون تانى غير اللون الفحلوئى الغامق دلوقتى....

وعلى ما تلاقيه ........

حبى نفسك دلوقتى

الله ينور عليك يا مودي .. كنت عايز أقول الكلام ده بس اتكسفت ...

الحب شيء عظيم جداً في حياة الإنسان .. ويُشعره بقيمته ...

أنا اتحدث عن الحب بشكل عام .. يعني لو اللي موجودين معايا في العمل بيحبوني بإخلاص وبدون أي مصلحة .. فهذا شيء عظيم جداً ..

ولو الواحد مرتبط عاطفياً وخاطب او متزوج وبيحب الطرف الاخر والطرف الاخر بيحبه ... فبيبقى شيء جميل أيضاً وحاجة عظيمة ...

- كذلك حب الإنسان لعمله وتلهفه على الذهاب له لأنه يفعل ما يحب ويحب ما يفعل ...

يعني المشكلة لا تكون في الحياة على قدر ما هي في الشخص نفسه ...

وهي بالظبط نظرية نصف الكوب المليان ولا الفاضي .

يعني واحد ربنا ممتعة بالصحة والعافية وعامل زي درفة الباب وممكن يكون معاه مؤهل عالي .. وشغال شغلانه كويسة .. ولكن ظروفة على قده واحواله المالية مش تمام ... يقوم يسيب النعم دي كلها ويمحور حياته حول نقطة الماديات ويقعد يعذب في نفسه ويلعن خاش أبو الدنيا والظروف اللي خليته فقير ...

يبقى العيب فيه هو مش في الدنيا .. صح ولا لأ ؟

والله أنا لا أقصدك يا شعنونة ولكن اتكلم بشكل عام .

يعني قبل كده كنتي مكتئبة وشايلة الهم قبل ما تشتغلي وكان نفسك في هدف تعيشي من اجله .. وفضلتي تعمل اطباق خزف ورسم على القزاز وعرضتينا علينا بعض من اعمالك اللي كانت في منتهى الروعة والذوق - حقيقة مش مجاملة - وفي الأخر كسرتي ده كله وسبتيه من الملل ...

وربنا فرجها عليكي وإشتغلتي في المستشفى وقولنا هاتكون نقطة إنطلاقة وتجربة جديدة وخاصة انها جت بعيد عن القاهرة والاهل ...

ولكن للأسف فما زلتي مُصره على انك تُنكشي على أي حزن وغم وخلاص ...

أنا مش هاعيد كلام كليو وأكلمك عن حب الناس لكي ... يا شيخه حرام عليكي ده كل اللي موجودين - بما فيهم س س - بيعتبروكي اختهم الصغيرة وبيبقى متلهف يسمع اخبار كويسه عنك ويتتبع الخطوات الجديدة في حياتك ... دي نعمه ولا مش نعمه ...

تصوري بقى إن من الأشخاص الذين لا يكلمهم الله يوم القيامة ولا ينظر إليهم الشخص اللي الناس بتتجنبه لسوء اخلاقة ولسانه الطويل ... والعياذ بالله .... فتصوري لو واحد عايش في الدنيا بالمنظر ده وما فيش حد من اللي حواليه طايقونه .. يبقى ده احسن له يولع في نفسه ..

أما أنت فحب الناس لكي هو كنز حاولي ان تستفيدي منه وتستثمرية وتنمية ...

ده إيه ده ... اااااااااااااااف مليتوا البلد على رأي واحد صاحبنا . :rolleyes:

وعلى فكرة بقى موعظة لازم تسمعيها - شئتي أم أبيتي - .. انتي بتتمني الموت دلوقت عشان تروحي تقابلي والدتك - الله يرحمها - طب هل جهزتي للرحلة دي وماليه إيدك من الحسنات تمام ومتخيلة موقفك امام ربنا ؟

لو كنت جاهزي يبقى يالا إنطلقي .. وزمانك طبعاً بتدعي على نفسك .. مع إن الرسول نهانا عن تمني الموت أحسن أبواب السما ما تبقى مفتوحة وربنا يستجيب للدعاء .. وشكل الواحد هايبقى وحش وهو رايح من غير رصيد ... لأ وإحنا داخلين على أيام مفترجة وممكن الدعاء يتقبل في لحظة .

أما حكاية محاولة الإنتحار دي فمش هاتكلم عنها ... لأن الرأي فيها معروف ومعروف عواقبها ونتيجتها يوم القيامة وقبلها في القبر .

إستهدي باله وقومي حمري لنا حتيين بطاطس زي ما قال حشيش .. وإنت ناسية حاجة مهمة جداً وما جبتيش سيرتها .. نظامك هايبقى إيه في رمضان ؟ .. يعني هاتفطري لوحدك ولا هاتعملي ميز مع البنات اللي في مطروح .. ولا هاتقضيها موائد رحمن ؟ :angry:

[فــيــروز]

شعنونه

ماينفعش تطلعى عمره فى رمضان؟ :rolleyes:

ده الحل الوحيد اللى ممكن اقترحه حاليا :angry:

[MuslimaEgyptian]

يا شعنونه إنتى عاوزه بس تعرفى غلاوتك عند الآخرين ولا إيه؟ :angry: :blink: mf(

إنت تعرفى إنك على حق فى موضوع المواعظ ده؟ من ناحيه نفسيه،أنا حاسه انك فى مرحله تفوق بكثير قدره إستيعاب كلام الأخوه والحلول التى أوردوها. وبالتالى أنا مش هفكرك وأقولك كلام كتير عن الأيام المفترجه ورمضان وبركاته وأبواب السماء المفتوحه...ومع إنى أتمنى أن تكثفى إستعاذتك من الشيطان الرجيم وترددى الأذكار التى أوردها الأخوه وتزدادى من قراءتك للقرآن على كل حال ..حتى لو مش فى حاله تستوعبى كل كلمه..هتخسرى إيه وخصوصا لو الواحد desparate وبيلجأ للآخرين لآى من الحلول لتخلصه من معاناته كما فعلتى هنا..فما بالك باللجوء لله سبحانه وتعالى "أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ"..

هل معك "عقد" أو إتفاق ما مع الدكتوره بتاعتك بأن تبلغيها عندما تتوصلى لهذه المرحله من اليأس؟ فعاده دى بتكون خطوه أساسيه علشان تتأكد إنك under supervision سواء من عائلتك أو أخصاء الى أن تعبرى هذه المرحله "الحاده" من زياده إلحاح إذاء النفس، أعانك الله على الخلاص من هذا التفكير الذى نتيجته الخساره بالدنيا وبالآخره..

وثانيا، قد يكون المنتدى مكان غير مهيئ لتفهم أبعاد كل ما تعانى منه وأسباب تفجره هذه الأيام (الtriggers)، والضغوط المحيطه (سواء ظروف عملك أو موضوع الخطوبه الأخير وردود الافعال حوله أو غيره من الأسباب)...فأتمنى أن تلجأى لمتخصص آخر يقدر يتابع بشكل منتظم ويحط أيده على جذور المشكله التى أعتقد إنها بدأت تكتلها من الماضى وليس الأيام الأخيره...ذلك لو مفيش نتيجه او تحسن ملحوظ من خلال الدكتوره الحاليه...

هناك الكثير مما أريدنى أن أقوله، ولكن سأكف هنا إحتراما لخصوصيتك أمام الجميع .وأتمنى أن أكون قد لا تجاوزت التعليق الا على الاشياء التى خبرتينا بها عنك بالمنتدى .

إن شاء الله الاستعداد لرمضان والإنشغال بأيامه السعيده يساعدك على تخطى شعورك هذا...

نسمع عنك كل خير دائما حبيبتى..ودعواتى لك بأن ينعم الله عليك بالسلام النفسى والرضا والهناء...

فى أمان الله ورعايته :rolleyes:

[Modest]

أختي الصغيرة شعنونة .. ده برضه إذا سمحتي أقول لك "أختي" :rolleyes: أصل ماليش أخوات بنات في الحقيقة و باتلكك يبقى لي أخت :blink:

أنا قرأت كلامك و باكتب الرد قبل ما أقرأ الردود اللي قبلي بالكامل .. لكن سبب واحد فقط خلاني أرد و هو إني أضِيف واحد إلى قائمة الناس اللي انتي غالية عندهم ... الكلام ده بأقوله بدون سابق معرفة بيننا لكن من متابعتي لمشاركاتك أخذت انطباع جميل عن تلقائيتك .... تأكدي إن الكثير منَّا يساورهم الكثير مما يجول بخاطرك مع اختلاف الظروف لكن بيعجزوا عن التعبير عنه .. اعتبري إن فضفضتك ميزة لا تتوفر في كثير منا .. و من ناحية أخرى لا أعتقد أن النصائح الشفهية ذات جدوى لعدم إلمام من يسدي النصيحة بالظروف الكاملة للآخر .

لا تفقدي الاحساس بأهمية حياتك .. يكفي ان تشعري أن هناك من يهتم بك و لو حتى شخص واحد ... و أستطيع أن أرى هنا فقط الكثير ممن يهتمون بك و ينصتون لما تقولين و بالتأكيد يوجد غيرنا في أماكن أخرى.

و بيني و بينك اكتشفت مؤخراً حل (و لو إنه مش صح أوي) لكن بعد ما مرِّيت ببعض المشاكل اللي تصورت إنها مالهاش حل كان الحل من وجهة نظري علشان ما أدخلش السرايا الصفرا من ورا التفكير فيها هو : إني أأجل حل المشاكل دي لفترة من الزمن يا إمَّا تتحل لوحدها يا إما (إن شاء الله)يكون عندي القدرة ساعتها على حلها..

و ربنا يطمِّنا عليكي :angry:

[بنت شعنونة]

فيولينج

جايز يكون صح

احتمال كبير

واحتمال لا

مش عارفة!

موودي

بحاول

بس هوا مش فاضيلي

ربنا يعينه هوا كمان

سي السيد

ببص لغيري وبحمد ربي كل ثانية

بس مش بايدي فعلا

انما ها احاول

وموضوع احب نفسي دا اصعب شيء

يمكن انتوا بعد اهلي اكتر ناس تعرفوا اني بكرهها عمى

فعلا..

استاذ طه

يارب ابقى زي ما بتقول

واعدي المرحلة دي فعلا

لأنها مرحلة غبية ومميتة

فيروز

بفكر جد جدا جدا في الموضوع دا من قبل ما تقولي

دا اخر امل عندي فعلا

مسلمة

دايما جنبي

تعباكي معايا على طول

انا اسفة فعلا

كل الدكاترا صفر

مش عشان نصهم متخلفين هنا في مصر

وانما عشان انا مؤمنه ان العلاج النفسي منبعه الأصلي النفس

يعني لازم انا تعالج انا

!!

شفتي الدكترة

مانمتش من امبارح

زي الكام يوم اللي فاتوا برضه

الكام الساعة اللي الواحد بينامهم بيصحى زي ما يكون كان بياخد علقة!

بفكر في الموت عشان اروح لماما!

مش عارفا

مافكرتش فيها كدا

طب ليه هيا ما تجيليش!

ياترى شكلها ها يبقى مرعب دلوقتي

هيكل عظمي!

فكرة مفزعة

مش عاوزة افكر فيها

الا صحيح

تعملوا ايه لو دخلتوا يوم لقيتوا في المنتدى حد كاتب موضوع

البقاء لله

وفاة شعنونة!

ليه ما ينفعش الواحد "الميت" يحضر موقف زي كدا

اكيد ها تفرق معاه!

يالله

كلام مجانين..سيبكم منه خالص

شكرا ليكم جميعا

تعباكوا معايا على طول الخط

[بنت شعنونة]

مودست

ربنا يخليك ويكرمك

المسلمات

وصلت للمعلومة دي من يجي 6 سنين

فيه مسلمات فيي حياتنا لازم نقبلها زي ماهيا

احنا نتغير وهيا لا

يبقى الأسهل اتغير انا

بجد طمنتني لما قلتلي اني كلنا بنمر بحاجات مشابهه للي انا فيه

كويس اني مش ها اتجن لوحدى

العجز؟

الشيخوخة؟

الزهايمر؟

طب برضة!

ورايا ورايا

يخرب بيت كدا

[MuslimaEgyptian]

نسيت أضيف نقطتين مهمين..

تعرفى لما لقيت أن الاخوات هيحضروا إجتماع القاهره، كنت إنت من أول من سألت عنهم لأحدثهم ؟ :blink: (معلش يا كليو وجيجى، انتو برضه غاليين عندى والله وسعدت للغايه بالتحدث معكم) mf(

وثانيا، مش عاوزاكى تحسى إنى بكلمك وإيدى فى الميه وبذلك تفتكرى إنى بعطى نصيحه من برج عالى...عاده لا أشارك أمورى الشخصيه، ولكنى الأمر يستوجب أنى أقولك إنى أيضا فى محنه ما وأشعر ما تشعرين به بعض الشئ..ولكن والله ما هناك أفضل مما شاركه معكى الأخوه من حلول، فلتصبرى يا أختى العزيزه فمع العسر يسر كما وعدنا الله سبحانه وتعالى...ولنحمدالله كثيرا على كل واى حال ...الذى لا يحمد على مكروه سواه...

أرجوكى إوعدينى انك تطبقى ما قيل هنا حتى ولو كان مثل الدواء المر فى نظرك الآن...وأن تكون الدكتوره على درايه بما شاركتيه هنا...ممكن؟ :rolleyes: :angry:

تم تعديل 11 أكتوبر 2004 بواسطة MuslimaEgyptian

[Katamando]

ضاقت ولما استحكمت حلقاتها وظننت أنها لا تفرج فرجت

بصي

مش أنت بس اللي عندك مشاكل كل الناس عندها مشاكل ومن زمان جداً........... مش عوز اقوللك إني مريت بمرحلة مشابهة من عدة سنوات لكن الحمد لله عدت ودلوقتي بأبص لورا وأقول الحمد لله ..... صدقيني كله بيروح وبيعدي بلاش المغالاة في جلد النفس ومحاسبتها ..... يعني ممكن تدلعي نفسك شوية .....

وقديماً قال الفيلسوف وممبع العبقرية أحمد بن عدوية

كله يدلع نفسه بالعقل والأصول

....

أوعى تدلعها زيادة لتشمت فيك عزول

على فكرة الكلام ده في معنى جامد وهو ان الواحد لازم يتصالح مع نفسه (يدلعها) مش يتخانق معاها

ربنا معاكي

[se_ Elsyed]

وقديماً قال الفيلسوف وممبع العبقرية أحمد بن عدوية

كله يدلع نفسه بالعقل والأصول

....

أوعى تدلعها زيادة لتشمت فيك عزول

يعني عشان شعنونة حالتها النفسية بعافية شويه نقوم نديها معلومات غلط ؟!!!

عجيبة والله

يا سيد كتاماندو قائل هذه الأبيات هو الشاعر الصنديد " حسن الاسمر " وليس عدويه .

[Salwa]

ازيك ياشانا ياحبيبتى .....

ياترى قدرتى تنامى ؟؟؟......لو كنتى نمتى شوية فاكيد انتى افضل الآن.

تعرفى ياشانا كل اللى بيحصلك ده ليه ؟؟؟ علشان انتى عاوزة تطلعى السلم وتنزليه بسرعة اسرع من الاسانسير .

عاوزة تسابقى حتى نفسك ...فاكرة ان اللى ممكن تعمليه انتى مش ممكن حد تانى يقدر يعمله وان قدر يعمله يبقى بعد ما انتى تبدئى اول خطوة .....

ده احساس طبيعى لواحدة عاوزة تصلح الكون ....ولما تتعب .بدل ما تقف وترتاح .وتاخد نفسها وتكمل المشوار ....بكت...وانهارت

عموما......

ابكى...يمكن البكاء يغسل كل الالآم ....يمكن تصفى نفسك .

حاجة جميلة قالوها لك ...ودائما برددها وبقولها لأولادى ولكم كلكم ......حبوا نفسكم بدون انانية .....حبوا واعتزوا بنفسكم وثقوا بالله وبنفسكم ..

مش ممكن ياشانا حاتكونى بتصلى وبتقرئى القرآن بقلب صافى .....وتسرحى .

استحالة لو استغرقتى فى القراءة ...استحالة تسرحى فى اى شئ آخر غير كلام الله .

وان لقيتى نفسك سرحتى حاولى تفوقى .......

خدى دش بارد ......استغفرى الله كثيرا ياشانا ...

حاسة بيكى وعارفة انك فى احتياج للأم ..وخصوصا بتفتكرى امك فى مواقف الألم ..بس فاكرة ياشانا ؟؟ فى يوم قلنا واتفقنا ان امك تشعر بك وتشعر بفرحك وحزنك ....

اغسلى احزانك بدموعك ياشانا ...ابكى......ففى البكاء ( احيانا )

راحة للنفس .

ولنا لقاء قريب عبر الاثير ..........

[Cleo]

وقديماً قال الفيلسوف وممبع العبقرية أحمد بن عدوية

كله يدلع نفسه بالعقل والأصول

....

أوعى تدلعها زيادة لتشمت فيك عزول

يعني عشان شعنونة حالتها النفسية بعافية شويه نقوم نديها معلومات غلط ؟!!!

عجيبة والله

يا سيد كتاماندو قائل هذه الأبيات هو الشاعر الصنديد " حسن الاسمر " وليس عدويه .

لأ وكمان إمعانا فى الغلط بيقولك :

ضاقت ولما استحكمت حلقاتها وظننت أنها لا تفرج فرجت

وهى أصلا:

ضاقت فلما استحكمت حلقاتها

فرجت وكنت أظنها لا تفرج

[linux]

شعنونة:

:blink: :blink: mfb: f((: rs: rs:

[حشيش]

عزيزتى جداً شانا :blink:

أنتى بلا شك كما قلتى تعانى من إكتئاب شديد وهو مرض شأنه شأن أى مرض يحتاج لعلاج لدى متخصص....يعنى ليه ماتغيريش الدكتورة بتاعتك وتروحى مثلاً لأحمد عكاشة...أكيد بصفته رئيس جمعية الأطباء النفسيين العالمية كما هو معلوم يعتبر من أكبر المتخصصين على مستوى العالم وبلا شك يعرف أفضل من طبيبتك التى تحدثتى عنها.....فى رأيي بداية العلاج هى أن يعترف المريض بأنه مريض...لأن هذا يعنى أنه لا يد له فيما يعانى منه وأنه مريض محتاج لعلاج.....من كلامك ياشانا ومن أفكار الإنتحار التى تراود تفكيرك من حين إلى أخر أستطيع أن أقول لك أنك بحاجة إلى الطب النفسى وبسرعة وهذا لا هو عيب ولا حرام وطبعاً إنتى دكتورة وأكيد حتفهمى كلامى بدون زعل.....تحياتى :blink: