فيه ايه مضايقك؟ فضفض

[kokowawa1979]

أنا بقى بصراحة الدكتاتورية والتسلط على الغير في أي شيئ خاصة إذا كنت أملك سلطة المنح والمنع!!!!!!!!!!!

وكل لبيب بالإشارة يفهم

[عادل أبوزيد]

فعلا هناك اشياء كثيرة تضايقنى لكن بمرور الوقت نتعود على بعضها و نتعايش معها و يمر بعض الوقت ثم تقفز الى السطح مرة أخرى.

أشد ما يضايقنى الآن احساسى انى معتقل لا استطيع ان اتحرك فى مصر بحرية لأنى لا أعرف المواصلات مثل الأيام الخالية فليس أمامى الا ان أقود السيارة بنفسى و اذهب فقط الى الأماكن الذى يمكننى ان اجد مكان آمن اضع فيه السيارة و لا تستغرب من كلمة آمن هذه منذ شهرين تقريبا تركت السيارة فى الشارع و لم ادخلها فى ساحة المبنى الذى به مكتبى تركت السيارة كسلا لمدة عشر دقائق خرجت اكتشفت سرقة علامة العربية " 200T" طبعا شىء يحرق الدم. اود النزول الى وسط البلد او الذهاب الى السيدة زينب او انزل خان الخليلى كل هذه الأماكن يصعب على الوصول اليها و قد استخدمت سائقا لمدة سنة و نصف طبعا هلك السيارة و بعدها مشى لأنه اشترى تاكسى.

و منذ ايام خطر ببالى ان استخدم القطار و تذكرت وجود ما يسمى اشتراك كيلومترى و لكنى فشلت فى الحصول على معلومة عنه تليفونيا ساذهب غدا الى محطة السكة الحديد للسؤال اتمنى ان انجح فى التجول فى مصر و الإسكندرية و طنطا و المنيا بدون سيارة مثل الأيام الخوالى

[حشيش]

أخاف من الموت وأفكر فيه كثيراً...ليس لحبى للحياة أو تشبثى بها ولكن لخوفى من الله سبحانه وتعالى...أشعر أننى لم أشكر نعمة الله على كما ينبغى أن أشكر...أشغل أوقاتى بالكثير من الكلام الفارغ كمشاهدة التلفزيون وسماع الأغانى والقعدة على النت بالإضافة إلى وقت العمل...هل ما أعطيه لربى من وقتى على قلته سيشفع لى عنده بعد الموت...هو وحده أعلم وأكرم...

[مصرى]

الزميلان سبيدر .. ياسر .. حصل خير .. تحياتى :)

[ragab2]

أكره

الحصانة التى يحصل عليها ضابط الجيش والشرطة وعضو مجلس الشعب

وكل من يحصل على الهيبة والحصانة نتيجة وظيفته أو مركزه أو حتى ماله

وكثيرا ما نستعمل الواسطة للحصول على حقوق لا نستحقها اذا لم نكن فى مكانة تسمح لنا بالضغط والمهابة والحصانة

أشعر

أن المواطنين يجب أن يتساووا أمام القانون ولكن عمليا لا يحدث

وكثيرا ما نسمع مثل .. المية لا تجرى فى العالى

فمتى يتساوى المصريون فى الحقوق والواجبات

الله أعلم

[مصرى]

وهذا يا دكتور رجب هو الفساد .. إستغلال السلطة فى تحقيق منافع شخصية .. والتعريف ليس من عندى ولكنه تعريف الأمم المتحدة للفساد .

[الطفشان]

احبائى الكبار .

...صعب جدا ان الواحد يفضفض  خصوصا لو كانت مشاكله تختلف عن المشاكل  المعتاده  ....خايفه من بكرة ....لى 28 عام خارج مصر من75 ..مشكلتى التى لا يشعر بها غيرى .....انى بدات اشعر بالحنين الى بلدى ،،لكن كيف واولادى  وولدوا هنا وباقى اقل من شهر وتتزوج ابنتى هنا ،،واحفادى سيولدون هنا ،،،زرعنا شجرة واستقرينا ،،لم اترك جزء من قلبى فى مصر ،،لانى اخدت كل مصر معايا جوه قلبى ،،رغم ايمانى خايفه ولا اريد ان اموت وادفن فى غير تراب بلدى ،،لااستطيع العيش بعيدا عن زوجى ،،،الود والامان والصحبه الحلوة هو الوحيد الىبيفهمنى ،،هو لايريد العودة ،،وانا محتارة رغم انى استحاله اقدر اعيش بعيد عن اولادى، بطبعى متفائله جدا ودائما ارى النصف المليان من الكوب  ،،،لكن رغم كل الايجابيات مازلت اشعر ومتاكده ان من امضى فترة طويله فى الغربه يفهمنى  اننا لو كنا وجدنا واحد على عشرة فى بلادنا من احترام لاداميتنا وحسن معامله وتقدير للكفاءات وقليل من حريه الراى ،،،من ما نجده هنا ،،ما كنا تركناها ،،،حاجه من ضمن الحاجات اللى مضايقانى ،،يوم المظاهرات يوم 15 اولادى كلهم  كانوا بيحتجوا مليون وثلاثمائة شخص وانا فى حاله رعب ،،احد اصدقاء ابنى زهب الى العراق من ضمن الدروع البشريه ،،،اولادى لا يستطيعوا فهم الاوضاع على حقيقتها ،،،يقولوا  نحن نعلن رفضنا للقرارات التعسفيه ... يتسائلون لمازا تشعرين بالحزن لانك بعيد عن بلدك ،،ستصادر ارائك  ،، لن يكون باستطاعتك الاحتجاج لو رايت شيئا غير سوي ،،سوف تتالمين عندما تشعرين بالظلم الواقع حتى على الاطفال اللزين اغتالوا طفولتهم .....  خايفه من حاجه مش عارفاها وحاسه اننا اتسرقنا ...على راى المثل زقونا وقعدوا مطرحنا ......

..انتم اللى قلتم فضفضوا ......انا ابكى

سلام.

اختي العزيزة سلوى

اشعر تماما بما تشعرين به

ففي نفس يوم المظاهرات حدث لي ما حدث، و بكيت

و كان مجموعة تراكمات عديدة كثيرة ورا بعض

و حزنت بشدة لوضع امتنا

و فقدت الامل لفترة من اي تحسن في المستقبل

اما عن الموت في بلد اخرى، فهذا لا يقلقني ابدا

كلها ارض الله، و الذي يهم هو العمل الصالح، و رحمة الله

وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ

[Elham]

انا بقى عندى اكتئاب فظيع بقالى اسبوعين تقريبا و ده بسبب الحرب اللى الواحد حاسس انه عاجز قدمها و مش عارف يعمل ايه , الاحساس بالعجز شئ بشع لما الواحد يحس ان الف سلسله حديد ملفوفه حواليه مش قادر يتحرك يحس انه هايتخنق , هو ده احساسى فى اليومين اللى فاتوا دول خصوصا و ان وسائل الاعلام هنا نزله افتراء على المسلمين و العرب و الاداره الامريكيه مش هممها حد و كلامهم كله معناه هانحارب هانحارب , انا بقيت اكره افتح التليفويون من كتر الاخبار اللى تغم و اخيرا اقول حسبى الله و نعم الوكيل فى كل من كان له يد فى اللى احنا فيه دلوقتى.

الاخ طفشان, الاخت سلوى اتفق معكما تماما فى كل ما ذكرتمه و اضيف عليه خوفى الشديد على اولادى و على مستقبلهم ولكن فى النهايه ادعو الله ان يحميهم هم و ابناء المسلمين جميعا.

[بنت شعنونة]

ساكون مثل ست امينة

واقول انا.. :(

انا مش طايقا انا

مرعوبة من الموت

ورغم التزامي الا اني في حالات عدم توازني النفسي افقده تماما وانسى كل حاجا

طبيبتي النفسية دايما تقولي

يا بنتي انتي بتحطمي نفسك بنفسك ...انتي مش سايبا فيها حتة سليمة... لا نفسيا ولا معنويا ولا حتى اجتماعيا؟؟!!

وكل مرة ارد عليها بنفس الرد

انا عارفا

بس انا سبت نفسي الناس تعذبني كتير

من حقي انا بقى اني اعذبها... :?

بتوّه نفسي

عشان ما اولعش فيها

اشي اشغال عجب.. اشي ناس عجب.. اشي نت.. اشي اي حاجا في اي حاجا..

بدور على نفسي؟؟

اكيد..

بتوّه نفسي عشان ما انفردش معاها؟

مليون مرة اكيد...:(

والحل؟

فشلت

ومؤخرا يبدوا اني استسلمت...

رغم اني فيا رفرفة الطير المذبوح وبحاول احاول

لكن حاسا انه مافيش فايدا مني

كائن خي مالوش لازمة في الحياة

يعني بعد ما اخواتي يتجوزوا وكل واحد بيته

انا ها بقى مجرد كم مهمل..:(

وبرضه مش عارفا اعمل ايه

شايفا الحزن في عيون والدي

صعبان عليا قوي...:(

وبيصعب عليا اكتر واكتر لما يشوفني في حالات الجنونة بتاعتي وانا بكسر ازاز بايدايا او اقطع شرايني او او او.........:(

وهوا بيحاول يمنعني

ومسكه المصحف بعد كل مصيبة وايده على راسي يقرالي قران..

ونظرة الأسى في عيونه لما اهب فيه واحمله مسؤولية فشلي في الحياة..:( وفشلي كا انثى حتى :(

لا استطيع ان انسى يوم دخوله المستشفى بسببي بعد ما هبيت فيه وقلتله انت السبب في كل حاجا وحشة في حياتي

ما استحملش :( ودخل المستشفى فيها..... يومها وطيت على ايده وبستها عشان يسامحني

ولو كان في ايدي كنت وطيت على رجله :(

ودلوقتي

حتى الأنفجارات دي اتحرمت منها.....

وبقى لازم اكتم كله جوايا

عشان بحب بابا جدا

وما عنديش استعداد اكون سبب في اي الم ليه.......

عارفا اني كل اللي كتبته غلط في غلط هنا وانه مفروض ما يتكتبش..

بس دلوقتي

واليومين دول

ما بقيتش فارقا معايا اي حاجا........:(

[Seafood]

شعنونة

:( :(

[kokowawa1979]

أنا عارفة د حلاوة لكن مين بقى د عكاشة ده؟؟

الدكتور عكاشة يا ست أمينة هو أستاذ الطب النفسي الشهير واحنا عندنا في مصر 3 دكاترة محتكرين مهنة الطب النفسي وهم : الدكتور عادل صادق والدكتور أحمد عكاشة والدكتور محمد شعلان ومن بعيد لبعيد بيناوشهم الدكتور يسري عبد المحسن

ودول بيدفعوا لحكومة طوفي علشان يخلوهم يصيبوا الشعب بالأمراض العصبية والنفسية على طول الخط .

وربنا ما يجعلك تدخلي عيادة واحد فيهم في يوم من الأيام لإنك لو اضطررت لذلك وربنا مايجيبش شر لابد أن تحجزي ميعاد قبلها بتلات سنين على الأقل :lol: :lol: :lol: :lol:

ولاعجب أن دكاترة الطب النفسي هم اللي سوقهم ماشي زي الحلاوة :lol: :lol: مش كدة واللآ إيه يا دكتور أبو حلاوة :lol: :lol: :lol: :lol: :lol:

[الصاوى]

مرة كنت قدمت على شغلانة فى الإمارات وبعدين باتصل بالشركة كل اللى رد عليا هنود ، فباحكى لواحد صاحبى شغال هناك قال لى انا أول ما نزلت مطار دبى افتكرت نفسى رحت الهند

ولى زملاء تانيين شغالين فى الكويت بيقولولى ان الكويت كلها هنود سيخ وليهم معابد كمان ومن كترهم كانوا بيعترضوا على بناء جامع شوف البجاحه

واللى يفرس أكتر انى كل ما اتعرف على واحد هندى هنا فى كندا يا إما يطلع كان مولود فى الخليج يا إما كان شغال هناك وكلهم أغنياء جدا ويملكون اكثر المحلات التجارية فى البلد

يعنى العرب يشغلوا الهنود والأمريكان فى الخليج والمسلمين فى أمريكا بينطردوا من أشغالهم بالذمة ده اسمه كلام

بالذمة مش المسلمين أولى ولا أنا غلطان

مش حاجه تطهق

[الطفشان]

بصي يا شعنونة

الحاجة الوحيدة الكويسة في اللي كتبتيه انك تشيلي شوية من الهم من على صدرك

مش عارف ايه السبب في كل دة عندك؟

هل حاسة (و اسف للتطفل، و ماترديش ان اردت) انك تاخرتي في الزواج مثلا؟ دة نصيب ووقته حيجيبه ربنا

هل عشان الوالدة الله يرحمها مش موجودة؟ برضه حاجة مش بايدنا!

[Elham]

صحيح يا اخ كوكو واوا الدكتور عادل صادق كان بيدرسلى فى الكليه و عقبال املتكم كده كان بيجى محاضره اه و عشره لأ حاجه كده من ضمن الحاجات اللى تفور الدم و ترفع الضغط

[Elham]

شعنونه كلام الاخ طفشان صحيح كويس انك تفضفضى و علشان خاطرى و خاطر باباك و الناس كلها اللى بتحبك خليك قويه و صدقنى انا متفهمه الاحاسيس اللى انت بتمرى بيها هى هاتاخد فتره و هاتعدى المهم تخليلك قويه و ما تستتلميش لنفسك.

[بنت شعنونة]

الحاجة الوحيدة الكويسة في اللي كتبتيه انك تشيلي شوية من الهم من على صدرك 

استاذ طفشان

انا عمري ما برتاح لما بتكلم..

لآني مؤمنة ان نص اللي ها يسمعوك ها يشمتوا فيك

والنص التاني مش مهتم بيك...

يعني زيد محصل عبيد :?

انما اهو

اهو كله كلام فارغ :(

مش عارف ايه السبب في كل دة عندك؟ 

هل حاسة (و اسف للتطفل، و ماترديش ان اردت) انك تاخرتي في الزواج مثلا؟ دة نصيب ووقته حيجيبه ربنا 

لن انكر صدمتي في كلامك..

:(

حتى اللي عايشين برا مصر بيفكروا زينا؟؟ :(

كل المجتمع المصري ينظر للبنت على انها كائن مريض نفسيا مادام عدت ال 25 وما اتجوزتش او اتخطبت

والكل ينظر على ان المها مصدره الوحيد دا؟

مع انه لا المتجوز مرتاح ولا المش متجوز مرتاح؟ :?

لن انكر اني "كنت " احلم بالزوج....ابن الحلال اللي يراعي ربنا فيا

بس دا كان من 5 سنين فاتت

دلوقتي انا اصبحت اكثر عقلانية

وسبت الأحلام الوردية دي لغيري

لأني نزلت ملعب الوقع مرتين

وعرفت يعني ايه حروب الزواج ويعني ايه نفاق ما قبل الزواج ويعني ايه نفقات الزواج ..الخ الخ الخ

وفجأة

اكتشفت اني لسا ما اعرفش يعني ايه زواج؟ :lol:

بعد تجربتين فاشلتين ارتباط ابتديت افهم يعني ايه زاوج بجد

وانه مش احلام وردية وبس

لالالالالالالالا

دا التزامات مهمة جدا

واكتشفت اني لا استطيع ان التزمها فعلا

يعني انا لا اعرف ابقى زوجة... ولا ها اعرف...

"رحم الله امرءا عرف قدر نفسه"

لأني لا ها اعرف اجامل ولا انافق ولا حتى امثل...

فصدقني

والله العظيم تلاتا... انا سبب اكتأبي مش دا خالص

ولو انا فكرت اتجوز

يبقى فقط عشان اخلص من الكلمة دي اللي خنقتنا كلنا

ان شاء الله اتجوز كلب اعرج....:(

هل عشان الوالدة الله يرحمها مش موجودة؟ برضه حاجة مش بايدنا!

يمكن

ويمكن لا

انما الأكيد.. انه سبب فشلي كانثى ان والدتي مش معايا

ف افتقرت الى ابسط نصائح الأناث...

واستبدلتها بنصائح والدي.... الي هيا...يعني...تمشي الحال..+ ان كل اخواتي صبيان

فطلعت في الأخر شيء كدا مابين البنت و الولد...:lol:

الشكل بنت والتصرفات ولد... :?

ولا انكر ايضا ان وفاتها كانت سبب في مطمع الكثير بي..

انا اكتشفت انه يعتبر بونص... او ميزة لدا الحماوات الفاتنا

لآنها بتاخد راحتها في الأفترا عليا

وبتبقى رايقالي تماما

انما

لو ماما كانت موجودة

زي اي بنت... كانت هيا والحماة ها يتلهوا ببعض وبمشاكل بعض

وتحل عن سمايا

يالله....

خليها على الله...:(

[الطفشان]

لن انكر صدمتي في كلامك..

:(

حتى اللي عايشين برا مصر بيفكروا زينا؟؟ :(

كل المجتمع المصري ينظر للبنت على انها كائن مريض نفسيا مادام عدت ال 25 وما اتجوزتش او اتخطبت

والكل ينظر على ان المها مصدره الوحيد دا؟

مع انه لا المتجوز مرتاح ولا المش متجوز مرتاح؟  :?

يا ستي ابدا

انا استنتجت كلامي دم من واقع

مداخلات لكي قبل كدة

و قد يكون استنتاجي خطأ

لما قلتي عمتك جابت لك عريس، و انا هزرت، و قلتي لو تعرف اللي في ما كنتش قلت كدة

و لما قلتي انك اتخطبتي مرتين

الخ

و انا قلت دة نصيب و بتاع ربنا

وفجأة

اكتشفت اني لسا ما اعرفش يعني ايه زواج؟ :lol:

و مش حتعرفي

لغاية بعد ما تتجوزي بسنين طويلة

واكتشفت اني لا استطيع ان التزمها فعلا

يعني انا لا اعرف ابقى زوجة... ولا ها اعرف...

"رحم الله امرءا عرف قدر نفسه"

و هو انا عرف كنت ابقى زوج و الا اب قبل ما اتجوز و اخلف؟

في حد منا عمل بروفات مثلا!

ما تكبريش الموضوع زيادة عن اللزوم، الحاجات حتييجي في وقتها بتلقائية

و مش لازم نفاق و لا تصنع

هل عشان الوالدة الله يرحمها مش موجودة؟ برضه حاجة مش بايدنا!

يمكن

ويمكن لا

انما الأكيد.. انه سبب فشلي كانثى ان والدتي مش معايا

ف افتقرت الى ابسط نصائح الأناث...

واستبدلتها بنصائح والدي.... الي هيا...يعني...تمشي الحال..+ ان كل اخواتي صبيان

فطلعت في الأخر شيء كدا مابين البنت و الولد...:lol:

الشكل بنت والتصرفات ولد... :?

و يمكن شعورك بافتقادها حيخليكي حنونة على ابن الحلال (ربنا يعينه يعني :lol: )

و تكوني اقرب لاولادك، لانك مش عايزاهم يشوفوا اللي شفتيه

ولا انكر ايضا ان وفاتها كانت سبب في مطمع الكثير بي..

انا اكتشفت انه يعتبر بونص... او ميزة لدا الحماوات الفاتنا

لآنها بتاخد راحتها في الأفترا عليا

وبتبقى رايقالي تماما

انما

لو ماما كانت موجودة

زي اي بنت... كانت هيا والحماة ها يتلهوا ببعض وبمشاكل بعض

وتحل عن سمايا

و الله الجواز في مصر بقى صعب، ام او لأ، حما او لأ

فدة يمكن عامل صغير في المشاكل الكثير التانية

شفنا ناس امهاتها موجودة و اتشحططوا، و العكس

[مصرى]

توفيق الحكيم

كان له قصة جميلة جدا .. إسمها "رحلة الى الغد "

القصة بإختصار أنهم قرروا إرسال رحلة الى كوكب مجهول .. ولأن الرحلة غير مأمونة العواقب .. فقد إختاروا أن يكون روادها مجموعة من المحكوم عليهم بالإعدام .. الذين فرحوا جدا بإختيارهم لهذه الرحلة التى قد يموتون فيها .. لأن رفضهم يعنى بالتأكيد تنفيذ الحكم وموتهم

وحينما وصلوا الى ذلك الكوكب المجهول .. إكتشفوا شيئا غريبا وهو أن هذا الكوكب لا يوجد فيه موت .. لا أحد يموت فى ذلك الكوكب على الإطلاق .. فرحوا جدا فى البداية .. لكنهم ما لبثوا أن وجدوا أن كل شيىء قد صار فراغا تاما .. فما جدوى أن يعملوا ويزرعوا .. وهو ليسوا محتاجين للطعام .. فلا موت .. وما جدوى أن يلبسوا وهم لا يهمهم مرض ولا برد ولا حر .. فلا موت .. وما جدوى الابداع والحياة أمامهم ممتدة الى مالا نهاية ..

وشعر رواد الرحلة بقيمة الموت .. وأنه نعمة من الله .. لا تستقيم الحياة بدون الموت ..

إهداء الى من يكرهون الموت

مع تمنياتى للجميع بالصحة والستر والعمر المديد .. :lol:

[kokowawa1979]

عشان بحب بابا جدا 

وما عنديش استعداد اكون سبب في اي الم ليه....... 

عارفا اني كل اللي كتبته غلط في غلط هنا وانه مفروض ما يتكتبش.. 

بس دلوقتي 

واليومين دول 

ما بقيتش فارقا معايا اي حاجا........

جرى إيه يادكتورة شعنن هو انت ماعندكيش حالة وسط ياتطيري بنا كلنا في سماء الكوميديا ياتنزلي بنا الأرض بالنكد زي أمينة رزق :lol:

وحدي الله وروقي انت يكفيك برك بوالدك وخوفك عليه ده أنا أعرف واحد أبوه كان غني جدا وكان هذا الشاب يتمنى موت أبوه على وجه السرعة علشان يورث أبوه على الرغم من إن أبوه ماكانش حارمه من شيئ لكن تقولي إيه جحود بقى وفي يوم ونحن واقفون فوجئنا بانهيار جزء من مبنى قديم اشتراه أبو هذا الشاب أثنا تكسير المبنى لعمل عمارة جديدة وفوجئنا بالرجل يسقط مع المبنى وجرينا مسرعين لإنقاذه عارفة يادكتوره الراجل قال إيه أول ماشاف ابنه قدامه :

ابعد عني يابني صدقني أنا هاموت لوحدي لشعور الرجل أن ابنه جاء ليكمل عليه وليس لينقذه :mad: وكان موقف لم ينساه هذا الشاب طول حياته حتى دخل السجن في قضية شيك بدون رصيد وقضية أخلاقية وهذا نتيجة غضب والده عليه

فروقي كدة ياشعنن وإذا ما جاءت لك هذه الحالة مرة أخرى سارعي بالوضوء لأنه يطفئ نيران الغضب وقومي بصلاة ركعتين لله وسوف تشعرين بعدها بالأمن والسكينه

واللهم اجعل أبناءنا يحبوننا كما تحب الشعنونة أباها

آمين

[MuslimaEgyptian]

ايه ده يا شانا...:(...كنت دائما أقرأ هذا الجانب من مداخلاتك ولكن عمرى ما شفته بالدرجه دى... أدعو لكى خالصه ان يهون الله عليكى هذه الاحاسيس ويبدلها برضاء وسعاده وإقتناع وخصوصا الرضاء والاقتناع لأن مفيش حد كامل وكلنا عندنا مشاكلنا وأشياء تؤرقنا ولكن يجب ان نحمد الله على كل حال..حلوه ومره...مره شاهدت لقاء جميل مع أستاذ جامعى على مقعد متحرك، ثم بعد ان ناقشته المذيعه فى مجاله وطلابه ومضمون دراساته...نظرت له وسألته...انا فى سؤال مش عارفه أسأله ولا لأ...هل تخجل من الاعاقه وتتمنى لو كنت بتمشى عادى...فابتسم لها ابتسامه كلها هدوء وايمان وقال..أبدا..بل انا محظوظ لأنها من عند الله..وهل أستجرأ وأخجل من شئ قدره لى؟ :lol::) كان كلام مؤثر جدا..

ثانيا،أستحى ان أتعمق اكثر

فى كلام عن أشياء شخصيه خاصه بكى امام الملأ، ففقط سأقول لكى اننى أؤمن طبعا بأن هناك أشياء أكبر منا تجعلنا نشعر ما نشعره لأسباب متعدده وقد يتطلب متخصص ليعيننا عليها، ولكن فعلا فى كلام الله والدعاء له المعجزات..المعجزات...ودرس عمرو خالد عن ذكر الله أكثر من رأئـــــع...أكثر من رأئـــــع...ففيه يتكلم عن كيف ان ذكر الله (وهناك امثله مخصصه) ليست فقط كلام على اللسان...ولكن بالوقت والتكرار، يتحول الى طاقه تعين النفس على مشاكلها...ثم ان هناك أدعيه رسول الله صلى الله عليه وسلم كشفاء من الهم والحزن والكرب..

ثالثا...بعد الاستعانه بالله، أؤمن بقدره الانسان العجيبه فى التغلب على أزماته بنفسه...والنظر للأمور بطريقه غير انهزاميه...تنظر للجانب الايجابى...وترى النصف الملئ من الكوب...هو بأمر صعب ولكن ليس مستحيل...وقد يكون للطبيب النفسى طرق شتى فى مساعده الشخص الوصول الى ذلك....ولكن انت قادره يا شانا تعملى ده لنفسك...فإنت

متعلمه ومثقفه ومرحه وعلى درايه بالامور حولك و و و...وفعلا تستطيعى الوصول لذلك...وانت لوحدك لازم توصلى لكده مهما قلنا وعدنا...إنت..إنت وبس...

رابعا...نرفد الطبيبه النفسيه علشان شكلها مش شايفه شغلها كويس :lol:

نسمع عنك كللل خير ان شاء الله....