فيه ايه مضايقك؟ فضفض

[bentmasria]

تأكدى انهما سامحاكى يا كليو فقط انت حاولى النسيان وسامحى نفسك

ابتسمى لغد قادم واطوى صفحة الالم بما فيها

وانظرى الى عيونهما بابتسامة من يطلب الصفح

تجدينه سكن قلوبهم وعيونهم

وتضرعى فى دعائك لله عز وجل ان يملأ قلوبهما رحمة ورضا عليك

بارك الله فيكى وكتب لك كل خير

بنت مصريه

[METALLICA]

بناء على طلب الأخت بنت مصرية

ده ملف إختبار للإكتئاب

testuself.zip

[kfaya]

كلامك مش كلام هباب من جعر الكباية .... ده جرح لسه بيوجعك و لازم تداويه لو مش هتعرفى تنسيه ..

مش هقولك نصيحة ... بس دى ثوابت الكون و ناموس الحياة

الأبوين مستودع حب و حنان و رحمة و مغفرة لا ينفذ أبد و لا ينضب له معين ... عطاء بلا حدود و بلا من و بلا انتظار حتى لكلمة شكر ....

قد نسيئ لأحدهما فى غمرة أندفاع طائشة , او نتسبب فى جرح مشاعرهما بنقص فى الخبرة أو جهل بأمور الحياة ... و نظل نتألم و نتعذب أسفا على ما قدمت يدانا , و الحقيقة أنهما قد سامحا و غفرا منذ زمن .... و ما زلنا لم نسامح أنفسنا ..

ان كانت بهما جراح تنزف .... فهى تنزف حبا لك و لهفة عليك ....ستقر عينهما بالأطمئنان عليك و رؤية أطياف السعادة تحيط بك ..

أكثرى من الدعاء لهما و لنفسك فى تلك الأيام المباركة .... و سيفرج الله الكرب و يكشف الهم بحوله و قوته ..

[أسد]

مفيش أخبار عن سيد مرزوق ...

آخر مداخلة له منذ حوالي شهرين ...

وكانت لديه مشكلة ...

ياريت نطمئن عليه بأي شكل ممكن ...

[Cleo]

هومر....

بنت مصرية...

أستاذ كفاية...

لا أجد ما أشكركم به على رقيق مشاعركم...

تذكرونى بالدعاء فى هذه الأيام المفترجة..

لا إله إلا الله الحليم الكريم..

لا إله إلا الله العلى العظيم..

لا إله إلا الله..

رب السماوات السبع..

وربا لعرش العظيم.

[Salwa]

ايه ياكليو ؟؟

ليه بتفتكرى فى اى شئ مؤلم ؟؟

الأيام وحدها كفيلة بعلاج كل شئ .....هى خير دواء فعلا .

حقولك على حاجة .......

لما كنت صغيرة وكنت اوقات ازعل مع اخواتى لأى سبب....مثلا كانوا ياخدوا كتبى ويرجعوهالى مكتوب عليها فى الهوامش ..حاجات كدة يعنى .

كنت احزن قوى ...واقول هى حاجتهم غالية عندهم .....وحاجتى انا رخيصة ؟؟

يمكن ده يخليكى تقولى ..وايش جاب ده ل ده ؟

حقولك ...ان ده كان بيحزننى جدا .........مش بيحزننى ان الكتاب ضاع او اتقطع او اتكتب عليه ..........لا..

بيحزننى اكثر طريقة معاملتهم لكتبى انا .او لاشيائى الخاصة .........احيانا .

وكانت والدتى تقول لى ...ماتكبريش المواضيع ده حصل بدون قصد.........

ازعلى من اختك...او اخوكى ..بعد ثلاثة ايام ..

كانت تقول لى ...اعطى لنفسك مهلة ثلاثة ايام وبعدين احكمى على الناس ....وقررى حاتخاصميهم والا لأ ....

وكبرت......واتغيرت المشاكل ....والآلام.....

ومازلت ماشية على نفس .....( ال...ترابيا )

ازعل واصمم.......حعمل وحعمل .......ثم اتريث ....وانتظر ثلاثة ايام .

الأفكار بتتغير وبيكون القرار صائب.....

حتى لو كان فيه الآم.........ومازال جرحك ينزف ......لكنه بالتأكيد لا ينزف كما لو كنتى مازلتى تعيشين نفس الحدث المسبب لآلامك ؟؟........صح.؟

البتر بيكون علاج.....

لكنه دائما سيظل بتر ......وكلما نظرنا له سوف نتذكر ..

لكن مفروض نتذكر ايضا ....اننا اتخذنا القرار المناسب فى الوقت المناسب .......

اضحكى وانظرى للدنيا بأمل .....

تأكدى ان والديك يتألمان فقط اذا كنتى تتألمين انتى .....

غير كدة ....

ثقى ان الآباء لا يتذكرون اساءة الأبناء ....او بمعنى اصح....يتناسوها دائما .....

لا وقت للحزن ياكليو .....

ربنا يسعدك ويسعد كل البنات ....

[Farida]

مضايقنى قوى حكايه الأب اللى قتل سبع بناته لأنه مش بيحب البنات و عرفت من بعض الجرائد انه كان ميسور الحال و انه كان مؤذن القريه كمان .....ليه النظره الدونيه دى لخلفة البنات مازلت موجوده رغم ان الرسول عليه الصلاة و السلام لم ينجب او لم تعش له الا البنات ....لإين علماء الأجتماع عندنا فين علماء الدين فين المجلس القومى للمرأه فين ماما سوزان .....بس كل ده حا يعمل ايه فى امخاخ و طريقه تفكير شعب اكثر من نصفه امى و جاهل و متدين بالأسم فقط ....حسبنا الله و نعم الوكيل

[فــيــروز]

فيه ايه مضايقك؟ فضفض

cbyb: cbyb: cbyb:

[linux]

مضايقنى قوى حكايه الأب اللى قتل سبع بناته لأنه مش بيحب البنات و عرفت من بعض الجرائد انه كان ميسور الحال و انه كان مؤذن القريه كمان .....ليه النظره الدونيه دى لخلفة البنات مازلت موجوده رغم ان الرسول عليه الصلاة و السلام لم ينجب او لم تعش له الا البنات ....لإين علماء الأجتماع عندنا فين علماء الدين فين المجلس القومى للمرأه فين ماما سوزان .....بس كل ده حا يعمل ايه فى امخاخ و طريقه تفكير شعب اكثر من نصفه امى و جاهل و متدين بالأسم فقط ....حسبنا الله و نعم الوكيل

فعلا، قرأت الخبر و أحسست بالقرف الشديد.

الأسلام غير مفهوم الجاهلية عن البنات و لكن مازال يعيش وسطنا من هم اسوء فكر من أيام الجاهلية.

يقول عليه الصلاة والسلام «من كان له ثلاث بنات يؤويهن ويكفلهن ويرحمهن وجبت له الجنة البتة» قيل يا رسول الله وان كان اثنتين‚ قال وان كان اثنتين‚ وقالو له: وان قيل له وان كانت واحدة لقال: ولو كانت واحدة‚

ويقول صلى الله عليه وسلم «من عال جارية حتى تبلغ وفي رواية «ومن عال جاريتين حتى تبلغا أنا وهو كهاتين فأشار باصبعيه مضمومين»‚ وفي حديث آخر «من رزق بأنثى فلم يؤذها ولم يهنها ولم يؤثر ولده عليها دخل الجنة» وهنا يظهر فضل البنت في الاسلام

[METALLICA]

خلاص يا ماما . . . .

غرقتي المنتدى عيااااااااااااااط :rolleyes:

[Cleo]

مضايقنى قوى حكايه الأب اللى قتل سبع بناته لأنه مش بيحب البنات و عرفت من بعض الجرائد انه كان ميسور الحال و انه كان مؤذن القريه كمان .....ليه النظره الدونيه دى لخلفة البنات مازلت موجوده رغم ان الرسول عليه الصلاة و السلام لم ينجب او لم تعش له الا البنات ....لإين علماء الأجتماع عندنا فين علماء الدين فين المجلس القومى للمرأه فين ماما سوزان .....بس كل ده حا يعمل ايه فى امخاخ و طريقه تفكير شعب اكثر من نصفه امى و جاهل و متدين بالأسم فقط ....حسبنا الله و نعم الوكيل

فعلا، قرأت الخبر و أحسست بالقرف الشديد.

الأسلام غير مفهوم الجاهلية عن البنات و لكن مازال يعيش وسطنا من هم اسوء فكر من أيام الجاهلية.

يقول عليه الصلاة والسلام «من كان له ثلاث بنات يؤويهن ويكفلهن ويرحمهن وجبت له الجنة البتة» قيل يا رسول الله وان كان اثنتين‚ قال وان كان اثنتين‚ وقالو له: وان قيل له وان كانت واحدة لقال: ولو كانت واحدة‚

ويقول صلى الله عليه وسلم «من عال جارية حتى تبلغ وفي رواية «ومن عال جاريتين حتى تبلغا أنا وهو كهاتين فأشار باصبعيه مضمومين»‚ وفي حديث آخر «من رزق بأنثى فلم يؤذها ولم يهنها ولم يؤثر ولده عليها دخل الجنة» وهنا يظهر فضل البنت في الاسلام

لازال فقراء القرى فى الصعيد يعيشون كما كان يعيش أسلافهم من عرب الجاهلية...

بالنت عار...

البنت لا ترث..

البنت لابن عمها بالإجبار

هذا فضلا عن جرائم الثأر...

بخلاف شرب المخدرات و الخمور وهى من علامات ارجولة التى لا تتجزأ هناك

أى إسلام هذا؟؟؟ أليست هذه هى الجاهلية بعينها؟؟؟ أين الأزهررررررررررررر وشيوخه.....!!!!!!!!!

[فــيــروز]

خلاص يا ماما . . . .

غرقتي المنتدى عيااااااااااااااط mfb:

يا ربى حتى العياط مستكترينه عليا

دى حاجه تدعو للعياط اكتر

cbyb: cbyb: cbyb: cbyb:

:lol:

[Lighthouse]

خلاص يا ماما . . . .

غرقتي المنتدى عيااااااااااااااط lck::

يا ربى حتى العياط مستكترينه عليا

دى حاجه تدعو للعياط اكتر

cbyb: cbyb: cbyb: cbyb:

:o

طيب انا عندي حل عملي ومفيد mfb:

بدل العياط خدي متاليكا على جنب

وانزلي فيه ضرب :lol:

ولا يهمك

اكيد ح ترتاحي وانا ح ارتاح كمان لو ضربت معاكي

[Lighthouse]

مضايقني جدا مايحدث في العراق وفلسطين

اخواتنا في الفلوجة ومايحدث لهم على ايدي الامريكان واعوانهم من الخونة lck::

ح تقولوا بطلي تتفرجي على نشرات الاخبار

جربت mfb:

بس حسيت ان ده تفكير اناني جدا

يعني هم غارقانين في التفجيرات والقنابل والصواريخ تطير فوق رؤوسهم ليل ونهار وليس لهم مأوى :o

والواحد خايف على نفسه من مشاركتهم بعض محنتهم ولو بالمشاركة الوجدانية

مش عارفة صراحة

قبل الحرب استضافوا طبيب نفسي في التليفزيون

وقال ان المنطقة ستتعرض لنوعين من الاكتئاب

نوع سيتعرض له المعاصرين مباشرة للحرب والمتضررين المباشرين منها :lol:

ونوع اشد منه ستعرض له المتابعين للحرب عن طريق وسائل الاعلام

وسبب شدة الاكتئاب هو شعور عميق بالتقصير تجاه اخوتنا واننا لم نستطع مساعدتهم

ha) :D

[Farida]

المشكله الأكبر فى اللى حدث فى الصعيد هو عدم الأهتمام بهذه المناطق (ما عدا قنا ربنا يخلى لها محافظها اللى دلوقتى الصعايده هم اللى بيبعتوا بناتهم يشتغلوا فى المشاريع ده لثقتهم الكبيره فى ممثل الحكومه هناك) يعنى احنا بنتكلم على الأيجابيه و الدين و حقوق المرأه و التعليم و غيره و هم فى بلد تانيه ضحيه للثلاثى الجهنمى الفقر و الجهل و المرض ..

[Katamando]

اود ان الفت الإنتباه أن الفضفضة تقتصر على الهموم الشخصية فلا سياسة لو سمحتم حيث أن هناك أبواب أخرى تعنى بها

هذا للعلم

وشكراً

[Merci X]

انا قرفان و زهقان .. كل يوم نفس الروتين الممل ..

الصبح .. كليه .. وبالنهار نوم .. وبالليل تضييع وقت ..

وفي النص وجبه الغداء .. لاني بكره الافطار و العشاء وبعتبرهم همجيه في الاكل .

امبارح مثلا , يوم من ايامي المقرفه .. وما اكثرها .

صحيت الساعه 7.30 .. ووصلت الكليه الساعه 9.30 فاتتني المحاضره الاولي زي عادتي دايما من ساعه ما دخلت الكليه .. مش مهم .. اقف وسط الجحافل مش فاهم حاجه .. الراجل اللي بيتكلم بيتكلم عن ايه ؟؟ هي دي محاضره ايه ؟؟ هو النهارده يوم ايه ؟؟ اه .. كده انا افتكرت .. طبعا الدكتور بعيد جدا .. واستحاله اشوفه بالعين المجرده , ناهيك عن انه محاط بحلقات دائريه من البشر و كأننا في خطبه الجمعه في جامع السيده زينب .. ولسنا في الجامعه

الراجل صوته عمال يتواصل و يتواصل .. كل سنه وانتو طيبين .. عيدتم خلاص(صوت همس وضحكات مسرسع علي خشن) ... نرجع بقي للدراسه .. كنا بنتكلم عن القوانين الملونه ( المدونه بس انا سمعتها غلط) ......... و.....و....و...

ساعتين من الصداع اسمعهم .. بعدها اخرج لاجلس في الحديقه تحت الشجره و اعيش في دور نيوتن ... افكر في كل شئ بدايه من المباني المتسخه وحتي احدث افلام هوليوود ..

وبعدها لو شوفت حد من المعارف اقضي معاه ربع ولا نص ساعه و بعدها اروح بيتنا بالمترو ... والزحمه قاتله .. و بق العبد لله بيبقي لازق في زجاج باب العربيه .. و المنظر بيبقي هباب وبهدله ما بعدها بهدله ...

بعدها اوصل لبيتنا .. و الباقي معروف يأما النوم يا أما الغداء ...

وبعدها اكمال اليوم في التفاهات .. لان المذاكره طبعا في مؤخره اهتمامتي في هذه المرحله الخطيره من حياتي ..

[ragab2]

فيه ايه مضايقك؟ فضفض

كل حاجة بتضايق

أولها أنى مثقف وأعيش فى بلد غير ديموقراطية

وهذا لا يدعو الى احترام العالم لنا

[Katamando]

يضايقني اكتشاف مستوى ضحالة البعض والذين كنت ارى أنهم على مستوى معين من الفهم والفكر، فأصدم واصاب بغصة

وبعدها احاسب نفسي على عدم حسن تقديري للأشخاص

فهل حدث ذلك مع أحد منكم؟

تم تعديل 30 نوفمبر 2004 بواسطة Katamando

[emmyyy]

ايه ال بيحصل حد بتحبه اوي و مستعد تضحي علشانه يستهين بيك للدرجه دي ليه الناس فاكره ان التضحيه ضعف ليه فاكرين ا ااحب ضعف ليه يدفعوا الانسان الكويس انه يكون وحش ليه زي ما بيقولو لازم تكون ذئب وسط الذئاب لي الناس بتدوس علي بعض لييييه